واش رايكم عميتها ولا لا ؟؟؟؟؟؟؟؟؟؟

[لاجودان شاف]

السلام عليكم ورحمة الله وبركاته
اهلا بناس اللمة الناس الملاح
اليوم صرالي واحد الموقف قلقني شوي وخلاني غير نخمم مع روحي
ونعاود نراج في وش عملت :sadwalk:
كيما تعرفو نهار عرفة تكثر فيها القضيات والشريات والطلعات والهبطات والمشاكل
اليوم تلاقيت مع واحد حبيبي مليح على صباح ربي
رحنا جبنا الخرفان تاعنا انا فوتو للدار تاعنا وهو دا خروفو لدارو:showoff:
ومن بعد صلينا الظهر كيف كيف وقعدنا نداورو راكم تعرفو القضيات تاع العيد
اورواح كشما نشريو ماس ملاح تاع لاهولند مش تاع لاشين
زعما جزارة قدم في لابطوارi-o:
ارواح نمضيو لماس
ارواحنديرو دورة للسوق تاع لخرفان زعما كشما نديرو افار
ارواح نروحو نحففو شوي
ارواح كشما نشريو شوي فحم
ارواح راني ساخف على شواية باهية:sheer:
المهم وحنا نداورو هكذا رحنا لوحد الحانوت تاع القش
نظمنا امورنا فيها مليح وجينا خارجين بلي بالشكاير
ومن بعد دارلي صاحبي وقالي اسمع انا راني عيدت بصح بقات مرتي ماشريتلها والو
حقا صاحبي هذا مزوج
وانا اعنس ولا اعزل ولامنعرف كيفاه يقولو:sad:
قتلو مالا راك رايح تحاوزني وتروح تجيبها كشما تشريلها
قالي لالا وعلاه نجيبها
قالي هيا نروحو كشما نشريلها انا:scared:
رحنا وين لحوانت تاع قش النسا قالي هيا تدخل معايا للحانوت
دخلنا ..بدا هو يشوف في القنادر ويقلب ويوزن
وهنا وقعت لكارثة
هو شاف واحد لقندورة عجباتو هزها راح يشوفها مليح
وانا بنيتي ومن دون ما نحس
قتلو خطاك منها يا صاحبي راهي تعيف
هاي هاذي مليحة خير منها:sheer:
بففففففففففففففففففففففففففففففففففف
بففففففففففففف وهنا فقت مع روحي ابابابابا وش درت
كيفاه نلوح عظمتي في واش تلبس مرتو ..والله حشمت وعييت وين نحط راسي
ووهو نورمال مسكين ولا غير يشاورني
شوف هاذي ..وهاذي وش تبالك...هيا نديو هاذي وخلاص
انا زعما كنت بنيتي وشغل شفت روحي راني نعاون برك فيه
لانو دايما وين ما تدخل مع صاحبك يشري لازوم دبر عليه
انا تبالي عميتها وربي يستر
ونتوما وش تبالكم ؟؟؟؟؟؟؟؟
استفسار لكل امرأة :
تقبلي رالجلك يجيبلك قندورة من اختيارو بلا مايشاورك وتلبسيها عادي ونورمال​

 

[وهج الصحراء]

موضوع لي متزوجات حنا مزال موصلناش

 

[07 _H@yThm]

بابباببببببببببببببااااابببببببببببباببببببببببببببببببببببببااااااااااااااا
عميتها هدرتها يا لمحنه واش درت ؟؟؟؟؟؟
ههههههههه يا بياسه راك قرعاج من لكبار
شوف تبالي عادي في باتنه هو دار فيك كونفيونس ودار معاك شرق ولغرب
واش فيها ادا كي جات في شريت كسوه لمرتو
عادي عادي
ايا صحا عيدك نشالله وكل عام ونت لاجودان لي ماشاف ماقرا
قيوووووووووووووووووو
​

 

[دروب الرحمة]

الله غالب فاتت خرجت
هي صح نورمالمون ماتدخلش مرتو وحب يشوفها لابستها ونت علاه هههه
معليش مديرش فبالك زلة لسان
على سؤالك اذا كان ذوقو مليح علاه لالا
اما اذا ذوقو مايتوالمش مع وش نحب مانحسسوش بللي ماعجبتنيش ونلبسها عادي مي نحاول كيفاه نوصللو بللي المره الجايه لازم نكون معاه ونخيرو مع بعض
ايا صح عيدك​

 

[adel-mz]

سلام
علاه زعمة مول الحانوت رايح يجي خير منك
بمعنى انو حبيبك لوكان جا وحدو رايح مول الحانوت يشيخ عليه ولا يشاورو صاحبك باش يعطيه رايو وبلاك قاع يدزلو سلعة ماهياش
هاك عارف الشرية والبيعة
انا نظن بلي حبيبك يعني خـــــــــــوك ،نورمال اذا شخت عليه ومديت رايك
في نوعية القماش ولا حوايج معروفة للعامة و بالطبع رايح يرجع الفصل ليه .لانو
هو يعرف اللون والذوق نتاع زوجتو. ومن الاحسن يرافقها لشراء مستلزماتها
ارقد هاني مافيها حتى توسويسة.
صحيت لاجودان
​

 

[لاجودان شاف]

موضوع لي متزوجات حنا مزال موصلناش

طيب
ربي يوصلك
مشكورة ختي​

 

[لاجودان شاف]

بابباببببببببببببببااااابببببببببببباببببببببببببببببببببببببااااااااااااااا

عميتها هدرتها يا لمحنه واش درت ؟؟؟؟؟؟
ههههههههه يا بياسه راك قرعاج من لكبار
شوف تبالي عادي في باتنه هو دار فيك كونفيونس ودار معاك شرق ولغرب
واش فيها ادا كي جات في شريت كسوه لمرتو
عادي عادي
ايا صحا عيدك نشالله وكل عام ونت لاجودان لي ماشاف ماقرا
قيوووووووووووووووووو​

ماتزيدش عليا يا المحنة خويا لا طيحلي الدمعة وغدوة عيد عيد
+
والله انا حشمت منو شوي ولكان مافقتش شوي برك مع روحي كنت راح نقولو ياخي
راك سير من لاطاي..........ياوخذي

المهم فاتت سلامات
+
ونتا ثاني صح عيدك
نورتلنا الباجة كيما مالفين نورولكم الباجة وباجتنا خير من باجتكم هههههههه
دزدق دزدق دزدق

​

 

[لاجودان شاف]

الله غالب فاتت خرجت

هي صح نورمالمون ماتدخلش مرتو وحب يشوفها لابستها ونت علاه هههه
معليش مديرش فبالك زلة لسان
على سؤالك اذا كان ذوقو مليح علاه لالا
اما اذا ذوقو مايتوالمش مع وش نحب مانحسسوش بللي ماعجبتنيش ونلبسها عادي مي نحاول كيفاه نوصللو بللي المره الجايه لازم نكون معاه ونخيرو مع بعض

ايا صح عيدك​

صح وعليها توسوست انا
هو حاب يشوف زوجتو لابستها وانا وش دخلني
بفففففففف زربت روحي:sad:
+
جوابك صحيح 10/10
جواب باهي وديبلوماسي وكومارسيال كيما قالكi-o:
ماتغضب الراعي ما تجوع الذيب
يعطيك الصحة ختي:re_gards:​

 

[الجزائري05]

شوف اشايب خويا نفس الحكاية صراتلي لعشية
رحت انا وصاحبي مي هو متزوج ماش كي حالتنا
انا رحت نشري كاشما gندورة للوالدة
وهو للزوجة نتاعو
مي انا على نيتي كي سقساني شخت عليه نورمال
لأنو فالأول هو اللي اقترح عليا نروح معاه
وفهمتو بلي راني لاعلاقة بهاذ الحوايج
لوكان جات ساعة ولا ريحة ممكن مي ملابس نسائية منخدمهمش
المفيد كي مالقيناش رواحنا قلنا لمول الحانوت خيرلنا وحدة وحدة والصلاة على النبي
هو شرى لمرتو وانا شريت لماما وركزلي على ماما هذي
كي شافتها قاتلي كثر خير يا وليدي مي راهي نتاع بنات صغار
قلتلها بعد العيد و نرجعوها عادي

وهكذا كانت مغامرتي العجيبة في شراء هدية لأمي
وعرفت بلي الشي اللي خاطيك يعييك
ولا واش قالو لبلاد؟؟؟؟؟؟؟؟

​

 

[لاجودان شاف]

سلام

علاه زعمة مول الحانوت رايح يجي خير منك
بمعنى انو حبيبك لوكان جا وحدو رايح مول الحانوت يشيخ عليه ولا يشاورو صاحبك باش يعطيه رايو وبلاك قاع يدزلو سلعة ماهياش
هاك عارف الشرية والبيعة
انا نظن بلي حبيبك يعني خـــــــــــوك ،نورمال اذا شخت عليه ومديت رايك
في نوعية القماش ولا حوايج معروفة للعامة و بالطبع رايح يرجع الفصل ليه .لانو
هو يعرف اللون والذوق نتاع زوجتو. ومن الاحسن يرافقها لشراء مستلزماتها
ارقد هاني مافيها حتى توسويسة.
صحيت لاجودان ​

اهلا بيك خويا عادل
والله جبتها صح
مام ماهدرتش انا راح يهدر معاه مول لحانوت و يقولو شوف هاذي خير وهاذي ...
تسما تجيه من صاحبو ولا من براني
وكيما قلت من الاحسن يجيب مرتو خير وخير
خويا يعطيك الصحة
:re_gards:​

 

[لاجودان شاف]

شوف اشايب خويا نفس الحكاية صراتلي لعشية

رحت انا وصاحبي مي هو متزوج ماش كي حالتنا
انا رحت نشري كاشما gندورة للوالدة
وهو للزوجة نتاعو
مي انا على نيتي كي سقساني شخت عليه نورمال
لأنو فالأول هو اللي اقترح عليا نروح معاه
وفهمتو بلي راني لاعلاقة بهاذ الحوايج
لوكان جات ساعة ولا ريحة ممكن مي ملابس نسائية منخدمهمش
المفيد كي مالقيناش رواحنا قلنا لمول الحانوت خيرلنا وحدة وحدة والصلاة على النبي
هو شرى لمرتو وانا شريت لماما وركزلي على ماما هذي
كي شافتها قاتلي كثر خير يا وليدي مي راهي نتاع بنات صغار
قلتلها بعد العيد و نرجعوها عادي​

وهكذا كانت مغامرتي العجيبة في شراء هدية لأمي
وعرفت بلي الشي اللي خاطيك يعييك
ولا واش قالو لبلاد؟؟؟؟؟؟؟؟​

هههههههه اهلا بناس المولودية وتحيا كحلة وبيضة للصباح
ومكرة في الشواية وكيما قال الشاعر الملحون هام جاو ولاد الكحلة والموت كاينة و خداعة:shiny:
ههههههههه
+
نرجعو للمسألة تاعنا
شفت الزهر كيفاه الرجالة رايحة تشري لنساها ونتا رايح تشري ليماك
وانا رايح شيتة برك هههههههه
لا معليش تستاهل الشيبانية وتستاهل غير لعزيزة
وراك بروفيت بلي راك صح مش تاع ملابس نسائية
ونهار تزوج باينة راح تهدي زوجتك قندورة تاع عجايز
مالا غير نظم روحك من ذرك
وارواح عند خوك يديرلك ستاج
المهم يعيطك الصحة
:re_gards:​

 

[حفيد هواري بومدين]

لاجودان اخويا باين فيك حاب تتزوج
ربي يطيحك في حبة ان شاء الله ماتتقلشش بزاف عليك
وصحا عيدك

 

[لاجودان شاف]

لاجودان اخويا باين فيك حاب تتزوج
ربي يطيحك في حبة ان شاء الله ماتتقلشش بزاف عليك
وصحا عيدك

ههههههههه الجزاير كامل حابة تتزوج
وانا صراحة حبيت نجمل عقلي
قالك ما يتجمل غير بالزواجi-o:
+
يا خويا اللهم آمين لينا وليكم
يعطيك الصحة
وصح عيدمك حبيبنا
:re_gards:​

 

[الجزائري05]

هههههههه اهلا بناس المولودية وتحيا كحلة وبيضة للصباح
ومكرة في الشواية وكيما قال الشاعر الملحون هام جاو ولاد الكحلة والموت كاينة و خداعة:shiny:
ههههههههه
+
نرجعو للمسألة تاعنا
شفت الزهر كيفاه الرجالة رايحة تشري لنساها ونتا رايح تشري ليماك
وانا رايح شيتة برك هههههههه
لا معليش تستاهل الشيبانية وتستاهل غير لعزيزة
وراك بروفيت بلي راك صح مش تاع ملابس نسائية
ونهار تزوج باينة راح تهدي زوجتك قندورة تاع عجايز
مالا غير نظم روحك من ذرك
وارواح عند خوك يديرلك ستاج
المهم يعيطك الصحة
:re_gards:​

الوالدة مانسعاش منها عشرة
أمي ثم أمي ثم أمي:shay:
خلاص يالبوبيست خويا نجي ندير سطاج مي أخطينا من _o:la rue H برك
ههههههههه
ربي يهنيك و صحا عيدك
​

 

[لاجودان شاف]

الوالدة مانسعاش منها عشرة

أمي ثم أمي ثم أمي:shay:
خلاص يالبوبيست خويا نجي ندير سطاج مي أخطينا من _o:la rue h برك
ههههههههه
ربي يهنيك و صحا عيدك​

يا خويا قلتها وهاذيك هيا
الوالدة مانسعاوش منها عشرة ..صح
+
خويا مرحبا بيك اوراح ونديوك لبلايس باهيين ونخيرولك حاجة مليحة
مكرة في الشواية
صح عيدك​

 

[بنـ MaPa ـت]

وعليكم السلآم

الحاجة لي نديروها ونحسوها غلطة جامي لا تكون ماشي مليحة عند الناس العزاز عليك
لوكان ما جا يرتالحك ماكان يديك تخير معاه حويجة لمرتو حاطك كيما خوه ولا واحد من العايلة
آلور اضربها نية في الهبال كيما ضربها هو :shiny:

وبالنسبة ليا انا نطير من الفرحة لو يشريلي حاجة من دوقو صافي بليزييير :shay:وماعنديش بروبلام هو ولا انا كيف كيف

مرسي على الموضوع

وهاك تقييم باش تروحلك الخلعة ههه

:re_gards:
​

 

[تاج الجزائر]

وعليكم السلام ورحمة الله وبركاته

انا بالنسبة ليا ما فيها والو صاحبك شاورك وانت ساعدته

راني عارف انت غاضتك مين خيرتله حاجة لزوجته جاتك حاجة بيزاغ :scared:

بصح مكان لاه تخمم بزاف وتقلق في روحك ضرك تضيع كلشي بالقلق وما تاكلش اللحم

بزاف :shiny:

الزوجة دائمة تستنى راجلها يجيبلها هدية مفاجئة :shay:

الرسول صلى الله عليه وسلم قبل الهدية

وكيما يقولوا ناس بكري حاجة المعطى ما تتقلب

ايا صح عيدكم وكل عام وانتم بالف خير ينعاد عليكم وعلى الامة الاسلامية باليمن والخير

والبركات

 

[lakhdar29]

ههههههههههههههه والله لمليحا هذه هههههههههه راه غلبني ضحك , كي تتزوج انت قوله يخلفهالك ههههههههههه


حق صح عيدك

 

[إيمان قلب]

السلام عليكم
صح عيدك خويا لاجودان
مازلتو بعد ماتزوجتو , معليهش العيد الجاي تشري قندورة للمرة ان شاء الله
بالنسبة للموضوع , تبانلي نورمال مدام كنت معاه وشرت عليه مافيها والوا
ان شاء الله برك تعجب مرتو وماتكونش تاع عجااايز هههه
سلاام​

 

[لاجودان شاف]

وعليكم السلآم​

الحاجة لي نديروها ونحسوها غلطة جامي لا تكون ماشي مليحة عند الناس العزاز عليك
لوكان ما جا يرتالحك ماكان يديك تخير معاه حويجة لمرتو حاطك كيما خوه ولا واحد من العايلة
آلور اضربها نية في الهبال كيما ضربها هو :shiny:​

وبالنسبة ليا انا نطير من الفرحة لو يشريلي حاجة من دوقو صافي بليزييير :shay:وماعنديش بروبلام هو ولا انا كيف كيف​

مرسي على الموضوع​

وهاك تقييم باش تروحلك الخلعة ههه​

:re_gards:​

هيا مليح ورانا ضربناها في الهبال
انا خفت برك يعود يقولك مرتي وانا ولا مرتو هو
مي مدام داني معاه تسما حاجة عادي
+
ههههه يقندورة برك طيري من الفرحة
مالا لوكان يضربك ببارير زين وش ديري ....تسويسيديi-o:
المهم تستاهلي
+
ما وصلني والو لا تقييم لا والو
قالك اشاعات برك
كثر خيرك
:re_gards:​