قالي وعلاه جابها معاه بالسلاسل ؟؟؟

م

ماكانش

:: عضو بارز ::
أوفياء اللمة
السلام عليكم
واش راكم خاوتي لاباس بخير الحمد لله
أيا الصباح خارج من الدار كي العادة، تلاقيت بصاحبي ايا حكينا شوي
وقصرنا
قالي راني في الدار نبنتر فيهان قالي الصباح وانا مع البانتر جاو زوج
ولاد صغار طبطبو عليا خرجتلهم قالولي يا عمي أرواح تشوف
راجل يضرب في مرا
أيا قالي خرجت شفت واحد يضرب في طفلة بالكفوف :o_o:
قالي عاودت دخلت وقفلت الباب ؟؟؟
قتلو وعلاه ما رحتلوش عطيتلو نتا لكفوف وقتلتو بالضرب وطلقتو
يروح ...
قالي وعلاه جابها معاه بالسلاسل ؟؟؟
آآآآآ هنا معاه شويا حق، يعني ماجاتش معاه وفي رقبتها موس ...
قتلو مانعرف بلاك راهو حاكم عليها حوايج ولا راهو مهددها ؟؟؟
من بعد قلت في قلبي ايه حتى لحوايج هذو ألي بلاك راهو حاكمهم عليها
ماحكمهمش عليها بالسيف وذراع ، إنما بالإرادة تاعها وهيا ألي بغات ...
أيا قتلو أنا مانحملش نشوف لقطة كيما هذي ومانروحلوش
من بعد فتنا لحكاية وتفراقنا وقالي في الليل نتلاقاو ...
كي تفارقنا بقات لحكاية أدور في بالي
وقاعد نخمم قلت وعلاه عليها مسكينة توصل في روحها أنو عبد رخيس يضربها ؟؟؟
من بعد قلت اواه بلاك حتى هيا دارتلو لقطة تعيف وكان ناويها للصح وظهرت تتمسخر بيه ؟؟؟
من بعد قلت هذاك ماخص رخيس كيما هذا ينوي الصح ...
أيا قلت وعلاه نكسر راسي بزاف الجماعة في اللمة تعطينا الحل والراي الصواب والزينون ولمليح هههههه

الملاحظة:
واقيلا أنا مرتي ومانقدرش نضربها ههههه
حنين بزاف هههه
او نقصر برك بلاكم تصدقو ...



​
 
السلام عليكم
و الله غي عندك الحق علابالك حنا في تيارت نورمال كل يوم الشيرات يتسوطو و علا تحير تلقاهم غي صغارات تاع الليسي و لوكان واحد يروح يسلك تقولو شا دخلك
انا في الليسي اللي نخدم فيه واحدة تغيبت و جايت واحد معاها باش تدي التبرير مالا ما بغيناش نعطوهلها بدا يضرب فيها قدامنا قالها توصلي فيا قتلك ما نجيش
 
سلام خيووووو
مفهمتش عنوان قلت نقرا ونفهم خير واه صح عنده الحق صاحبك كي يشوف وحدةمضلومة هنا يروح ينصفها ويجي معاها مي هادي هي لي راها ضالمة روحها و والاديها معاها هدا ادا كانو كايينين اصلا ايا انت قالاتا هكا
رخيس كيما هذا ينوي الصح
علاش مقلتش هي رخيسة ؟ مع انك متعرفوش ومتعرفهاش ومتعرف حتى السبة ديجا نقولك خويا ولينا كي نشوفو شيرة عاقلة نتخلعو نقولو اووويا مزالو في بالي انا في زوج ميصلحوش
وعلى حساب شا حكيت نشوف هاد شيرة تستاهل بصح مغاديش تحبس هنا وراح تخلى على راجل لي ضربها باينة هادي
الله يصلح قلوب
ودمت خونا ​
 
ربي يجيب الخيررررررررر
شكرا يا مستر
 
وااااااااااااو وصلنا لوحد الوقت يا لطيف
اول نقطه انا نقولها تستاهلي اكتر من الضرب لخاطر هوما لي وصلوا روحهم
تبانلهم حاجة جد عادية تقولك نورمال كون ما جاش يحبني ولا يخاف عليا كون ما يضربنيش:scared::scared::scared::scared::scared:
المهم انا هدا يبانلي رخس و نقص في القيمة لي واحد من بعيد يضربني خويا و ما يضربنيش و يجي ............... يضربني :tongue_3::tongue_3:
ربي يهديهم و يهدينا
وربي يحفظ ولادنا من الوقت هدا
مشكور خويا
 
