شفتوا وليتني ماشفتوا ....

إ

إشراقة حب

:: عضو مُتميز ::
أحباب اللمة
السلام عليكم ورحمة الله تعالى وبركاته

صح فطوركم جماعة الخير واش راكم لاباس ملاااح

اواااه اليمات اللخرين نتاع رمضان صعاب بزاااف

بو نبداو ... نحكيلكم واش شفت نهار خرجت لول بارح

أسيدي هذا خرجت من الدار كان عندي شغل في عز السخانة هذيك وانا نمشي ونكركر في روحي ... نمشي وانا راقدة

ايا وصلت لوحد الحديقة عمومية يريحوا فيها غير الشيوخة واللي يحبوا يخدموا فالخفاء :cra_zy:

راني نمشي رميت عيني للجنينة هذيك نشوف حاجة ... شفت واحد يتكيف في عز نهار رمضان

تصدقوا في هذيك اللحظة مخي حبس عن التفكير ...بقيت نتفكر واش من الشهر رانا فيه رمضان ولا شوال

من بعد فطنت مع روحي عرفت بلي هذا واحد مايخافش من ربي

يعصي فالله عز وجل جهارا نهارا ..ماخفش من ربي وزيد مادارش قيمة للعباد اللي راهم تم
تصدقوني جاتني صدمة لاخاطر اول مرة في حياتي نشوف راجل كبير يكسر حرمة رمضان ويعصي الخالق أمام الملأ

نسأل الله العافية وربي يهدينا ويسقم أحوالنا

درك واش استفاد كي فطر في رمضان

الله يسترنا ... ربنا لاتعذبنا بما فعل السفهاء منا

في الاخير نقوللكم ليلة سعيدة وصح السحور

وماتنساوش ادعولي بالشفاء العاجل ... راني مريضة في حالة

المرض وزيد الصيام ... رايحة نكمل قبل مايكمل الشهر

سلام يالأحباب
​
 
آخر تعديل:
اختي مدام هدا ما خافش من ربي ما يخافش من العباد
الله يهديهم ،وربي يجيب لك الشفاء اختي
صح فطوركم​
 
الله يهدي من يشاء

شكرا على الموضوع


​
 
أعوذ بالله...في رقبتو دوك كفارة ثقيلة،خلينا من المجاهرة بالمعصية...الله يهدينا ...بارك الله فيك أختي...
 
يا لطيف اللطف
​
 
ـأهـاه مـالـا على هـاذيكــ
درتي في توقيعكـ بلي تعبتي
مورالمـــوا ههههه ’’

ـايه لوكـان نحكيلكـــ ـانا واش شفت في
ـالجامعة تفشلي توتالمون هه

ـالله يسترنا يا رب
ـالواحد هكـ راهو صايم و يستغفر في ربوا
بالـاكـ راهــو مقصر ’

ـالظلـ ـالطويلـ
​
 
ربي يهدي ما خلق وربي يشفيك ويعافيك اختي لعزيزة
 
ربي يهدي
الدنيا هادي ولات تخوف
ربي يجيبلك الشفا ختي
صح فطورك
 
رب يهدي ما خلق
 
أهلا بيك ختي
انا لبارح واحد قدامي زعما تقلق شعل قارو أيا خطفتهولو من فمو وزعما قاعد يستغفر ؟؟؟
وعندها عامين ولا ثلاثة شفت واحد يشرب في قرعة شراب وزيدي في نهار رمضان
بصح راهو مات ضرك وياحليلو
حنا عندنا بلايص وين طريق الماشينة يروح الواحد لثم يلقى الخاوة بالدوبارة والشربة والقازوز والحالة حالة ....​
 
ربي يجيبلك الشفا عزيزتي وربي يهدي ماخلق انا حامل وساعات نحس روحي مانيش قادرة نصوم وجايز عليا نفطر حفاظا على صحة الطفل وعلى صحتي بصح والله ماعطاني قلب نفطر والحمدلله راني نصوم وربي يباركلنا في رمضان شهر التوبة والغفران

شكرا على موضوعك
​
 
أشكر كل من مر بموضوعي بارك الله فيكم
اسفة لأني لم استطع الرد على كل واحد على حدا بسبب ضعف النت
جزاكم الله خيرا وبارك فيكم
​
 
ربي يهدي ماخلق
ياربي يعفينا من الناس هادو
 
الله يستر!!!.. ياويلو من ربي
تحياتي..وربي يشفيك
​
 
احم احم بعد ما يكون هاد انسان مسلم ماشى مسيحى و لا كاش دين و ماشى مريض وووووووو.....................يعيا يندم و يرجع فيهم ب 60
 
مادام كبير في العمر بلاك يكون مريض و طبيب قالو ماتصومش.و بالاك مريض من عقلو...
في هد الوقت لي العوج ولا فيه نورمال.كلش نووورمال
ربي يشفيك و طهورا ان شاء الله
 
يا لطيف ألطف بنا
أختي سمية الي ما يخافش من ربي أكيد ما راح يخاف من العباد
ايييه الله يهدي ما خلق
سمسومة أسأل الله العظيم ان يشفيك من مرضك و يردك لنا سالمة يارب​
 
لوكان نقولو مريض و من حقو الافطار على الاقل يخاف ربي و ميجهرش بالافطار لذلك معلينا غير نقولو ربي يهديه و يعطيه ذرة العقل
 
يا لطيف
صدمة صح
يا حسراه ربي على كل شيء قدير
سبحانو
مغسي ختيتو​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom