الضيااااااااااف [ يا خير من زار وخفف ] .......

[mimi-ba]

السلام عليكم ورحمة الله تعالى وبركاته

اليوم والله راح نطرطق تاع الصح قلت خلي نجي ونشوفكم لا عندي الحق والا أنا لي وليت مانتحملش؟؟

صح الضياف يجيو مرحبا بيهم في أي وقت نهزوهم فوق راسنا مي مش لدرجة انو يعبدو الدار أكثر من شهر ونص وهوما غير ساكنين فيها

هوما في 6 الله يبارك من لي ينوضو الصباح يجيو عندنا حتى يولي قريب يأذن وساعات يقعدو عندنا للفطور وحنا مش دايرين حسابهم ؟؟
الضيف لازم نكرموه مهما كان و في أي وقت جا مي الله غالب رانا حبسنا الماشينة وتحبس مابالك بالعباد

معليش أني قريب ونتفلق لانو ولا محرم عليا كلشي يعني رمضان رمضان والسخانة تقتل و أنا 24 ساعة بالحجاب لانو ولاد عمتي كبار لازم نتحجب عليهم مي هوما مش حامدين ربي نورمالمون جاو ضياف ما يبقاوش رايحين جايين في الدار و أنا نوحل

و تاني لانو تحرم عليا الميكرو والتيليفيزيون و كلشيييييييي
انا تحشرت في الكوزينة من الطياب لنصلي نقرا شوي قرآن ونرقد برك كل يوم هكا نفس الروتين

نورمالمون الضيف مايديرش هكا هوما شافونا حاطينهم فوق روسنا عجبتهم الحطة مي والله غير تعبنا تاع الصح وليت ندعي في ربي نوض نهار مانديرش الخمار في الدار و ما نتحشرش في الكوزينة


أني علابالي بلي مالازمنيش نهدر هكا مهما كانو ضياف و لكن حتى لاهل الدار لي راهي مضيفتهم حق
والا واش رايكم ؟؟شاركوني الراي
و طبعا ياخير من زار وخفف​

 

[فقير صغير]

ههههههههه راني حسيت بيك صح راكي تحكي من قلبك
ماعليش ختي لعلعه ربي بغالك الخير في رمضان هاذا باش تقراي القران فيه بزاف خير لو كان ماجاوش الضياف راهو فات رمضان تاعك كامل في باب الحارة والوردة الطيبة ومنعرف وش من مسلسلات هههه
وصحيتي كي ديري لحجاب على ولاد عمتك لاخاطر بنات خرين راهم يدورو بل بيجامات نورمال قدام ولات خالاتهم وعمامهم
ايا صحا فطوركم​

 

[Amoula ALG]

ههههههههه
عندك لحق ختي والله واحد في دارهم ومش مريح
واش راح ديري؟
مغسي​

 

[لاجودان شاف]

السلام عليكم
الحق عليكم ختي نتوما لي غالطين نورمالمو 3 ايام برك وابعثوهم يروحو
بزااااف شهر نص
والواحد كي مايصيبشراحتو في دارهم وين يصيبها في السوق وخااااااصة في رمضاااان
بزاف عليكم​

 

[mimi-ba]

ههههههههه راني حسيت بيك صح راكي تحكي من قلبك

ماعليش ختي لعلعه ربي بغالك الخير في رمضان هاذا باش تقراي القران فيه بزاف خير لو كان ماجاوش الضياف راهو فات رمضان تاعك كامل في باب الحارة والوردة الطيبة ومنعرف وش من مسلسلات هههه
وصحيتي كي ديري لحجاب على ولاد عمتك لاخاطر بنات خرين راهم يدورو بل بيجامات نورمال قدام ولات خالاتهم وعمامهم

ايا صحا فطوركم​

مشكور خويا عالمرور آو كنت راح نطرطق و مالقيت لمن راح نشكي هههههههه
يعطيك الصحة خويا عالمرور ربي يحفظك
ههه لالا والله رمضان هذا ماتبعت وااااااااالو ههه​

 

[Hector03]

انا نفضل ما نردش سي non نخاف تلفوني من هنا هذي ما ولاتش ضيافة هذوا راهم ساكنين عندكم
​

 

[═♥.ЈŪšť_ màn.♥═]

..
نسقسيكــ سؤال بركــ :
ولاد عمتكــ ديري قدامهمــ الخمار
ياكــ نرومال .. ولاد عمتكــ غير خاوتكــ و لا واشـ قالوا
...
و للمسألــة تاع الضياف ... هادا صحــ عندكــ الحق تتقرقي منها
مي .. هوما تاني قالكــ زور و خفف
هههههه
سووووووووورتو في رمضان
و على تحرمــ عليكــالميركو و التيلي
باااااااااينــ عنكمــ الديق في الدار
..
و ربي يقبل صلاتكــ ان شااااااااااء الله
و ديجا خلاص رمضانــ هههههه دكا تتهناي
غزااااااال
تحياتي . تمتــ بخير
:shay:​

 

[Houda Chaouienne DZ]

اييييييييييييه يا اسووووووم راكي تحكي من قلبك
عندك الحق و راني حاسة بيك
بيسك جربتها ديفوا من قبل
مي ذرك اوموا جاية في فاكونس
المشكل كي تكون وقت القراية و الناس ما يخليوكش آلاز
الواحد ما يقرا ماوالو
جاب ربي نفهمو شوي فلكلاسة و التالي حتى الباك مانجيبوهش
المهم .. الضياف ملاح .. مي مش مليح يكثرو بزاف
بيسك يوليو يكرهو

...

شكرا ميمي ع الموضوع
يعطيك الصحة
و ربي يفرج عليك .. ههههه
​

 

[mimi-ba]

ههههههههه​

عندك لحق ختي والله واحد في دارهم ومش مريح
واش راح ديري؟

مغسي​

ربي يخليك أختي لعزيزة
شكرا عالمرور
الله غالب ماكان ماندير وحلة والله ههههههههه​

 

[Houda Chaouienne DZ]

..
نسقسيكــ سؤال بركــ :
ولاد عمتكــ ديري قدامهمــ الخمار
ياكــ نرومال .. ولاد عمتكــ غير خاوتكــ و لا واشـ قالوا
...

​

اسمحلي ع التدخل خويا
مي ولاد العمة و الخالة مشي من المحارم
من الواجب دير عليهم الحجاب
​

 

[la_safa]

هههههههه
ميمي و المغامرات الرمضانية
والله منعو عليا حتى باه نجي عندك آ وحد الموصيبة
ياو انا لي قلقت في بلاصتك والله غير ياسر ياسر كيما هاك
انا يجونا نهار برك نموت خلي كل يوم و زيد في شهر رمضان

ربي يعينك اسموش مي نورمال كمل رمضان هههه
​

 

[═♥.ЈŪšť_ màn.♥═]

اسمحلي ع التدخل خويا

مي ولاد العمة و الخالة مشي من المحارم
من الواجب دير عليهم الحجاب​

..
ممممممم مارسي على التدخل هدهد
مي و الله غير حنا نووووورمال
انا و بنت عمتي وخالتي نوووووووووووووومال
و العكســ صحيح
....
مفيشــ ... قلــة الفهمــ
بيسكــ دايرين بعضانا غير الخاوة
...
​

 

[mimi-ba]

السلام عليكم

الحق عليكم ختي نتوما لي غالطين نورمالمو 3 ايام برك وابعثوهم يروحو
بزااااف شهر نص
والواحد كي مايصيبشراحتو في دارهم وين يصيبها في السوق وخااااااصة في رمضاااان

بزاف عليكم​

وعليكم السلآم
والله غير عندك الحق معرف بلاك كي نخرج قدام لباب أوموا نلقى شويا هوا وينقصو لعباد
يعطيك الصحة خويا عالمرور​

 

[mimi-ba]

انا نفضل ما نردش سي non نخاف تلفوني من هنا هذي ما ولاتش ضيافة هذوا راهم ساكنين عندكم​

هههه مشكووور خويا مي رد برك نورمال كاشما تبردلي قلبي شويا هههه مشكووووور خويا عالمرور​

..

نسقسيكــ سؤال بركــ :
ولاد عمتكــ ديري قدامهمــ الخمار
ياكــ نرومال .. ولاد عمتكــ غير خاوتكــ و لا واشـ قالوا
...
لالالا خويا بالعكس هوما صح كيما خاوتي ونحكيو حنا تاني نوووورمال مي مانتعداوش حدود الله
يعني في رايك مثلا بنات حاطهم كيما خاوتك ينحيو الحجاب قدامك نورمال ؟ لالا هذا دين و شرع ربي مانقدروش نفتو من راسنا

و للمسألــة تاع الضياف ... هادا صحــ عندكــ الحق تتقرقي منها
مي .. هوما تاني قالكــ زور و خفف
هههههه
سووووووووورتو في رمضان
و على تحرمــ عليكــالميركو و التيلي
باااااااااينــ عنكمــ الديق في الدار
لالا دارنا واااااااااسعة مي أنا مانحبش ولد عمتي يتفرج والا يخدم بالميكرو نروح نحيلو من يدو ونقول هاتلي نتفرج مهما كان هو ضيف وتانيك عندنا زوج تيليفيزيون و زوج ميكرواتواحد فزدوهولنا و لاخر لي نخدم بيه ضركا

و ربي يقبل صلاتكــ ان شااااااااااء الله
و ديجا خلاص رمضانــ هههههه دكا تتهناي
غزااااااال
تحياتي . تمتــ بخير

هههههههه ان شاء الله يا خويا لعزيز
وكتاه يروحو أوموا نلبس براحتي ونتحرك براحتي في الدار


:shay:​

مشكوووور عالمرور خويا​

 

[mimi-ba]

اييييييييييييه يا اسووووووم راكي تحكي من قلبك

ههههههه مرحبااا مرحبا بيك أهدهد
بيانسور أني نشكي ونبكي حالتي تشف هههه


عندك الحق و راني حاسة بيك
بيسك جربتها ديفوا من قبل
مي ذرك اوموا جاية في فاكونس
المشكل كي تكون وقت القراية و الناس ما يخليوكش آلاز
الواحد ما يقرا ماوالو
جاب ربي نفهمو شوي فلكلاسة و التالي حتى الباك مانجيبوهش
يا خااااااه مالا أنا نحمد ربي ونقفل فمي هههه
معليش أجرنا عند ربي نلقاوه أنا برك نحب نمنشر هذا ماكن ههه
المهم .. الضياف ملاح .. مي مش مليح يكثرو بزاف
بيسك يوليو يكرهو
صح والله مي واش راح نديرو ماتقدريش تسحتيهم وماتقدري تقولي والو
مي هوما تاني لوكان يفهمو رواحهم شويا
...​

شكرا ميمي ع الموضوع
يعطيك الصحة
و ربي يفرج عليك .. ههههه​

يعطيك الصحة نتي يا مهبولتي لعزيزة عالمرور الروعة زيك
ميرسي خيتي ها واش ندير نصبر روحي برك وخلاس ههه
شكرا ربي يخليك​

 

[سميحة1]

هههههههههههههههه
سقسيني انا نقلك واش صرالنا من الضياف.
هادي يا سيدي جدة ربي يرحمها كي كانت مريضة قريب 3 اشهر والضياف عندنا.
بأنها كبيرة العائلة وعندها ولادها وبناتها واحفادها و احفاد أحفادها وخاوتها وخواتاها من الأب و من فروع اخرى ....الله يبارك .
والمشكل كنا في وقت القراية والاختبارات واش نقلك . بيتك ما تلقايش فيها راحتك.
تحوسي على حوايجك تلقايهم تبحرو .
دارك تولي ما تساليش فيها .
الكوزينة والطياب كيما قلتيها . مع الصيف والسخانة .
كل يوم لازم ديري حسابك لأكثر من 20 واحد .
ولاكان نتي ولاد عمتك برك احنا راهم يجيونا ناس برانية قسما بالله ما نعرفوهم ويقولولنا فلانة *على جدة* قريبتنا . وجينا توالها ويقعدو ويطولو عندنا
بلا ما ننساو الذراري الصغار والحس تاعهم وكل واحد يبكي ويعيط .
............
خليها على ربي ختي انا راني حاسة بيك ختي العزيزة .
صحا رمضانك وصحا عيدك وربي يفرج عليكم.​

 

[mimi-ba]

هههههههه

ميمي و المغامرات الرمضانية
والله منعو عليا حتى باه نجي عندك آ وحد الموصيبة
ياو انا لي قلقت في بلاصتك والله غير ياسر ياسر كيما هاك
انا يجونا نهار برك نموت خلي كل يوم و زيد في شهر رمضان ​

ربي يعينك اسموش مي نورمال كمل رمضان هههه​

هههههههههههه فور تاع ميمي والمغامرات الرمضانية أستوت هههه
شفتي والله متوحشتك بزااف مي واش راح نديرو آه يا لوكان جات بيدي احم احم تعرفيني كي يتسيبو لخيوط و نبدا نهدر ونخلط في الهدرة هههه
مي الله غالب واقفينلي بالمرصاد هههه
آآه ههههه ميرسي أصفصوفتي لعزيزة ربي يخليك عالمرور
قاتلو مي نورمال كمل رمضان ياخي ياخي
يا بنتي قررو يزيدو حتى يقرب الدخول ويروحو ها شومي انا ههههههههه​

 

[mimi-ba]

هههههههههههههههه

سقسيني انا نقلك واش صرالنا من الضياف.
هادي يا سيدي جدة ربي يرحمها كي كانت مريضة قريب 3 اشهر والضياف عندنا.
بأنها كبيرة العائلة وعندها ولادها وبناتها واحفادها و احفاد أحفادها وخاوتها وخواتاها من الأب و من فروع اخرى ....الله يبارك .
والمشكل كنا في وقت القراية والاختبارات واش نقلك . بيتك ما تلقايش فيها راحتك.
تحوسي على حوايجك تلقايهم تبحرو .
دارك تولي ما تساليش فيها .
الكوزينة والطياب كيما قلتيها . مع الصيف والسخانة .
كل يوم لازم ديري حسابك لأكثر من 20 واحد .
ولاكان نتي ولاد عمتك برك احنا راهم يجيونا ناس برانية قسما بالله ما نعرفوهم ويقولولنا فلانة *على جدة* قريبتنا . وجينا توالها ويقعدو ويطولو عندنا
بلا ما ننساو الذراري الصغار والحس تاعهم وكل واحد يبكي ويعيط .
............
خليها على ربي ختي انا راني حاسة بيك ختي العزيزة .

صحا رمضانك وصحا عيدك وربي يفرج عليكم.​

ياه ياه خيتي طحتيلي عالجرح هههه
أرواحي انا نحكيلك ههههه هذا يا سيدي بابا عندو صحابو من واد سوف الله يبارك زوج عايلات العايلة الوحدة فيها 13 عبد تخيلي يعني 26 عبد جاونا قبل رمضان بشهر وقعدو عندنا وحنا في باطيمة صح كبيرة مي ماتهزش هذو كامل يا خلايا
و حنا جينا رايحين للبحر تخيلي قالولنا مدولنا داركم نسكنو فيها حتى ترجعو ؟ حنا قلنا خلي نروحو وهوما أكيد مايقعدوش وحدهم صدقيني قعدو وخدمو بحوايجنا وفركتو وشبعو تحواس و حنا ماكانش؟ كي جينا لقينا نص القش مندوب والميكرو فازد ووووو
و بقاو عندنا قلنا لبابا لازم تديرلنا حل واش هذا يا لطيف ههه ولا لقالهم دار فارغة مدهالهم وتخيلي نكونو في رحمة ربي حتى يطبطبو جينا نتعشاو والا نتغداو ؟؟
و نزيدلك تاني نص ماعنا وقشنا داوهم و نص رجع والباقي الله أعلم وين راح و مدينالهم غير الحوايج لملاح خلاااااااااااااس رجعوهملنا الله لا يشوفك لنص طيشناه​

هوما قعدو حتى لنص رمضان و راحو
و عمتي جات ترمضن هنا و تروح كي يقرب الدخول

و خلي برك مانزيدلكش والله أني علابالي كون نحكي والو مايحبسني ههه
ربي يصبرنا يا اختي
ألف شكر ليك وربي يخليك​

 

[قناص الغرام]

انا كون جيت منك نمعنيلهم
ولا مافهموش رواحهم نلعبها متقلق على خويا ولا اختي و
كي يهدر معايا واحد فيهم
نشعل فيه باش يتنشع و يروحوا يروحوا
تقبلي مروري​

 

[sisou023]

والله غير عندك الحق حتى انا درت موضوع يشبهلو, صح واجب علينا نقومو بالضيف ونرحبو بيه بصح هو فان ميسمطش ربي يكون فالعون هذا ما نقلك