حنا برصاويات خلينا منها راهي رياليست جبرية .....انوثة في الكوما

[النورس]

الانوثة بدات تعرف البالون من ماتش مصر التاريخي
:u_pc:
​

 

[لاجودان شاف]

السلام عليكم و الرحمة

انا نشجع الفريق الوطني كييكون يلعب شي بطولة و مانهتمش بغير هذا

اما بالنسبة للفرق العالمية انا فعلا كنت نشجع ريال مدريد و من مؤيديه في الاعوام ما بين 2003 و 2007

وقت الي اجتمعوا فيه افضل اللاعبين في العالم: زيدان و بيكهام و رونالدينو و رونالدو و راؤول نسيت البقية المهم..

فقط

ثانكس

ملييييييييييح راكي ريالسيت تاع الصح
وصدقتي هاذوك هوما لعوام الذهبية تاع لامادريد
كانو يلعبو بالو ملييييح
يعطيييييييييك الصحة
:re_gards:​

اي والله معلابالي لا بالبرصا لا الريال هوما معلابالهمش بينا انا نتبعهم؟ تبالي كون يسمعو بيا نسيبورتيهم هههههه يحبسو ميزيدوش يلعبو​

هههههههه
تهنيتي منهم
صح والله يسمعو بيييييينا تسيبورتيو يدوروها تينيس ويريحو
صحيتي
:re_gards:​

انا ما نتبعش البالون كامل لا المحلى لا الخارجى لا الداخلى هههههه

هما يلعبوا و يربحوا فى الدراهم و انا نضيع وقتى معاهم

لوكان هاداك الوقت ندخل للكوزينة و نروح ندير فيها كاش ماكلة الله الله ماشى خير​

ههههه تهنيتي من جدهم
صح الناس تربح في ذهب وحنا نربحو في وجع الراس
التاي بكوزييييييينتك وديريلنا دي بلا ملاح وخلاص
صحيتي
:re_gards:​

 

[لاجودان شاف]

صحيت على الموضوع خويا


تستاهل تقييم​

هههههههههه
صح لوكان جيت انا في بلاصتو نغرسهم كامل
يعطيييييييك الصحة فيريس
وربي يبعد علينا ليفيريس
:re_gards:​

 

[السلطانة]

ههه عندي واحد السمانة هاكداك منين نسهر
نشوف لاجودان شاف
داير رد هنا
هههه
صحيت
​

 

[لاجودان شاف]

بارك الله فيك

والله عجبتني هاذي تع ميعرفوش يتمناو هههههههههه
تقول راك داخل في عقول لبنات ياسبحان الله _o:
واش نقولك ياو لاربيتر ومطلقوهش :scared: + منديهاش في روحي بزاف زعما نعرف نسيبورتي خخخخ :showoff:
المهم يعطيك الصحة
ومقلتلناش نتا واش تسيبورتي i-o:

آ نسيت تستاهل تقييم :re_gards:​

هههههههه هيه داخل في عقولهم
بصح عييت نصيب راحتي لداخل بيسك ضيقييين خلاص f1
+
انا بكري كنت نسيبورتي المان يونايتد
كي كانو يماركيو 2 بيوت في دقيقة
وحاليا نسيبورتي le pin
هيا صحا ​

 

[لاجودان شاف]

ههه عندي واحد السمانة هاكداك منين نسهر

نشوف لاجودان شاف
داير رد هنا
هههه
صحيت​

هههههههه
ندورو غير aprés
1.00 هنا
صحيتي أستاذة​

 

[لاجودان شاف]

موضوع بزاف فور لي مديتو خويا .تاع الصح لبنات في جزاير اما " ميسي و لا " رونالدو" واحد منهم مشي ثالث العقلية ولات نحب الريال و نموت ع البارصا و....

انا علي نتبع مرات الفوت كي نكون جماعة نتفرج هكدا و خلاص حتى ما نقعدش وحدي بصح مشي بسكو نحب الفوت ..وين كنت عندهم غي السلة لي يحبوها و تلقى لبنات كامل غي نحي ب هذا و غي هدا لي نزوج بيه و...
بصح الحق يجيني راني نضيع في وقتي ف lvide كي نقعد حاطة مع اي jeux على هدا تقلاني ديما متزاعفة مع حباباتي بسكو كامل كامل يتابعو من قلوبهم الريال و " رونالدو " في لحق حتى وليت بسيف عليا نقول انا معاكم غي باه ما يزعفوش ..بسكو انا خاوتي ما علابالهمش كامل باصل وجد الكرة مين خلقت جامي لقيتهم يتفرجو في لفوت ..

و في البطولة انا كنت نسمع يقولو aso على هدا في أول كنت نحب نعرف واش دارو واش ما دروش حتى نعيش عادي بيناتهم بصح مبعد قلت راني نخسر في وقتي باطل ..و حبست نعرف حتى حاجة على aso

ربي يستر نا و يهدينا ..ربي يحفظك خويا على الموضوع لي تاع الصح ولا مودا للبنات في هدا الوقت

صح ختي اقبال كلامك مليح
يعرفو رونالو وميسي وبرررررررك
ريال وبرصا برك
كلي الفوت محصووور هنا برك
حنا شعب الريح لي يجي يهزنا
اليوم هزنا ميسي ورولاندو
غدوة منعرف شكون يهزنا
المهم مشكوووووووووووووووورة
:re_gards:
​

قاع البنات سمعوا بلبالون من ايمات ام درمان خليكم في قرايتكم و مسلسلاتكم التركية و مهند

ههههههه صح
التاو غير بمهند ههههه
وشوفو باب الحارة راهو وصل نيميرو 56
والعقيد راهو شرا بيكانتو
ههههههه
يعطيك الصحة
:re_gards:​

 

[لاجودان شاف]

لي قيمنا كثر خيرو
نخلفوهالو نهار عرسو
ههههههه​

 

[سلفي والحمد لله]

انا نسيبورتي امين باش يحل كلينيك ويبيع دوسو سات تاعو ويشريلي 30 جاجا ونص جزرة

 

[♥بنت عنابة♥]

باه نتفاهموا والله حقرتونا حرام عليكم نتوما تبعو واحنا لا
انا بطبيعتي رياضية واتابع كل الرياضات بصفة خاصة كرة السلة وكرة القدم
باه مانكونش منافقة ونسيبورتي البرصااااااااااااااااااااااااااااا
بالصح ماشي لذرجة اني نتعارك ولا نتسابو على جالتها متعة برك وضحكة وتمصخيرة
شكرا خويا على الموضوع الشيق
​

 

[ام اشرف]

سلامـ لارشيتاكتـ تاعنا
موضوعـــــ مميز ومعاصر فعلا بوركتـ عليهـ
انا خاطينيـ الفوووت وماعلاباليشـ كاملـ بيهمـ هما يدو الدراهمـ وانا نعيي روحيـ ونتبعهمـ عندي اولوياتـ وديجا بلا حتي شي مانحملشـ لي ماتش كنت نتفرج شوية كي كانتـ تلعب لالجيريـ مع مصر هذا ماكانـ ابار سا مازدت تفرجت حتى ماتش مانسيبورتيـ حتى كيب نيـ تاع بلادنا ني تاع لوخرينـ
والحق غيـ نحس البنات حابينـ التمهبيلـ كي تبقا تقولكـ انا نسيبروتي هاديـ لي كيب ولا كي تصبها دايرة فوتو تع جوور في بروفيل تعاهـ و الحربـ اللي تنوض مورا كاش ماتش,كيما كنت نشوف ف fc مور الماتش تع ريال والبرصا البنات هدرو عليهـ اكثر من الاولاد يخيـ عجب هذا الوقتـ اللي وصلنا ليهـ وتشوفهمـ كي يهدرو تحسبـ هاذي موالفة تلعبـ وقاعـ والله غير جياحة بور موا وديزليـ البنات ميـ هذا رأييـ هههههـ وربيـ يهديـ ماخلق
وتقبلوا مروريـ "ماحبيتش نكثر باهـ مايزعفوش لبنات تع المة" ههههـ وسلامـ
اخيتكم في الله

 

[لاجودان شاف]

انا نسيبورتي امين باش يحل كلينيك ويبيع دوسو سات تاعو ويشريلي 30 جاجا ونص جزرة

قيييييو قيييييييييو​

 

[لاجودان شاف]

1- شكون تشجعي الريال ولا البرصا ...وعلاه...ومن وكتاه ...وكيفاااه ...؟؟؟؟

هههه أصلاً أنا لا علاقـة بالبالو ..يعني منعرف والو ..ومنفهمش فيها ..
تكفيني قرايتي برك ...
2-شكووون ليكيب تااعك في البطووولةالوطنية

هههههه منعرف والو غيــر زياني شفتو مرة في بورطابل عمي وقالي اسمو وشوية المرتزقة نتاع الفريق الوطني عفوا اللاعبين ..
أنا منسيبورتيش البالو ..

هههههههه تهنيتي من جدهم كااااااامل
التاي بقرايتك خير
+
تعرفي غييييير زياااني ..مممممم
تعرفو شكون تعرفو
والزوالي تاع زاوي سمير و بابوش شكووون يعرفو:schmoll:
هههههههههه
يعطيك الصحة
:re_gards:
​

انا حالي حال ختي اسومة مانعرف حتى حاجة فالبالون ني كحلة ني زرقة ومانتبعوش اصلا غير مع ليامات تع ليكيب ناسيونال ههه الروح الوطنية​

بإختصار انا والبالون منتفاهموش ​

تهنيتي من الباااااالون
التاي بلي روسات برك
وطيبيلنا كاش مسكوتة مليحة
تربحي
:re_gards:​

 

[لاجودان شاف]

موضوع شباب مي البالو خاطيني مانتفاهمش معاها

يعني وجه سؤالك لاشخاص غيري

سلام​

هههههههه عميتينا يا مادام بالفلوريسون تاعك
طفي لي فار تاعك ههههه
+
تهنيتي من جد جدووووووو
ابقاي انثى خير
يعطيك الصحة
:re_gards:​

 

[لاجودان شاف]

هههههههههههه

إيلا رآك تقصد نكره لآعب في أحد الفريقين
أنا لآ أكره أي لآعب
لأني ما نعرفهمش أصلآ
حتى إذا كرهتهم وأش راح نزيد لهم
وإذا بغيتهم،، واش من فايدةتاني​

نعرف غير ميسي و villa و كريستيانو و كاكا و مسعود أوزيل هذا مكان ​

لأني نشوف الناس هنا دايرين تصاورهم بزاف ​

مليييييح راكي تعرفي ليكيب كامل
المهم تهنيتي منهم
يعطيك الصحة
:re_gards:​

و واش فيها كي تبع الطفلة الفوتبال ​

انا و نتبع البرصا و الفوتبال من الي كنت صغيرة ..
و هنا بياسور مع لياسما من زمان ( غنا تاع غروب ميلانو نحبو )
مي دوكا مع القراية ( زعما ) نقصت راني نقرا الهداف برك
صحا لاجودان بعد الزيتون الي ينقص من الانوثة اليوم رانا مع الفوتبال و غدوا يا درا واش ههه
يعطيك الصحا ..​

آآآآآآآ نتي من جماعة ملينو وطورينو مليح
كاش دي زالبوم جدد ولا راحو مع ام درمان ههههههه
كانو مزهيين الحالة:sheer:
+
المرة الجاية نبروفيلك بلي
لي عندها puce نجمة ولا جيزي مش أنثى
سلااام
:re_gards:​

 

[--MiDou--]

يا خويا الانوثة نهار السبت عزاها
يهوا ملي راحت ضرك تشوف وحدة زعما زعما "انثى" و تبدا تهدرلك على مورينيو و قوارديولا تقول عليها المحللة تاع الجزيرة
و بزيادة ساعات تلقاها حاجة غالطة خلاه مي الطفلة تقعد حاكمة فيها و بسيف ترجعك غالط
هاذوما ربي يعافينا منهم راهم يديرو الزرفالة في السجدة ربي يبعدنا عليهم
و لي تقتلك كي تقولك وحدة نحب الريال على جال كريس ولا تحب البرصا على جال بويان
لي تحب الزين تروح تتفرج ستار اكاديمي ولا كاش ديفيلي دمود مش تتفرج الماتش :scared:
و يبقى شعاري سيد الموقف "كل انثى امراة لكن ليست كل امراة انثى"​

 

[اميليا]

السلام عليكم ويعطيك الصحة على الموضوع اما اي فريق اشجع فانا نسيبورتي البارصا وعلاش لخاطر يلعبو وتاني انا نحب فيا وبيكي وتاني نسيبورتي اولمبيك مارسيليا وتشلسي وجوفانتيس وغيرهم وفيما يخص البطولة الوطنية ما نتبعهاش

 

[لاجودان شاف]

أنا في وقت الماتش ومن بعد الماتش واحد مايخرب فيا

مارانيش مليح مي من بعد سي بون يروح الزعاف

ههههههههههه
مالا منخربوش فيك
حتان يكمل الماتش
هيا صحييت ههههه
:re_gards:​

 

[لاجودان شاف]

كاين ليكيب تاعنا كي تلعب نتبعها و كاس العالم برك


عندي بواش نتلها خليني من تكسار الراس .​

ههههههههه
تهنيييتي منهم
يعطيك الصحة
:re_gards:​

 

[AHLEM1992]

طورينو لالالالالالالالالالا
هداك غروب تاع mca
ليزلبوم الي على لياسما خير من الي على ليكيب ناسيونال :sheer:سيرتو الي كونت الشناوة

آآآآآآآ نتي من جماعة ملينو وطورينو مليح
كاش دي زالبوم جدد ولا راحو مع ام درمان ههههههه
كانو مزهيين الحالة:sheer:
+
المرة الجاية نبروفيلك بلي
لي عندها puce نجمة ولا جيزي مش أنثى
سلااام

:re_gards:​

الحمد لله جيت دايرة موبيليس هههه
بويسك لحالة ما ولاتش تشكر الساك دخل فالانوثة و انا جامي درت واحد
الزيتون و الخدمة دخلت في الانوثة و انا علابالي كيفاش راح نولي
البالون دخل في الانوثة
الغنا دخل في لانوثة
حتي نوعية القراية كيما قالتلي جدة واش هدا كي انتي كي ختك تقراو غير قراية الرجال مالغري انا قراايتي نورمال i-o:
...
​