عندما يكفرك ارسطو !!!

simou11

:: عضو بارز ::
أحباب اللمة
إنضم
16 مارس 2010
المشاركات
4,346
نقاط التفاعل
2,753
النقاط
191
السلام عليكم و رحمة الله
حبيت نحكيلكم على وحد لعفسة صراتلي و حبستلي مخي
مالا وحد اليوم ماقريتش الساعة لخرة
مالقيت حتى واحد فالدار و ماكانوش عندي لمفاتح
عيطت لخويا قالي اني نقرا الفلسفة كان تحبي ارواحي اقعدي معايا الحصة هذي
ولا نخرج باه نروحو لدار جدي و دار جدي بعيييييدة خلاه
انا ديما نسمع خويا يحكي على الفلسفة و دنيا قتلو نجي نقعد معاك
دخلت طول رحت قعدت مع خويا و بدات هي تحكي علا الحقائق الازلية و مانعرف وش
قالتلهوم كيما شروق الشمس من المشرق حقيقة ازلية يعني مستحيل يجي يوم تشرق فيه من المغرب
خزرت مع خويا و قتلو نورمالمو في يوم القيامة تشرق من المغرب كيفاه تقلك هذي مستحيل ؟؟ قالتلي هيا "يا اخت عوادي وش قاعدة تحكي تحت خشمك"
عاودتلها وش قلتلو قالتلي لا يا بنتي مستحيل تشرق من المغرب
حرت انا مي قلتلها من علامات الساعة الكبرى شروق الشمس من المغرب
تصورو وش قتلي ؟ لا لا ماكانش منها هذي
خرجت عينيا على لخر :eek:_o: وقتلها لحقيقة الازلية لي تحكي عليها رايحة تكفرك غير اسكتي
قالتلي شكون انتي حتى تقولي بلي اكتشاف ارسطو ولا افلاطون (نسيتي شكون :shay:) غالط
ناض خويا و قلها شكون انتي حتى تكذبي حديث الرسول ؟؟
و خرج من الحصة و خرجني معاه
لضرك مزلت حايرة هذي معلمة ولا بطلت ؟!!
و لي تشوكيك مدايرة 3 حجات !!
مغلطش لي قال كل فلسفة مكفرة
بويسك تجي تتفلسف في حاجة تع دين تلقا روحك خرجتي من الملة
سمحولي طولت عليكم
مي والله مش بذمة راني نغلي :cursing: !!
 
أهلا بيك سيمو
كنت خارج شفت موضوعك قلت نكتب فيه ونروح
هذو ناس يتمهبلو ولا يلعبوها باش يبانو ويتشهرو
قالك فلانة راهي ماتامنش بكذا وكذا
حنا عندنا هذ الأمور غيبية نامنو بيها لأننا نامنو بالرسول صلى الله عليه وسلم
هذ الناس مايقدرش الواحد حتى يسميهم ملحدين ولا علمانيين لنهم يلعبو فيها برك ...
يعطيك الصحة سيمو
 
أهلا بيك سيمو
كنت خارج شفت موضوعك قلت نكتب فيه ونروح
هذو ناس يتمهبلو ولا يلعبوها باش يبانو ويتشهرو
قالك فلانة راهي ماتامنش بكذا وكذا
حنا عندنا هذ الأمور غيبية نامنو بيها لأننا نامنو بالرسول صلى الله عليه وسلم
هذ الناس مايقدرش الواحد حتى يسميهم ملحدين ولا علمانيين لنهم يلعبو فيها برك ...
يعطيك الصحة سيمو

منوووور بمرورك العسل :shay:
مي والله ياسر ياسر يا خويا سفيان !!
تقول فيها نورمال شغل حاجة انتيك
و اون plus عندها 3 حجات !
من هذاك ليوم و انا نهبل في خويا قتلو عندك تصدقها في اي حاجة :shiny:
خرجتو من عقلو tellement لي قعدت نحكي فيها لتاع الدار كل
ندم على اليوم لي داني فيه ^^ :yahoo:
 
السلام عليكم اهلا سيموا
هههه ياو نتي غير حضرتي حصة راكي خرجتي توحدي في ربي يما بالاك انا كل يوم سااعتين سسسسسس راسك يعود يدور
هيه كاين حوايج يحبسوك من راسك من بعد توالفي هههه
ربي يعيني املى
 
السلام عليكم اهلا سيموا
هههه ياو نتي غير حضرتي حصة راكي خرجتي توحدي في ربي يما بالاك انا كل يوم سااعتين سسسسسس راسك يعود يدور
هيه كاين حوايج يحبسوك من راسك من بعد توالفي هههه
ربي يعيني املى

ربي يعينك ختيتو
والله غير خرجت مشوكية
كان جيت نقرا عندها والله نشكي بيها
مي الله غالب خويا بهيم عييت فيه احكي مع المدير محبش :cra_zy:
 
ana tanik ki kont ne9ra lfalssafa ....newslo lwe7d swla7 nkafro fihom besse7 hmdlh lproof ta3na ygolena beli lkafrin ygolo haak besse7 7na moslimin ndiri 3la rasolna w makanch menha hadi kol we7ed 3ando nadra ta3ooo fihaaaa ...lah yehdiha ana yne3ref we7d l prof fel jami3a mol7id mn kotret l 3illm kfar brabii aya chkaw wbih w tardooh..hadi normalement techko biha ghadi yterdohaaaaa
 
ههههههههه ربي يعين اللي يقراو فلسفة على هاذي أنا نحس لي يقري فلسفة صافا با كي شغل مهبووول هههه
 
كنت نقرا الفلسفة ونبغيها بزاف باسكو الاستاذة اللي كانت تقري فينا كانت ملييحة بزاف
وكيما نلحقو لكشما حاجة كيما هذه تقوللنا هذه هي الفلسفة تقدر تكفر بني آدم على هذا
ديما تقوللنا اقراوها كأفكار تتعرفو عليها لا أكثر
وكي طلعت للجامعة كان عندنا موديل وبما أنني كنت نبغيها بزاف كنت ناوية نديرها
بالصح والله لا نهار تعمقنا فيها تشوووووكيت تقول ماشي الفلسفة اللي كنا نقراوها
زاد فيها أفكار اللي مايشدش في عقلو تكفرو , مام الاستاذة متعصبة شوية للمادة جابلي ربي صاريلها كيما هذ
الاستاذة,ألوغ ماجيت نبلع فيها حتى وليت نعرق , وهاذ العام قالك راهم اللي خيرو فلسفة
قاع عقبوهم ماستر باسكو كاين غي 100 طالب فالبرومو , قلتلهم اندبو بيها موديل ماسلكتش
راسي فيه كي تكون التخصص تاعي شا يصرا فيا
يعطيك الصحة خيتي وربي يعين على اساتذة كيف هذو
 
ana tanik ki kont ne9ra lfalssafa ....newslo lwe7d swla7 nkafro fihom besse7 hmdlh lproof ta3na ygolena beli lkafrin ygolo haak besse7 7na moslimin ndiri 3la rasolna w makanch menha hadi kol we7ed 3ando nadra ta3ooo fihaaaa ...lah yehdiha ana yne3ref we7d l prof fel jami3a mol7id mn kotret l 3illm kfar brabii aya chkaw wbih w tardooh..hadi normalement techko biha ghadi yterdohaaaaa

او خويا :cra_zy:
عييت فيه باه يشكي بيها ماحبش !!
 
ههههههههه ربي يعين اللي يقراو فلسفة على هاذي أنا نحس لي يقري فلسفة صافا با كي شغل مهبووول هههه

هههههه
لي يقراو فلسفة و رياضيات يبانولي وحد الزي مهابل
نعرف وحد tellement لي قاري مات ولا يحسب فالكرلاجات :lol:
 
كنت نقرا الفلسفة ونبغيها بزاف باسكو الاستاذة اللي كانت تقري فينا كانت ملييحة بزاف
وكيما نلحقو لكشما حاجة كيما هذه تقوللنا هذه هي الفلسفة تقدر تكفر بني آدم على هذا
ديما تقوللنا اقراوها كأفكار تتعرفو عليها لا أكثر
وكي طلعت للجامعة كان عندنا موديل وبما أنني كنت نبغيها بزاف كنت ناوية نديرها
بالصح والله لا نهار تعمقنا فيها تشوووووكيت تقول ماشي الفلسفة اللي كنا نقراوها
زاد فيها أفكار اللي مايشدش في عقلو تكفرو , مام الاستاذة متعصبة شوية للمادة جابلي ربي صاريلها كيما هذ
الاستاذة,ألوغ ماجيت نبلع فيها حتى وليت نعرق , وهاذ العام قالك راهم اللي خيرو فلسفة
قاع عقبوهم ماستر باسكو كاين غي 100 طالب فالبرومو , قلتلهم اندبو بيها موديل ماسلكتش
راسي فيه كي تكون التخصص تاعي شا يصرا فيا
يعطيك الصحة خيتي وربي يعين على اساتذة كيف هذو

ربي يسهلك اختي و ينجحك في قرايتك :shay:
انا ملي قريت ساعة وحدة مع خويا حلفت منزيدش نقدملها
السيدة تكفر و تقول فيها شغل حاجة نورمال :cra_zy:
 
من بكري نكره الفلسفة
كيما يقولوا
ما تتفلسف ما تولي حمار هههههه
 
هههههههههههه كاينة منها :)
 
الفلسفة مليحة لكن ملازمش نتعمقوا فيها ولا نامنوا بها على حساب الدين والحقائق اليدينة
لازم ديما يكون ترجيح وبحث في مواضيعها
 
سلام
احنا وحد المره الاستاذ تاع الفلسفة طفى الضوء تاع القسم وقال قولو لربكم يشعلها
(استغفر الله)
 
انا كنت نكره جد الفلسفة

ولوكان نحكيلك على واش قريت وحد المرة
غادي تهبلي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top