وسآئل المراهقين للتعبير عن ...

صـ كحرفـ محفور ـامتة

:: عضو مُشارك ::
إنضم
18 نوفمبر 2011
المشاركات
185
النقاط
7
السلام عليكم و رحمة الله تعالى وبركاته

:sheer:
واش راكم؟ أخباركم؟ أحوالكم؟عطلتكم ؟ .............؟...............؟


المهم:
هذا اول موضوع ليا في هذا القسم ................................:shiny:

أنا نقرا أولى ثانوي :blushing:
المهم...

كي دخلنا للقسم أول يوم دراسي ... رحت طوووول للطاولة الاولى عند المكتب جهة الحيط :heh:

و قعدت ... شوية وجات صحبتي ... و قعدنا نحكيو :fish:

حكاتلي نكتة قتلتني بالضحك لدرجة حبطت راسي على الطابلة وقعدت نضحك :laugh:
رفعت رآسي >>>>>>>>>>>>>>>>>>>>>>:scared::eek:_o::eek:hmy::surrender::blink::bored::u_pc::mellow:

انخلعت ........
الجدران كامل كاتبين عليــــــــــــهم!!!


الحيط اللي مقابلني : فليكسي ...هنا
الحيطان لوخرين : ......... "............."
ارقام الهواتف
رسائل اعتذار
اعترافات
اسماء أشخاص
نكت .......................................

و على الباب:
"مقهى عمومي!!" .............."سكن جماعي"

وآآآآآآآآآآآآآآآآآآآع ......
على المكتب: اضغط هنا يختفي الاستاذ!!

على التواقي : التاريخ و الجغرافيا و العلوم والشريعة ... زعما اللي ما يجيبكش الكايي تاعو يكتب على التاقة :eek:i-o:



و سؤالي هو :
1: علاش الشباب خاصة يكتبوا على الجدران بالخصوص؟
2: كاين أكثر من طريقة للتعبير و أكثر من وسيلة و كل وحدة أسهل من لوخرى .....
علاش يعتمدوا هذه الطريقة وهاذي الوسيلة للتعبير؟
3: اللي يكتب على الحيط ..علاش يكتب؟ للتعبير عن شعور؟ لتبليغ رسالة؟
و لمن يكتب؟ لنفسه؟ لشخص ما يظن أنه سيقرأ ما يكتب؟

سؤال للبنات: كي تشوفي واحد يكتب على الحيط : رأيك فيه؟ و أول حاجة تظني راهو يكتب فيها؟





و كاينة ظاهرة وحدوخرة واللي الكتابة على الطاولات...............
نصيبوا كل حاجة في هاذيك الطابلة ..
و إذا تسخسي وحدة على كلمة تقولك اصبر نشوف في الديكسيوناغ و تروح تضرب طلة على الطابلة وتجي...

في لحظة هدوء تصيب كاش طفلة حاطة راسها على الطابلة وتكتب...

في لحظة فراغ تصيب قوس قزح على هاديك الطابلة..

في رايكم:
1: علاش الطفلة بالذات تكتب على الطابلة بشكل خاص؟و علاش ما تكتبش على الحيط ؟
2: نظن كل وحدة فينا يعني في البنات عندنا دفتر يوميات ... علاش تكتب في الطابلة؟


سؤال للذكور: كي تشوف وحدة تكتب على الطابلة : رأيك فيها؟ أول حاجة تخطر في بالك بخصوص واش راهي تكتب؟





ظاهرة أخرى:

الشباب الله يبارك عليهم يكتبوا في لي بلوز تاعهم..... واحد يرسم لي طوموبيل و لاخر U.S.M.A و لاخر ما علاباليش وشنو ...

في رايكم: علاش يكتبوا في لي بلوز؟ >> كثروا عليهم لي ستيلو مثلا؟؟
واش رايكم في تلميذ البلوزة تاعو تغاسي بالستيلو؟




لي عودة ... باش نقلكم علاش أنا نكتب على الطابلة ...!


أنتظر مشاركآتكم و انتظروا جديدي ...
:az_flw:
 

اعيش راضية

:: عضو مُشارك ::
إنضم
6 ديسمبر 2011
المشاركات
311
النقاط
7
السلام عليكم
مرحبا بك حبيبتي حللت اهلا و سهلا
موضوع جميل و جد واقعي
الكتا بات على الجدران الحيطان الطوابل لي بلوز في اي مكان تلقاي التلميذ يستغلوا باه يكتب
مرات تكون تعبير عن الرأي او للترويح عن النفس انا عن نفسي نكتب في طابلتي ديما كي نكون فارغة وقت
و لكن مرات يكتبوا شي صوالح مخلين بالحياء و مرات يكتبوا دروس للغش
ايوا واش نقولك هذي ظاهرة من بين عشرات الظواهر المعروفة في مدارسنا
مشكورة طبعا على الموضوع ننتظر جديدك بفارغ الصبر
 

═♥.ЈŪšť_ màn.♥═

:: عضو بارز ::
إنضم
3 ماي 2009
المشاركات
5,377
النقاط
317
العمر
27
..
ماشرفيــــــــــــن اختي
انا سنــة تالتــة تانوي !!! ^^
اختـــاه... موضوعكــ شبااااااااابــ ^^
راااح تعرفي كااااااامل الاجاباااتــ بمرور الوقتــ يعني
في ايدكــ سنتيـــــــن احم احم ..
لي عودة . نقرعجــ شوي على الاجاباتــ
:re_gards:
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
وعليكم السلام ورحمة الله
أهلا بيك أختي ويعطيك الصحة على الموضوع لمليح.
صحيح هاذي الظاهرة من بكري مش من الآن، لي زاد عليها ذرك أنهم يكتبو أرقام هواتف برك، وقتنا ماكانش كاين بورطابل .. كنا في التخلف.
في رأيي هي وسيلة برك للتعبير على المكبوتات، واحد يكتب في الطابلة شعر، ووحدة تكتب أسماء وهكذا. وتبقى هذه الظاهرة في رأيي فيها شوي من قلة التربية خصوصًا إذا كان الكلام المكتوب قبيح ومش مليح.
حاجة أخرى نسيتي ممكن تذكريها وهي الكتابة في الجبس، بزاف ناس يتكسرو ويديرو الجبس ويكتبو عليه ويجمعو تواقيع أصحابهم .. زعما Des autographes ويحتفظوا بيه للذكرى ..
وكيما قالت الأخت كاين بزاااااااف لي يكتبو في الحيط ولا في الطابلة باه يغشو، المصيبة لاكان بدلوه من الطابلة منين رح يجيب الإجابة؟؟؟
المهم ربي يهدينا كامل وربي يوفقك ..

 

EL General

:: عضو شرفي ::
إنضم
7 ديسمبر 2009
المشاركات
10,431
النقاط
351
محل الإقامة
تبسة
ربي يبارك على ولاد بلادي
نوابغ في الأقسام على هاديك النتائج راهي ضعيفة ههههههههه
انا جامي درتها نقولك كتبت مرة و لا مرتين برك في الحيط
اما بخصوص البنات علاش يكتبوا في الطابلة
الله اعلم هههه
انا نشوف فيها عادي لأنو الشاب في داخله بزاف امور فكاهية مايقدرش يحطها في بلاصة اللي يشاهدوها الناس باش يضحكوا
و بما أن الجدران هو المكان الووحيد اللي يشوفووا ليه الناس بزاف
يقولك ندير ثما و اللي يطيش عينو يشوف وش كتبت
هههههههههه

شكرااا
 

FATO222

:: عضو منتسِب ::
إنضم
14 ديسمبر 2011
المشاركات
67
النقاط
2
ربما انا كي نشوف واحد قاعد يكتب ويغش ما يعجبنيش حالوا سيرتوا اذا شافوا شيخ وصرات لواحد مسكين
دخلنا صباح مقلقين وراكي عارفة ايا دخل هوا ديراكت يكتب
جات وحدة وقفت عند الباب ما شي محجبة تبان وحدة تقرا معانا ايا خلاتوا كمل ومنبعد بدلتلوا بلاصتوا واحنا طحنا فلارض من الضحك انا مانجمتش نحل
مي جربي الكتبة على الحيط سيرتوا ورديلي
الصراحة انا لوكان تدخلي لشومبر تاعي بلاك تتغشاي كل كوا فيه ذكرى
كل جهة فيها رسمة ولا تاريخ
انا نحب نعبر عبى روحي بلكتبة فلحيط
انا هاك من صغري على هذا نحب نشوف واحد يكتب فلحيك نحس بلي راه قاعد يفرغ
 

صـ كحرفـ محفور ـامتة

:: عضو مُشارك ::
إنضم
18 نوفمبر 2011
المشاركات
185
النقاط
7
شكرا على التفاعل ...


انا نكتب في الطابلة شعر ..........نموت على حاجة وسمها شعر .... بالعربية و بالانجليزية

بصح في الدار نكتب في ورق و نلسق على الحيط و لا في أجوندا ....

بالنسبة لسبب كتابتي على الطاولة puisc ما نقدرش نكتيب في ورقة ونلسقها +ما نرفدش معايا لاجوندا لليكور ...
نكتب خاصة في اوقات الفراغ و لا كي نتقلق ...
و بالمناسبة ..... كتابتي على الطابلة عندها قصة ...



أناجامي كتبت على الطابلة و ما نحبش اللي يكتب على الطابلة لو كاننشوف واحد يكتب في الطابلة لو كان نصيب نصيب نجيفو و نريح الطابلة منو
بصح مرة صرالي موقف لعبوا الدموع في عينيا حوست على صحباتي باش ينحوا عليا ولانحكيلهم ما صبت حتى وحدة كامل في لي كلاس .... و كانت عندنا حصة موسيقى ايمالا اختكم واش تروح تدير .... تكتب في الطابلة ...
و من بعد مسحتها

و من بعد استحليتها .... وليت نكتب كل وقت بصح بطريقة منظمة يعني طابلتي تشهي هههههههه > بصح كي رجعنا من لي كومبو ما صبتهاش !!


و على ذكر "الجبس" حتى أنا كتبت في الجبس اللي درتو في رجلي ... مجرد ترفيه+أنا نحب ندير دي سوفونيغ



في انتظار البقية >>طماعة!
 

crazykhadija

:: عضو مُتميز ::
إنضم
14 جوان 2011
المشاركات
1,023
النقاط
37
كي انشوفو يكتب على طاولة نخليه راهو يعبر على شعور تاعو ههههههههههههههههههههههههههه
 

sabrina17

:: عضو فعّال ::
إنضم
29 ماي 2011
المشاركات
1,938
النقاط
157
العمر
25
موضوعك شباااب بزااف بزااف

والله غير صح عندك الحق الجدرااان يكتبو فيهم هه لول وتعجبني هاديك كي زعما يكتبوو فيف بارصا فيف حيااتي الخرطي هههه لي جات يكتبوها

الوغ والله ما نعرف هادي عادة مليحة ولا لا باااسكو لاطابل ديااالي بفففف مسكيينة راهي تشف ههه لول مخليت الاسموات وزيد زيد......

المهم شـكرا ختيتو

سلام
 

silent hell

:: عضو منتسِب ::
إنضم
12 أوت 2011
المشاركات
21
النقاط
2
الله غالب يالأخت هذي طبيعة في الجزائريين مفلاشيين هكا .......بالمناسبة تلقايها غير الجزائر
 

═♥.ЈŪšť_ màn.♥═

:: عضو بارز ::
إنضم
3 ماي 2009
المشاركات
5,377
النقاط
317
العمر
27
..
السلامــ عليكم
لقــــد عدتــ ° شكراا على التقييم °
..امممممم
كيمــــــا قلتــ اختي الكل يعبر عن الشعور في الحيط و لا في الطاولــة
امممم .. نجاااااااوبلكــ على السؤاال :
و الله صراحــة لمااا شوفــ بنتــ تكتب في الطاااااولة
متأكد كل التاااكد .. بان في راسهاا شيئاااااان
1- مغروووووووومــة سعيدة
2 - معمومــة ° مشااكل يعني °
و امممم بطبيعــة الحاال لا الومــ احد
تحيااتي مرة تانية

 

amira07

:: عضو مُشارك ::
إنضم
30 نوفمبر 2011
المشاركات
137
النقاط
7
^^

غير صحيح الشخبطة على الجدران و الطاولات موجودة في كل مدارس العالم الي طبعا اداراتها مايحكموهمش بالصرامة

و خاصة الطاولات انا الي شفتو شخبطة الطالبات على طاولات و الكتوبة بسبب الملل او التفنن اظهار بعض مواهب الرسم و الاشعار بالاك او بعض المشاعر المكبوتة
 

missa_1

:: عضو مُتميز ::
إنضم
7 نوفمبر 2009
المشاركات
1,283
النقاط
37
موضوع بزاف شباب
هك يحوسو يعبرو على شعورهم برك
وكيما قلتي كاين مذكرات
مي كي تكتبيها فالحيط ولا في الطابلة تجي فيها بنة
هك ترجعي كاش نهار لذيك البلاصة تلقايها مكتوبة
تتفكري ياه يا حصراه قاع مننساش ليامات الي فوتناهم هنا
يعني سوفونير برك
هك كاين شي حوايج تحسيهم منقدرش نقولهم
واحد نهار نشوف للحيط لقيت كاتبين فيه تشبهي لفوتو كوبي خخخخخخ
ايا ومرسي ليك على الطرح


 

صـ كحرفـ محفور ـامتة

:: عضو مُشارك ::
إنضم
18 نوفمبر 2011
المشاركات
185
النقاط
7
موضوع بزاف شباب

هك يحوسو يعبرو على شعورهم برك
وكيما قلتي كاين مذكرات
مي كي تكتبيها فالحيط ولا في الطابلة تجي فيها بنة
هك ترجعي كاش نهار لذيك البلاصة تلقايها مكتوبة
تتفكري ياه يا حصراه قاع مننساش ليامات الي فوتناهم هنا
يعني سوفونير برك
هك كاين شي حوايج تحسيهم منقدرش نقولهم
واحد نهار نشوف للحيط لقيت كاتبين فيه تشبهي لفوتو كوبي خخخخخخ
ايا ومرسي ليك على الطرح
اولا: شكرا لكل من مر من هنا و تركـ الرد.....

واش من نهار؟؟؟؟
ههههههه حنا بداية كل سنة يصبغوا هههههه و الله يا لي سوفونيغ ههههههه
 

ام اشرف

:: عضو مُشارك ::
إنضم
30 أوت 2009
المشاركات
225
النقاط
7
العمر
28
موضوع هايلـ و بداية موفقة ختيـ
متشرفينـ مزال المشوار طويلـ ايييه واش تحبي طبيعه فينا وخلاص
مي انا مانكبش بزاف مانحبش العفن ههههـ و سلام
 

لميس90

:: عضو منتسِب ::
إنضم
20 أوت 2010
المشاركات
46
النقاط
3
اولا مساؤكم مسك احبائي
علابالك لفتلي انتباهي هذا الموضوع الرائع
بالاخص لاني في مجال علم النفس وتصادفني مواضيع مثل هذي
اما بالنسبة للكتابة على الجدران مثلا او في اي مكان فهو اسلوب للتعبير عن الراي بالدرجة الاولى وبالدرجة الثانية تكون لدى الشخص صراعات داخلية ولا يستطيع كبتها فيخرج تلك الطاقة بالكتابة على البلوز مثلا
ارجو اني افدتكم ببعض الافكار
شكرا على الموضوع القيم ودمتي
 

صـ كحرفـ محفور ـامتة

:: عضو مُشارك ::
إنضم
18 نوفمبر 2011
المشاركات
185
النقاط
7
أهلا بسيكولوg ربي يوفقك

شكرا على المشاركة المفيدة ....



أختي أم أشرف : أصلا البنات كامل كيما انت قصدي ما يحبوش العفن .... شكرا جزيلا على المشاركة ...
تعيشي و تردي على مواضيعي >ههههه
 

naima*skikda

:: عضو منتسِب ::
إنضم
7 سبتمبر 2011
المشاركات
20
النقاط
3
السلام عليكم مشكورة اختي على الموضوع
والله هدي ظاهرة موجودة في كامل مدارسنا ههههههههه حنا في الليسي تاعنا كامل ابواب تاع الاقسام
مكتوبين عليهم ههههههههه مقهىو مسجد وجزار وخضار وههههه طاكسيفون وسيبار هههههههه ومعلاباليش انا بالنسبة ليا سعات هههههههه كي نقلق في الحصة نولي نكتب في طاولتي
 

lamia-constantine

:: عضو مُتميز ::
إنضم
12 أوت 2011
المشاركات
647
النقاط
19
صح كاينة منها
انا نكتب باه انحي على بالي شوية هادة مكان و باه نعبر و نفرغ شوية
ديجا نكتب يا ربي ف الارض خييير من اللي نسمع البخيص تاع الاساتدة
و الا الشرح تاع التاريخ
ملاحظة...اطلي على الطابلة تاعي تهربي
********
مشكووورة

 

الجندية

:: عضو فعّال ::
إنضم
19 جانفي 2010
المشاركات
2,574
النقاط
159
السلام عليكم موضوع فووور
مانكدبش عليك انا اللي نصيبها نكتب فيها نكتب في لي بلوز نتاوعي راسمه فيهم الجماجم ههههه كاتبه روك ومتفننه في الطابلة نتاعي ليريكس نتاع الاغاني أونجلي آرآب فرونسي حتى إسبآنيول هههه وفي الحيطان نكتب تاني سيرتو كي نحس بلي حتى واحد مايسمعلي والكل لاهيين مع بعضاهم غيـر الحيط يقسم معايا همي ولا الطابلة الله غالب هذي هي الحاله وكل واحد وكيفاش يخمم من هاد الجيهة
بون .. بالنسبة للكتبة نتاع الحيط نحكيلك حاجة صراتلي ونفعني فيها الحيط ههههه
صحبتي لانتيم توأم روحي ^^ دارو بيناتنا وكدبو عليها بزاف حتى ماولاتش تقدر تشوف فيا عييت كيفاش ندير وقتلني الزعاف وماقدرتش نوصللها اللي كاين في خاطري .. آلور في لابوغاتواغ
قالولي تقعد جهة الحيط رحت لبلاصتها وكتبت في الحيط قاع اللي في قلبي ورسمتلها تانيك ههههه
حسيت بلي سولاجيت وكانت هي الحل باش فهمنا بعضانا ..........
ههههههههه والله لا فكرتيني
راني كتبت جورنال
مرسي ختيتو
 
Top