- ضيف السهرة الثامن < نجاة40

الحالة
مغلق ولا يسمح بالمزيد من الردود.

محمد.م

:: عضو شرفي ::
إنضم
6 فيفري 2010
المشاركات
6,201
النقاط
317
السلام عليكم ورحمة الله وبركاته ومغفرته ورضوانه وعفوه وإكرامه يابنة الكرام

والله أنا عضو جديد بالنسبة لك وهذه أول مرة أراك

بالعموم مية ألف السلامة ومنورة أختي الفاضلة

ما هو تقييمك للمنتدى

تقييمك للأعضاء ومن منهم ترينه عضو نشيط

تقييمك لطاقم الاشراف ومن منهم تعطينه وسام

نظرتك للثورات العربية

بما أن اختصاصك مالية يعني اقتصاد فكيف تقيمين الوضع الاقتصادي والمالي لدولنا العربية طبعاً مع نظرة للصومال الشقيق

ماذا ترين بالشباب العربيب

هل ما زال الشباب العربي على السفود أم أنه أضحى جاهزاً وعلينا اطفاء النار تحته

رأيك ب :

ياسمين عنابة

فاطمة الزهراء

نسيمة the gnawie

ايروكا

تسنيم الهناء

فتاة المملكة

شارب

ماذا تعلمت من اللمة بكلمة واحدة

من تتمنين وجوده الآن وتنتظرين سؤاله

شعورك وانت أمام رسول الله صلى الله عليه وسلم يقظة أو مناماً وماذا تفعلين

رأيت الكعبة لأول مرة ماذا تفعلين وما هي دعوتك

هذه وجبة أسئلة وان شاء الله لي عودة


 
آخر تعديل:

تسنيم الهناء

:: عضو شرفي ::
إنضم
30 أفريل 2009
المشاركات
2,298
النقاط
79

سلام اللله عليك اختي

مبارك لك الشهر الفضيل تصوموه بالصحة و الهنا

اولا راكي بنت ولايتي يعني راكي قريبة عندي و لازم نقوم بيك في الاسئلة
هههههههه

على بركة الله:

** لكل امرء من اسمه نصيب، الى اي مدى انعكس عليك اسمك؟

** ولاية خنشلة منطقة غنية بموروثها الثقافي و الحضاري، هناك منطقة شلية و يابوس الثروة الغابية بامتياز، حمام الصالحين بدائرة الحامة، معلم الكاهنة و الحضارة الشاهدة في بغاي،......
الا ان الولاية مهمشة نوعا ما فما تفسيرك للظاهرة هل لان مسؤولي المنطقة مقصرين ام المشكل في الفرد الخنشلي اصلا؟

** كيف تنظرين لقضية ''العروشية'' التي مازالت سائدة في المنطقة بكثرة؟

** هل تتقنين الحديث بالشاوية؟

** شخصية انتهازية تحتمها عليك الظروف للتعامل معها بصورة يومية، كيف تتعاملين معها؟

** اعطني مثلا شعبيا حفظته و كان ان نفعك يوما في تجارب الحياة؟

** في نظرك الى اي درجة يكون الحد الفاصل بين الاخذ بالاسباب و الاتكال على الله في قضية ما؟

** علقي على الصورة



في الاخير اتمنى لك اقامة طيبة مع حق تجاهل ما لم تشاءي الرد عليه

في امان الرحمان


 

اماني12

:: عضو متألق ::
إنضم
13 سبتمبر 2008
المشاركات
3,442
النقاط
157
مرحبا بيك أختي نجاة ان شاء الله تكوني مرتاحة مليح في الكرسي
لأنه مش اي كرسي هو كرسي التحقيقات العميقة
المهم انت قديمة جديدة يعني منصادفوكش بزاف في المواضيع والردود
ومن خلال أجوبتك عرفت بأنك أجتماعية بزاف وعلى ذك تحبي منتدى واش راك تهدر
لانك تهدري ما تسكتيش اخخخخخخخخخخخ
مليح المهم الهدرة في الصواب الواحد ينحي على قلبوا
مساكن هذوك الي معاك اعلابالي راكي توجعي لهم في راسهم وباين بالي الدواء انتاع الراس ديما كاين مقطوع في الدار
على خاطر كل يوم يشربو 2 الى 3 حبات هههههههههههههه
انت باينة زهوانية وتحبي تضحكي وتمزحي بزاف ....
وما تحبيش واحد ينكد عليك
شخصية مليحة بزاف
لانه دركا تشوف عير المكشرين تقولي الدنيا طاحت فوق روسهم
انا عندي غي شوية اسئلة...
وقتاش تكوني زعفانة ..... واش تعملي كي تكون مقلقة واش الي يخليك تتقلقي
وان شاء الله ديما تقعدي فرحانة
ولي رجعة ان شاء الله
 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37
اهلا با الاستادة نجاة ومرحبا بكي اختي
نتمنى لكي اقامة طيبة هنا ولو كانت بالقصيرة
اهلا بيك خويا نورت الموضوع


