السلام عليكم ورحمة الله وبركاته
كيراكم دايرين مع الحمان باينة المخير فيكم راه ينشوى كي الدجاج 
i-o: حنا رانا في
i-o: حنا رانا في
الرحمة نتاع ربي دوليام راه يسوط وحد البرود الله يدومه علينا وعليكم قولوا امين :shay:
لاحظتو يا جماعة كل مواضيعنا راهي تعالج قضية من قضايا المجتمع وقاع لي رانا
نحطوه مواضيع ونتناقشو فيه راه صاري في واقعنا ومشي راه من راسنا
اليوم موضوعي على الغيرة والحسد لي راه بين الناس وخصوصا كي واحد يدير
الفايونس ولا يدير دار دوسول لداره ولا يبدل ديكور ولا يشري حوايج لداره
يجي عنده واحد من لافامي ولا جار ولا حتى براني عليه يبدا يقول اواه هادا مشي
خير مني انا ثاني لازم ندير كيفه وسيرتو النسا هوما سباب الخلا نتاع ديارهم
واغلبية الرجال ضحية
تبدى عليه شفت جارنا كي رد سكنته شفت الفايونس في الحيطان شفت الكوزينة:huh:
كيساواها شفت ديكور كي داير وزيد وزيد :huh:
ايا يبقى الراجل غير يخمم كي يدير يسلك :sadwalk:
مع مرته ولازم شروطها تتنفذ ولا تقلب بيه الدار :cursing:
يروح قاع الدارهم لي فوقه وتحته
لامهم لكاش ذيقة ولا مرض الله يعافي يجبدهم وهو وجهه معصور:sad:
ويجيب الماصو
ايا ويقلب ديك الدار هدم ديك الغرفة وطلع داك الحيط ولصق داك الفايونس ودخل
اثاث جديد يخلطلها جدها غير باه يقلد جاره ولا واحد من فاميلته 
وغادي نعطيكم مثل بسيط صرا عنا وحدة دات راجلها للمحل وعمتي كانت تما
سمعت راجلها يقولها هادي هيا تارمو كيما لي شراتها جارتك :busted_red:
شفتو وين وصلنا بهدلوا رواحهم وبهدلو رجالتهم :glare:
والمرا عاجبها الحال المهم ما تكونش جارتها فوقها :heh:
لوكان نزيد نهدر غادي يكون الموضوع طويل وممل عطيتكم غير المختصر المفيد
وعلى بالي راكم فهمتو قصدي
وضرك كل واحد يقول رايه بصراحة وكاش موقف كيما هاك سمع بيه ولا شافه
:music_whistling:
تحياتي لكم :ax_flw:
