المعز لدين الله
:: عضو منتسِب ::
السلام عليكم ورحمة الله وبركاته
واش ركم ناس اللمة نتمنى تكون وبخير والحمد لله
أما بعد,, فحكايتي مع بنت نتحفظ نذكر اسمها, بصح هاذي البنت مع انها بسيطة جدا إلا أنها ملكت عقلي وتفكيري, هاذي هندها حوالي عامين مين تعرفت عليها,,
البنت هاذي كانت تقرا معايا في الباك,, في بداية السنة الدراسية بدلت للقسم الآخر وانا بقيت في القسم تاعي,, بصح قتلها بالنظرات لأنني كنت جد معجب بيها لجمالها البريء وبساطتها وربايتها.
المهم هي تاني بدات تبادلني النظرات ولأنها بسيطة كانت نظراتها بريئة, نظرة طفولية.
عندها شارفت السنة على الانتهاء قررت محادثتها وقلت لها أنني أحبها وأرغب بربط علاقة معها, لكنها قالت لي أن ذلك مستحيل, قلت لها فكري قالت لو نفكر عام نقولك لالا, وعلابالي مش رفضت على جالي بصح على جال ربايتها وخاوتها لي مزيرين عليها بزاف.
خاوتها متشددين عليها, حتى في طريقها للدار حاكمة نفس الطريق ياو تقول نرسمهالكم بالخريطة تعدي عليها كل يوم ما تهرب ما شرق ما غرب.
حتى مشيتها مشية تع وحدة عند روحها ومربية.
البنت هادي بديت نفكر جديا بأنني نخطبها,, وتكون ليا,,
عندي عام ماشفتهاش هي تقرا في جامعة وانا في جامعة في ولاية اخرى
بصح مازالني نحبها وغير هي في بالي,, طفلة ما قدرت تنحيها من بالي,, عرفت قبلها بصح ما قدرتش نعرف بعدها,, دبرو عليا عندي النيمرو تاعها وخايف نتصل بيها لأنها رفضت من قبل.
ويا ليت من الجماعة يديرو نفسهم في مكاني لا التعليق بردود غير منطقية
وبارك الله فيكم