رتحي اختي اولااااااااااااا

مرتاحة كي تكونو مرتاحين الحمد لله


كويس تاي.....
يعطيك الصحة


على بركة الله



من هي الاخت نجاة
انسانة بسيطة نحب نعيش ونحب الناس تكون فرحانة ونحاول نفرحهم باي طريقة
المستوى الدراسي
ماستر 2 فالمالية

يغلبك رمظان ولالا..
ماشي مالف يغلبني مي هاذ العام قتلني خويا الصراحة راحة
من اي ولاية اختنا نجاة

خنشلة ماتريكيل 40
هل انتي من هواة المطالعة
ساعات ماشي لدرجة كبيرة
جرائد ام كتب
جرائد وكتب
ماهي الجريدة المفظلة
مانصدقهمش بزاف مي نقرا الشروق
ماهو اخر كتاب قراتيه
بروتوكولات صهيون
ماهي فكرة هدا الكتاب
تشوف الفكر الصهيوني كيف يتعامل مع العرب بالذاتت

مادا استفدتي منه
انو الثورات هاذي كامل من تحريك صهيون لانو الكتاب قديم وكامل لي راهو يصرا موجود في الكتاب بالتفصيل الممل
لو يعطوكي مهنة مدرسة اي مادة تريدين تدريسها
علوم طبيعية نموت عليها وكنت ممتازة فيها لدرجة اني فالباك نتاعي ماقريتهاش وجبت فيها اول نقطة
هل نجاة من هواة المطبخ
نعم بزاف
ماهو طبقك المفظل
الغرايف او البغرير عند ناس العاصمة
الطبق الدي تحسنين طبخه

كامل يقولولي شخشوختك مليحة لدرجة صاحب بابا قالو ابعثلي لفرنسا شوي شخشوخة نتاع بنتك
لحم ولا دجاج
لحم
اقسامك المفظلة في اللمة
واش راك تهدر والمطبخ الجزائري
لو تسلمتي مفاتيح الاشراف اي قسم ترتاحين فيه
واش راك تهدر
كم تقضي نجاة من ساعة على النت يوميا
خليها بيناتنا برك اغلب وقتي فالنت
مستحيل نقعد بلا بيها

مثلك في الحياة
يما
تلفزيون ولا نت
نت

لو كان الرئيس بوتفليقة امامكي الان مادا ستطلبين منه
يعاون فلسطين
نصيحة لاخوانك واخواتك في المنتدى

عيشو حياتكم وماتخليوش الهم والمشاكل هوما لي يسيروكم

في امان الله..........
الله يسلمك خويا وربي يحفظك
وصحا رمضانك
 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37
السلام عيكم ورحمة الله وبركاته اختي نجاة
وعليكم السلام ورحمةالله وبركاته
اهلا وسهلا بيك ضيفة معنا
وبيك خويا الله ينورك
ان شاء الله تكون أمورك بخير وماشية
لاباس الحمد لله
حبيت نطرح عليك بعض الأسئلة مي تقدري تقولي عليها شوي غريبة
لكنا انا الشي اللي يهمني هو الاجابة عليها
اتفضل وان شاء الله نجاوبك كيما تحب انت
كيما يقولو المهم المشاركة

1-برنامجك المفضل في رمضان هذا
مسلسل الدبور ومسلسل دليلة والزيبق
2- أسمط حاجة تفرجتيها في هاذ رمضان**من غير الجمعي فاميلي***:shiny:
هههههههه كاين واحد الفرقة الزرقاء كيما كتبو فالشروق المحقق كونان خير منو وبزاف حوايج اخرين صامتين غير خلي الطابق مستتور كيما يقول المصري
3- أكلتك المفضلة
لغرايف
4- اوصفي شخصيتك في صورة:eek:i-o:
5- مثلك الأعلى في الحياة
يما ربي يطول في عمرها
6- فيقك المفضل في الجزائر
jsk
7- فريقك المفضل فالخليج:eek:_o:
السد القطري مي مانسيبورتيهمش بزاف صامتين ماعندهمش هاذيك لحرارة نتاع الماتش غير يجيبلك البندير ويبداور يعوقو
8- قداه من يوم صمتي هاذ العام:scared:
رمضان ولا يوم زيادة
9-هل تؤمنين بالصداقة بين الرجل و الرجل
انعم وكيما يقولو مايخسر بين الرجال غير النساء والمال
10- حاجة حابة ديريها في حياتك ودرتيها
مستوى جامعي مقبول والفرحة لي شفتها في عينين والديا نهار سوتنيت ماننساهاش طول حياتي

ديباني باهذو حتى بعد الفطور ونزيد نرجعو
اسئلة هايلة سيرتو نتاع الفريق المفضل كيفاه فقت بيا بلي اني نتبع البالون
تقبلي مروري اختي الكريمة وصحا فطورك:re_gards:
مرحبا بيك في كل وقت ارع قبل ماتخلاص الضيافة ويحاوزوني
 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37
السلام عليكم ورحمة الله وبركاته ومغفرته ورضوانه وعفوه وإكرامه يابنة الكرام
وعليكم السلام ورحمة الله وبركاته
والله أنا عضو جديد بالنسبة لك وهذه أول مرة أراك
بالرغم من اني دايما اتابع مواضيعك فالقسم العام واشارك فيها لكن ممكتن ما انتبهت فقط
بالعموم مية ألف السلامة ومنورة أختي الفاضلة
ميت السلامة خيو
ما هو تقييمك للمنتدى
افضل منتدى والدليل اني ماتركتو
تقييمك للأعضاء ومن منهم ترينه عضو نشيط
كلهم نشطين الحمد لله كاين بزاف مانقدرش نخصص اسم واحد فقط
تقييمك لطاقم الاشراف ومن منهم تعطينه وسام
كاين وقت حكم فيه سي فلان مول الكوستيم قسم واش راك تهدر اشرف عليه وراقبو مي ذرك مواضيع مكررة ومواضيع منقلة من منتديات اخرى لكن حنا نحاولو نبلغو بيها في سبيل سيرة منتدانا وقيمتو
نظرتك للثورات العربية
خسارة دماء كثيرة وان شاء الله يكون خير الجزائر مرت بثورة ف 89 وبايام كارثية مستخيل علىت اي انسان جزائري ينساها هي سنوات 90 الله ينصر الحق وين ما كان
بما أن اختصاصك مالية يعني اقتصاد فكيف تقيمين الوضع الاقتصادي والمالي لدولنا العربية طبعاً مع نظرة للصومال الشقيق
كتير متخلفين وكتيير مستَغلين من طرف الغرب ومًسيرين من طرفهم في كل شيء ماعدا في الامارات شوي فيه تطور ملحوظ لكن الازمة خلاتهم يعيدون دراستهم من حيث سعر الفائدة ويخفضون فيه لاقصى درجاتو وفي منهم اللي فتح بنوك مع شراكة لبنوك اسلامية اخرى
اما بالنسبة للصومال الله يكون معاهم بس عيب على حكامنا العرب انهم ما بيتحركو الا بعد تحرك الدول الغربية شفت عنوان في جريدة والله قلبي وجعني عنوانو سنشكوكم لله يوم القيامة
ماذا ترين بالشباب العربيب
جيل ثورة واثبت وجودو وقدرتو على فرض رايو
هل ما زال الشباب العربي على السفود أم أنه أضحى جاهزاً وعلينا اطفاء النار تحته
اكيد انو الشباب وحدو لا يستطيع قياد ثورة لازم يكن فيه عقول ناضجة وعندها خبرة فالموضوع
رأيك ب :

ياسمين عنابة
اختي

فاطمة الزهراء
عضوة نشيطة
نسيمة the gnawie
ظريفة

ايروكا
عضوة مرحة وفلوسة هههههه
تسنيم الهناء
اختي
فتاة المملكة
عزيزة

شارب
مانعرفوش لكن كامل خاوتي

ماذا تعلمت من اللمة بكلمة واحدة
الاخلاص
من تتمنين وجوده الآن وتنتظرين سؤاله
سي فلان مول الكوستيم وسايلنت هيل
شعورك وانت أمام رسول الله صلى الله عليه وسلم يقظة أو مناماً وماذا تفعلين
الله يسمع منك يا رب
شفتو مرة بمنامي من 3،4 سنين والمنام لحد الان مابيفارقني صدقني اني اتمنى اشوفو وابكي على حضنو يا حبيبي يا رسول الله الله يجمعنا فيه
رأيت الكعبة لأول مرة ماذا تفعلين وما هي دعوتك
الله يغفرلي ويجعلي مكان في جنتو وبقرب حبيبنا محمد
هذه وجبة أسئلة وان شاء الله لي عودة

شكرا اخي على مشاركتك معانا وان شاء الله اكون رديت على تساؤلاتك مثل ما تحب
صحا رمضانك وصحا فطورك
 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37

سلام اللله عليك اختي

مبارك لك الشهر الفضيل تصوموه بالصحة و الهنا
مبارك علينا وعلى امة محمد كامل
اولا راكي بنت ولايتي يعني راكي قريبة عندي و لازم نقوم بيك في الاسئلة
هههههههه
ههههههه اتفضلي مايكون غير خاطرك
على بركة الله:

** لكل امرء من اسمه نصيب، الى اي مدى انعكس عليك اسمك؟
100% اسمي نجاة ونجاني ربي بطريقة بزاف مختصين حارو فيها الحمد لله
** ولاية خنشلة منطقة غنية بموروثها الثقافي و الحضاري، هناك منطقة شلية و يابوس الثروة الغابية بامتياز، حمام الصالحين بدائرة الحامة، معلم الكاهنة و الحضارة الشاهدة في بغاي،......
الا ان الولاية مهمشة نوعا ما فما تفسيرك للظاهرة هل لان مسؤولي المنطقة مقصرين ام المشكل في الفرد الخنشلي اصلا؟
في 2 اختي مسؤولين وافراد مي لوكان تلقا اهتمام ويقومو بيها والله بلاصة نتاع استثمار ناجح بزاف بزاف اكي تشوفي حمام الصالحين يجيوهم من كل ولايات مي يجيو يتحممو ويروحو

** كيف تنظرين لقضية ''العروشية'' التي مازالت سائدة في المنطقة بكثرة؟
كاينة صح مي ماهيش بزاف ومانعرف انا هك نشوف كانت صح بكري مي ذرك اي بدات تروح مع الجيل الجديد
** هل تتقنين الحديث بالشاوية؟
نفهمها مليح مي نهدر شويا برك مانيش هاذيك القاوية
** شخصية انتهازية تحتمها عليك الظروف للتعامل معها بصورة يومية، كيف تتعاملين معها؟
نحاول نردها للطريق واذا ماقدرتش نتفادى التعامل معاها
** اعطني مثلا شعبيا حفظته و كان ان نفعك يوما في تجارب الحياة؟
خوك خوك لا يغر بيك صاحبك
** في نظرك الى اي درجة يكون الحد الفاصل بين الاخذ بالاسباب و الاتكال على الله في قضية ما؟
انتي ديري لي عليك والباقي على ربي سبحانو حنا نقدمو الاسباب وعلى ربي الباقي وانتي ومكتوبك
** علقي على الصورة



الامل
في الاخير اتمنى لك اقامة طيبة مع حق تجاهل ما لم تشاءي الرد عليه
لازم نجاوبك اكي بنت العايلة الخنشلية
في امان الرحمان


صحا رمضاتنك وربي يعيشك كي زرتينا نردوهالك في ساعة الخير
 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37
مرحبا بيك أختي نجاة ان شاء الله تكوني مرتاحة مليح في الكرسي
لأنه مش اي كرسي هو كرسي التحقيقات العميقة
مرحبا بيك اختي ومرتاحة معاكم ربي يحفظكم
المهم انت قديمة جديدة يعني منصادفوكش بزاف في المواضيع والردود
ومن خلال أجوبتك عرفت بأنك أجتماعية بزاف وعلى ذك تحبي منتدى واش راك تهدر
لانك تهدري ما تسكتيش اخخخخخخخخخخخ
مليح المهم الهدرة في الصواب الواحد ينحي على قلبوا
مساكن هذوك الي معاك اعلابالي راكي توجعي لهم في راسهم وباين بالي الدواء انتاع الراس ديما كاين مقطوع في الدار
على خاطر كل يوم يشربو 2 الى 3 حبات هههههههههههههه
تقول عاية معانا بابا يشري بالبايط وكي يوجعني راسي نقولو اعطيني وحدة نلقا الباطة فرغت في زوج يام
انت باينة زهوانية وتحبي تضحكي وتمزحي بزاف ....
وما تحبيش واحد ينكد عليك
شخصية مليحة بزاف
لانه دركا تشوف عير المكشرين تقولي الدنيا طاحت فوق روسهم
اكي تشوفي اختي والله مرة جاتني وحدة للخدمة عييت نضحكها والو منين جات وهي مشنفة حتى قلقتني
اضحك للدنيا تضحكلك ولي ديما حاط روحو فالهم او يبقا فيه
انا عندي غي شوية اسئلة...
اتفضلي
وقتاش تكوني زعفانة .....
كي يجرحني واحد عزيز عليا
واش تعملي كي تكون مقلقة
نسكت سكوت رهيييييييييب كلمة مانقولهاش
واش الي يخليك تتقلقي
نقلق كي نشوف واحد شايف روحو على واحد نولي مانضويش ونكره ثاني الكذب
وان شاء الله ديما تقعدي فرحانة
ولي رجعة ان شاء الله
امين ان شاء الله كامل تكونو فرحانين
تعيشي حنونة
شكرا عالمرور وان شاء الله تكوني ديما فرحانة
 

محمد.م

:: عضو شرفي ::
إنضم
6 فيفري 2010
المشاركات
6,201
النقاط
317
صحا رمضانك وصحا فطورك

وأنت زادة وبارك الله فيك أجوبة رائعة واعتذر أنني لم أعرفك أو لم انتبه لردودك

نعود اسحب اللطيفية وصيحي ياودود

رأيك الصوفية؟

من هو الكاتب الذي تحبين أن تقرأي له ؟

ماذا تنصحين محمد.م ؟

هل تضايقك كثرة الأسئلة ؟

ماهو المكان الذي ترتاحين فيه ؟

مكان تودين السفر إليه ؟

اسألي نفسك سؤالاً واجيبي عليه ؟

أنا أعرف نفسي ولا داعي لتعريفي بنفسي هلتؤيدين هذه المقولة؟

من هو ناصحك الأمين ؟

كلمة شكر لمن توجهينها ؟

براءة الأطفال وعقل الرجال وقلب الأنثى هل توافقك هذه الصفة ؟

متى يكون الرجل رجلاص والأنثى أنثى ؟

حاجة هدول خطي مابدي أثقل عليك ههههههههههههه
 

NeيRسNe

:: عضو متألق ::
إنضم
30 أكتوبر 2010
المشاركات
4,449
النقاط
317
السلام عليكم ورحمة الله تعالى وبركاته

صحا فطورك اختي نجاة ان شاء الله تكوني مرتاحة
ماراح اسألك بس راح اكتفي
بالقاء التحية عليك عزيزتي و بالتوفيق

 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37
وأنت زادة وبارك الله فيك أجوبة رائعة واعتذر أنني لم أعرفك أو لم انتبه لردودك
وفيك بارك اخي

نعود اسحب اللطيفية وصيحي ياودود

رأيك الصوفية؟

الدين دين يسر وربي سبحانو يقول يريد الله بكم اليسر ولا يريد بكم العسر
وكيما يقول الحديث الشريف: انما الاعمال بالنيات وانما لكل امرء ما نوى
يعني كل شيء بالقلب وبالاخير الامر والحكم لله يبحانو هو اللي بيدخل للجنة وهو اللي يدخل للنار​

من هو الكاتب الذي تحبين أن تقرأي له ؟
نحب الشاعر احمد شوقي وكاين خواطر لاحمد قنديل يعجبوني بزاف اما قصص وروايات مانقراش بزاف نحب الكتب التثقيفية المفيدة اللي لما اكملها احس انو اتعلمت شيء جديد

ماذا تنصحين محمد.م ؟
اتعامل مع الناس بنية خالصة ومهما ظلموك واستغلوك صدقني بالاخير راح تكون انت الربحان دنيا وآخرة

هل تضايقك كثرة الأسئلة ؟
لا ابداااااااااااا

ماهو المكان الذي ترتاحين فيه ؟
لما كون قلقانة نحب نقعد وحدي اما المكان لي نرتاح فيه هو بيتنا اكيد بين اهلي

مكان تودين السفر إليه ؟
مكة

اسألي نفسك سؤالاً واجيبي عليه ؟
هل انت راضية عن نفسك: الحمد لله راضية رغم اني بغلط احيانا لاني مش ملاك بس دائما احاول اتعلم من غلطي وان اشاء الله ما بخيب تربية والديا

أنا أعرف نفسي ولا داعي لتعريفي بنفسي هلتؤيدين هذه المقولة؟
لا ممكن بيكون في اشياء الناس بيشوفوها فيا وانا ما انتبهت لها وممكن تكون مليحة وممكن تكون مش مليحة وانا من طبعي بكره احكي عن نفسي او بقول انا وانا وانا,,,,,,,,,,

من هو ناصحك الأمين ؟
صديقتي صبرينة فعلا هي مثل اختي ومثلها ماشفت دايما معي عالحلوة والمرة ولما اضعف هي تقويني

كلمة شكر لمن توجهينها ؟
للادارة لانها اختارتني ضيفة في اللمة وحققتلي امنية فيها ولو كانت لمدة 3 ايام لكن كلمة حق تقال وكلمة شكراااااااااا لكل عضو شاركنا وافرحني برد

براءة الأطفال وعقل الرجال وقلب الأنثى هل توافقك هذه الصفة ؟
اوافقها مع انو مو كل الرجال عقلاء ومو كل النساء أًمناء وصادقين بس البراءة ايد للاطفال وياريتها تظل معنا مهما كبرنا

متى يكون الرجل رجلاص والأنثى أنثى ؟

الرجل يكون رجل بقوتو وتحملو للمسؤولية والمراة تكون بحياءها وخجلها وحنيتها
حاجة هدول خطي مابدي أثقل عليك ههههههههههههه
مرحيا بيك في كل وقت واذا في اسئلة اخرى على الرحب والسعة والله فرحانة باسئلتتكم وكتير خفيفة وحلوة مثل اصحابها
 
آخر تعديل:

محمد.م

:: عضو شرفي ::
إنضم
6 فيفري 2010
المشاركات
6,201
النقاط
317
رأيك بالصوفية؟

لم تجيبيني هاهنا أخيتي الفاضلة
 

نجاة40

:: عضو فعّال ::
إنضم
10 جانفي 2008
المشاركات
1,604
النقاط
37
السلام عليكم ورحمة الله تعالى وبركاته

صحا فطورك اختي نجاة ان شاء الله تكوني مرتاحة
ماراح اسألك بس راح اكتفي
بالقاء التحية عليك عزيزتي و بالتوفيق


اهلا وسهلا بيك اختي
شرفتينا وصحا رمضانك
وميرسي كي طليتي ربي يحفظك
 

بيكهام

:: عضو بارز ::
إنضم
22 ماي 2008
المشاركات
6,343
النقاط
331
سلام عليكم نجاة
سؤالى ؟:
واش رايك انسان الذي لايفى بوعده ؟؟
شكر لك
 

فريد أبوفيصل

:: عضو شرفي ::
إنضم
1 أوت 2008
المشاركات
6,216
النقاط
1,551
الجنس
ذكر

نشكر ضيفتنا لهذه الفترة الأخنجاة40
وكل من حضر وتواجد في هذا الموضوع طيلة ثلاثة أيام .
تقبل الله منا ومنكم الصيام والقيام وسائر الاعمال .
والى لقاء اخر ان شاء الله مع ضيف جديد .

هديتنا للضيف

 
الحالة
مغلق ولا يسمح بالمزيد من الردود.
Top