- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ناس اللمة واش احوالكم لاباس؟
ربي يهنيكم جميعا وربي يوفقكم ..شهر رمضان قرب ورانا في فترة تتطلب طاعات ربي يقدرنا اجمعين ^^
هيا والله يدي بدات تمشي على المواضيع الله يبارك واقيلا المراجعة جابت نتيجة
وبدات تمشي هاد المخ شوي هههه
المهم والله قبل ايام قاعدة نحكي مع اختي قلتلها جاتني فكرة في راسي
قلتلها اتخيلي كن وحدة يزيد عندها طفل ومن اول نهار لي يزيد فيه كل يوم تخبيلو 20 ألف نهار يلحق في عمرو 25 سنة علابالكم قداه يكون جمع من دراهم؟؟ 182 مليون و500 الف هادا بلا الاعوام لي خدم فيهم فكرة مليحة اه؟ لا داعي للتصفيق ههههه :thumb_up02:
ختي ام ياسمين ننصحك من اليوم ابداي اجمعي 20 ألف لياسمين نهار تلحق 25 سنة لا كتب ربي تلقى جهازها واجد وتشريلها سيارة ودير واش تحب هههههه
المهم ماش هادا هو موضوعنا حبيت نبدل لاغونطخي كيما يقولو خواتاتنا الكريمات
هيا مالا البارح رحت للطبيب باه نتقلب قعدت في صالة الانتظار نستنا في دوري كي الغاشي، والعجايز هادوك يشوفو معايا ويقولو لماما هادي بنتك؟؟ واش بيها ساكتة؟ تبان عاقلة
وانا نقولهم في قلبي ارواحو لقسم واش راك تهدر تشوفوني على حقيقتي ههههه
المهم جات امراة ومعاها بنتها صغيرة عمرها يكون مابين 4 الى 6 سنوات ومعاهم مرأة كبيرة في السن جاية تتقلب باينة عجوزتها، الطفلة زينونة الله يبارك بقيت نشوف معاها ونبتسم قلت تبادلني الابتسامة لقيتها مشنفة
ايا قلت طفلة صغيرة كاشما بيها برك، شوي هكا قالت ليماها "حليلي الطاقة نطل منها" قاتلها "لالا راكي طيحي" بدات "كيفاه مانطلش وكيفاه وكيفاه" وبدات تعيط وتبكي
وتضرب في يماها وتخبط في روحها بلا سبب
انا قلت درك يماها تخزر فيها خزرة تقعد
لقيت يماها تضحكلها وهي تقولها "بلعقل يا بنتي اقعدي عاقلة" ساع الطفلة قالت ليماها بكل روح رياضية "ماتخزري فيا ماوالو ماتعرفينيش كي نضربك بدبزة نجيبك في الأرض" .. ماهذا؟؟
كنت نستنا في كف يجي لوجها لقيت يماها تضحك وتقولها احشمي وتسدلها في فمها كلي تلعب معاها والطفلة تقلوها "مانحشمش" وانا نقولها في قلبي باينة عليك الحشمة :tongue02: شفت مع ماما وشافت معايا وعينينا يهدرو قبل لسانا ههههه "يعني راكي تشوفي واش راني نشوف؟" ولات ماما قالتلها عيب تقولي ليماك هكا، قاتلها الطفلة "ماش عيب ونجيب بابا يدبحكم كامل كيما راكم" شوف ا سيدي -_- واقيلا باباها جزار ولا يخدم مع داعش وحنا لا خبر؟ رايحة نقولها ماعلابالكش بالبومبا لي مخبيتها حتى انا نفجركم بيها كامل
زيد شوي نلقاها قالت ليماها "وهادي علاه جاية لعندنا درك (على جداتها) كن بقات في دارها مع ولادها علاه جاية تمرض فينا" ويماها تضحك المشكل وجداتها تسمع، قاتلها ماما بعدما وجعها قلبها عيب تهدري على جداتك هكا والطفلة ترجع في الهدرة ويماها تضحك، في الدقيقة هاديك انا النار شعلت من راسي
تمنيت نعطي طريحة ليماها اللولة خاطر هي محتاجة تربية ومن بعد للطفلة
يعني جداتها كبيرة قاعدة تسمع في حفيدتها تقول عليها هاد الكلام ونورمال؟؟ تهاجم يماها وتهاجم الناس لي قاعدين ونورمال؟؟
انا عييت نفهم الشعب تاعنا غير يزيد عندو طفل ولا طفلة تقول ماعرف واش عندو، ماتقيسوهش ماتهدروش معاه ديرولو رايو وكن حتى جا يخرج صالح وهو يخرج مسوفج ومعوج كي المنجل، تحب ولدك معليش راهو كبدتك بصح التربية واجبة حنا يشوفوه يغلط ويسكتلو ويضحكلو يشوفوه يسب ويسكتلو والطفل يتفرعن ويحط بلي الشي لي يدير فيه هو الصح لما يشوف والديه يضحكولو، انا ماقلتش نعذبوهم ولا نحرقوهم بصح كي يغلط نبينولو الخطأ
باه يولي يخاف يقرب ليه بصح حنا لالا، يجيوك ضياف يريبولك ولادهم الدار ويسبوك
ونتا تشوف تحس روحك مظلوم ولا من ضحايا الارهاب هههه تروح لعندهم يقولولك بكل سعادة وفرح علاه جاي عندنا؟ ويسبوك وماتقدر دير والو تتفكر بلي راك فوق ارضهم هههه،كن تحب تخزر فيهم برك تجيك الغزرة من هيه تاع يماه تحرقك كلي تقولك "خلي ولدي" وزيد تهز شنافتها وماتزيدش تجيك، ولدك بصح ربيه ماش يجي يديرلي زلزال ولا يسبني
وصدقوني لحقت وين عايلات يقطعو صلة الرحم مابيناتهم علاواه؟ خاطر واحد فيهم عيط على ولد خوه ولا ضربو يعني على جال ولادهم ويديهم النيف عليهم يقعطعو صلة الرحم
تلقى مرأة تقطع علاقتها مع ختها تقولك ماعطاتش قيمة لبنتي وبنتها عمرها عامين :s من أنتم؟
انا نحب الاطفال ونعشقهم بصح طفل يسب ويشتم لي كتر منو نولي نشوفو عبد كبير في جسد صغير ونحس بلي لازملو اعادة تربية، معليش تدلل ولادك بصح ماش لدرجة ياذي لعباد، حنا تربينا للدرك كي يحكي معانا عبد كبير نهبطو راسنا ونسكتو وهادو صغار مدايرينلهم قيمة؟
درك نتوما اهل اللمة واش رايكم في هاد الموقف؟ وهل وجهة نظري صحيحة ولالا؟؟
هيا نخليلكم الخط وماتحرمونيش من ردودكم القيمة
اتهلاو في رواحكم سلااام
ربي يهنيكم جميعا وربي يوفقكم ..شهر رمضان قرب ورانا في فترة تتطلب طاعات ربي يقدرنا اجمعين ^^
هيا والله يدي بدات تمشي على المواضيع الله يبارك واقيلا المراجعة جابت نتيجة
المهم والله قبل ايام قاعدة نحكي مع اختي قلتلها جاتني فكرة في راسي
ختي ام ياسمين ننصحك من اليوم ابداي اجمعي 20 ألف لياسمين نهار تلحق 25 سنة لا كتب ربي تلقى جهازها واجد وتشريلها سيارة ودير واش تحب هههههه
المهم ماش هادا هو موضوعنا حبيت نبدل لاغونطخي كيما يقولو خواتاتنا الكريمات
هيا مالا البارح رحت للطبيب باه نتقلب قعدت في صالة الانتظار نستنا في دوري كي الغاشي، والعجايز هادوك يشوفو معايا ويقولو لماما هادي بنتك؟؟ واش بيها ساكتة؟ تبان عاقلة
انا قلت درك يماها تخزر فيها خزرة تقعد
كنت نستنا في كف يجي لوجها لقيت يماها تضحك وتقولها احشمي وتسدلها في فمها كلي تلعب معاها والطفلة تقلوها "مانحشمش" وانا نقولها في قلبي باينة عليك الحشمة :tongue02: شفت مع ماما وشافت معايا وعينينا يهدرو قبل لسانا ههههه "يعني راكي تشوفي واش راني نشوف؟" ولات ماما قالتلها عيب تقولي ليماك هكا، قاتلها الطفلة "ماش عيب ونجيب بابا يدبحكم كامل كيما راكم" شوف ا سيدي -_- واقيلا باباها جزار ولا يخدم مع داعش وحنا لا خبر؟ رايحة نقولها ماعلابالكش بالبومبا لي مخبيتها حتى انا نفجركم بيها كامل
زيد شوي نلقاها قالت ليماها "وهادي علاه جاية لعندنا درك (على جداتها) كن بقات في دارها مع ولادها علاه جاية تمرض فينا" ويماها تضحك المشكل وجداتها تسمع، قاتلها ماما بعدما وجعها قلبها عيب تهدري على جداتك هكا والطفلة ترجع في الهدرة ويماها تضحك، في الدقيقة هاديك انا النار شعلت من راسي
يعني جداتها كبيرة قاعدة تسمع في حفيدتها تقول عليها هاد الكلام ونورمال؟؟ تهاجم يماها وتهاجم الناس لي قاعدين ونورمال؟؟
انا عييت نفهم الشعب تاعنا غير يزيد عندو طفل ولا طفلة تقول ماعرف واش عندو، ماتقيسوهش ماتهدروش معاه ديرولو رايو وكن حتى جا يخرج صالح وهو يخرج مسوفج ومعوج كي المنجل، تحب ولدك معليش راهو كبدتك بصح التربية واجبة حنا يشوفوه يغلط ويسكتلو ويضحكلو يشوفوه يسب ويسكتلو والطفل يتفرعن ويحط بلي الشي لي يدير فيه هو الصح لما يشوف والديه يضحكولو، انا ماقلتش نعذبوهم ولا نحرقوهم بصح كي يغلط نبينولو الخطأ
تلقى مرأة تقطع علاقتها مع ختها تقولك ماعطاتش قيمة لبنتي وبنتها عمرها عامين :s من أنتم؟
انا نحب الاطفال ونعشقهم بصح طفل يسب ويشتم لي كتر منو نولي نشوفو عبد كبير في جسد صغير ونحس بلي لازملو اعادة تربية، معليش تدلل ولادك بصح ماش لدرجة ياذي لعباد، حنا تربينا للدرك كي يحكي معانا عبد كبير نهبطو راسنا ونسكتو وهادو صغار مدايرينلهم قيمة؟
درك نتوما اهل اللمة واش رايكم في هاد الموقف؟ وهل وجهة نظري صحيحة ولالا؟؟
هيا نخليلكم الخط وماتحرمونيش من ردودكم القيمة
اتهلاو في رواحكم سلااام
