يا ختي راني غالط في العنوان

[جزائرية للابد18]

السلام عليكم يا جماعة اللمة صباح الخير ومساء النور وليلة سعيدة (على حسب الوقت اللي قريت فيه هاذا الموضوع) المهم هدا اول موضوع ليا بعد رجوع منتدى اللمة اللي توحشتوا بزاف بزاف :sheer::shiny:وراني سعيدة انو رجع واحسن من الاول المهم ندخلوا في الموضوع ديراكت
يوم 23/05/2011 يوم حار

ممل لدرجة قصوى:sadwalk: ماعندك ماتدير المهم خطرة فكرة اني ندي اختي ونخرجو برا على الاقل نشريو برك وافقت اختي

وخرجنا في الطريق وانا وياها نهدرو قالي شاب اختي معليش نصقسيك (انا في بالي علجال طريق معرفهاش) واش قالي وين تسكني باش نجي نخطب :scared:واش ندير انا نمشي ونخليه والله نخليه يشوف الحاجة زوج :cursing:انا اخترت الاختيار الاول لحقني و قالي انا عندي المال والتاويل ايا رفدت الساك وللوجه قتلو احسنلك الاستسلام ولا الندم خير وحدة من الزوج املا نطقت اختي وقاتلي خليه راهو مهبول قوتلها مهبول يروح يداوي قالي خلاص يا ختي راني غالط في العنوان قوتلو ملا المرة الجاية اقراه مليح خلاصة الموضوع انو بعض الشباب حاطين كامل لبنات عايزين يتجوزوا وبما انو ناس غلطت وقيمتهم صافي الكامل كيفكيف واذا رديتيلوا رد المثقفين يحطك جاهلة واذا كان رد البنات اللي نهار وطول راهم برا يحطك هايلة املا نقعد في الدار احسن مدام العام الدراسي شارف على الانتهاء فانا شرعت في البقاء في منزلي الحبيب اللمة منا والتلفيزيون منهيه نحل المنقورة ونتفرج المفيد :u_pc: وانتم واش رايكم واذا كنتي في بلاصتي واش تديري وانت يا الشاب نتمنى تكون مازعفتش خطراكش راني نهدر على فئة معينة والسلام عليكم ورحمة الله تعالى وبركاته نشكركم لحسن المتابعة والاصغاء وماتنساوش تراسلونا عن طريق ردودكم الهايلة ​

 

[ماكانش]

أهلا بيك جزائرية ...
واش راحج نقلك موضوع كبير يحتاج نحكيو فيه على جوانب بزاف ...
بإختصار هذا ألي قصدك وحكا معاك أظن انو ماراهوش ناوي الخير لأن الطريقة تاعو كيما حكيتيها تبان طريقة واحد يلعب وحاب يشري الهدروة ...
وماننكروش بلي كاين ولاد فاميليا صادقين، والإنسان الصادق راهو يتردد باش يجي، وإذا جاك راهو يجي بحشمة كبيرة ومهبط راسو ...
وما يكثرش معاك هدرة ومايغننكش ...
مانعرف ساعات الإنسان يلقى الطريقة الوحيدة انو يروح يطلب منها عنوانها في الطريق ..
اما قولك لبنات كامل حابين يتزوجو فهذا موضوع اخر يحتاج تطويل ...
​

 

[BARCA232]

السلام عليكم ورحمة الله تعالى وبركاته
حتى انا راني قليل وين نرد على الموتاضيع مي موضوعك هذا لاباس
المهم انت جاك وعرفت واش قصده؟؟
يعني أعلاش ماشفتيهاش من الجانب الايجابي ممكن قصده شريف وطلب يسقسيك على عنوان بيتكم
كان قادر يدير ليك أحراج ويطلب رقم هاتفك مي قالك وين تسكني صح
أنا نظن تسرعني كان من الأحسن حديث بسيط
قال ياأخي اللي حب الزواج يدخل من الباب ماشي من التاقة
سعدك جاك
وربي يوفقك ويزوجكم كامل يارب
بارك الله فيك
​

 

[zagane]

السلام عليكم

هههههههه
لو كان كان حاب يخطبك بصح كان يتبعك من بعيد و يعرف العنوان و غدوا يجب أهله و يخطب

 

[دمعة اشتياق]

نستعرف بيك اختي ... ضربة مليحة درتيها خليه يتعلم ههههه
باينة على حساب ماحكيتي حاب يزعق ويلعب برك
ربي يهنيك اختي وتلقاي واحد صادق

 

[نسيم الربيع]

ايا مليحتلو يستاهل
بصح هاذ لافار ماتصلحش مع الغاشي كامل
قالك السامط يغلب القبيح
واللي ناوي لحلال مايلوحش روحو هكا
مارسي عالموضوع​

 

[جزائرية للابد18]

أهلا بيك جزائرية ...
واش راحج نقلك موضوع كبير يحتاج نحكيو فيه على جوانب بزاف ...
بإختصار هذا ألي قصدك وحكا معاك أظن انو ماراهوش ناوي الخير لأن الطريقة تاعو كيما حكيتيها تبان طريقة واحد يلعب وحاب يشري الهدروة ...
وماننكروش بلي كاين ولاد فاميليا صادقين، والإنسان الصادق راهو يتردد باش يجي، وإذا جاك راهو يجي بحشمة كبيرة ومهبط راسو ...
وما يكثرش معاك هدرة ومايغننكش ...
مانعرف ساعات الإنسان يلقى الطريقة الوحيدة انو يروح يطلب منها عنوانها في الطريق ..
اما قولك لبنات كامل حابين يتزوجو فهذا موضوع اخر يحتاج تطويل ...
​

شكرا جزيلا على ردك الهايل روعة صحيت يا خويا ص كاين جوانب كثيرة حتى انا كتبت الموضوع باختصار شديد ان شاء الله في موضوع اخر

 

[rima29]

لي عودة لمناقشة الموضوع ان شاءالله​

 

[جزائرية للابد18]

السلام عليكم ورحمة الله تعالى وبركاته
حتى انا راني قليل وين نرد على الموتاضيع مي موضوعك هذا لاباس
المهم انت جاك وعرفت واش قصده؟؟
يعني أعلاش ماشفتيهاش من الجانب الايجابي ممكن قصده شريف وطلب يسقسيك على عنوان بيتكم
كان قادر يدير ليك أحراج ويطلب رقم هاتفك مي قالك وين تسكني صح
أنا نظن تسرعني كان من الأحسن حديث بسيط
قال ياأخي اللي حب الزواج يدخل من الباب ماشي من التاقة
سعدك جاك
وربي يوفقك ويزوجكم كامل يارب
بارك الله فيك
​

شكرا على المرور العطر خويا البرصا بصح هاذي غيبة المهم كون جا قصدو شريف مايلحقنيش ويقولي عندي المال والتاويل لاه جابلوا ربي يشريني بالمال و زيد بزيادة من ورايا ثاني حكم طفلة اخرى صافي راهو يخير في الطريق اي واحدة جازت عليه امين يا خويا وشكرا مجددا

 

[جزائرية للابد18]

ايا مليحتلو يستاهل
بصح هاذ لافار ماتصلحش مع الغاشي كامل
قالك السامط يغلب القبيح
واللي ناوي لحلال مايلوحش روحو هكا
مارسي عالموضوع​

شكرا لمروروك العطر ايه حتى انا فكرت فيها مي من بعدي جات واحدة اخرى زاد احكمها قالها نفس الكلام اختي قاتلي هيا نروحو نبعدوه عليها اي قتلها مالا هذا مهبول عندك الحق يخي يخي

 

[Estrella]

مبروك عليك ختي الخطابة هههههههههه نتمسخر برك
اانا في رايي الي راه باغي يخطب يحوس على الدار مشي يخطب فالطريق
زيد بزيادة باين عليه يحوس يجبدك ليه ولا يطمعك على حساب الي قالك عندي المال وتاويل حاسب قاع البنات ينشراو بالدراهم
وعندك الحق كي معطيتيهش الفرصة
شكراااااااااااااااااااااااا ولله يرزقك بولد الحلال الي يستاهلك تحياتي ​

 

[جزائرية للابد18]

نستعرف بيك اختي ... ضربة مليحة درتيها خليه يتعلم ههههه
باينة على حساب ماحكيتي حاب يزعق ويلعب برك
ربي يهنيك اختي وتلقاي واحد صادق

الله يسلمك اختي ايه نتاع تمسخير مي طاح فيا او عنبالك كنت قريب نحكم نخنقوا في دقيقتها من بعد قلتك الله يلعنك يا ابليس خليه انش شاء الله وميرسي مجددا على ردك

 

[chemssou007]

شوفيـ الأخت راح نهدر بصفة عامة ما نقصدك لا نتي لا فلان لا فلانة
بكريـ كانتـ المرا صح ضحية الراجلـ هي عاقلة و الرجال يتبلاو فيها
ضركا حقيقة تشوفي البنات وش يلبسو كيفاه يمشو و يهدرو برا تقولي هوما لي يحوسو على الشيء هذا
علاقة لازملها زوج مش واحد
و الغلطة اذا ندارت يتحملها زوج عباد
+
ربي يهدينا عقلية جياحة كي بنات كي ذراري هاذيك تلقاها تمشي مع واحد حاطا روحها وصلت
و هاذاك يمشي مع وحدا زينا زعمة تلقا راح يثقب السما​

 

[§zizou§]

يعطيك الصحة هكاك عملتي مليح لاخاطش لوكان ناوي الحلال مايجيش ليك فالطريق هذا باين راهو يتمسخر وناوي الزعاقة

 

[chemssou007]

+
المنتدياتـ شيء
و الواقعـ شيء آخر
كالفرقـ بين ظلمة الليل و اشراقة الصباح​

 

[جزائرية للابد18]

مبروك عليك ختي الخطابة هههههههههه نتمسخر برك
اانا في رايي الي راه باغي يخطب يحوس على الدار مشي يخطب فالطريق
زيد بزيادة باين عليه يحوس يجبدك ليه ولا يطمعك على حساب الي قالك عندي المال وتاويل حاسب قاع البنات ينشراو بالدراهم
وعندك الحق كي معطيتيهش الفرصة
شكراااااااااااااااااااااااا ولله يرزقك بولد الحلال الي يستاهلك تحياتي ​

امين يا اختي صح وانا فكرت بالطريقة اللي فكرتي انت بيها صح يعني كي قالي عندي المال يسخيبني طماعة ومن كان يبغي ودنا فهو يعرف بيتنا او كان يبغي ذلنا فماكن لها يتمسخر بينا

 

[جزائرية للابد18]

ايا مليحتلو يستاهل
بصح هاذ لافار ماتصلحش مع الغاشي كامل
قالك السامط يغلب القبيح
واللي ناوي لحلال مايلوحش روحو هكا
مارسي عالموضوع​

شكرا لردك نسيم الربيع صح ماتصلحش مع الناس كامل مي كيما قلتي

 

[somi]

الناس هبلت ربي يهديهم
شكرا على الموضوع

 

[nina bonoise]

او باين كان حاب يتمسخر برك

 

[جزائرية للابد18]

شوفيـ الأخت راح نهدر بصفة عامة ما نقصدك لا نتي لا فلان لا فلانة
بكريـ كانتـ المرا صح ضحية الراجلـ هي عاقلة و الرجال يتبلاو فيها
ضركا حقيقة تشوفي البنات وش يلبسو كيفاه يمشو و يهدرو برا تقولي هوما لي يحوسو على الشيء هذا
علاقة لازملها زوج مش واحد
و الغلطة اذا ندارت يتحملها زوج عباد
+
ربي يهدينا عقلية جياحة كي بنات كي ذراري هاذيك تلقاها تمشي مع واحد حاطا روحها وصلت
و هاذاك يمشي مع وحدا زينا زعمة تلقا راح يثقب السما​

مي اسمحلي البنات ماشي كامل كيفكيف هاذي عقلية الشاب الرجعي اللي يحط البنات كامل كيفكيف
صح هوما ضك over بزاف على اللبسة اللي يلبسوها والطريقة نتاع الكلام والشباب ثاني جايحين حيطيست نهار وطول وهوما في الحيوط وعند البيبان اللي تعقب عليه يلوحلها الهدرة
المهم شكرا لك على ردك نورت الصفحة ​