▓╣◄في اليل في الظلمة ..ميgريا ...والله غير بلاش►╠▓

[لاجودان شاف]

▓╣◄في اليل في الظلمة..... ...gاوريا......والله غير بلاش... الحق يا الزوالي►╠▓

السلام عليكم ورحمة الله وبركاته ​

اهلا بجميع اعضاء اللمة الكرام الناس ملاح وان شاء الله تكونو بخير مع رمضان ...راهو مابقاش غير نص وربي يتقبل على الجميع​

اليوم تفكرت حاجة حبيت نحكيلكم عليها صراتلي من مدة سنة تقريبا ​

بالضبط وفي مثل هاذ الايام من رمضان يومها والله حرت وسخفت وتمنيت ووو...بصح الله غالب ​

وماحكيتهالكمش هذا الوقت لاني وقتها مازل ماتخلقتش في هاذ المنتدى ​

هاذي يا سيدي واحد النهار بعد صلاة التراويح كنت مريح مع الائمة في ​

المقصورة تاع الامام وعلابالكم المقصورات تاع الائمة تفرشيك كبير​

عندكم لا يعودو يشفوكم وتقولو مساكن يتعبو في التراويح ويا حليل​

المقصورة زاهية بالمكسرات من جوز ولوز وكاوكاو ونوادوكاجو وتاي وعسل​

ورامي من كل الاذواق​

المهم وانا مريح مع الجماعة طبطب علينا واحد الشاب دخل سلم علينا​

وانا نعرفو بالوجه شاب طيب وناس ملاح وشي هو مؤخرا بدا يطلق في لحيتو ​

ويلبس القميص​

دخل قال للامام الرسمي يعني الخطيب واش الشيخ انا لي جيتك قبيل شفيت عليا​

قالو هيه ارواح وجيب الجماعة وين راهم ​

قالو راهم جايين وراح يجيبهم​

في الوقت هذاك دارلنا الامام قالنا خونا هذا حاب نعملو عقد شرعي ​

– فاتحة –​

فاتحة بعد التروايح في الظلمة باينة فيها اللوووووش​

قلت ماعليش خلي فاتحة باهية وراح يجيبولنا شوي قاطوات ونزهاو وناكلو ​

واب الطفلة مع نكملو زعما الفاتحة راح يبيبي لمرتو باه تزغرت في الدار​

المهم حنا قاعدين هكذاك وهو دخل الجان هذا معاه واحد صاحبو لانتيم ​

نعرفو انا صحيت صحيت ومعاه زوج خرين شايفهم بالعين برك​

ومن بعد قفلو الباب حرت انا وش صاري وين راهم الناس لكبار ​

كنت نسنا في شياب يعياو يمشيو جايبينهم يدزو فيه زعما بركة باه يحضرو​

ورجال كبار وناس محترمة بزاف وديجون هازين البلاطوات تاع القاطو​

وعندها قالو الامام وينو ولي الطفلة قالو هاهو على صاحبو لانتيم ​

انا لثم بديت نسب فيه فيه قلبو قتلو ياخي رجلة ياخي​

صاحبك لانتيم ونصبتلو على ختو والله ما تحشم​

ولثم قاعد نخمم قلت واهل الطفلة هاذي وينهم واهل الطفل هذا وينهم​

قلت يعني ممكن اهل الطفلة والطفل مارضاوش بهاذ الزواج وجا زعما خوها ​

كيعاد صاحبو راح يمدلو ​

ولا الطفلة ماعندهاش اهلها غير خوها وهو يكفي برك جا راح يمدها ​

ايا ولثم الامام قالو عاودلي لحكاية برك باه نفهم مليح ويزيدو يسمعوك ليكيب​

بدا يحكي دوووووووووخني بففففففف قتلوعلااااااااااااااااااااااااااااااااااااااااااااه ​

راك ديتني كونتر بيي هكذا:scared:​

هذا يا سيدي تعرف على وحدة فرنسية في النت :shay:​

واعتنقت الاسلام وكي اعتنقت الاسلام اهلها حاربوها شوي ​

ورفضو زواجها من العربي:sadwalk:​

مالا جات هنا للجزاير وراح تزوج بحبيبنا هذا وتعيش معاه هنا ​

وقالك مالا كيعاد معندهاش او ووليها مش مسلم يزوجها الامام​

وفي الاجراءات الادارية لازم يديرلها واحد ولي باه يمضي عليها في عقد الزواج​

دار صاحبو لانتيم​

بصح والله ميت بالضحك ههههه بفففف قجمي الجزاير ​

قالو الامام وشي هو اسمها القديم قالو كذا انا والله نسيتو ​

وقالو والان قالو ايييييييييييمان ​

قلتلها في قلبي اييييييه ياايمان راكي ديتيلنا الايمان خلاص​

قالو الامام هيا نبداو قولو زوجني وليتك ايمان​

ههههه دار لصحابو وفي وجهو الضحة راح يتربق بالضحك​

يا ولدي صاحبو يظال يديمن معاه ويطورسو في القوايل وقاتلهم الفراغ ولا ​

الولي نتاع مرطو​

قالو زوجني وليتك وماشافش معاه خلاص وقاعد يتفتف في البورتابل​

صاحبو قالو هيه زوجتك ايمان قالها بسرعة وبقوة وبلا مايتردد​

اييييه قتلو والله لوكان جات كبدتك وبنتك لعزيزة والله غير تتكومبليكسا​

تعيا تقولها ولثم وتزيد تعاود تخمم لعودش منمدهاش كيعاد لحمك ودمك​

وتخاف تقول لعودش درت الغر لبنتي ​

انا حضرت فاتحات الاولياء تاع البنات عياو يخرجو الكلمة هاذي​

وهاذ الغريبة البعيدة في البلاصة قالو هيا عطيييييييتهالك بصحتك وبالربح​

وزيد افكر وحد اخرى والله غير نزوجها لحبيبي ​

قالو الامام وشي هو مهرها ​

قالو خاتم تاع ذهب ههههههههههههههههه​

والله والله والله ماجابو معاه وما شفناه تبالي مازال في الفيترينا ​

ولا تبالي راح يمدهولها بالتقسيط ​

المهم زوج شهود هاذوك شهدو لقاهم تبالي في قهوة جورج جابهم​

قالو الامام هيا مبروك عليك وربي يسهلك ​

وشرلو لتحت لتحت قالو خاف ربي وعطيها امانتها .....على الخاتم ​

خرجو من المقصورة والله شعرة خرجت وراهم حبيت نخنقو برك ونقولو هات شويا ربي يعيشك​

المهم مع خرجو انا نحيت لساني مضيتو شوي رجعتو رواح نبدا نطايي​

قلت للشيخ يا الشيخ كيفاه قالي تجووووووووووووووووز​

قتلو بصح ..... قالي تجوووووووووووووز​

قتلو ياخي يقولو ......قالي تجوووووووووز​

ايا قتلو هيا مالا جوزناها ​

رحت روحت للدار حليت الفايس وقلت يافتاح يا رزاق ​

وقلت خلاص الولي كاين صاحبي سفيان مكانش مشاريار مسودي​

والله ما نزيد عليكم كلمة واحد النهار جاني قالي اسمع احشم على روحك علاه ما تزوجش قتلو اخطينيا سفيان​

قالي اسمع غدوا وراء صلاة الفجر نتلاقاو راني نهدر معاك ​

الغدوة هاذيك تلاقينا سلكلي الفواياج والله مشينا 240 كيلو ​

رحنا شفنا وحدة المرا بصح للاسف ما سهلش ربي سبحانو​

وعلابالي راني طولت عليكم​

والان الميكروفووووو ليكم​

وقولولنا وش رايكم في خونا هذا و حكايتو​

دخلتلكم لراس ولا لا ؟؟؟؟؟​

رجااااااااااااااااااء:​

التهجم على الافكار مسموح بصح التهجم على الاعضاء ماوش عقلية ​

خصوصا الأخوات ​

وكل الردود مقبولة بصدر رحب ​

وصح فطوووووووووووووووركم​

 

[لاجودان شاف]

مشكورين على الاعتماد​

 

[mimi.dz]

الموضوعـ طويلـ بزافـ
ميـ الحكاية عجبـ صحـ
فيها حاجة مليحة انو قدرو يقنعو الطفلة بالإسلامـ
وهذا أجرو عند ربيـ سبحانهـ
ميـ منـ كلامكـ تبانليـ كلليـ
الطفلة لعبو بيها بلا ما تفيقـ
يعنيـ كيما قلتـ مهرها خاتمـ و اصلا مبانشـ
اونـ + الراجلـ بيهـ بصاحبو يبانو نتاعـ لعبـ
ربيـ يهديـ ما خلقـ
+ صحا فطوركـ
​

 

[لاجودان شاف]

الموضوعـ طويلـ بزافـ

ميـ الحكاية عجبـ صحـ
فيها حاجة مليحة انو قدرو يقنعو الطفلة بالإسلامـ
وهذا أجرو عند ربيـ سبحانهـ
ميـ منـ كلامكـ تبانليـ كلليـ
الطفلة لعبو بيها بلا ما تفيقـ
يعنيـ كيما قلتـ مهرها خاتمـ و اصلا مبانشـ
اونـ + الراجلـ بيهـ بصاحبو يبانو نتاعـ لعبـ
ربيـ يهديـ ما خلقـ
+ صحا فطوركـ​

الله يسلمك ونتي زادة
لا مش قضية غررو بيها هي عادي تبالي تعرف عليها وتعلقو ببعضاهم
والولي عادي هو خير صاحبو انسان بالغ
لكن انا غاضتني كيفاه زوج بالساهلة خلاااااااص وفرنسية من فوووووق
انا الصراحة ما حملتش
حنا هنا جزايرية برك برك ماتجي تجيبها لبيتك تهبل من العادات والتقاليد والاعراف والمواسم
شكرا​

 

[sahiko hamza]

في الاخير ربي يصلح الحال .
​

 

[هدى]

حجز ولي عودة
​

 

[قَطٌر❀ الٌنَـدَى]

هذا زهرو ومكتووبو معندك مدير من الانترنت برك وطار بواحدة فرانسويه مليحة وزيد دخلت للاسلام الله يبارك ربي يرزقك بواحدة كيفها هه كلشي بالمكتووب يعطيك الصحه عالموضوع وصحا فطوركـ خويا​

 

[MONY1]

وعليكم السلام ورحمة الله وبركاته

هههههههههه والله غير هاذي تضحك صح زواج made in algeria

ياسيدي حتى الامام ماخلاكش تهدر بالاك هو تاني داخل في اللعبة ههههههههههه

بصح الولي البديل لازم يكون مزوج واذا ماهوش مزوج يكون عندو قرابة مع الطفلة والله اعلم

امالا حنا الامام مداير تلفزيون في الحجرة نتاع الجامع قالولي جماعة يتفرج بيه المسلسل نتاع الوحدة

المهم مبروك عليهم والعقوبة ليك (ان شاء الله تصرالك كيفهم)



===========================================

 

[لاجودان شاف]

في الاخير ربي يصلح الحال . ​

اللهم امييييييين
شكرا خويا​

حجز ولي عودة ​

على راحتك

هذا زهرو ومكتووبو معندك مدير من الانترنت برك وطار بواحدة فرانسويه مليحة وزيد دخلت للاسلام الله يبارك ربي يرزقك بواحدة كيفها هه كلشي بالمكتووب يعطيك الصحه عالموضوع وصحا فطوركـ خويا

صح كلشي بالمكتوب
ربي يرزقنا
شكرا​

 

[DARINE05]

والله مواضيعك ملاح بعد الفطور نرجع صحا فطورك خويا

 

[joker-17]

موضوع طويل شوية مي قصةمليحة

 

[سهام1992]

كل شيء مبروووووووووووووووك

 

[لاجودان شاف]

وعليكم السلام ورحمة الله وبركاته

هههههههههه والله غير هاذي تضحك صح زواج made in algeria

ياسيدي حتى الامام ماخلاكش تهدر بالاك هو تاني داخل في اللعبة ههههههههههه

بصح الولي البديل لازم يكون مزوج واذا ماهوش مزوج يكون عندو قرابة مع الطفلة والله اعلم

امالا حنا الامام مداير تلفزيون في الحجرة نتاع الجامع قالولي جماعة يتفرج بيه المسلسل نتاع الوحدة

المهم مبروك عليهم والعقوبة ليك (ان شاء الله تصرالك كيفهم)

===========================================

هيه الامام ثاني داخل في اللعبة
قالو اسمع كي تزوج وتولد خليلي جروة لولدي ....زعما كيعاد امو فرنسية
+
صح صاحبو هذا مزوج علابالي بيه
+
واعرة بزاف تاع يتفرج المسلسل المدبلج تاع الوحدة:scared:​

 

[ماكانش]

موضوع طويل يرجى الإختصار. ..

 

[الحق سلاحي]

الحكاية هادي مادخلتش في راسي طول
كي نفطر نرد
خخخخ
​

 

[مابقاش بزاف.Dz]

راني ريزارفيت بلاســــــة دك نجي

 

[لاجودان شاف]

حجز ولي عودة ​

والله مواضيعك ملاح بعد الفطور نرجع صحا فطورك خويا

موضوع طويل يرجى الإختصار. ..

راني ريزارفيت بلاســــــة دك نجي

هههههههه
والله باينين دي زالجيريان :santa_1:
كامل بومهني
هيه رانا جايين ومن بعد الله يعاون
على كل معليش على راحتكم هههه​

 

[لاجودان شاف]

موضوع طويل شوية مي قصةمليحة

ههههه طويل بصح مليح ومش ممل

فيه ضربات ايتشكوك برك هههههه​

 

[لاجودان شاف]

كل شيء مبروووووووووووووووك

يبارك فيك
كل عام وانتم بخير​

 

[لاجودان شاف]

موضوع طويل يرجى الإختصار. ..

هههههه نورمال مليح نتا كيعاد تعرف لحكاية برك عليها صماتطلك

الله غالب في التطوال وش رح نقولك

متأثر بزاف بحليم ميس... وياسين مو... ونونوس هههههههه​