السلام عليكم وبعد..
ماشفتش في مجتمعنا حاجة يحبوها كيما يحبوا الجدال ولا كيما نقولوا " المغالبة " ، غير يطرح الواحد فكرة حتى تلقى اللي دايرين بيه يسارعوا بالاعتراض ويتوسعوا في النقد والتقليل في رأيوا، وفجأة تلقى الموضوع تحول لمسألة شخصية ويخرج على المسار
تاعو وتلقى كل واحد يحاول انو يثبت وبطريقة خاطئة انو هو الصحيح والآخر غالط،وبطبيعة الحال يحاول الطرف الآخر انو يدافع على رأيوا ويثبت للآخر انوا هو المخطيء وماتستغربش اذا كان الجدال أصلا على أمر لا يكاد يذكر ولا مايستحقش الجدال أصلاً !
بصح السؤال هو علاه الناس تتجادل من الأساس؟
الحقيقة هي انو مسئلة الجدال هذي ناتجة أساساً من الوعي الناقص للمعني تاع النقاش، فالواحد منا رجع كي يدخل في نقاش يضن أنو لازم يربح ولا راهو يعتبر خاسر! فرجعنا نشوفو الواحد كي يعود يتناقش تلقى العروق نتاعو انتفخت ووجهوا احمر ويعلي في صوتوا وهذا اكل باه يثبتلك بلي هدرتوا صحيحة، بصح في الأخير راح يروح وهو هاز الحقد على الطرف الآخر وهذا اكل لانو حب يبين نفسوا عليه..ودرك رجعت هذي هي أغلب نهايات الجدال عندنا!
بصح الحاجة لمليحة و الي لازم نعلموها ونعرفوها دائماً ان الله عز وجل الي خلقنا بيده ونفخ فينا من روحه، يعرف جيداً واش يسبب الجدال العقيم هذا في نفوسنا ويعلم جيداً العواقب الوخيمة نتاعوا..ولهذا وضعلنا حل جذري للمشكل تاع الجدال؟
بصح واش هو هذا الحل؟ بما أنو الله هو اللي أعطاهولنا فــ بالتأكيد راح يكون حل سليم ومكانش حل اصح منوا، أصلا كيفاش نبحثوا على حل اصح والي صنعنا هو من اعطانا اياه..
الحل نوجدوه في حديث الرسول صلى الله عليه وسلم
قال صلى الله عليه وسلم: "أنا زعيم ببيت في ربض الجنة لمن ترك المراء وإن كان محقا،.."
المراء: أي الجدال
ممكن الواحد تجيه صعيبة شوي انوا يترك جدال وهو على صواب..
بصح شوف ولاحظ معايا شخص يموت على الجدال ويحب يظهر نفسوا على حساب غيروا، ولاحظ ثاني بلي هذا الشخص دايمن يكمل في العناد تاعوا ويزيد في الغلطات باه يثبتلك برك انوا على صواب! وهذا الشي يخليه يفقد احترامو وقيمتوا قدام الناس ويولي معروف عندهم أنو ناقص عقل ومايهموش غير انو هدرتوا الي صحيحة وحتى ولوكان كانت غالطة، فتلقى الناس تجبد عليه ومام صحابوا يتجنبوا النقاش معاه بويسك علابالهم راح يتحول لجدال عقيم وواحد ماراح يستفاد في النهاية ..
بصح في المقابل نشوفوا موقف تاع شخص قاعد يقنع في طرف آخر برأيو بصح مع اصرار الطرف الآخر انوا يحول النقاش لجدال ومع بداية ارتفاع الأصوات لاحظ الشخص هذاك انو الآخر حاب يَوَصْلٌوا لجدال عقيم فقرر انوا يسكت عليه بالرغم انو علابالوا بلي هو اللي على حق..
في رايك نتا معمان راح تتعطاف الناس الحاضرة في هذي الحالة؟
كاينة قصص وعبر كثيرة في السكوت والصمت وكيفاش تتعاطف الناس مع لي يصمت في الجدال وهذي من طبيعة الانسان..
كاينة قصة شفتها قدام عيني..غضب واحد وتقلق بزاف على الآخر بويسك حاب يثبتلوا انو وجهة الرأي نتاعوا صحيحة ،فواش صرا غير انوا الناس اللي كانت حاضرة استغلوا الغضب نتاع هذاك الشخص وحاولوا يستفزوه بويسك كشفلهم بلا ماينتبه انوا انسان قلايقي كيما نقولوا ولا دموا سخون، فلقى روحوا في موقف مايعجب لا عدو ولا حبيب ومباشرة انسحب وحاول يحفظ ماء وجهوا والناس قاعدين يضحكوا عليه!..
كي شفت حالتوا قلت علاش تجادل أصلاً..مع انوا الموضوع ماكانش يحتاج جدال!
وفي الأخير حبيت نقوللكم بلي الجدال العقيم هذا مايجيب غير النقص لقيمة الانسان، ولي يكثر منوا مع الوقت راح يولي يحس بعقدة تاع نقص في داخلوا ويولي يلقى في الجدال فرصة باه يبينها..وفي الحقيقة انو الفوز أحيانا فيه خسارة ..بويسك قادر تخسر نفسك وتخسر الناس وتخسر انسان جادلتوا بويسك تعمدت انك تحرجوا وبالتالي راح تكسبوا كعدو...وقادر تخسر جدال ولكن تربح محبة الناس وتكسب الانسان اللي جادلتوا كصديق..
والإنسان اللي واثق في نفسوا تلقاه يناقش ومايجادلش..ويطرح وجهة النظر تاعوا بهدوء ويدافع عليها بمنطقية والهدف نتاعوا التوضيح وماشي كسب الآخر..واذا حس انوا على خطأ تلقاه يعترف ويقتنع ومايشعرش بالاحراج مطلقاً! وبهذا راح يرضي الله ويكسب شخص كان ممكن انوا راح يكون عدو ليه...
ماشفتش في مجتمعنا حاجة يحبوها كيما يحبوا الجدال ولا كيما نقولوا " المغالبة " ، غير يطرح الواحد فكرة حتى تلقى اللي دايرين بيه يسارعوا بالاعتراض ويتوسعوا في النقد والتقليل في رأيوا، وفجأة تلقى الموضوع تحول لمسألة شخصية ويخرج على المسار
تاعو وتلقى كل واحد يحاول انو يثبت وبطريقة خاطئة انو هو الصحيح والآخر غالط،وبطبيعة الحال يحاول الطرف الآخر انو يدافع على رأيوا ويثبت للآخر انوا هو المخطيء وماتستغربش اذا كان الجدال أصلا على أمر لا يكاد يذكر ولا مايستحقش الجدال أصلاً !
بصح السؤال هو علاه الناس تتجادل من الأساس؟
الحقيقة هي انو مسئلة الجدال هذي ناتجة أساساً من الوعي الناقص للمعني تاع النقاش، فالواحد منا رجع كي يدخل في نقاش يضن أنو لازم يربح ولا راهو يعتبر خاسر! فرجعنا نشوفو الواحد كي يعود يتناقش تلقى العروق نتاعو انتفخت ووجهوا احمر ويعلي في صوتوا وهذا اكل باه يثبتلك بلي هدرتوا صحيحة، بصح في الأخير راح يروح وهو هاز الحقد على الطرف الآخر وهذا اكل لانو حب يبين نفسوا عليه..ودرك رجعت هذي هي أغلب نهايات الجدال عندنا!
بصح الحاجة لمليحة و الي لازم نعلموها ونعرفوها دائماً ان الله عز وجل الي خلقنا بيده ونفخ فينا من روحه، يعرف جيداً واش يسبب الجدال العقيم هذا في نفوسنا ويعلم جيداً العواقب الوخيمة نتاعوا..ولهذا وضعلنا حل جذري للمشكل تاع الجدال؟
بصح واش هو هذا الحل؟ بما أنو الله هو اللي أعطاهولنا فــ بالتأكيد راح يكون حل سليم ومكانش حل اصح منوا، أصلا كيفاش نبحثوا على حل اصح والي صنعنا هو من اعطانا اياه..
الحل نوجدوه في حديث الرسول صلى الله عليه وسلم
قال صلى الله عليه وسلم: "أنا زعيم ببيت في ربض الجنة لمن ترك المراء وإن كان محقا،.."
المراء: أي الجدال
ممكن الواحد تجيه صعيبة شوي انوا يترك جدال وهو على صواب..
بصح شوف ولاحظ معايا شخص يموت على الجدال ويحب يظهر نفسوا على حساب غيروا، ولاحظ ثاني بلي هذا الشخص دايمن يكمل في العناد تاعوا ويزيد في الغلطات باه يثبتلك برك انوا على صواب! وهذا الشي يخليه يفقد احترامو وقيمتوا قدام الناس ويولي معروف عندهم أنو ناقص عقل ومايهموش غير انو هدرتوا الي صحيحة وحتى ولوكان كانت غالطة، فتلقى الناس تجبد عليه ومام صحابوا يتجنبوا النقاش معاه بويسك علابالهم راح يتحول لجدال عقيم وواحد ماراح يستفاد في النهاية ..
بصح في المقابل نشوفوا موقف تاع شخص قاعد يقنع في طرف آخر برأيو بصح مع اصرار الطرف الآخر انوا يحول النقاش لجدال ومع بداية ارتفاع الأصوات لاحظ الشخص هذاك انو الآخر حاب يَوَصْلٌوا لجدال عقيم فقرر انوا يسكت عليه بالرغم انو علابالوا بلي هو اللي على حق..
في رايك نتا معمان راح تتعطاف الناس الحاضرة في هذي الحالة؟
كاينة قصص وعبر كثيرة في السكوت والصمت وكيفاش تتعاطف الناس مع لي يصمت في الجدال وهذي من طبيعة الانسان..
كاينة قصة شفتها قدام عيني..غضب واحد وتقلق بزاف على الآخر بويسك حاب يثبتلوا انو وجهة الرأي نتاعوا صحيحة ،فواش صرا غير انوا الناس اللي كانت حاضرة استغلوا الغضب نتاع هذاك الشخص وحاولوا يستفزوه بويسك كشفلهم بلا ماينتبه انوا انسان قلايقي كيما نقولوا ولا دموا سخون، فلقى روحوا في موقف مايعجب لا عدو ولا حبيب ومباشرة انسحب وحاول يحفظ ماء وجهوا والناس قاعدين يضحكوا عليه!..
كي شفت حالتوا قلت علاش تجادل أصلاً..مع انوا الموضوع ماكانش يحتاج جدال!
وفي الأخير حبيت نقوللكم بلي الجدال العقيم هذا مايجيب غير النقص لقيمة الانسان، ولي يكثر منوا مع الوقت راح يولي يحس بعقدة تاع نقص في داخلوا ويولي يلقى في الجدال فرصة باه يبينها..وفي الحقيقة انو الفوز أحيانا فيه خسارة ..بويسك قادر تخسر نفسك وتخسر الناس وتخسر انسان جادلتوا بويسك تعمدت انك تحرجوا وبالتالي راح تكسبوا كعدو...وقادر تخسر جدال ولكن تربح محبة الناس وتكسب الانسان اللي جادلتوا كصديق..
والإنسان اللي واثق في نفسوا تلقاه يناقش ومايجادلش..ويطرح وجهة النظر تاعوا بهدوء ويدافع عليها بمنطقية والهدف نتاعوا التوضيح وماشي كسب الآخر..واذا حس انوا على خطأ تلقاه يعترف ويقتنع ومايشعرش بالاحراج مطلقاً! وبهذا راح يرضي الله ويكسب شخص كان ممكن انوا راح يكون عدو ليه...
وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِنْ كُلِّ مَثَلٍ ۚ وَكَانَ الْإِنْسَانُ أَكْثَرَ شَيْءٍ جَدَلًا)
