ديسار للسهرة(كيك بطبقات) من مطبخي ..........

[MĺŹǾ žĕĥÔŖ]

​

وش راكم çava:sheer:​

كاش تعب مع رمضان ولا والو
المهم ..جربت ديسار إن شاء الله يعجبكم حبيت نوريلكم صور وتقولولي رايكم
فالدار مدولي 10/10:shay:​

هو عبارة على طبقات من كيك والفلون والكراميل​

​

الوصفة​

اولا تشعلي الفور ديالك وتخليه يسخن​

الخطوة الأولى (الكراميل)​

نص كاس سكر وتخليه يذوب على نار حتى يولي كراميل ​

تفرغيه في السنيوا ديالك وتوزعيه في السنيوا وتدخليه الفريجيدان باش تجمد الكراميل​

الخطوة الثانية(الفلون) ​

بالباتور تخلطي
5 بيض

2 كيسان ونص ديال لحليب

كاس سكر
مغرف لافاني
ونفرغو الخلطو فوق الكراميل​

الخطوة التالتة(عجينة الكيك)
بالباتور تاني نخلطو
2بيض
نص كاس زيت
كاس سكر قلاصي
مغرف صغيرة خمارة
مغرف صغيرة فانليا
كاس فرينة (ع حساب ما توليلك عجينة سائلة بزاف)
تولي عننا عجينة سائلة ب كيما ديال الكيك
نصبوها فوق الخليط الي درناه​

وحبيت نبهكم لحاجة​

كيما نضيفو خليط العجينة رح يبانلكم تخلط مع الخليط ديال الفلون مي نورمال ممبعد كيما يطيب ينفاصل وحدو وتوليلك طبقات عادية​

وممبعد نحطو المول ديالنا في سنيوا فيها حمام مائي وندخلوها للفور​

ونخلوه حتى يطيب
كيما تخرج من الفور اقلبيه ودخليه يبرد في الفريجيدار وخرجيه وقت التقديم وقطعيه
​

وإذا حتجتوا اي حاجة قولولي إن شاء الله نوضحلكم اكتر​

إنتظروني بإذن الله في أطباق جديدة​

وإن شاء الله يكون عجبكم هاد الديسار​

جربوها وردولي الخبر وإن شاء الله تنجحلكم


شهية طيبة​

​

 

[naGam]

اختي تبارك الله عليك هايل 10/10
وننتظروك في اطباق اخرى
وقولينا الوصفة كيفاه درتيه ربي يعيشك
​

 

[{مُدَلَّلَتُهُ}]

ya3tik el sa7a khti zhor jak hayel lah ybarek madabik t7otilna la recette svp

 

[ourida17]

خرجلك رووعة تاع صح هايل انا نمدلك 20/ 20
اتحفينا حبيبتي بالوصفة رانا نسناوك ههههههههه
يعطيك الف عافية

 

[MĺŹǾ žĕĥÔŖ]

نورتوا لبناااااااااااات الموضوع يعطيكم الصحاا​

 

[beso&7ano]

jàk mlè7 ..
à3tènè là rècett

 

[هدى42]

yatik saha nemedelek 60/60

 

[محبة التفوق]

والله روعة
ما شاء الله
برك حنونة لو ممكن تعطينا الوصفة
حابة نديرها ليوم

 

[الخجولة]

على صورتك انا نعطيلك 1000/100
ورانا نستناه الوصفة يا خيتو

 

[MĺŹǾ žĕĥÔŖ]

يعطيكم الصحا لبناااااااااااااااااااات على مرروركم نورتو الموضوع​

وراني حطيت الوصفة فالموضوع إن شاء الله تجربوها وتردولي الخبر​

 

[Orodent]

مآشآء الله من مظهر تاعو يبآن يشهي
تسلم الأيآدي​

 

[rima29]

واااااااااااااااااااااااااو
انا تاني نعطيك 10/10
جاري التجريب​

 

[محبة التفوق]

شكرا جزيلا على الوصفة
بإذن الله راح نجربها

 

[fleur flower]

تسلم اديك حنونة باين عليه بنين
بصح حابة نسقسيك شحال تخليه يقعد و تقصيه في نفس اليوم ولا تخليه يبات...

 

[the summer]

يعطيك الصحة ياحبيبة اوكي يبان هايل وانا اثق في ذوقك اكيد رح نجربو ونردلك الخبر ان شاء الله

 

[soumia4algeria]

أممممممممممممممممممممممم وصفة تهبل يعطيك الصحة

 

[bessad]

يعطيك الصحة بارك الله فيك

 

[اروى ج]

شكرا ليك بزاف اختي تهبل ننتظر جديدك

 

[SAFA-94]

يعطيك الصحة
وننتظر منك المزيد​

 

[SAFA-94]

0-0 لااله الا الله محمد رسول الله0-0​