المعمول

[l'algeroise]

زوج كيلات دقيق رطب
كيلة فرينة
كيلة زبدة أو خليط زبدة سمن
2 م ك سكر قلاص
م ك خميرة كيميائية
م ك سكر عادي
كاس تاي ماء زهر + ماء ورد
الحشو:
إما :غرس+ كاوكاو مرحي + زبدة ذايبة + قرفة مرحيية + طيب مرحي + جوزة الطيب (مراpية)
أو: لوز+جوز+قرفة + ماء زهر+ قرفة
طريقة التحضير:
تخلطي كل المقادير مع بعض و تعجنيهم بالماء الدافئ حتى تتحصلي على عجينة طرية ومتجانسة تخليها ترتاح 30 د
تشكلي كويرات من الحشو و كويرات من العجينة ثم تحطي الحشو داخل كرية العجية و تغلقي عليها ثم ديري الكرية في المول
للتزيين:
بعدما تخرجي المعمول من الفرن تخليه يبرد شويا و ترشي عليه سكر قلاص

 

[برنســ اللمة ـيسة]

يعطيك الصحة اختي لالجيغواز
و الله جاك هايل
و عجبني الطابع تاعو بزاف​

 

[l'algeroise]

بلا مزية أختي wafaa

 

[فنون]

يعطيك الصحة اختي وتسلم ايديكي ممممممممممم انا نحب المعمول ويعجبني بزااف شكرا لكي اختي .

 

[hanane alg]

عندنا طآبع هكآ في آلدآر يخرج آلمعمول هآآيل
مرسي ختيتو خرجلك رووووووعة
​

 

[روز]

جاك هايل ياغالية يعطيك الصحة عجبني مرسي بزاف
قوليلي يصبرلك شوية يعني ماييبسش بالخف!
راه يشهيييييييي اممم يعطيك الصحة

 

[اميرة الساحل]

يعطيك الصحة اختي و شكرا على الكيفية جا هايل
برك حبيت نسقسيك في الحشو خلطتي كاوكاو مع غرس و لا تقدري تستعملي الكاوكاو وحدو ولا غرس وحدو
قوليلي الا نقدر كي نضاعف الكمية يبقى طري او مايبسش مع الوقت
تقبلي تحياتي في انتظار جديدك دوما​

 

[imane27]

هايل يعطيك الصحة

 

[rima29]

​

 

[l'algeroise]

فنون و hanane alg imane 27 بلا مزية شكرا على المرورالطيب
روز ٢٢ :الله يسلمك أختي يبقى مليح و طري درناه في عرس أختي و بقا بعد العرس وما يبسش خبيه برك في علبة
اميرة الساحل : شكرا أختي أنا الحشو درت لوز وحدو تقدري ديري غرس وحدو ولا كاوكاو وحدو وكيما قلت للأخت روز ماييبس نشالله تجربوه و تنجحو فيه

 

[l'algeroise]

شكرا أختي rima

 

[tasnim55]

اممممممم اختي لالجيرواز المعمول جاك تحفة الله يبارك يا شاطرة بصحتكم وزبدة استعملتيها طرية ميش ذايبة

 

[l'algeroise]

الله يسلمك أختي tassnim الزبدة ذايبة

 

[روعة2005]

جاك هااااايل الجيغواز امممممممم يشهي

 

[l'algeroise]

الله يسلمك أختي فوفة 2011

 

[اسال الله الفردوس]

الله يبارك جاك هايل

 

[فلسطينية الهوى]

شكراااااااااااااااااااااا

 

[حكيك]

 

[حاملـة المسك]

جاك ما شاء الله للجرواز تبارك الله عليك
ربي يحفظك​

 

[اميرة وهران]

وصفة طيبة ...... بارك الله فيك