طَاجِين الكَفْتة من مَطبَخِي

[•• AméL Là Stàr ••]

السلام عليكم اليوم جربت طاجين كفتة حبيت ديرلكم الطريقة اللي ستعملتها
مانطولش عليكم درت
حوالي كيلو كفتة
بصلة كبيرة
3حبات طماطم
فلفلة حارة و تقدروا تستعملو ايضا الحلو
و درت التوابل ملح كمون فلفل اسود و شوية زعفران
ودرت شوية ثوم
و زيت الزيتون
الطريقة بسيطة جدا
ديري 4 ملاعق زيت وثوم ف طاجين و ضيفي البصل وخليهم على نار هادئة

​

وبعدها نخلطوا مع الكفتة شوية بصل و ثوم مبشورين و الملح فلفل اسود و كمون نخلطوا الكفتة ​

​

ونكوروها ​

​

بعد 15 دقيقة تكون البصلة دبالت نضيفوولها التوابل الفلفل الحار ​

​

ثم الكفتة ونديرو كوب ماء ونغلقوا الطجين و نخليوَه يطيب على نار هادئة​

​

​

في الأخير نضيفولها الطماطم المبشورة و نغلقوه مرة ثانية ​

​

و هادي هي النتيجة ​

ملاحظة يجب التقليب المستمر لخاطر أحيانا يلتسق و أي إستفسار أنا هنا
تحياتي للجميع و ان شاء الله تعجبكم الطريقة والله تجي لذيذة و عندنها دوق مختف جدًّا على تاع المقلاة​

 

[tasnim55]

امممم يعطيك الصحة يالحبيبة روووووعة طاجين يسلمو الايادي

 

[محـ أمين مد]

مشكورين صديقتي بارك الله فيك

بالتوفيق ...
​

 

[اسيرة]

ممممممممممم باين يشهي
يسلمووو ايديك

 

[girl-alg]

يعطيك الصحة اختي
ننتظر المزيد شكرااا

 

[طيور الجنة21]

شكرا لك ولكن ما قضية 4 ملاعق ثوم

بلاك راهم بزاف
و أحنا رانا نرحيو البصل ما نخليوهمش مقطعين كبار
​

 

[•• AméL Là Stàr ••]

شكرا لك ولكن ما قضية 4 ملاعق ثوم​

بلاك راهم بزاف
و أحنا رانا نرحيو البصل ما نخليوهمش مقطعين كبار​

semhili ghlat 4 m3ale9 zit Zitoun w lbasal kima t7abi diri ana r7itah f kefta w tajin fadalt ykoun mo9ata3​

 

[الشاف رمزي]

شكرا على الطريقة
ولكن...
حبيت نسال الكمية كم تكفي لشخص؟؟؟​

 

[*/نهال/*]

شكراااااااااا

 

[عشقي الامارات]

ya3tik essaha

 

[•• AméL Là Stàr ••]

[quote=الشاف رمزي;3490112]

شكرا على الطريقة

ولكن...​

حبيت نسال الكمية كم تكفي لشخص؟؟؟
[/quote]

يا أخي على حسب الكمية انا درت اقل من كيلو يمكن 600 غرام
لسته أشخاص و يمكن تجي لأكثر لأنوا تجي فيها لا صوص '​

 

[الشاف رمزي]

بارك الله فيكي على الرد والتوضيح​

 

[ام خديجة1]

بارك الله فيك

 

[ام سامي]

يعطيك الصحة


هاذ الاسبوع شرالي زوجي هذا الطاجين و عمري ما طيبت بيه


كنت نحوس على وصفات الطاجين


زيدينا اختي

 

[•• AméL Là Stàr ••]

يعطيك الصحة


هاذ الاسبوع شرالي زوجي هذا الطاجين و عمري ما طيبت بيه


كنت نحوس على وصفات الطاجين


زيدينا اختي

ta9adri diri fih djaj yji bnin bazef w ta9adri dirih kima hake w t9at3i fih el batata lmakla tji chaba bazef w surtou ki tib 3la gaz na9as

 

[sabrina17]

اممممم شهيتيني ههه

يعطييك الصحة هاايلة

 

[Black heart]

مممممممممممممممممممممممممم والله حرام عليكم كنت لاباس كي دخلت هنا جعتتتت ههههه
يسلموا شكرا على الأكلة الشهية
​

 

[nesrine2]

merciiiiiiiiiiiiii

 

[قطورة الندى]

بارك الله فيك

 

[طيف الامل]

يعطيك الصحة