ليلة رأس السنة.....مالهم الناس؟؟؟

[اعيش راضية]

السلام عليكم

الممنوع مرغوب
ناس تافهة لا معنى لحياتهم مادامهم يقلدوا في غيرهم
​

و عليكم السلام
عندك حق ما هي الفائدة من تقليد الغير؟؟؟
لا ارى اي فائدة
مشكور على المرور​

 

[تاج الجزائر]

وعليكم السلام

غير بشويا عليك ختي حنا هنا ما نبغوش عليك تصرالك كاش حاجة بعيد الشر:sad:

شوفي ختي حنا رانا رحمة ربي في الجزائر صحيح كاين تقليد وبعض الناس تحتفل بيه

اما عند العرب لخرين تقول غرب مشي عرب سيرتو الشرق الاوسط

وهاد نسموه تقليد اعمى وقلة الايمان

ومزية حطيتي الموضوع راهي في وحد يومين ولا ثلاثة طرحو هاد الموضوع في

الفتاوى قالولهم حراااااااام هاد احتفال نتاع غرب مشي مسلمين علاه تروحو نتوما

تقلدوهم علاه هوما راهم يحتافلوا معاكم في اول محرم ولا المولد النبوي الشريف ولا

العيدين؟ طبعا لا .

علاه حنا مسلمين نروحو نخلو دينا ونقلدوا الاجانب

بصح ختي شكون لي يسمعك :sadwalk:

الله يهدي ما خلق

الله يثبتنا على دينه وسنة الحبيب المصطفى صلوات الله عليه وسلم

شكرا ختي على الموضوع القيم ربي يحفظك :shay:


تستاهلي تقييم عليه :shay:
​

 

[اعيش راضية]

وعليكم السلام ​

غير بشويا عليك ختي حنا هنا ما نبغوش عليك تصرالك كاش حاجة بعيد الشر:sad:
ربي يخليك حبيبتي لا اكيد ما يصرالي والو مدامكم معايا ههه​

شوفي ختي حنا رانا رحمة ربي في الجزائر صحيح كاين تقليد وبعض الناس تحتفل بيه ​

اما عند العرب لخرين تقول غرب مشي عرب سيرتو الشرق الاوسط ​

وهاد نسموه تقليد اعمى وقلة الايمان
صحيح حنا ربي راه راحمنا شوية عليهم و ربي يبعدنا على قلة الايمان
ومزية حطيتي الموضوع راهي في وحد يومين ولا ثلاثة طرحو هاد الموضوع في ​

الفتاوى قالولهم حراااااااام هاد احتفال نتاع غرب مشي مسلمين علاه تروحو نتوما ​

تقلدوهم علاه هوما راهم يحتافلوا معاكم في اول محرم ولا المولد النبوي الشريف ولا ​

العيدين؟ طبعا لا .
هوما ما يعرفوش بينا قاع هاد الاعياد و الازمة انو حنا خلينا اعيادنا و ما احتفلناش بيهم رحنا لاعيادهم الله يهدينا​

علاه حنا مسلمين نروحو نخلو دينا ونقلدوا الاجانب ​

بصح ختي شكون لي يسمعك :sadwalk:​

الله يهدي ما خلق
اميييييييييييييييييييييييييييييييييييييييييييييييييييييين يا رب
الله يثبتنا على دينه وسنة الحبيب المصطفى صلوات الله عليه وسلم
عليه الصلاة و السلام .. امين يا رب
شكرا ختي على الموضوع القيم ربي يحفظك :shay:
العفو حبيبتي و ردك اجمل رب يحفظني و يحفظكم اجمعين ان شاء الله​

تستاهلي تقييم عليه :shay:
ربي يخليك​

 

[يسرى 2008]

نشكرك اختي بزاااااااااااااااف على موضوعك الفور والله غير طليتي على قلبي
يا اختي الناس هبلت وين ما تروحي تشوفي الظاهرة هادي انتشرت
وبزاف حوايح يعجز علينا نحويها يعني نقص دين ونقص تربية وكلشي
ربي يسترنا برك ويهدينا وان شاء الله ربي يغفرلنا دنوبنا يا رب

 

[sousou 13]

هههههه هنا الى جا راس العام الميلادي يحتفلوا والى جا راس العام الهجري يحتفلو،و الى راس العام الامازيغي(يناير)يحتفلوا ،14فيفري ،8مارس ،عاشوراء بصح لوكان تقبض شي حد تقوله علاه راك تحتفل اعطيني سبة ولا احكيلي لحكاية يقعد يشوف ،رانا ولينا قوم تبع غي زايدين في هدا الحالة الله يهدي ما خلق
ايا ها قولوا امين

 

[اعيش راضية]

نشكرك اختي بزاااااااااااااااف على موضوعك الفور والله غير طليتي على قلبي
يا اختي الناس هبلت وين ما تروحي تشوفي الظاهرة هادي انتشرت
وبزاف حوايح يعجز علينا نحويها يعني نقص دين ونقص تربية وكلشي
ربي يسترنا برك ويهدينا وان شاء الله ربي يغفرلنا دنوبنا يا رب

العفو حبيبتي و بالاك طليت على قلبك ههههههههه
يا اختي الله يسترنا برك من هاد الهم
اااااامييييييييييين
مشكورة على المرور يسرى​

 

[اعيش راضية]

هههههه هنا الى جا راس العام الميلادي يحتفلوا والى جا راس العام الهجري يحتفلو،و الى راس العام الامازيغي(يناير)يحتفلوا ،14فيفري ،8مارس ،عاشوراء بصح لوكان تقبض شي حد تقوله علاه راك تحتفل اعطيني سبة ولا احكيلي لحكاية يقعد يشوف ،رانا ولينا قوم تبع غي زايدين في هدا الحالة الله يهدي ما خلق
ايا ها قولوا امين

ياك صحيح
غير يقلدوا بدون معرفة الله ينجينا من هاد الظاهرة
امييييييييين
مشكورة سوسو​

 

[nina bonoise]

ارواحي تشوفي عنابة هبلوا عبادها راهم في صبري يزهاو

 

[GI Joe]

malheuresement nous autre arabes mnin manchoufou haja n3andou sans rien savoir :'(
ce que je comprends pas c que noel certe c pour chretien mais le jour de l an c pour tout le monde !! sinn prk utilise t on ce calendrier et pas le NOTRE ?

 

[اعيش راضية]

ارواحي تشوفي عنابة هبلوا عبادها راهم في صبري يزهاو

نزيد نجي نشوف نهبل اختي بزاف علينا
مشكورة على المرور​

 

[اعيش راضية]

malheuresement nous autre arabes mnin manchoufou haja n3andou sans rien savoir :'(
ce que je comprends pas c que noel certe c pour chretien mais le jour de l an c pour tout le monde !! Sinn prk utilise t on ce calendrier et pas le notre ?

مشكورة حبيبتي على مرورك الطيب
اكيد رأس السنة للجميع لكن حبيبتي لا يجوز ان نحتفل به كما يفعل غيرنا من الغرب من سهرات و احتفالات و معاصي و المعروف انه الاحتفال برأس السنة هو جزء من احتفال النويل لديهم
و حبيبتي لماذا نهمل احتفالاتنا الخاة و نجري وراء ما يخصهم
و هل يحتفل الغرب معنا يوما؟​

 

[GI Joe]

مشكورة حبيبتي على مرورك الطيب
اكيد رأس السنة للجميع لكن حبيبتي لا يجوز ان نحتفل به كما يفعل غيرنا من الغرب من سهرات و احتفالات و معاصي و المعروف انه الاحتفال برأس السنة هو جزء من احتفال النويل لديهم
و حبيبتي لماذا نهمل احتفالاتنا الخاة و نجري وراء ما يخصهم
و هل يحتفل الغرب معنا يوما؟​

لماذا نهمل احتفالاتنا bonne question
on ne trouve pas la reponse,
1 moharem j ai fait un jolie gateau et le lendemin j ai acheter sde noueau habits et on me prennez une folle il parrait qu il ft faire ça se soir

هل يحتفل الغرب معنا يوما؟ eux il sont conscient que c notre religion pas la leur
machi cha3ban m3a ramdhan !!

 

[عفوفة]

الله يهديهم ويصلح بالهم وجميع المسلمين هادا ما عندنا

 

[نهى28]

يعطيك الصحة ختي والله موضوعك جا في وقتو صح

انا بالنسبة ليا الاسباب هي كيما قلتي مكانش الوازع الديني

وزيد اللامبالاة كي تقولي لواحد راه ماهوش في الاسلام نتاعنا الاحتفال بيه

يقلك اييييييه زعما جات غير في هذي استناي نطبقو الحوايج الاخرى و هذي هي الاخيرة

يعني هنا يبانللك اللامبالاة والاستهزاء

رب يهدينا برك خيتي

شكراااااااااا على الموضوع ​

 

[malk kum]

المشكلة فينا بنقلد وخلاص
كمان لحظت كل الناس بتقول عام سعيد وكل سنة وانت طيب وووو
وكأنهم عيد وليست سنة جديدة
مش فى الاحتفالات وبس اللى بنقلد لا حتى اللبس والموضة حتى الاسلوب
مع الاسف بعدنا عن الدين والقيم اللى اتربينا عليها
ربى يهدى جميع الملسميين

شكرآ اختى ع الموضوع المهم والجميل

 

[SaRa MosTa]

واه اختي عندك الحق في أي كلمة قلتيها
انا تاني والله غير راني مستغربة حنا جارنا بيه بولاده جيت خارجة لقيتهم كامل لابسين ودايرين لي les chapeaux تاع نويل و فرحانين ولا بيش والحالة نخلعت تحسبي عرس راه في دارهم ههههه انا حسبت روحي راني في ماريكان
رانا نشوفو des cas الله يستر والله يدينا هدا ما نقولو

شكراا على الطرح المميز​

 

[هدى 17]

السلام عليكم
اختي انا نوافقك في المعنى

لانو حنا في الجزائر و الدول العربية رانا نمشو بالميلاد في اي ورقة شخصية دائما السنة بالميلاد
علا هذا الناس عمباتلهم مسموح في الدين
وقريتك ثاني كتبت القنواة الدينية
وشمن قنواة مدام كاين روتانا و الميلود جامي تستنايهم يشوفولك القنوات الدينية
(وهذا مش يعني انا راني ملاك ههههه)
بصح انا براي مافيها والو اذا واحد قال لصاحبو ( ربي انشاء الله يعود عليك العام بالخير )
وشكرا


​

 

[بنت الـ25]

اهلا اختي اعيش راضية
والله غير هاد الظواهر لي ملقيتلهمش تفسير؟؟؟ التفسير الوحيد لي ما يخطرليش غيرو هو التقليد الأعمى للغرب بسبب نقص الوازع الديني عند الأغلبية مالناس لي يحتفلو ويحييو راس العام الميلادي
حتى لبارح فالنشرة تع الاخبار ينعتو فالاحتفلات وفرحانين مع اني في محرم راس السنة الهجرية لي معندوش بزاف مااللي فات علينا ما جابوش سيرتو ولا احياوه
؟؟؟؟؟؟؟؟؟؟؟
يبقى السؤال مطروح ويبقالنا نقولو
"ربي يهدينا ويثبتنا على دينه"
​

 

[˜•ȘħåŨŋä βřįťŤ•˜]

تقليد أعمى

وين يروحو نروحو معاهم


الله يهدينا

 

[nina bonoise]

نزيد نجي نشوف نهبل اختي بزاف علينا


مشكورة على المرور​

ليوم جابولي ليفوطو نشوفهم تاع لوتال صبري لي قتلك عليك
ارواحي تشوفي الشطيح و الرديح كيفاه دايرين
تقعدي هك _o: