الكثير منا ضرك راه يشوف مظاهر يوجعو قلبو و لكن عند البعض هي شيء عادي ما تحرك فيه والو و منها
مظاهر الميراث
و الكثير راهم يشكو منه و خاصة البنات تلقى الاخوة الشباب لباس عليهم و ما يخصهم والو لكن هكدا يحقرو اخواتهم البنات في الميراث و تقريب معظم النساء تلقاها محتاجة بزاف لهداك الورث غير باش تستر فيه و ما تحتاج للناس لكن عادي تلقى خاوتها قلوبهم باردة من جيهتها و لوكان تتكلم على حقها او تحب دخل القضية للمحكمة تماك يتحركو و علاش تخلوها توصل للعداوة و التبهديل عيب هدا و هي لا لوم عليها راهي تطلب في حقها لكن اللوم يقع عليكم انكم خليتو الامور توصل لهذا الحدمظاهر الميراث
ظاهرة الادارات
و هي بزاف الناس تعاني منها مرات لا عمل مليح و يزيدو عليك استقبال ......عفوا دير جميل عليك كي راهي تتكلم معاك ما نسموهش استقبال و يا ويلك لو قلت كلمة او عيطت تما المصيبة الكبرى ادا خدمت ورقتك في مدة قصيرة راك ربحت كاس العالم لي حبيت نقولو لوكن غير تغلط بكلمة مع الموظف او تريكلامي يا ويلك يحطك بين عينيه و كل ما تجي يدير لك سبايب و طبعا ما نجمعش كاين بعض الموظفين ما شاء الله ربي يبارك فيهمظاهرة النقل
و هنا نقصد انو الباص يكون معمر و يكون الضيق و يشوفو النسا فيه لكن هكدا لا قدر لا حشمة يعمرو و تلقى المرا كتف بكتف مع الرجل و كي تقولو بعد او زيد لهيك يا ويلها يدر محاضرة و انت واش مخرجك و علاه ما تبقايش في دارك ........و انت واش راك عارف بلاك ما عندهاش لي بيها او يعاونها و حاجة اخرى مرات تلقى ليجان قاعدين و تلقى عجوز مسكينة او شيخ كبير واقف ما يحشم منو ما والو يبقى يشوف فيه و يبرق في عينيه ظاهرة الوالدين
و هنا نقصدو الطاعة و عدم التفكير بأنانية معهم تلقاه غير يتزوج خلاص ينسى هديك الام لي ربات و تعبت و الاب لي افنى حياتو باش يكبرك و لو طلب منهم الوالدين شي تلقاه هدا ادا لبالهم طلب لازملهم كل يوم ريكلاماسيو و كل يوم لازم تعاود طلبك حتى يحضى بشرف انهم يلبولك طلبك يا ايها الوالد لعزيز و لكن لو زوجتو مجرد فقط قالت كلمة ما يخليهاش تعاود الكلمة بلاك فمها يتعب و سنيها يقيسهم الهوا ........معليش زوجتك لها حق و لكن والديك لهم كل الحق ما قلناش ما تلبي والو لزوجتك لكن كما تحب زوجتك و تحب ترضيها حتى والديك لهم حق الله يهدينا و اسمحولي طولت عليكم لكن هاد المظاهر وجعتلي قلبي حبيت نقولهم لخاطر لوكان يبقاو فيه رايح ينفجر و شكرا على رحابة صدوركم و مطالعتكم للموضوع