يعطيك الصحة على الموضوع

كاين بنات كل يوم دايين طريحة كي تقولها تقولك نبغيه( تبغيه يعطيك الصفعة يا جايحة ) ربي يهدينا

بارك الله فيك
 
توقيع {مُدَلَّلَتُهُ}
قال hiba14:
السلام عليكم
و الله غي عندك الحق علابالك حنا في تيارت نورمال كل يوم الشيرات يتسوطو و علا تحير تلقاهم غي صغارات تاع الليسي و لوكان واحد يروح يسلك تقولو شا دخلك
انا في الليسي اللي نخدم فيه واحدة تغيبت و جايت واحد معاها باش تدي التبرير مالا ما بغيناش نعطوهلها بدا يضرب فيها قدامنا قالها توصلي فيا قتلك ما نجيش
إضغط للتوسيع...
ههههههههههههه
وين وصلنا تغيب و تزيد تصحح وجها و تجيبوا معاها :o_o::o_o::o_o:
مشكورة هيبة اختي
 
لبنات تاع هاد الزمان اسكت برك
الي يجي يديهم وكون ماجاتش جايحة. تخليه يدربها قدام الناس
هي الي وصلت روحها لهاد الطريق ولا لالا
تحبيه! هاو شفتي هو كيفاه يحبك
 
انا قريت معضم الردود والكل يشوف انو البنت هي المتهم الوحيد. يا خاوتي حتى واحد فينا ماراه عارف السبب نتاع الضرب.حتى لي حضر للموقف ماهوش عارفو ... وممكن انو الراجل لي كان معاها هو الغالط وهو السبب. زعما دايما المرا هي الغالطة..... علاش رجال ملايكة منزهين من الخطا..... لا لا كاين رجال يشتو ضرب لمرا يعني ناقص ويحاول يعوض نقص في رجولتو ويضرب لمرا .... حاب يبان راجل بسيف .......
والوقت صعيب وحتى واحد ماهو بريئ ولا خاطييه الكل في جنبو شيطان...... وما ادراك ما الشيطان....
وهذي لخويا سفيان واش مزال ما نحلت عقدتك من النسا...... ياربي يجيبلك بنت الحلال لي تخلي ليلك النهار قل امين..... يا رب العالمين
 
السلام عليكم

مثل هاذي المواقف كاينة بزاف وانا شحال من مرة شفتها توال دارنا :cra_zy:

نحكيلك وحدة منهم

خطرا كنت نسيق في الفرندة هههه زعما فحلة ومبعد شفت طفلة واقفة ورايحة جاية

شوي هكذا نلقا جا طفل وطوووول براسو خبطها لراسها بالدماغ بالدماغ ومبعد بالكفوف والركل وهي تقولو احبس

نهدر معاك نفهمك وهو يضرب ويعاود ومبعد منعرف وش هدرتلو ولا سكت ومبعد ولاو يهدرو

نورمال

كللي مصرا والو وهي ولات زعما باه ترجعلو الضربات قاعدة تعطيه بكفوف زعما خفاف وهو يضحك

هههههههههه

مفهمت والو



​
 
قال hiba14:
السلام عليكم
و الله غي عندك الحق علابالك حنا في تيارت نورمال كل يوم الشيرات يتسوطو و علا تحير تلقاهم غي صغارات تاع الليسي و لوكان واحد يروح يسلك تقولو شا دخلك
انا في الليسي اللي نخدم فيه واحدة تغيبت و جايت واحد معاها باش تدي التبرير مالا ما بغيناش نعطوهلها بدا يضرب فيها قدامنا قالها توصلي فيا قتلك ما نجيش
إضغط للتوسيع...

وعليكم السلام
اهلا بيك هيبة
ههههههههه
هذي تصرا بزاف صح
زعما تغيب وتجيب معاها فلان يدخلها ...
والمشكل كيما قلتي يعجبهم الحال ...
حيرة وين وصلنا
ربي بقي الستر برك​
 
قال خديجة14:
سلام خيووووو

مفهمتش عنوان قلت نقرا ونفهم خير واه صح عنده الحق صاحبك كي يشوف وحدةمضلومة هنا يروح ينصفها ويجي معاها مي هادي هي لي راها ضالمة روحها و والاديها معاها هدا ادا كانو كايينين اصلا ايا انت قالاتا هكا
رخيس كيما هذا ينوي الصح
علاش مقلتش هي رخيسة ؟ مع انك متعرفوش ومتعرفهاش ومتعرف حتى السبة ديجا نقولك خويا ولينا كي نشوفو شيرة عاقلة نتخلعو نقولو اووويا مزالو في بالي انا في زوج ميصلحوش
وعلى حساب شا حكيت نشوف هاد شيرة تستاهل بصح مغاديش تحبس هنا وراح تخلى على راجل لي ضربها باينة هادي
الله يصلح قلوب

ودمت خونا ​
إضغط للتوسيع...

أهلا بيك خديجة
يعطيك الصحة هدرتي المفيد ...
في زوج رخاس، وراني قلت في الموضوع بلي ماجابهاش بالقوة والبسيف معاه ...
منين تجي تفهميها ماتقدريش ...
يعطيك الصحة وربي جيب الخير​
 
انا راني معاه باينة كانت حاجة مابيناتهم عيانة على كلي حال كيما تكون الطفلة يكون الطفل تحترم روحها يحترمها ...............ههه مالا بالاك تضرب مرتك حبيت تبهدلني مع الطفلة هنا عندنا مايضربوش هههه:shiny:
 
:o_o:وينتا تزوجت خوي ماكانش :o_o:
هذي سووور دارتله حاجه مشي مليحه...تستاهل... مي بالك هو زكر فيها وحاب يبهدلها املا هو ثاني (رخيس)....ما نعرف شكون لي عنده الحق...(:oi-o:كون رحت عندهم وسقسيتهم بالاك تلقى الحل و تدي وحده في وجهك:oi-o:)المهم خوي ماكانش.......هو رخيس وهي رخيسه لي وصلو رواحم لحالة التبهديل قدام الشعب...كون جا راجل ما يضرب مرا قدام الشعب ووو هي كون جات مرا ...ما ديرش صوالح(باين بلي مشي ملاح) لي يوصلوها للضرب.....شكرا سي ماكانش​
 
توقيع يوسےفے
امالا نحكيلك ان حكاية
رحت انا وماما لحانوت باش نشوفوا
لقش shoping
في الشتا
تدخل وحدا ما عندك ما تشوف عينها زرقا خدودها حمر
قشها بالغرقة حشاك ماعندي مانقلك
ضربها صاحبها
خيرة سروال و عيطت لسي خونا خلصهولها
رضاها بيه
و خرجت معاه نورمال كان شيء لم يكن
بقيت حايرة
او عندوا الحق صاحبك
ملضربهاش على يديها باش تجي مع جدوا
+ تقيم​
 
ههههه ياخي تضالو تضبحو حقوق المرأة ما حقوق المرعة
كيفاش عندو الحق ؟
مرة هنا في مكان ما قريت الدنيا قامت وما قعدتش على اباحة ضرب الرجل للزوجة تاعو
وهاذا واحد في الشارع يضرب في واحدة في الشارع تقولو عندو حق ؟
لوكان شدت دارها وقرت في بيها وما سفرتش وما خرجتش معاه ما يضربها وهو لو تمسك بدينو وبرم لي موسطاش ما يجرها في الشارع كي البقرة ,اتقوا الله في بنات الناس
في زوج راكبهم الخطأ فوقاني تحتاني
 
قال mina87:
وااااااااااااو وصلنا لوحد الوقت يا لطيف
اول نقطه انا نقولها تستاهلي اكتر من الضرب لخاطر هوما لي وصلوا روحهم
تبانلهم حاجة جد عادية تقولك نورمال كون ما جاش يحبني ولا يخاف عليا كون ما يضربنيش:scared::scared::scared::scared::scared:
المهم انا هدا يبانلي رخس و نقص في القيمة لي واحد من بعيد يضربني خويا و ما يضربنيش و يجي ............... يضربني :tongue_3::tongue_3:
ربي يهديهم و يهدينا
وربي يحفظ ولادنا من الوقت هدا
مشكور خويا
إضغط للتوسيع...

اهلا بيك مينة
والله عندك الحق، يعجبهم الحال
حيرة صح صح
هذا ماشي يخاف عليك ويشتيك
لوكان جا يخاف عليك ويشتيك مايضربكش لبرا تباني كلبة اكرمكم الله ...
مالقيت واش نقول
يعطيك الصحة مينة ....​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom