من الأحسن ؟؟ الطب أم الصيدلة ؟؟ الرجاء الدخول

[Houda Chaouienne DZ]

السلام عليكم ورحمة الله وبركاته

و عليكم السلام
​

اولا نتمنالكم ان شاء الله نجاح في الباكالوريا و الحاجة للي فرحتني هي ما راكيش تخمي تديه و سايي ...عجبتيني الله يوفقك

إن شاء الله يا ربي
و ربي يفرحك ديما ختي​

....انا قبل ما نربح الباك كنت هابلة على pharmacie لكن كي ربحت الباك و داروني طب معجبنيش الحال لكن ختي والله بعد 4 سنوات طب راني نحمد ربي عاى لي خيرلي طب ...صح التعب .....لكن ديري في بالك قد ما تتعبي قد ما تكون المحصلة كبيرة ...........

الله يبارك
و صح ختي ..
انا ثاني نشتي الطب بزاف​

صيدلي مليحة بصح ف بلادنا معظمهم يحلو محل و يبيعو فيه دوا و حتى specialté مافيهاش بزاف .........

انا عجبتني الصيدلة على جال la spécialité
اذا هكاك انا نخير الطب عليها​

بصح طب ...طويلة ...مليحة ...وتعلمك ف الانسانية بزاف حوايج ...و specialité عندك ما تخيري

صح عندك الحق
​

............سمحيلي لا طولت بصح حبيت نساعدك بالتوفيييييييييييييييييييييييييق
والاختيار يولي ليك

السماح أختي
ربي يوفقنا و ينجحنا كامل
آمـــــــــــين
و على الاختيار راني بديت نخير طرف على الآخر
إن شاء الله يكون اختياري صائب
شكرا لك على ردك و نصيحتك
استفدت كثيرا من تجربتك الخاصة​

 

[Houda Chaouienne DZ]

تفاءلوا خيرا تجدوه.
- الطب رسالة إنسانية كبيرة تخيلي أنكي طبيبة كبيرة وتعالجين أشخاصا يائسيين .
الصيدلة تجارة في بلادنا.
- الطب أحسن لأنك راح تعطي وتمنحي وتضيفي
​

شكرا لك أخي كثيـــــــــرا
على هذه النصائح
و أنا أيضا هكذا أعتقد
و لكن هناك من يعتقد أن الصيدلة أحسن
شكرا جزيـــــــــلا على نصائحك الثمينة
بارك الله فيك​

 

[ShErYfa_LuNa]

اختي انا نقولك الصح ديري صيدلة خير..انا راني سنة اولى طب و كرهت حياتي و مشكلي مالقيتش لي ينصحني مانديرهاش هي صح مهنة تع انسانية مي والله التعب لي فيها كبيييير بزاف و كي تخلصي 7 سنين تعك لا ماش 8 سنين تخرجي غير جينيراليست واحد ما يسمع بيك و زيد لكان حبيتي تخصص لازمك تقراي للكونكور و النجاح فيه بالمعرفة و ماااااااااانعرف لكان طيرلك سبيسياليتي لي حاباتها نتي و الترتيب تاعك...
مالا ختي خمي مليح و ديري استخارة كيما قالولك و ربي يوفقك

 

[Houda Chaouienne DZ]

مشكورة اختي على الموضوع

عفوا
​

ربي ينجحك في الباك بمعدل مليح
آمــــــــــــــــين يا ربي .. شكرا
انا برايي الطب خير و ملي كنت صغيرة نتمنى نكون طبيبة ان شاء الله صح فيه تعب و شقا بصح هو خير من الصيدلة

هادا هو رايي

شكرا جزيلا لك أختي على إبداء رأيك
​

تحياتي

أشكرك جزيل الشكر
على مرورك العطر
نورتي موضوعي​

 

[Houda Chaouienne DZ]

علاه راكم كامل تذموا في الصيدلة:scared:
طيحوتلي المورال:schmoll:

بالعكس ختي
مايطيحلك المورال ماوالو
الي مايطول العنب حامضا عنه يقول
رانا غير نقولو في آراءنا​

انا الحمد لله صيدلانية وعندي 4 سنين ملي تخرجت
و

نتي واش رايك طب خير ولا صيدلة خير
على حساب تجربتك ؟؟​

المهم تكوني مقتنعة بالحاجة اللي تخيريها وتنجحي فيها

هاذي صح كاينة منها
​

حتى اللي يخير الطب ويقعد يتكركر فيها ومن بعد يتخرج طبيب عام ماعندو حتى مستقبل في بلادنا
وحتى الصيدلة مش ساهلة والله تعبت فيها بصح الحند لله نجحت كل عام بعاموا

