مشكلتي زوجتي تغيرت و لا اعرف ما بها

مشكلتي

كلمة المرور: 4algeria2019
إنضم
19 أكتوبر 2013
المشاركات
678
النقاط
51
السلام عليكم
لقد وجدت في اللمة اناس اصحاب عقل و تجربة و لا يبخلون بالنصيحة
هذا ما دفعني لكتابة مشكلتي
لأني احترت و لم اعرف كيف اجد لها سبيلا للحل
ثم بسبب الواقع الذي قلما تجد من ينصحونك و لا يفضحونك
هذا ان لم يغدرونك و ربما يتمتعون بمشكلتك و ربما يزيدون صب الزيت على النار

اخواني و اخواتي انا متزوج و عندي اولاد و عندي سكن خاص
عايشين كيما الناس بل اقل من الناس
سكن قديم مهتريء و لباسنا قد الحال و الحمد لله على كل النعمة

عايشين في سعادة مع زوجتي و اولادي الصغار
مومنين و نخافوا الله و الحرام ما ندناوش ليه
كل العايلة يصلوا و يصوموا و يقراو القرآن
و قدنا و قد حالنا
ما نغشوا حتى واحد و البيت مفتوح للقريب و للبعيد

المشكلة
بدات قبل شي 10 ايام

زوجتي راحت ضيفة عند دار خويا قالوا مرته مريضة
راحت عندها بعد الظهر حتى للعصر

لكن رجعت ماهيش كيما راحت

راحت منورة و تضحك و كي رجعت رجعت متبدلة
بمجرد ما دخلت و انا في الدار في قلبي قلت مالها جا لونها متغير

دخلت ساكتة و حزينة

من ساعتها راهي ساكتة و مقلقة و تتقلق بسبب تافه
مثلا صباط يجي في طريقها يقلقها او مغرف تطيح من يدها
تبقى تصرخ و تعيط

باقي الوقت يدها على خدها
و احيانا تبكي
و جهها رجع اصفر

قلت ممكن يومين و راح ترجع كيما زمان
لكن لا
في اليوم الثالث فاتحها و قلت ليها خبريني ما بك
كاش حاجة حكيها او اذا راكي مريضة او محتاجة حاجة قولي
او محتاجة تبدلي جو مكان حتى مشكل نخرجك تحويسة خفيفة او نديك لأهلك ترتاحي
قالت ما تحكيش معايا مانيش مليحة و ما نروح حتى لبلاص

حاولت نضحكها او نلطف الجو شفت عينيها دمعوا
و راحت بعدتني

قلت معليش نصبر و نشوف لكن الامر راح زاد تعقد
بسبب تافه ضربت الاولاد ضرب عنيف و جرحتهم بالكلام
و دعات عليهم بالمرض و و و و

قلت للاولاد ما تتقلوش راهي مقلقة راح ترجع لصوابها
لكن بقات في نفس الامر
ساكتة او تبكي او تجرح بالكلام
عاودت فتحت معاها نقاش حسيت انها ماهيش في كامل وعييها
و تتصرف بطريقة غريبة

قلت ليها نديك لراقي او طبيب
رفضت الامر جملة و ما خلاتنيش نكمل كلامي

اليوم كان عندي امر
كي رجعت لقيتها ضاربة الاولاد و بطريقة همجية
و معها كلام جارح و دعوات ماهيش مليحة على الاولاد

الاولاد كي دخلت جاو عندي و بقاو يبكو ياااسر ياااسر و يشكو
قالولي امنا ماهيش طبيعية
و تصرفاتها ماهيش نيشان

لقيتها مبلعة الغرفة على روحها
في لحظة قلت ندخل عليها و نحذرها ما تعاودش تخوف الاولاد او تضربهم بعنف
لكن قلت نصبر معاها و نوسع بالي

الاكيد انها راحت لبيت خويا و هي في قمة السعادة و الضحك
و رجعت غير طبيعية

كي خرجت كنت في الدار و بقيت في الدار و كي رجعت كنت في الدار
يعني ما خرجتش و ما رحتش معاها
يعني شفتها خرجت و هي مليحة و رجعت و هي انسان اخر

مانيش عارف كاشما عملوا ليها
او عندها مس او خلل في حاجة

اتصلت براقي قال لازم رقية مباشرة ليها
و هي رفضت قالت لوكان تجيب راقي راح نخرج من البيت

راني محتار ما عرفتش كيف نتصرف​
 

Andy_Delort

:: عضو مُتميز ::
إنضم
26 جويلية 2019
المشاركات
1,104
النقاط
571
العمر
26
محل الإقامة
شكوبينهاقن"
الجنس
ذكر
/
سلام عليكم
المشكلة في الموضوع انه لاتوحظ اي مؤشرات لكي نعتمد عليها ونحاول مساعدتك ... شغل دوك نبداو قاع نتيريو برك .. يما انك الاقرب لها ولم تستكتع معرفة السبب فسيصعب لنا ايجاد الحلول ..
على كلن انصحك بشيء واحد لا تتعامل معاها بنرفزة وهمجية .. تريث تريث تريث ...
لي عودة​
 

إلياس

:: عضو مَلكِي ::
إنضم
24 ديسمبر 2011
المشاركات
11,353
النقاط
1,151
محل الإقامة
فار إلى الله
الجنس
ذكر
حاول الاستماع منها ما سبب حزنها و غيرها ان لم تسمع لك حاول جلب حكم من أهلك و اهلها لتحدث معها و حاول أيضا لا تثير مشاكل بينكما لأن عندكم اولاد إن شاء الله فيها خير
 

خديجة ph

::طبيبة صيدلانية::
إنضم
14 أفريل 2015
المشاركات
755
النقاط
551
العمر
36
محل الإقامة
قسنطينة الجزائر
الجنس
أنثى
السلام عليكم أخي
مشكور على وضع الثقة في هذا المنتدى و ناسه و ان شاء الله تتصلح الامور عاجل غير آجل
الظاهر اخي ان البيت ما شاء الله عامر و يبدو من كلامك انه عندكم سنين مزوجين ربي يخليكم لبعضكم و بالتأكيد ساعة حلو ساعة مر حتى يفنى العمر و أكيد أيضا أنها زوجتك ياما شافت نساء مستواهم المادي احسن منها سواء من العائلة ولا المعارف اكيد تغيضها لكن أكيد تنساها بعد حين والا ما كنتوش كملتو مزوجين كما أظن أنه لو كان السبب مادي لكنت عرفت و لكان امر هين مش رح تكتبه هنا فلا أعتقد السبب مادي
أخي الزوجة بعد العشرة تاع سنوات تتوقع ان الزوج صار يفهمها مثل ما تفهمه هي من غير ما ينطق يعني ساعات تجي خارج و من بعد تولي للدار نسيت حاجة تلقى الزوجة رافدتها و تستنى فيك عند الباب هاك حاسة سادسة و كزوجات نعتبرها اقصى درجات الحب انها تصير ساكنة قلب و عقل الزوج و تتوقع من الزوج نفس الشيء لكن بالطبع الرجل لا يعطي هذا الموضوع نفس الاهتمام مثل المرأة لذلك عندما تقولها نجيبلك راقي رح ترفض و بشدة أولا لانها تعرف ما بها و هي ليست بحاجة راقي لكن بحاجة اهتمام زوجها و ان يعرف ما بها دون تفوهها بكلمة فهو الاقرب اليها و ليس الراقي و ان كانت بحاجة لراقي فسيكون زوجها و ليس انسان غريب
ثان شيء المشكل جرا أثناء قيامها بالزيارة و أغلب الظن أنهم قالولها كلام جرحها و هي لا تريد قوله لك سواء لانها تعرف انك لا تستطيع عمل شيء او لانها لا تريد اشعال نار و تفضل ان تحترق هي بها داخليا و لو بقى الامر يبدو عليها في تصرفاتها
وهي تعاقبك الآن سواء لان ما قيل لها من كلام عنك كان صحيح او لان أهلك جرحوها بكلام و لو غير صحيح المهم أن العقاب نزل عليك و على الاولاد ببساطة لانهم يحملو نفس لقبك هههههه
ما الحل
الحل في رأيي هو الاهتمام بكلامك معها مرتين عن موضوع مهم في مدة عشرة ايام انت تعلن لها انك غير مهتم بلجوئك الى راقي انت تهرب منها و ترميها بين يدي انسان غريب يحللها مشكلها
لذا في رأيي ابعث الاولاد برا الدار و لو يخرجوا قدام الدار أعطيهم قرعا ماء و زوج باقيطات خبز و نبه عليهم ما يطبطبوش حتى تفتحلهم انت الباب المهم ما يبقى في الدار غيركما طفي التلفاز هاتفك هاتفها قفل الكوزينة و ان بقيت فيها قفل الغاز هههه المهم حطها قدامك احلفلها بأيمان غليظة ما تنوض ولا تخليها تنوض حتى تعرف سبب غضبها هكذا تعرف انك مهتم بغضبها و ان من اجل غضبها توقفت الحياة و انك ما تقدرش تتنفس هههه و هي زعفانة هذا يا سيدي الكريم اسمه الاهتمام وليس زوج أسئلة في عشر أيام
المرأة بعد عشرة سنوات تحس نفسها استهلكها الزوج و الاولاد و البيت و ان لا أحد يهتم ان غضبت او ان فرحت فربما ليس ما حصل في بيت اخيك هو ما أغضبها بل تجاهلك لغضبها و محاولة اضحاكها لن تزيد الطين الا بلة فذلك يعني انك تلهيها كما تلهي طفل صغير
لذلك خض معها في جدال خليها تنفجر عليك ستفرغ كل غضبها عليك و ستكون انت السبب في كل شيء و ربما ستجعلك انت سبب كورونا تحمل خليها تخلص كلامها كلو و اخبرها كم انت آسف و انك لم تنتبه لانها تتحمل كل هذا منك و انك ستعوضها كل ما فات و انك ستقف معها ان ارادت ان تخاصم زوجة اخيك فستجدها تقولك انها آسفة و انها تعلم انك انسان مليح و ينتهي الغضب و من ثم خرجلها هدية و لو متواضعة
و عاشو في ثبات و نبات و جابو ولاد و بنات
أعتقد انه الحل و زيد رقيلها انت بيديك ولا تخلي ما بينك و بينها يطلع عليه لا قريب ولا بعيد و اختمها برومنسيات و فرات
ان شاء الله يفيدك كلامي
طمنا على حالكم
سلام
 

sanaya

:: عضو متألق ::
إنضم
8 ديسمبر 2016
المشاركات
3,106
النقاط
991
محل الإقامة
الجزائر
الجنس
أنثى
فرضا راحت عند الأخ هذا مثلا و شافت مثلا زوجتو عايشة خير منها راح تتبدل مصح المرأة محاااااااااال تتبدل على أولادها تبانلي لاااااازملها رقية و لا ما قبلتش رقيها بطريقة غير مباشرة مثلا فالماء اللي تشربو منو فالدار
أنا أم و علابالي مهما حصل ما نتبدلش على ولادي و حتى لو صرات و فرغت زعافي فيهم نندم و نرجع يمكن عين صابتها و لا أكثر من ذلك...
 

Golden Man

:: عضو مُتميز ::
إنضم
13 جانفي 2008
المشاركات
1,181
النقاط
571
محل الإقامة
أرض الله الواسعة
الجنس
ذكر
السلام عليكم
لقد وجدت في اللمة اناس اصحاب عقل و تجربة و لا يبخلون بالنصيحة
هذا ما دفعني لكتابة مشكلتي
لأني احترت و لم اعرف كيف اجد لها سبيلا للحل
ثم بسبب الواقع الذي قلما تجد من ينصحونك و لا يفضحونك
هذا ان لم يغدرونك و ربما يتمتعون بمشكلتك و ربما يزيدون صب الزيت على النار

اخواني و اخواتي انا متزوج و عندي اولاد و عندي سكن خاص
عايشين كيما الناس بل اقل من الناس
سكن قديم مهتريء و لباسنا قد الحال و الحمد لله على كل النعمة

عايشين في سعادة مع زوجتي و اولادي الصغار
مومنين و نخافوا الله و الحرام ما ندناوش ليه
كل العايلة يصلوا و يصوموا و يقراو القرآن
و قدنا و قد حالنا
ما نغشوا حتى واحد و البيت مفتوح للقريب و للبعيد

المشكلة
بدات قبل شي 10 ايام

زوجتي راحت ضيفة عند دار خويا قالوا مرته مريضة
راحت عندها بعد الظهر حتى للعصر

لكن رجعت ماهيش كيما راحت

راحت منورة و تضحك و كي رجعت رجعت متبدلة
بمجرد ما دخلت و انا في الدار في قلبي قلت مالها جا لونها متغير

دخلت ساكتة و حزينة

من ساعتها راهي ساكتة و مقلقة و تتقلق بسبب تافه
مثلا صباط يجي في طريقها يقلقها او مغرف تطيح من يدها
تبقى تصرخ و تعيط

باقي الوقت يدها على خدها
و احيانا تبكي
و جهها رجع اصفر

قلت ممكن يومين و راح ترجع كيما زمان
لكن لا
في اليوم الثالث فاتحها و قلت ليها خبريني ما بك
كاش حاجة حكيها او اذا راكي مريضة او محتاجة حاجة قولي
او محتاجة تبدلي جو مكان حتى مشكل نخرجك تحويسة خفيفة او نديك لأهلك ترتاحي
قالت ما تحكيش معايا مانيش مليحة و ما نروح حتى لبلاص

حاولت نضحكها او نلطف الجو شفت عينيها دمعوا
و راحت بعدتني

قلت معليش نصبر و نشوف لكن الامر راح زاد تعقد
بسبب تافه ضربت الاولاد ضرب عنيف و جرحتهم بالكلام
و دعات عليهم بالمرض و و و و

قلت للاولاد ما تتقلوش راهي مقلقة راح ترجع لصوابها
لكن بقات في نفس الامر
ساكتة او تبكي او تجرح بالكلام
عاودت فتحت معاها نقاش حسيت انها ماهيش في كامل وعييها
و تتصرف بطريقة غريبة

قلت ليها نديك لراقي او طبيب
رفضت الامر جملة و ما خلاتنيش نكمل كلامي

اليوم كان عندي امر
كي رجعت لقيتها ضاربة الاولاد و بطريقة همجية
و معها كلام جارح و دعوات ماهيش مليحة على الاولاد

الاولاد كي دخلت جاو عندي و بقاو يبكو ياااسر ياااسر و يشكو
قالولي امنا ماهيش طبيعية
و تصرفاتها ماهيش نيشان

لقيتها مبلعة الغرفة على روحها
في لحظة قلت ندخل عليها و نحذرها ما تعاودش تخوف الاولاد او تضربهم بعنف
لكن قلت نصبر معاها و نوسع بالي

الاكيد انها راحت لبيت خويا و هي في قمة السعادة و الضحك
و رجعت غير طبيعية

كي خرجت كنت في الدار و بقيت في الدار و كي رجعت كنت في الدار
يعني ما خرجتش و ما رحتش معاها
يعني شفتها خرجت و هي مليحة و رجعت و هي انسان اخر

مانيش عارف كاشما عملوا ليها
او عندها مس او خلل في حاجة

اتصلت براقي قال لازم رقية مباشرة ليها
و هي رفضت قالت لوكان تجيب راقي راح نخرج من البيت

راني محتار ما عرفتش كيف نتصرف​
السلام عليكم ورحمة الله
في البداية ندعو الله ان يفرج كربكم اخي ويزيل غمكم وحزنكم ويعيدكم الى طبيعتكم التي كنتم عليها

واما في في الموضوع . حسب ما ارى واعلم والله اعلى واعلم/
يجب عبليك ان تتخد الاجرالءات التالية.. وان تتدخل فورا وبدووون مماطلة/
لأنه يجب أن تتعلم من يكون في حالة مرض وغضب كـ المجنون فهو (فاقد الاهلية الشرعية) .... والعاقل هو الدي يجب ـأن يتدخل فورااااااا /
1/ يجب أن تأتي براقي متمكن (واحتمال كبير اصابها عين او مس او سحر والله اعلم) .. ولكن هاته هي في الغالب اعراض من يصابون بدالك .. فتجدهم يتحولون مئة درجة !!
2/ حاول معها...بمعها بلطف وهدوووء ان تعرف وان كانت قد ((سمعت خبر ما -وبالاحرى قد تكون كدبة ما .. عندما دهبت عند اخوك حول اي موضوع كان... وقد تعتقد انك اخفيت عليها الامر .. لدالك غضبت ... (وادا اضطريت والأكيد هدا خوك قريب منك وإما لم دهبت عنده زوجتك .. قلت وادا اضطريت اسأل خوك وان كان لا يعلم فليسأل زوجته وان فتحت معها اي موضوع كان ؟

3/ هادي زوجتك وانت تتصرف فيها ماشي هي تتصرف فيك .. (وتهديدها لك بأنها تخرج من البيت ادا جبت راقي- هدا غير لااائق اطلاقا) .

وفي كل الاحوال ننصح التعامل بحكمة مع الحالة قد يكون اصابها ما اصبها كاما اخبرتك ... قبل اتخاد الاجراءات الردعية اللازمة لحل المشكلة بكلل السبل .. (المماطلة ليس في صالح العائلة عموما)à


موفق اخي


واخبرنا عèن النتائج .. ونحن معك في المتابعة بإدن الله ....
 

ماغيكاي تشان

:: مشرفة :: نجمة اللمة
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
13,028
النقاط
2,256
الجنس
أنثى
السلام عليكم أخي
مشكور على وضع الثقة في هذا المنتدى و ناسه و ان شاء الله تتصلح الامور عاجل غير آجل
الظاهر اخي ان البيت ما شاء الله عامر و يبدو من كلامك انه عندكم سنين مزوجين ربي يخليكم لبعضكم و بالتأكيد ساعة حلو ساعة مر حتى يفنى العمر و أكيد أيضا أنها زوجتك ياما شافت نساء مستواهم المادي احسن منها سواء من العائلة ولا المعارف اكيد تغيضها لكن أكيد تنساها بعد حين والا ما كنتوش كملتو مزوجين كما أظن أنه لو كان السبب مادي لكنت عرفت و لكان امر هين مش رح تكتبه هنا فلا أعتقد السبب مادي
أخي الزوجة بعد العشرة تاع سنوات تتوقع ان الزوج صار يفهمها مثل ما تفهمه هي من غير ما ينطق يعني ساعات تجي خارج و من بعد تولي للدار نسيت حاجة تلقى الزوجة رافدتها و تستنى فيك عند الباب هاك حاسة سادسة و كزوجات نعتبرها اقصى درجات الحب انها تصير ساكنة قلب و عقل الزوج و تتوقع من الزوج نفس الشيء لكن بالطبع الرجل لا يعطي هذا الموضوع نفس الاهتمام مثل المرأة لذلك عندما تقولها نجيبلك راقي رح ترفض و بشدة أولا لانها تعرف ما بها و هي ليست بحاجة راقي لكن بحاجة اهتمام زوجها و ان يعرف ما بها دون تفوهها بكلمة فهو الاقرب اليها و ليس الراقي و ان كانت بحاجة لراقي فسيكون زوجها و ليس انسان غريب
ثان شيء المشكل جرا أثناء قيامها بالزيارة و أغلب الظن أنهم قالولها كلام جرحها و هي لا تريد قوله لك سواء لانها تعرف انك لا تستطيع عمل شيء او لانها لا تريد اشعال نار و تفضل ان تحترق هي بها داخليا و لو بقى الامر يبدو عليها في تصرفاتها
وهي تعاقبك الآن سواء لان ما قيل لها من كلام عنك كان صحيح او لان أهلك جرحوها بكلام و لو غير صحيح المهم أن العقاب نزل عليك و على الاولاد ببساطة لانهم يحملو نفس لقبك هههههه
ما الحل
الحل في رأيي هو الاهتمام بكلامك معها مرتين عن موضوع مهم في مدة عشرة ايام انت تعلن لها انك غير مهتم بلجوئك الى راقي انت تهرب منها و ترميها بين يدي انسان غريب يحللها مشكلها
لذا في رأيي ابعث الاولاد برا الدار و لو يخرجوا قدام الدار أعطيهم قرعا ماء و زوج باقيطات خبز و نبه عليهم ما يطبطبوش حتى تفتحلهم انت الباب المهم ما يبقى في الدار غيركما طفي التلفاز هاتفك هاتفها قفل الكوزينة و ان بقيت فيها قفل الغاز هههه المهم حطها قدامك احلفلها بأيمان غليظة ما تنوض ولا تخليها تنوض حتى تعرف سبب غضبها هكذا تعرف انك مهتم بغضبها و ان من اجل غضبها توقفت الحياة و انك ما تقدرش تتنفس هههه و هي زعفانة هذا يا سيدي الكريم اسمه الاهتمام وليس زوج أسئلة في عشر أيام
المرأة بعد عشرة سنوات تحس نفسها استهلكها الزوج و الاولاد و البيت و ان لا أحد يهتم ان غضبت او ان فرحت فربما ليس ما حصل في بيت اخيك هو ما أغضبها بل تجاهلك لغضبها و محاولة اضحاكها لن تزيد الطين الا بلة فذلك يعني انك تلهيها كما تلهي طفل صغير
لذلك خض معها في جدال خليها تنفجر عليك ستفرغ كل غضبها عليك و ستكون انت السبب في كل شيء و ربما ستجعلك انت سبب كورونا تحمل خليها تخلص كلامها كلو و اخبرها كم انت آسف و انك لم تنتبه لانها تتحمل كل هذا منك و انك ستعوضها كل ما فات و انك ستقف معها ان ارادت ان تخاصم زوجة اخيك فستجدها تقولك انها آسفة و انها تعلم انك انسان مليح و ينتهي الغضب و من ثم خرجلها هدية و لو متواضعة
و عاشو في ثبات و نبات و جابو ولاد و بنات
أعتقد انه الحل و زيد رقيلها انت بيديك ولا تخلي ما بينك و بينها يطلع عليه لا قريب ولا بعيد و اختمها برومنسيات و فرات
ان شاء الله يفيدك كلامي
طمنا على حالكم
سلام
والله العظيمردك شوكاني كي شغل منقدرش نوصف
المرأة ميزها الرحمن بالعاطفة والرجل بالعقل،لذلك ان تنتظر من الرجل الانور التي ليست من طبيعته هذه ضرب من الجنون
اجل يفهم شخصيتها ويعرف متى تتبدل حالها وان كانت قلقة او لا، غاضبة او لا، لمن انو يولي مصباح علاء الدين أواه مكاش منها
وزيد تصرفها قلة ادب مع الابناء ومع الزوج قطعا في الشرع، السيد دار اللي عليه سقساها وهي ممقيمتوش وش باغية؟ والله انا طفلة ونقلق من التصرفات هذو الدلال عندو حدود موش للدرجة هذي والله
وباين انه مهيش نورمال بما أنه مكانتش هك ومستحيل امراة فكامل قواها العقلية ترجع الغش في اولادها بالضبط وحدة تخاف ربي كيما قال السيد فوق، والا تعتبر غير مؤهلة للامومة في نظري
الحمد لله الذي عافانا مما ابتلاها، وأسال الله العفو والعافية لكل امة محمد
 

ناصر dz

:: عضو بارز ::
إنضم
14 جانفي 2015
المشاركات
6,689
النقاط
1,106
الجنس
ذكر
الحل الأفضل هو مصارحة زوجتك بما تشعر وطلب تفسير واضح منها عن سبب تغيرها معك و وتصرفاتها على هذا النحو مع الصغار،
فليس هناك أفضل من حوار هادئ ، من دون أي إهانة ،
. لكل مشكله حل ، تصارحا بالمشاكل وابحثا عن حلول لها ، ، فلماذا تعاملك بهذه الطريقة ؟ لا بد لها من تفسير ذلك
، أما من ناحيتك أنت فتجنب اللوم والعتاب والنصح المباشر واستبدله بالتشجيع والثناء على أي تصرف إبجابي تبادر به
، ساعدها في تنظيم يومها وخطط معها برنامجا للأسبوع تستشيرها فيما تريده منها ،
وما تحب هي أن تنجزه فالتفاهم بالمودة والكلمة الطيبة والابتسامة
هو أفضل طريقه لتعود زوجتك كما كانت
 

خديجة ph

::طبيبة صيدلانية::
إنضم
14 أفريل 2015
المشاركات
755
النقاط
551
العمر
36
محل الإقامة
قسنطينة الجزائر
الجنس
أنثى
والله العظيمردك شوكاني كي شغل منقدرش نوصف
المرأة ميزها الرحمن بالعاطفة والرجل بالعقل،لذلك ان تنتظر من الرجل الانور التي ليست من طبيعته هذه ضرب من الجنون
اجل يفهم شخصيتها ويعرف متى تتبدل حالها وان كانت قلقة او لا، غاضبة او لا، لمن انو يولي مصباح علاء الدين أواه مكاش منها
وزيد تصرفها قلة ادب مع الابناء ومع الزوج قطعا في الشرع، السيد دار اللي عليه سقساها وهي ممقيمتوش وش باغية؟ والله انا طفلة ونقلق من التصرفات هذو الدلال عندو حدود موش للدرجة هذي والله
وباين انه مهيش نورمال بما أنه مكانتش هك ومستحيل امراة فكامل قواها العقلية ترجع الغش في اولادها بالضبط وحدة تخاف ربي كيما قال السيد فوق، والا تعتبر غير مؤهلة للامومة في نظري
الحمد لله الذي عافانا مما ابتلاها، وأسال الله العفو والعافية لكل امة محمد
هذا هو ديننا حبيبتي
 

ماغيكاي تشان

:: مشرفة :: نجمة اللمة
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
13,028
النقاط
2,256
الجنس
أنثى
هذا هو ديننا حبيبتي
لم اقصد مافهمته غاليتي، طبعا الدين الاول.. لكن يا اختي اذا هي مصارحتوش حتى لما سالها وش الاشكال منعرف كيف رح يتوصلو لحل،الاشكال انه لما المراة ميعجبهاش حاجة بدل متصارح المخلوق واكيد باسلوب طيب تعبي نيفها عليه وتروح تشكي للناس وتحكي للناس والتراكمات هذو هوما اسباب المشاكل..
الان هذي المرأة في الحالة هذي، منحكوش فحالة الفيديو.. راحت شخص ورجعت شخص آخر، زوجها حاول معها لكن صدته والاولى ان تخبره ما ازعجها موش تخليه يخمن، هذي اكره حاجة عندي يديروها الناس.. هذه وجهة نظري
اجل اتفق انه يصر عليها ويحاول يعرف السبب، لكن اذا هذيك المخلوقة بقات تبلع في البيبان فوجهو مستحيل يعرف وين الاشكال ويقدرو يتفاهمو.. يعني المحاولة تكون بين الطرفين واجل انا فتاة وأفهم كل ذلك، لكن تصرفها لا يبرره شيء اختي الغالية
 

randa.hac

:: عضو منتسِب ::
إنضم
21 جويلية 2020
المشاركات
95
النقاط
5
العمر
20
محل الإقامة
constantine
الجنس
أنثى
السلام عليكم
لقد وجدت في اللمة اناس اصحاب عقل و تجربة و لا يبخلون بالنصيحة
هذا ما دفعني لكتابة مشكلتي
لأني احترت و لم اعرف كيف اجد لها سبيلا للحل
ثم بسبب الواقع الذي قلما تجد من ينصحونك و لا يفضحونك
هذا ان لم يغدرونك و ربما يتمتعون بمشكلتك و ربما يزيدون صب الزيت على النار

اخواني و اخواتي انا متزوج و عندي اولاد و عندي سكن خاص
عايشين كيما الناس بل اقل من الناس
سكن قديم مهتريء و لباسنا قد الحال و الحمد لله على كل النعمة

عايشين في سعادة مع زوجتي و اولادي الصغار
مومنين و نخافوا الله و الحرام ما ندناوش ليه
كل العايلة يصلوا و يصوموا و يقراو القرآن
و قدنا و قد حالنا
ما نغشوا حتى واحد و البيت مفتوح للقريب و للبعيد

المشكلة
بدات قبل شي 10 ايام

زوجتي راحت ضيفة عند دار خويا قالوا مرته مريضة
راحت عندها بعد الظهر حتى للعصر

لكن رجعت ماهيش كيما راحت

راحت منورة و تضحك و كي رجعت رجعت متبدلة
بمجرد ما دخلت و انا في الدار في قلبي قلت مالها جا لونها متغير

دخلت ساكتة و حزينة

من ساعتها راهي ساكتة و مقلقة و تتقلق بسبب تافه
مثلا صباط يجي في طريقها يقلقها او مغرف تطيح من يدها
تبقى تصرخ و تعيط

باقي الوقت يدها على خدها
و احيانا تبكي
و جهها رجع اصفر

قلت ممكن يومين و راح ترجع كيما زمان
لكن لا
في اليوم الثالث فاتحها و قلت ليها خبريني ما بك
كاش حاجة حكيها او اذا راكي مريضة او محتاجة حاجة قولي
او محتاجة تبدلي جو مكان حتى مشكل نخرجك تحويسة خفيفة او نديك لأهلك ترتاحي
قالت ما تحكيش معايا مانيش مليحة و ما نروح حتى لبلاص

حاولت نضحكها او نلطف الجو شفت عينيها دمعوا
و راحت بعدتني

قلت معليش نصبر و نشوف لكن الامر راح زاد تعقد
بسبب تافه ضربت الاولاد ضرب عنيف و جرحتهم بالكلام
و دعات عليهم بالمرض و و و و

قلت للاولاد ما تتقلوش راهي مقلقة راح ترجع لصوابها
لكن بقات في نفس الامر
ساكتة او تبكي او تجرح بالكلام
عاودت فتحت معاها نقاش حسيت انها ماهيش في كامل وعييها
و تتصرف بطريقة غريبة

قلت ليها نديك لراقي او طبيب
رفضت الامر جملة و ما خلاتنيش نكمل كلامي

اليوم كان عندي امر
كي رجعت لقيتها ضاربة الاولاد و بطريقة همجية
و معها كلام جارح و دعوات ماهيش مليحة على الاولاد

الاولاد كي دخلت جاو عندي و بقاو يبكو ياااسر ياااسر و يشكو
قالولي امنا ماهيش طبيعية
و تصرفاتها ماهيش نيشان

لقيتها مبلعة الغرفة على روحها
في لحظة قلت ندخل عليها و نحذرها ما تعاودش تخوف الاولاد او تضربهم بعنف
لكن قلت نصبر معاها و نوسع بالي

الاكيد انها راحت لبيت خويا و هي في قمة السعادة و الضحك
و رجعت غير طبيعية

كي خرجت كنت في الدار و بقيت في الدار و كي رجعت كنت في الدار
يعني ما خرجتش و ما رحتش معاها
يعني شفتها خرجت و هي مليحة و رجعت و هي انسان اخر

مانيش عارف كاشما عملوا ليها
او عندها مس او خلل في حاجة

اتصلت براقي قال لازم رقية مباشرة ليها
و هي رفضت قالت لوكان تجيب راقي راح نخرج من البيت

راني محتار ما عرفتش كيف نتصرف​
وعليكم السلام ورحمة الله تعالى وبركاته

اولا فرّج الله همكم وأصلح بينكم يااارب

ثانيا انا شخصيا معنديش حل حاولت نفكر لكن لم استطع للأسف لكن حسب ما قريت ردود الإخوة ارى أنك اولا تشوف اقتراح الأخت @خديجة ph واذا لم ينفع الحل شوف ثانيا اقتراح @sanaya ونشالله واحد منهم يقدر يحل مشكلتك. اضافة الى الدعاء ثم الدعاء ثم الدعااااء
وربي يسهللكم ويبعد عنكم كل مكرووه يااارب
 

خديجة ph

::طبيبة صيدلانية::
إنضم
14 أفريل 2015
المشاركات
755
النقاط
551
العمر
36
محل الإقامة
قسنطينة الجزائر
الجنس
أنثى
لم اقصد مافهمته غاليتي، طبعا الدين الاول.. لكن يا اختي اذا هي مصارحتوش حتى لما سالها وش الاشكال منعرف كيف رح يتوصلو لحل،الاشكال انه لما المراة ميعجبهاش حاجة بدل متصارح المخلوق واكيد باسلوب طيب تعبي نيفها عليه وتروح تشكي للناس وتحكي للناس والتراكمات هذو هوما اسباب المشاكل..
الان هذي المرأة في الحالة هذي، منحكوش فحالة الفيديو.. راحت شخص ورجعت شخص آخر، زوجها حاول معها لكن صدته والاولى ان تخبره ما ازعجها موش تخليه يخمن، هذي اكره حاجة عندي يديروها الناس.. هذه وجهة نظري
اجل اتفق انه يصر عليها ويحاول يعرف السبب، لكن اذا هذيك المخلوقة بقات تبلع في البيبان فوجهو مستحيل يعرف وين الاشكال ويقدرو يتفاهمو.. يعني المحاولة تكون بين الطرفين واجل انا فتاة وأفهم كل ذلك، لكن تصرفها لا يبرره شيء اختي الغالية
شوفي شيموم هذي ام أولادو مربية أجيال أم و الام تحت أقدامها الجنان عشرة سنين مش يوم و ليلة و هو اعترف انهما يعيشان مع بعض سمن على عسل سنييين طويلة الآن هي زعفت تراكمت عليها الضغوطات فتنو ما بينها و بينو لن نقول عنها قليلة أدب كما قلت و ربي يعافينا مما ابتلاها و راهي انسانة ما تصلحش انت الآن غاليتي مخطوبة فقط لازلتي لاتعرفين الزواج ولم تجربيه و لا تعرفين ضغوطاته و لا حتى ألم من آلام الولادة فلا تتسرعي غاليتي بالحكم عليها تمعني و هي زعفانة مدة عشرة أيام سألها مرتين متفرقتين واش بيك هذه هي محاولاته و حاول يضحكها سامحيني أكيد مش راح تقولو وش بيها و خاصة اذا الموضوع مش تاع و هي واقفة تطيب تقولو إيه حقا ما عجبتنيش الكويزينيار بدلهالي أكيد الموضوع مقلقها كثيرا لازمو يجتهد ليعرف عالاقل ما بها ليس يجري للراقي و هو لم يحاول حتى معرفة ما بها أما عن الرجل كيف يفكر بعاطفة المرأة فهنا الفديو من الاخ عبد الرؤوف يكفي للرد سيد الخلق عليه الصلاة و السلام كيف كان يفهم المرأة يقدر غيرتها دلالها فلا عيب ان حاول التفكير بعواطفها و مجاراتها فيها
ربي يوفقك غاليتي و يكملك و ينيلك ما تتمناي
سلام
 
Top