معمول بطريقتي الخاصة

[ألاء الرحمـــن]

المقادير

250 غ زبدة طرية
3 حبات بيض
5 مغارف كبار سكر عادي
مبشور ليمون (تحبي تضيفي فانيلا)
1 خميرة
كيلة سميد +3 كيلات فرينة
الحشو
حلوة الترك
التزين
عسيلة باه نهشروها
التزين على حساب الرغبة

التحضير

في اناء نخفق البيض مع السكر جيدا ونضيفلو الزبدة ومبشور اليمون والخميرة ونمزجهم جيدا
نتحصل على هدا الشكل

بعدها نخلط كيلة سميد مع 3 كيلات فرينة

ونبدا نضيف تدريجا حتى نتحصل على عجينة طرية
(ماشي شرط تحطي الخليط كامل باه نتجيش يابسة) ويفضل تنحط فكيس بلاستيكي باه ما تيبس

بعدها ناخذ جزء صغير ونعمل ثقب فالوسط ونوضع جزء من حلوة الترك ونغلق باحكام ونوضعها فالطابع الخاص بالمعمول

بعد ما نكمل الجميع نوضعها في فرن على نار هادئة وبعد ما تطيب نهشرها فعسيلة دافية تتشرب شوية ونخليها تبرد وتتقطر ونزينها على حساب الرغبة
وهذا شكلها النهائي

​

 

[om abdulhadi 2011]

الله يبارك مشاء الله

 

[ام ايناس وفاروق]

يعطيك الصحة مها خرجتلك شابة وباينه بنينة شكرا اختي

 

[ŚσÚмĨÁ.Ďz]

يعطيك الصحة اختى جااك هايل بصحتك
​

 

[M!ss D!or]

هاااااااايل حبيبتي
ربي يحفضك
زاااااائد تقييم
​

 

[أم دودو]

الله يبارك ياسمين جاك هايل نجربه في أقرب فرصة بإذن الله
​

 

[روعة2005]

يعطيك العافية حبيبتي شكلو يشهي +تقييم

 

[ام خديجة1]

تسلم الايادي اختي مهى جاك المعمول يشهي بارك الله فيك

 

[كوثر الوهرانية]

هايل المعمول الف شكر على الوصفة اختي ياسمين عندي سؤال السميد الرقيق ولا المتوسط
بصحتكم اختي جاك روعة

 

[ألاء الرحمـــن]

شاكرة لكن المرور والتقييم حبيباتي
أم كوثر سميد تقدري تحطي رطب ولا متوسط الحرش لالا باه متيبسش العجينة
والافضل سميد رطب


​

 

[السلطانة]

ساهل وباين بنين من شكلو
يعطيك الصحة خيتو

​

 

[آمِيْرَتُه]

شكرا على الوصفة بارك الله فيك يان بنين امممممممممم و هذا النوع من الحلوى معروف بكثرة في دول المشرق مثل لبنان و سوريا و كذلك الأردن برافوا

 

[أم نيفين]

بارك لله فيك على الوصفة حبيبتي.... لك مني أحلى تقييم+++

 

[imane27]

يعطيك الصحة مها جاك روعة

 

[Djazaire-El-Ghalia]

هآآآايل يعطيك الصحّة مها

 

[rima29]

يسلموا ايديك ختي​

 

[روز]

يعطيك الصحة كنت باش نقلك حطيناالوصفة
غير نلقا الطابع نجربو ان شاءلله
بارك الله فيك احلى تقييم لاحلى ياسمين

 

[omarwa]

تسلم يداك اختي ياسمين جاتك روعة انشاله نجربها

 

[ألاء الرحمـــن]

شاكرة لكن المرور والتقييم
روز كاين طابع ثاني للمعمول ومعروف فدول الخليج نصورلك من بعد ونحطو

​

 

[روز]

ايه غير حطيلي
كل مانقول نجربو نحصل الطابع مانلقاش
ابوالشباب يحب المعمول بزاف
والمعمول الواجد لي يتباع هنا غالي شوية