تمشي في ستر ربي سع ,,,,,,,,,,,

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
السلام عليكم اهل اللمة الكرام

عندي مدة مكتبتش في هد القسم الباهي لانو خلصتلي الهدرة ليامات اللخرين عيينا حتى نقولو كلمة

المهم نتمنى تكونو لاباس وبخير


ليوم مالا اسيدي تحكيلي واحد الطفلة هكا على بنت عمتها ولا معلاباليش واش تكولها


قالتلي المخلوقة خرجت راحت تقضي امورها لاباس بيها زمان هيا ماشية في الزقاق سع



راب عليها بالكون تاع بناية جديدة قالتلي كون اموان بالكون تاع بنية فرنسا هدوك القدم

قالتلي اي في الكوما بين الموت والحياة


والله كي حكاتلي قعدت مشوكية من الخبر هدا

الواحد يخرج يمشي في ستر ربي يجيه البلا منين ما يدري وهدا كامل في سبب ناس معندهمش ضمير يبنيو في بنايات بمواد بناء ميتة ميهمهمش حياة الناس ولا يقولو او كاين نهار نقابلو فيه ربي

همهم الوحيد المادة وخلاص


كما الطفلة هدي مسكينة واش ذنبها ؟ ممكن تعيش وممكن تكون وحتى وعاشت بالاك تعيش باعاقة في جرة عبد معندوش ضمير عبد همو الدراهم وخلاص ربي يرفد على الغاشي اللي مات اللي حيا


واش هد العباد؟ مش مليحلهم القتيلة


والمشكل منظنش لا راح يتحاسب الشخص هدا ويتعاقب كيعاد باينة راح يخرج منها نورمال طفرت غير في المخلوقة

والله معندي واش نقول نخليلكم ليكم الهدرة عبرو كما تحبو

 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
وعليكم السلام ورحمة الله
يعطيك الصحة أختي مريم، وربي يكون في عون هاذ البنت
أختي الآن كلشي أصبحو يحسبوه بمنطق التجارة
المقاولين ما يخافوش ربي والمهندسين ثاني. المهم الربح السريع، يموت واحد زوج ألف ما يهمش، المهم الجيب يتعمر وخلاص.
+
بالنسبة لبنايات فرنسا، شوفي قداه مر عليهم من عوام ومازالوا كيما هوما.
ربي يحفظك أختي


 

ملكًة الاحسآس

:: عضو شرفي ::
إنضم
30 ماي 2009
المشاركات
5,835
النقاط
351
محل الإقامة
جيجلية بسطيف
الجنس
أنثى
وعليكم السلام
صح الواحد ماعلابالوش من وين يجيه البلا ، مي الي كمــا هك والله كارثة
مسكينـة المخلوقة راحت فيهــا ، في سبة ناس ماعندهومش ضميــر ومايخمموش لغدواا كفاه يقابلو وجه ربي
الحاجة الي تهمهم يطلعوو دي باتيمون ودي فيلا بأي طريقة ، وبالمقابل المقاوليـن رجعوو مايخافوش ربي ينقص من السيمة ولا الحديد ويحط فالجيب ، ياو عليهــا حنا العرب ديما متخلفين الرسول عليه الصلاة والسلام ووصى الي يخدم خدمة لازم يتقنهــا ، بصح الله غالب الحديث هذا قليل الي يطبقوو ورنــا نشوفو فالغرب قايمين بها وأحسن دليل البنايات الي دارتهم فرنسا من وقت الاستعمار ، ولي باتيمون الي داروهم الطلاين .
ربي يهدي من خلق ، وربي يشفي الطفلة ان شاء الله
+
يعطيكـ الصحة مريم اختي على الموضوع

 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
أهلا بيك مريم
لاحول ولاقوة الا بالله ربي شافيها
والله يما ربي يحفظها ملي كنا صغار وهيا توصي علينا مانمشيوش تحت البالكوات
ديما تقولنا بلاك يطيح عليكم بوكي بلاك بيدون ؟؟؟
والله فكرتيني بواحد نعرفو والله الحيط تاع البالكو تاعو راشي ربي يستر كاش نهار يقتل واحد
يعطيك الصحة والمسؤولية تتحملها الدولة
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
وعليكم السلام ورحمة الله
يعطيك الصحة أختي مريم، وربي يكون في عون هاذ البنت
أختي الآن كلشي أصبحو يحسبوه بمنطق التجارة
المقاولين ما يخافوش ربي والمهندسين ثاني. المهم الربح السريع، يموت واحد زوج ألف ما يهمش، المهم الجيب يتعمر وخلاص.
+
بالنسبة لبنايات فرنسا، شوفي قداه مر عليهم من عوام ومازالوا كيما هوما.
ربي يحفظك أختي


اهلا اختي انسامة ما الله يسلمك , والله يا اختي وصلنا لوقت مليح نندبو فيه كيفاش رجعنا

صح صح كي يشوف العبد هكا يقول نعلبو الدراهم هدو الي رجعت روح العبد رخيصة بالنسبة ليهم + الكفار كي يخدمو حاجة يخدموها على كارها وهوما عندهم ضمير مش كي العرب تاعنا هدو ياخي شتيهم برك كي يموت واحد عندهم كي شغل مات الشعب كامل حنا نورمال يقولك مات واحد او خوه جاي صجيتي على المرور اختي بارك الله فيك نورتي الموضوع
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
وعليكم السلام
صح الواحد ماعلابالوش من وين يجيه البلا ، مي الي كمــا هك والله كارثة
مسكينـة المخلوقة راحت فيهــا ، في سبة ناس ماعندهومش ضميــر ومايخمموش لغدواا كفاه يقابلو وجه ربي
الحاجة الي تهمهم يطلعوو دي باتيمون ودي فيلا بأي طريقة ، وبالمقابل المقاوليـن رجعوو مايخافوش ربي ينقص من السيمة ولا الحديد ويحط فالجيب ، ياو عليهــا حنا العرب ديما متخلفين الرسول عليه الصلاة والسلام ووصى الي يخدم خدمة لازم يتقنهــا ، بصح الله غالب الحديث هذا قليل الي يطبقوو ورنــا نشوفو فالغرب قايمين بها وأحسن دليل البنايات الي دارتهم فرنسا من وقت الاستعمار ، ولي باتيمون الي داروهم الطلاين .
ربي يهدي من خلق ، وربي يشفي الطفلة ان شاء الله
+
يعطيكـ الصحة مريم اختي على الموضوع


اهلا اختي ملكة الاحساس عندك الحق في واش قلتي بارك الله فيك

يا اختي قلتلهم الكفار كون يشهدو يدخلو الجنة قبلنا هوما كفار بصح تلقايهم خير منا كي يخدمو خدمة يتقنوها ويحسبولها الف حساب وعندهم النفس عزيزة مش كي حنا

ربي يهدينا شكرا على المرور نورتي بارك الله فيك
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
أهلا بيك مريم
لاحول ولاقوة الا بالله ربي شافيها
والله يما ربي يحفظها ملي كنا صغار وهيا توصي علينا مانمشيوش تحت البالكوات
ديما تقولنا بلاك يطيح عليكم بوكي بلاك بيدون ؟؟؟
والله فكرتيني بواحد نعرفو والله الحيط تاع البالكو تاعو راشي ربي يستر كاش نهار يقتل واحد
يعطيك الصحة والمسؤولية تتحملها الدولة
اهلا سفيان , هيه عندها الحق يماك دك مش بوكي نوار اللي يطيح عليك دك الدار تريب عليك بكري نانا تقولي كي يكون الغبار ردي بارك تمشي تحت الديار كشما طير قرمودة ولا حديدة دك مش غير القرمود اللي راح يطير الحيوط

واش نقولو اسفيان الناس مرجعتش تخاف ربي ورجعت النفس تاع الانسان رخيصة عندهم المهم المال والمال والمال تبالهم راح يقورنو

كما هدا نورمالمون تعاقبو الدولة بالاعدام وقليل بصح دك يخرج منها كي الشعرة من العجين باسكو الدولة بعد ماهيش قد قد كيفاش راح يكون الشعب قد قد؟

يعطيك الصحة على المرور بارك الله فيك خويا سفيان صحيت
 

adel-mz

:: عضو مُتميز ::
إنضم
2 جويلية 2011
المشاركات
992
النقاط
37
سلام
اختي رانا عايشين بقدرة الاهية لوكان ماشي ربي العالمين ساترنا كامل
من تعداد الموتي وفي كل شي الخديعة في البنيان ،في الطرق ،المواد الغذائية ،ووو...بارتو
وربي راهو يسجل ،كل واحد يتحاسب بما فعلت يداه،وفي الاخير نتمناو الشفاء العاجل للاخت
وان شاء الله ترجع كيما كانت امين يارب العالمين.
شكرا

 

bachboucha

:: عضو مُتميز ::
إنضم
10 أكتوبر 2011
المشاركات
1,056
النقاط
37
كاين نورمالمون bureau détude هم اللي يسوسفي المشروع وراهي ctc !!!! la derection durbanisme !!!! الغلطة جماعية و لا المقاول سراق وراهم المسؤولين
 

يوسےفے

::عضو شرفي::
إنضم
7 ديسمبر 2009
المشاركات
17,672
النقاط
2,186
محل الإقامة
بين ثنايا الأرض لا محاله.
الجنس
ذكر
الغش في البناء هو لي خلانا نوصلو لهذي الحاله
المقاولين طماعين مافيهمش خوف ربي ..بيهم الدراهم ..
و المواد البناء رخيصه و زيد يحرثو على الماصو حريث مساكن..كلشي مغشوش
و من بعد يدو الدراهم بالدوبل
و كيما قريت في هاذة ليام ف الجريده قالك ميترو الجزائر .البناء تاعه .مغشووش
و يهدد المسافرين
ربي يحفظنا من عباد كيما هاذو
و يجعل بلادنا في يد خيارنا
و ربي يجيب الشفاء لبنت خالت صحبتك
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
سلام
اختي رانا عايشين بقدرة الاهية لوكان ماشي ربي العالمين ساترنا كامل
من تعداد الموتي وفي كل شي الخديعة في البنيان ،في الطرق ،المواد الغذائية ،ووو...بارتو
وربي راهو يسجل ،كل واحد يتحاسب بما فعلت يداه،وفي الاخير نتمناو الشفاء العاجل للاخت
وان شاء الله ترجع كيما كانت امين يارب العالمين.
شكرا

صح رانا عايشين قدرة الاهية برك وتالي هداك العام اللي نقرضنا من على وجه لرض

ربي يستر برك والله رانا عايشين مع عباد شبه حيوانات حاشاك انانية ماديين خلاص

واكيد جاي نهار نوقفو بين يدين ربي وكل واحد يتحاسب على فعالو سعدو يا اللي فاعل الخير وكي نموتو منديو معانا غير طرف كتان وشبر صاي الناس برك اللي هبلت صحيت خويا عادل على المرور بارك الله فيك
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
كاين نورمالمون bureau détude هم اللي يسوسفي المشروع وراهي ctc !!!! La derection durbanisme !!!! الغلطة جماعية و لا المقاول سراق وراهم المسؤولين
اي مبقا والو اختي كامل سراقين وكروشهم فيها الجمر من الرشوة ومال الحرام

ربي يسترنا هدا مكان صحيتي على المرور اختي بشبوشة بارك الله فيك
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
الغش في البناء هو لي خلانا نوصلو لهذي الحاله
المقاولين طماعين مافيهمش خوف ربي ..بيهم الدراهم ..
و المواد البناء رخيصه و زيد يحرثو على الماصو حريث مساكن..كلشي مغشوش
و من بعد يدو الدراهم بالدوبل
و كيما قريت في هاذة ليام ف الجريده قالك ميترو الجزائر .البناء تاعه .مغشووش
و يهدد المسافرين
ربي يحفظنا من عباد كيما هاذو
و يجعل بلادنا في يد خيارنا
و ربي يجيب الشفاء لبنت خالت صحبتك

يا خويا واش نقولو الناس رجعت على دورو ووسخ الدنيا تجيها عادي لا ماتو 2 ولا 100 ربي يرحمهم هات برك يلمو 2 دورو تاع الحرام في جيبهم يخافو يفقرو ويقعدو يطلبو , الله غالب من دعاوين الشر تاعهم نحالهم ربي البركة من دراهمهم ومن عمارهم ومن صحتهم ومن كلش تلقاهم نهار كومبلي يلهثو على دورو ونساو بلي يجي نهار يتحاسبو ويموتو ويخلص كلش وسعدو اللي دار شوي خير في دنيتو ,. + الضمير مات ولا كلاوه مع الكسرة ولا منعرف + تالمون رخاس العبد في لبلاد هدي حتان رجع يشوفو فيه كي مات كي حيا او زيادة خلاص + وحكاية الميترو متفكرنيش فيها ههههههه الندبة هديك تاع منعرف وشحال من رايس فات عليه وحكومة دارو فيه 9 كلم وثاني مغشوش كون في بلاد حرا ام دارو فيه 6000 كلم ولا منعرف بصح الله غالب هدا هو مجهود المهم هدا موضوع اخر خلي البير بغطاه برك لبلاد هدي حرمت فيها المعيشة من ناس ميلقوش يكونو في مناصب عليا وهوما اللي فسدوها

صحيت خويا على المرور بارك الله فيك
 

kazawa

:: عضو مُشارك ::
إنضم
27 جوان 2009
المشاركات
164
النقاط
7
العمر
33
ربي يجيب الشفا + الناس معادش تخاف المهم يعمرو جيوبهم بالحرام ونساو بلي كاين ربي .
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
هديك هيا ربي يجيب الخير ربي يهدينا كامل ان شاء الله
 

meriem150491

:: عضو مُتميز ::
إنضم
8 جانفي 2010
المشاركات
718
النقاط
17
الطفلة توفات للاسف ربي يرحمها ويجعلها من اهل الجنة ويحازي اللي كان السبب صحيتو على المرور اخت كنزة واخت تنسيم واخت coeur de l'ociean
 

بلد المليون

:: عضو مُتميز ::
إنضم
9 ماي 2010
المشاركات
1,045
النقاط
37
السلام عليـكم صباح الخير و جمعة مبـاركة
ربي يجيـب الشفاء لهدي لمخلوقـة
وربي يهدي ما خلق
والله فكرتيني ييا ختـي انا ربي غير ستررني دوك نهارة وتالي كون راني من عداد الموتى
تاني جييت فـايت على باتيمـات رماو علينا فريجدار قد عزرين والله غيير ستر ربي
مشكورة خيتتوا
 
Top