اريد مساعدتي لايجاد حل لمشكلتي

lilachakira

:: عضو منتسِب ::
إنضم
2 ديسمبر 2011
المشاركات
12
نقاط التفاعل
0
النقاط
2
انا بنت عرفت ولد عمرو 21 سنة حبتو حبا اعمى و هو لم يحبني فكان يقول لي احبك لكنه كان يكدب علي و بعد مدة انتهت علاقتي به لانه خدعني و حبه لي كان حب مصلحة لا اكثر عندما انفصلنا كتبت في كراس دكرياتي كل شيء يتعلق ب علاقتنا انا و هو بعد فراقنا تعدبت كثيرا فتعرفت على اخر قال لي انا نسيك فيه و ....و نحبك انا في الاول لم اصدقه بعدين غرني شيطان و قبلت بيه باه ننسى هدا لي حبيتو من قبل بعد مدة ال 2 اللي حبني اخد ما يحتاجه مني و تركني و المشكلة انو دارنا عرفوا بلي مشيت معاه عيطتلو باه نقولو عاوني و ارواح تخطبني رفض و قال لي حلي مشاكلك وحدك و المشكلة الكبيرة انو اختي لقات كراس دكرياتي ة قراته و خبرت دارنا ما العمل ساعدوني هل اترك البيت و ارحل ام مادا!!!:sadwalk:
 
هبلتي تخلي الدار ؟؟؟ وين تروحي الشارع مايرحمش ا طفلة نحي هاد الفكرة من راسك غير الدار اللي ماتخرجيش منها ماتزيديش غلطة كتر من اللي درتيها .... جامي راجل ينسي فراجل و مازالكي صغيرة اتفاهمي مع داركم غير بالشوي و اوعديهم تحبسي هاد الشى مي غير الدار ملتخرجيش منها و الا ندمتي صح ماتكدبسش عليهم صارحيهم و ابداي تنحي الكذب و ربي يفرج عليك
 
ترك البيت ليس حل ,لكن صارحي اهلك وتحملي المسؤولية احسن
وجربي احكي معاه بالاك يخطبك لكن انصحك ان لا تفكري في الرحيل كما قلتي
وانا هنا نساعدك
 
بصح يا اختي انا ماكان حتا واحد يفهمني دارنا كامل تفاهمو على راسي و زيد عندي باك مقدرتش كامل نوجدلو هبلوني ب هدي المشاكل و تانيك اختي قراة كامل واش كاين في كراس دكرياتي و كامل مرهومش يهدرو معاي يتسما نروح خير
 
يا اختي sali حكيت معاه قالي دبري راسك مع داركوم و انساي نهدر مع باباك مزالني صغير و نحب نعيش و تانيك قالي ارواحي لي لدار اني وحدي نحكيو كي محبيتش نروح زاد كرهني و قالي متحوسيش اعلي
 
بالاك تروحي راح تندمي بزااااااااااف

توبي وادعي لربي هو اللي يفرج عليك

وباااااااااااالاك تروحي الشارع ميرحمش
 
ماتغلطيش وتروحي معاه لاي مكان ونقولك خلاص ماتزيديش تحوسي عليه
انت حكي مع داركم ووعديهم ماتعاوديش الغلطة
وتوبي لربي وهدي غلطة واستفادي منها وماتعاوديهاش
المهم فهمي داركم بالعقل ومع الوقت تتحل المشاكل
 
انا حاولت نفهمهم و كتلهم منعاودش نغلط قالولي كيفاه حنا غاداتنا كي بنت عمك لكبيرة علاباها و محكاتالناش psq يكرهوها قالولي نديرولك تحويل تروحي تقراي في مسيلة هكدا تبعدي عليها و على هدا لي كنتي معاه و نحاولي تيليفون probleme doka kifech nbdel f 2 eme trimestre o lbac maranich nkralou mlih bsaba ta3 hada mochkil keraht hyatii wlh wach ndir
 
papa wela ychouf féya choufa machi mliha o zedou kalouli trohi msila tkray khir tema 9bel les vacances nbadal man jiha maranich haba nkhli li kont m3ah pourtan mayhabnich o man jiha habit nkhali dar hakda nathana wlh
 
شوفي نصيحة مني خطيك منو وخمي في قرايتو وشوفي كيفاش هو ماراهش يخمم فيك
انتي غلطتي ومزالك حابة تغلطي
والديك وقرايتك هوما الصح مي انتي على حساب مانصحناك ماكيش حابة تسمعي لنصائحنا
والديك خايفين عليك هداك لعب بيك وراح وانتي مزالك متخابطة مع قلبك وماعرفتيش غلطتك
خمي بعقلك يا اختي
 
باباك راه خلاك تقراي واحد غيرو والله ماتزيدي تخطي برا الدار،وزاد فقدتي ثقة والديك
من راي طبقي واش قالولك بلا ماتهدري ولا تردي هوما عارفين صلاحك
 
شوفي ختي هذا رد فعل عادي من عائلتك ليس لأنهم لا تكلمون معك معنتها يكرهوك
الجرح مزالو جديد ،لوكان وحدوخرين لوكان راهم خرجوك ملمسيد ولوكان ماراكيش تكونكتي دوكا أماليك يحبوك و راهم خايفين عليك
أنا نقولك أهدري معاهم و طلبي سماح ،وكوني فحلة وجيبي الباك .ومعى الوقت ماليك ينساو
مي إذا شافوك تع أقرايا
وأخطيك من الحب هذا وشدي في ربي هو لينجحك وإستغفري كثيرا
أما الهروب متفكريش كامل فيه

 
الله يهديك اختي راكي تقولي سمح فيا ومبغاش يجي لدار ياش يخطبك وراكي باغية تقعدي معاه هدا ضيعلك حياتك اختي شوفي كفاش تردي والديك وطلبي منهم السماح هادي حاجة ماشي ساهلة عليهم يليق تتقبلي ونقولك نصيحة ماتفرطيش في داركم مهما كان الحال وما تخليش قزايتك ويلا ماديتيش الباك هدا العام ماعليش عاوديه وانشاء الله تنجحي في قرايتك وانشاء الله هادي تكون عبرة ليك وما تعوديش ديري الثقة في اي واحد سلام​
 
أختاه صلي على النبي، وسأطالك بالصراحة كوني صريحة واقتربي من عائلتك أكثر وأخبريهم بكل مايجول في خاطرك بكل وضوح دون إخفاء أي شيء ولو كان بسيطا، عائلتك سيتفهمونك أنا أكيدة من ذلك وإذا غضب منك والديك فهي ردة فعل على ماعرفاه ولكنهما لن يخاصماك العمر كله، أختك هي أقرب صديقة لك عليك بمصارحتها بكل شيء، أبدا لاتلجئي للهرو من المنزل كحل لأن الشارع لايرحم الفتاة فهناك أشخاص سيئون وتعرفين جيدا مصير الفتاة لو خرجت من المنزل تقولين لي سأتدر أمري مطلقا سيكون مصيرك الهلاك والضياع، نصيحتي لك هي طلب الصفح من والديك لأنهما أساس حياتك وأكيد أنت تدرسين اهتمي بدراستك، هي محطة سيئة في حياتك حاولي نسيانها فإذا تعرضت لحادث سير هل ستتوقفين عن السياقة؟ هذا غير منطقي فلاداعي لحبس نفسك في هذه الزاوية أمام حياة فلتعيشيها وسيعوضك ربك بأحسن من هذين الرجلين.
 
السلام عليكم و رحمة الله
الحمد لله على وجود أناس يفهموا حقيقة المشاكل والله الحمد لله
مشكورين يا بنات اللمة على نصايحكم و بارك الله فيكم
أعود الى الموضوع
اللهم لا شتامة ممكن يا اختي اني راح نقسي عليك شوي ولكن رايحة نحتك في الامر الواقع
أختي انتي تعرفي اننا نعيش في زمن الكلاب الجائعة و اننا نعيش في عصر مكشوف و لا ستيرة و كاين ناس يا اختي من علاقة لعلاقة صاروا في امور عفانا الله
منيش رايحة نقلك علاه وعلاه هك ؟ كل انسان له ظروف ولى نقول افكار
اختي ننصحك لوجه الله
كملي حياتك على اساس مصرى والوا اختي رانا في الفصل دوزيام مبقاش بزاف للباك
اذا عينك نتاع داركم و لمشكل نتاعك يتحل انجحي لباك نتاعك صدقيني هدا هو الحل الوحيد
حل كافي وافي اول حاجة تظهرلك حوايج خرين تعود تشوفي لبعيد و يكون عندك مستقبل حتى هدا لفلان يعود هو يجري وراك
المرأة يا ختي عندها نيفها يحكم فيها
تأكدي اذا عاد عندك النييف تفكري واش خدعوك من اولاد واش خانوك و شحال غدرتك نصحبة
يا ختي اذا شايفة الشارع يخرجك أستاذة ولى محامية غير روحي
ختي انتي مكيش شد في ربي لا شكوى الا لله ما عليك غير بصلاة
الصلاة ثم الصلاة وادعي لله صلاة الاستخارة والله يا ختي ثقي بربي سبحانه و رديلي خبر
اللي يقوالوا عليه خاوتك وبابك هديك هي مصلحتك لتم تبعيهم و شوفي واش تربحي يا ختي
كشما بقى واحد يحب وحدة ربي يهديك جامي ديري لامان في رجال مهما كانوا اللي عينوا فيك يجي لداركم مكانش احكمي قدرك و يحكم قدروا يخي كي ميجيش مكيش راح تموتي هاكي عايشة ومعزش رجال اوك
و نزيد نقلك هدا لفلان مهوش راجل هو لول يقول منديش وحدة فيها و فيها
و ربي يهنيك وانشاء الله نسمعوا خير تواصلي اختي معنا على الاقل نعرفوا اخبارك
تقبلي تحياتي اختك وفاء
 
ختي ما عندي ما نقولك غير ربي يفرج عليك باين مازالك تاني من مرحلة المراهقة
مي ما ديريش في بالك قع باه تخرجي من الدار واش بيك مالاد ؟؟؟؟؟؟؟؟؟
ياو اتفاهمي مع داركوم بلعقل ماكانش وحده ما حبتش مي كلش بلعقل و ارجعي لربي و توبي و اهمتي بالباك ديالك
 
السلام عليكم و رحمة الله

الحمد لله على وجود أناس يفهموا حقيقة المشاكل والله الحمد لله
مشكورين يا بنات اللمة على نصايحكم و بارك الله فيكم
أعود الى الموضوع
اللهم لا شتامة ممكن يا اختي اني راح نقسي عليك شوي ولكن رايحة نحتك في الامر الواقع
أختي انتي تعرفي اننا نعيش في زمن الكلاب الجائعة و اننا نعيش في عصر مكشوف و لا ستيرة و كاين ناس يا اختي من علاقة لعلاقة صاروا في امور عفانا الله
منيش رايحة نقلك علاه وعلاه هك ؟ كل انسان له ظروف ولى نقول افكار
اختي ننصحك لوجه الله
كملي حياتك على اساس مصرى والوا اختي رانا في الفصل دوزيام مبقاش بزاف للباك
اذا عينك نتاع داركم و لمشكل نتاعك يتحل انجحي لباك نتاعك صدقيني هدا هو الحل الوحيد
حل كافي وافي اول حاجة تظهرلك حوايج خرين تعود تشوفي لبعيد و يكون عندك مستقبل حتى هدا لفلان يعود هو يجري وراك
المرأة يا ختي عندها نيفها يحكم فيها
تأكدي اذا عاد عندك النييف تفكري واش خدعوك من اولاد واش خانوك و شحال غدرتك نصحبة
يا ختي اذا شايفة الشارع يخرجك أستاذة ولى محامية غير روحي
ختي انتي مكيش شد في ربي لا شكوى الا لله ما عليك غير بصلاة
الصلاة ثم الصلاة وادعي لله صلاة الاستخارة والله يا ختي ثقي بربي سبحانه و رديلي خبر
اللي يقوالوا عليه خاوتك وبابك هديك هي مصلحتك لتم تبعيهم و شوفي واش تربحي يا ختي
كشما بقى واحد يحب وحدة ربي يهديك جامي ديري لامان في رجال مهما كانوا اللي عينوا فيك يجي لداركم مكانش احكمي قدرك و يحكم قدروا يخي كي ميجيش مكيش راح تموتي هاكي عايشة ومعزش رجال اوك
و نزيد نقلك هدا لفلان مهوش راجل هو لول يقول منديش وحدة فيها و فيها
و ربي يهنيك وانشاء الله نسمعوا خير تواصلي اختي معنا على الاقل نعرفوا اخبارك

تقبلي تحياتي اختك وفاء
و نعم النصيحة اشاطرك الراي تماما
يعطيك الصحة
 
ختي ما عندي ما نقولك غير ربي يفرج عليك باين مازالك تاني من مرحلة المراهقة
مي ما ديريش في بالك قع باه تخرجي من الدار واش بيك مالاد ؟؟؟؟؟؟؟؟؟
ياو اتفاهمي مع داركوم بلعقل ماكانش وحده ما حبتش مي كلش بلعقل و ارجعي لربي و توبي و اهمتي بالباك ديالك
هههه حكمتك لكاميرا ياو مكاش واحد ما حبش ييييييي واعرة هدي
سوسو خانوا دك نحكوا فيها ههههه
واش داك تهدري هههه
يا ربي انا قلت كون غير تدخل سوسو تعاوني شوية باه نرجعولها عقلها
 
اختي صارحي اهلك بتدخل احد اقاربك يحكيلهم ويدافع عنك لحتى ما يصيرلك اي شي

اتمنى الك السلامة وياريت ما تتكرر الغلطة مع غيرك

بعين الله​
 
شكرا جزيلا لكم ندير واش قلتولي قولولي زعما كي نبدل نروح ل مسيلة في دوزيام تريماستتر نقدر نكمل نقرا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top