تامنو بها و لا لا ؟؟؟؟؟؟؟؟؟؟؟؟؟؟؟

[NICHA03]

السلام عليكم
كاش تحاوس كاش بحر كاش سخانة
انا راني لاباس و الغاشي لي نشوف راهم في زايد مستمر
bon ندخل فالموضوع
ياوووووووووووووووووووووو عندي وحد العين واحد مسلك منها لا لكبير و لا الصغير:sheer:
والله مافهمت فيها والواااااااااااااااااااااااااا انا لي عينيا ممش ملاح و الغاشي لي ..........؟
ونعطيلكم وحد المواقف صرالولي وليت نخاف نشوف مع لعباد صراحة :sad:

البارح برك صحباتي كانو جايين عندي و انا كنت مع صحبتي وحد اخرى قتلهايا شوفي فلانة شرات لبسة جديدة مسكينة و تجي مgلبة و الغاشي يضحك عليها
************
و خطرة وحد الطفلة صغيرةكانت لابسة صباط يماها قتلها هاذي مخليا صباطها و رايحة لتاع يماها هههههه طرالها الصباط من رجلها هي راحت في بلاصة و هو في بلاصة
************
عندي بنت خالي صغيرة غندي شحال مشفتهاش و كي زادت خليتها صغيرة كي جيت لقيتها تمشي و تهدر جابهالي خالي قتلوااا بنتك كبرت راهي مراااااااااا تgلبت و طاح فوقها الكرسي حتى عاشت الطفلة فالسبيطار
************
و ليد عمي جاء عندي قتلوااا جيت ت مكملتش تهبل و جي داخل فالباب حتى وجهو ولا ازرق
************
صحبتي خطرة كنا ناكلو كيف كيف و بديت نخزر فيها بالعاني و مبعد قتلها تاكلي الرهج و نتمسخرواا حصلتلها المكالة قريب ماتت حصلت فيها
************
كاين وحد الطفل يضال يخزر فالبنات و يهدر يهدر ........... خطرة كان يشوف فيااااااااا هو يشوف و انا نشوف قلت دك يحشم و يدور و جهو محبش قتلوا في قلبي اصبر وحد دقيقة بركتقلقت منو و يجي داخل في بلاكة stop ولا داير كيما هاذا:cra_zy:
و انا راني نستعرض في عينيا ااااااااااااااااااااه قصدي عضلاتي :showoff:
ضركاااااااااااااااااا راني حابة كل واحد يعطيلنا راااايو و يقلنا اذا يامن بالعين و لا لا
متخافوش منشوفش فيكم راكم مورااااا الميكروااااا _o:_o:
اسيدي ندير وحدة للموضوع باش منعاينوش

متنساوش الردودو التقييم اذا حبيتوااااااا
nicha03

 

[الورد الأحمر]

شوفي الله يبارك عليا راني جيت رديت أنا اللولة
ما تقوليش برك راهي شاطرة هي لي جات اللولة
لا نتكسر الليلة هذي بعد ههههه ...
شوفي اختي العين كاينة منها ونأمن بيها
والعين حق يا اختي ...
معليش كي تشوفي مع عبد ولا حاجة وتعجبك
قولي الله يبارك ... بربي ان شاء الله ما يصرا
والو لأنو هذا واش ينفع أما الخمسة راهي
بدعة برك حبيبتي ... هيا مغسي وسلامو
​

 

[ماكانش]

يالطييييييييييف ه
انا نامن بيها ولكن مانيش موسوس بزاف

 

[هآجر]

السلام عليكم

شكرا على الموضوع
نأمن بها خاطر العين حق
ولكن نحاربها بالترقية بالقران ومش بالخمسة والعين الي حطيتها في الموضوع
وعليكم السلام​

 

["غزالة الجزائر"]

السلام عليكم
ايه نامن بيها لخاطر العين حق
بصح تروح بالقرآن ماشي بالخمسة​

 

[بنـ MaPa ـت]

وعليكم السلام

اهلا ختي

العين حقيقة وكاينة منها كيما يقولو " العين حق"
وماكانش لي يقول انا مايعينش كاااامل نعينو ايدا ماشي في الكبار نخرجوها في الصغار مساكن هههه
بصح كاين ناس لي يعينو عيناني ويحسدو في الوجه وكاين لي على نيتو يتسبب في آكسيدون ولا حاجة دون قصد

مرسي على الموضوع
​

 

[الجمرة الخبيثة]

انا صحيح مانامنش بيها لي جابها ربي مرحبا بيها ...... هي كاين ماشي مكاش مي مانامنش بيها

​

 

[وطني]

يا حفيظ يا ستار استرنا من العين....ههههههههههههه

 

[nassim007]

العين حق

.........

شكرااا على موضوع
​

 

[rima29]

العين حق من الحقوق​

 

[يوسےفے]

العين حق​

شكرااااااااااااااااا​

 

[ghali17]

والله يبارك مكانش?????

 

[M!ss_f@ti]

أنا نامن بيها ,, حاكم عندي صحبتي الله يبارك عليها الزين والعقل بالصح تعاين ..

مرة كنت في الدار نكوناكتي مع وحدة تقرا معايا جات هي ,, كتبت زوج كلمات تبلوكا الميكرو .. أيا قلت نورمال

ومرة أخرى كنا في الليسي نديرو بحث تاع عربية (( العام لي فات )) رحنا لقاعة لانفورماتيك باش نجبدو شوية معلومات .. خيرلنا لبروف الميكرو الميور .. الوقت كامل راح وهو يريغل فيه تالمو مانعرف واش صرالو بعد ماخزرت فيه لالة صحبتي ...

المرة الثالثة جات لقاتني نكوناكتي ... قاتلي طفيهـ ولا نروح نروح قتلها بركاي من التمسخير مكانش منها أنت تعايني ... زدت شوية الكونتاكت تاعي راحت كي لقيتها قاتلي تبلوكالها الميكرو هههههه

وحتى ميكروهم ماتقدرش ادور ليه لانها ببساطة تعاينو في كل مرة

الحاصول بالاكي تعاينيلي صحبتي ههههههههه

شكرا ~~~||

 

[Estrella]

اييه كاينة منها "العين حق و طيرة باطلة"
لله يستر كل واحد منها
شكرااا ​

 

[somi]

خايفة نحط رد تمعينني هههههههههههه

 

[ايمان العلمية]

كما قالو اللي قبلي العين حق ولازم الواحد يتحصن منها بالادعية وقراءة المعوذتين والاخلاص كل صباح لانها ممكن توصل للموت

وكما قال عليه الصلاة والسلام ((أكثر من يموت من أمتى بعد قضاء الله وقدره بالعين (2)))

ولازم الواحد كي يشوف حاجة وتعجبو يقول الله يبارك

 

[la_safa]

العين حق

مرسي نيشا عالموضوع
​

 

[مروة 95]

السلام عليكم
شكرا على الموضوع
نعم نأمن بها خاطر العين حق
لكننضن بالقرااان و الرقية تروح مش
بالخمسة ادي
ايااااااااااااا سلامو ​

 

[NICHA03]

مرسي على المرور و الردود تاعكم نورتو الموضوع مي المشكل او فياااا راني نقول الله يبارك مينفع فيهااااااااااااا والواااااااااااااااااااااااااااااااااااااااااااااااااااااااااااااااااااااااااااا و بالنسبة للخمسة الناس بكري يقلك الخمسة تنحي العين و رانا علابالنا بلي العين تتنحى غير بالقران
مرسي

 

[آلاء النايلية]

كاين وحد الطفل يضال يخزر فالبنات و يهدر يهدر ........... خطرة كان يشوف فيااااااااا هو يشوف و انا نشوف قلت دك يحشم و يدور و جهو محبش قتلوا في قلبي اصبر وحد دقيقة بركتقلقت منو و يجي داخل في بلاكة stop ولا داير كيما هاذا:cra_zy:

هههههههههههههههه هادي فووووور... يستااهل
...
العين نامنو بيها العين حق
بصح متخطيش لسانك ب ماشاء الله تبارك الله لا قوة الا بالله ​