الله يبارك فيك ختي
بصح انا الطب كمهنة تعجبني
مام طبيب عام​

عموما ربي يوفقك اختي

آمـــــــــــــين يا ربي
شكرا جزيلا أختي على إضفاء رأيك
من وحي تجربتك
و شكرا على نصيحتك
نورتي موضوعي​

 

[Houda Chaouienne DZ]

أولا اختي نقولك ان شاء الله تدي الباك وبتقدير جيد

آميــــــــــــن يا ربي
​

بين الطب والصيدلة
نحكيلك على حساب تجربتي
أنا الطب كنت كارهتو خاطرش طويل ويعيي بزاف وحبيت ندير صيدلة خاطرش 5سنوات برك,بصح كيما يقولوها الدنيا مكاتيب وأنا كتبلي ربي نقرا الطب ورغم أني ما كنتش حابتو بزاف مع الوقت اقتنعت بيه وقلت الحمد لله اللي درتو هو وما درتش صيدلة لأني بعد ما شفت وقريت فهمت صح واش الفرق بين الصيدلة و الطب

ممكن تقوليلي واشي هو هاذ الفرق ؟؟
​

وفي ما يخص اكمال الدراسة في الصيدلة لتصبحي دكتور في البيولوجي ماهيش ساهلة وماشي كامل يديروها لازم مسابقة والناجحين اللي عادة يكون عددهم في حدود العشرة يتقسموعلى الاختصاصات الموجودة هادي وحدة

صح هاذا هو المشكل
​

وزيد مشكل الخدمة الصيادلة باش يخدمو لازم يمدلهوم تصريح ويعينولهم المكان على حساب احتياجات المنطقة وفي الأعوام الأخير صرا شبه تشبع ولاو يبعتوهم للمناطق البعيدة وللأسف هادوك المناطق ما فيهمش الاطباء بزاف يعني الناس ما يشريوش الدواء من عندهم,نعرف ناس خلصو وراهم يعانيو من هاد المشكل

صح .. كاينة منها
​

فيما يخص الطب يا ختي لقراية فيه تعيي بزاف بزاف ولازم تكون عندك قوة وارادة باش تقدري تكملي وزيدي حطي في بالك باللي ماهمش 7سنين برك لوكان تحبي تكملي الاختصاص تزيدي على الاقل 4سنوات

و كاين تخصصات تاع عامين ولا 3
​

مارانيش نخوف فيك بصح نقولك برك تخممي مع روحك مليح وصلي صلاة استخارة واللي يجيبو ربي مليح

إن شاء الله
​

في الاخير نقولك ختي الطب رغم كل التعب والحقرة اللي راهم مدايرينها على الطبيب في بلادنا يبقى الطب رسالة نبيلة والله كي تعاوني الناس تحسي باللي راكي درتي حاجة في دنيتك باللي راكي عندك معنى

صح .. عندك الحق
​

اذا حابتيها ديريها واذا شايفة روحك ماشي قادرة على التعب ما تحتميهاش على روحك ديري اللي يساعدك ويخرج عليك

حبيتها .. بصح حابة نزيد نتأكد باش مانندمش
​

سلام

و عليكم السلام
شكرا جزيــــــــــلا أختي
على نصائحك المستوحاة من تجربتك
بارك الله فيك على المرور
​

 

[malaki_aya]

السماح أختي
ربي يوفقنا و ينجحنا كامل
آمـــــــــــين
و على الاختيار راني بديت نخير طرف على الآخر
إن شاء الله يكون اختياري صائب
شكرا لك على ردك و نصيحتك
استفدت كثيرا من تجربتك الخاصة​

لاشكر على واجب اختي ......المهم لما تقرري مسارك استخيري ربك ولك منه الرضى

 

[sako]

ma soeur ma dis ke cette année ya un probleme et c probable ke medecine mekenche mais je suis pas sure
la plupart 3andhom le meme probleme te3ek les excellents biensur .mais je te conseille tsem3i lakbar li fedomaine khir
c mieu
pardon ma3andiche larabe
bonne chance au bac ​

 

[عاشقة رجاص]

ma soeur ma dis ke cette année ya un probleme et c probable ke medecine mekenche mais je suis pas sure

la plupart 3andhom le meme probleme te3ek les excellents biensur .mais je te conseille tsem3i lakbar li fedomaine khir
c mieu
pardon ma3andiche larabe

bonne chance au bac ​

وعلاه ماكانش الطب العام هذا؟؟؟

آواه والله ماحق عليهم حرام
نتمنى برك مايكونش الخبر يا أختي أكيد
بويسك والله رانا عازمين ياعليه يا على الصيدلة
ربي يستر
​

 

[sako]

ma soeur ma dis ya un probleme de résidance soi makenche soi meydekhlouch lih bezef​

 

[D aucun]

slt nchalah tkoni gaya et ts
f db natmanalak 1e bn chans f bac ta3ak et ts
et apré bagu ngolak rayi c ke la pharmcie c chaba et ts hada f haja c ke hiya n9ado ngolo mafihach ta3b man ba3d jami3a mais nveu ndon la medecin 5ir en + mm les spésialité f medecin c mieux prapour la pharmacie et en ts ndon f 2 chabin et li madohalak fiha 5ir
bn chance​

 

[عاشقة رجاص]

ma soeur ma dis ya un probleme de résidance soi makenche soi meydekhlouch lih bezef​

عندك حق ختي
سقسيت جماعتنا البارح وقالولي كاين منها
والسبب هو الإضرابات اللي صراو العام هذا
يعني ممكن الطب ماكانش خلاص سينو يديرو نسبة قليلة وأنتيا والمعدل تاعك
مافهمتش برك علاه ماقالوليش من اللول مادامهم على بالهم أوموان الواحد يدير حسابو
والله سمعتها من عندك ختي
على العموم شكرا ليك وإن شاء الله ربي يجيب الخير
وبالتوفيق ليك العام الجاي حنونة
يا هدى واقيلا فارماسي وخلاص ...​

 

[عبدو 29]

ما لازمش نغلطو الصيدلة مجال و الطب مجال و وكلهم بالعمل
والمثابرة ، فقط يتطلبان الحس بالمسؤولية و الإخلاص
...أميل للصيدلة]​

 

[Houda Chaouienne DZ]

ma soeur ma dis ke cette année ya un probleme et c probable ke medecine mekenche mais je suis pas sure
la plupart 3andhom le meme probleme te3ek les excellents biensur .mais je te conseille tsem3i lakbar li fedomaine khir
c mieu
pardon ma3andiche larabe
bonne chance au bac ​

صح انا ثاني سمعت بيها
قريتها فالجورنال
و على نصيحة الكبار
انا بابا طبيب و قالي ماديريش الطب
مي انا عجبتني
شكرا ختي مافيها والو
ربي ينجحنا برك
شكرا على المرور​

 

[Manii Grandmother]

هوما في زوج ملاح بصح انتي و الميول تاعك و واش تحبي تقراي

أنا نميل كتر للطب ​

 

[الوردة الناعمة]

السلا م عليكم ورحمة الله وبركاته اختيار الشعبة لمليحة صعيب بزاف كنصيحة مني انا ديت الباك العام الماضي و اخترت شعبة طب الحمد نجحت يمكن الطب طويلة ولكن بالنسبة لي هي حلمي مع انه كان بامكاني اختيار الصيدلة كل ما اقصده اختي العزيزة ليس المهم شكون لمليحة فيهم لان في 2 عندهم قيمتهم و لقراي تا عهم صعيبة شوية ولكن الاهم واش هو حلمك انت واش كنت تحلمي ديري من صغرك نتمنى تكوني فهمتي كلامي و كاشما تحتاجي رانا كلنا هنا و نتمنى نشاء الله تنجحي بمعدل جيد لانه ماش المهم النجاح الاهم المعدل و ربي يوفق

 

[Jùšt à Gįrl]

هوما في زوج ملاح

مي نقول بالاك الصيدلة افضل فيها مميزات اكثر من الطب

 

[Houda Chaouienne DZ]

slt nchalah tkoni gaya et ts

لاباس الحمد لله
​

f db natmanalak 1e bn chans f bac ta3ak et ts

ان شاء الله
شكرا​

et apré bagu ngolak rayi c ke la pharmcie c chaba et ts hada f haja c ke hiya n9ado ngolo mafihach ta3b man ba3d jami3a mais nveu ndon la medecin 5ir en + mm les spésialité f medecin c mieux prapour la pharmacie et en ts ndon f 2 chabin et li madohalak fiha 5ir
bn chance​

شكرا بزاف خويا على نصيحتك
استفدت منها
بارك الله فيك​

 

[Houda Chaouienne DZ]

يا هدى واقيلا فارماسي وخلاص ...[/center]

هههههههههههههه
ني ميدسين ني فارماسي
واقيلا نقلبوها كاسكيطة
ههههههههههه​

​

 

[Houda Chaouienne DZ]

ما لازمش نغلطو الصيدلة مجال و الطب مجال و وكلهم بالعمل
والمثابرة ، فقط يتطلبان الحس بالمسؤولية و الإخلاص
...أميل للصيدلة]​

و الله عندك الحق يا خويا
بصح انا حابة نشوف واشي هي الاحسن و الانسب
و قلت نستشيركم
بيسك هذا مصير
شكرا جزييلا أخي على مرورك
نورت الصفحة​