2
- الأوسمة
- 32
بسم الله الرحمن الرحيم
والحمد لله رب العالمين
والصلاة والسلام على أشرف الخلق وأفضل المرسلين.
....
قال الله تعالى : ( وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالْجَنْبِ وَابْنِ السَّبِيلِ وَمَا مَلَكَتْ أَيْمَانُكُمْ ) [النساء: 36]
...
عن ابن عمر وعائشة رضي الله عنهما قالا : قال رسول الله صلى الله عليه وسلم (( ما زال جبريل يوصيني بالجار حتى ظننت أنه سيورثه )) متفق عليه
...
ديجا من العنوان والآية الكريمة والحديث الشريف باين موضوعي على واش يحكي ...
شفتو كيفاش ربي وصّى على الجار ؟ في رايكم درنا الوصية ولاّ أهملناها ؟ أكيد أهملناها ...
يا خوتي واش الجيران هذو تاع آخر زمن، تلقاه يدير الحس عليك وما يحترمكش، يسيّح عليك الماء ويرشّيلك الدار وما يحشمش من فوق هذو كامل، وتبانلو لي راه يدير في حقو ...
مالا يا سيدي دارنا ولاّت تقطر بالماء غير بسبة لي فوقنا ما خلاوناش نصبغو ونسـgـمو الدار غير ما نصبغو ترشى الصبغة، هيا هدرنا معاهم قال الماء راه يقطر علينا، كل مرة نهدرولهم حتى قالولنا يا ربي معرف واش يسيل عليكم ما تزيدوش تطبطبو علينا :scared:، هيا يا سيدي بابا راح شكى بيهم لقى لي تحتا شاكي بينا خخخخ، وهو المشكل مش من عندنا من عند لي فوقنا تاع الهم، وكيما يقول بابا فوقنا حيوانات ساكنين مش عباد ...
ودرك كي نحكيو عليهم نقولو الـzoo ولا حديقة الحيوانات المتوحشة حتى الأُلف ما فيهمش ...
أتخيلو معاي مرة طيشو كاناpـي من البالكو وهوما يسكنو في ليطاج الثامن :scared:، ومرة طيشو مايدة جات على طفلة كسرتلها ركبتها بسيف لا برات وما حبوش يقولو لي هوما باشما يباسيوش ومن فوقها حصلو في لي فوقهم ...
مرة بابا يطل طيشو عليه pot تاع ياوورت، ومرة اختي كفحو عليها البيدون تاع التسياق :sad:...
والله ما يصلحو يعيشو في باتيمـon بلاصتهم في gـيطون وما يليقلهمش بالاك ...
ودرك كي جاتهم لاpـوليس راحو خدمو الدار ولاّ الماء حبس من التقطار علينا وهوما لي كانو يقولو خاطينا وحبس مام عند لي تحتنا ما بقاش يسيل عليهم ، الحمد لله معناها خاطينا ...
وباش ما تقولولش نور زادت فيها درك تشوفو دارنا كيفاش طيبوها دار الحيوانات ... إليكم الصور
شفتو كيفاش ؟؟ لحديد يا الرب العالي وراح فيها معاهم
...
علاش الشي هذا صاير .. والباطل هذا .. هذا زعمة الجار لي وصى عليه ربي .. هذا الجار لي تلقاه قبل خوك وقبل بوك .. لوكان كاشما يصرالك يسبق بيك لسبيطار ولا شوف وين قبل ما يوصل ليك خوك .. وعلاش رجعت هك العلاقات بين الجيران .. كل واحد يدير راحتو ولي يخرج عليه مام على حساب جارو ؟
...
ربي يهدي عبادو ويهدينا أجمعين ...
واكسبوا جيرانكم يا جماعة والله ماكانش أقرب وأغلى منو ..
الرخس برك تاع شيمن ناس رخّس قيمة الجار ...
...
شكرا على حسن الاصغاء والمتابعة وإلى اللقاء ...
السلام عليكم :re_gards:
والحمد لله رب العالمين
والصلاة والسلام على أشرف الخلق وأفضل المرسلين.
....
قال الله تعالى : ( وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالْجَنْبِ وَابْنِ السَّبِيلِ وَمَا مَلَكَتْ أَيْمَانُكُمْ ) [النساء: 36]
...
عن ابن عمر وعائشة رضي الله عنهما قالا : قال رسول الله صلى الله عليه وسلم (( ما زال جبريل يوصيني بالجار حتى ظننت أنه سيورثه )) متفق عليه
...
ديجا من العنوان والآية الكريمة والحديث الشريف باين موضوعي على واش يحكي ...
شفتو كيفاش ربي وصّى على الجار ؟ في رايكم درنا الوصية ولاّ أهملناها ؟ أكيد أهملناها ...
يا خوتي واش الجيران هذو تاع آخر زمن، تلقاه يدير الحس عليك وما يحترمكش، يسيّح عليك الماء ويرشّيلك الدار وما يحشمش من فوق هذو كامل، وتبانلو لي راه يدير في حقو ...
مالا يا سيدي دارنا ولاّت تقطر بالماء غير بسبة لي فوقنا ما خلاوناش نصبغو ونسـgـمو الدار غير ما نصبغو ترشى الصبغة، هيا هدرنا معاهم قال الماء راه يقطر علينا، كل مرة نهدرولهم حتى قالولنا يا ربي معرف واش يسيل عليكم ما تزيدوش تطبطبو علينا :scared:، هيا يا سيدي بابا راح شكى بيهم لقى لي تحتا شاكي بينا خخخخ، وهو المشكل مش من عندنا من عند لي فوقنا تاع الهم، وكيما يقول بابا فوقنا حيوانات ساكنين مش عباد ...
ودرك كي نحكيو عليهم نقولو الـzoo ولا حديقة الحيوانات المتوحشة حتى الأُلف ما فيهمش ...
أتخيلو معاي مرة طيشو كاناpـي من البالكو وهوما يسكنو في ليطاج الثامن :scared:، ومرة طيشو مايدة جات على طفلة كسرتلها ركبتها بسيف لا برات وما حبوش يقولو لي هوما باشما يباسيوش ومن فوقها حصلو في لي فوقهم ...
مرة بابا يطل طيشو عليه pot تاع ياوورت، ومرة اختي كفحو عليها البيدون تاع التسياق :sad:...
والله ما يصلحو يعيشو في باتيمـon بلاصتهم في gـيطون وما يليقلهمش بالاك ...
ودرك كي جاتهم لاpـوليس راحو خدمو الدار ولاّ الماء حبس من التقطار علينا وهوما لي كانو يقولو خاطينا وحبس مام عند لي تحتنا ما بقاش يسيل عليهم ، الحمد لله معناها خاطينا ...
وباش ما تقولولش نور زادت فيها درك تشوفو دارنا كيفاش طيبوها دار الحيوانات ... إليكم الصور
شفتو كيفاش ؟؟ لحديد يا الرب العالي وراح فيها معاهم
...
علاش الشي هذا صاير .. والباطل هذا .. هذا زعمة الجار لي وصى عليه ربي .. هذا الجار لي تلقاه قبل خوك وقبل بوك .. لوكان كاشما يصرالك يسبق بيك لسبيطار ولا شوف وين قبل ما يوصل ليك خوك .. وعلاش رجعت هك العلاقات بين الجيران .. كل واحد يدير راحتو ولي يخرج عليه مام على حساب جارو ؟
...
ربي يهدي عبادو ويهدينا أجمعين ...
واكسبوا جيرانكم يا جماعة والله ماكانش أقرب وأغلى منو ..
الرخس برك تاع شيمن ناس رخّس قيمة الجار ...
...
شكرا على حسن الاصغاء والمتابعة وإلى اللقاء ...
السلام عليكم :re_gards:
_o:
