الواحد ولى يخاف يتزوج

[Mafia-beo16]

السلام وعليكم


كيف حالكم يا أعضاء وزوار اللمة


أن شاء الله تكونو بخير




المهم ندخل في موضوعي


كيما قلت في العنوان راح نحكيلكم قصة حقيقية صرات مع واحد صاحب خالي و ولد خالتي


هذا السيد ماعندوش بزاف ملي تزوج مسكين فرحان دار الدار والمرا مي ماكانش على بالو واش يستنى فيه


عرسو دارو مقلب الغاشي كامل هدر عليه


وهذي الطفلة والديها لي ميلياردير يلعبو بالدراهم لعب


وبعد مرور 3 شهور على زواجهم الطفلة خرجت مع عجوزتها زعمة تروح تشري مي هي كانت تخطط باش تهرب إييييه تهرب :scared:


وصح هربت و دات معاها ذهبها كامل هربت من الدار مي ماراحتش لدار باباها لقاوها في لأغواط تدور حتى وين جابوها لابوليس


غروها الدراهم و ماقبلتش واش أعطاها ربي واش تحبو


دوك الغاشي كامل راهم يهدرو عليها وزعمة دارت روحها مبكمة باش ماتهدرش


و عجوزتها راهي طايحة الفراش بين الحيا و الموت وراجلها من الدار ماراهوش يخرج دارتلو التبهديلة
والله الي يسمع واش صرالو مايصدقش وهدي الطفلة سمعة نتاعها مليحة مي مافهمناش واش السبة الي خلاتها تدير هكا
​

وهدي ولد خالتي كان حاط عليها العين الحمد لله ربي ماحبلوش التبهديل
​

دوكا مسكين تشوكا قالنا خلاص مانتزوجت
أنا وحدة ماصدقتش راني مشوكيا _o:
​

شفتو الوقت الي وصلنا ليه
الواحد ولى يخاف يروح يخطب وحدة مايعرفش أصلها وسمعتها
​

الله يسترنا و يبعد علينا ولاد و بنات الحرام

​

 

[adel-mz]

سلام
قصة غريبة نتاع الصح ،سبحان الله واش بيها هبلت ،نطلبو من ربي العافية والعفو ،بارك الله فيك
​

 

[مسيلية فوور]

لاحول ولا قوة الا بالله
هذا سبب ضعف الايمان في قلوبهم
قصة عبرة لمن يعتبر
​

 

[virus2015]

وهذي الطفلة والديها لي ميلياردير يلعبو بالدراهم لعب ​

ربي يحسن عونو ويعوضو خير
بالاك هي مربية في دار والديها على اللعب: الحاجة لي ما تعجبهاش ترميها وتشري حاجة غيرها وأدات هاد الطبيعة حتى في الزواج
ربي يستر ويبعد علينا ولاد وبنات لحرام.

وفي الأخير نصيحة لكل واحد يغروه الدراهم والمظاهر:

" فاظفر بذات الدين تربت يداك"
تقبلي مروري​

 

[fofabriyanka]

...واعلاه واحد يخاف يتزوج ...ربى هو لكتب لينا شكون نتزوجوه و كل حاجة فيها خير و عمرك لتتهرب من زواج المهم تكون زوجة صالحة و هدا ممكن بلاء من ربى ممكن فيها خير .... هدى كلها امتحانات من ربى يختبر فيها ايماننا ..
​

 

[Mafia-beo16]

سلام

قصة غريبة نتاع الصح ،سبحان الله واش بيها هبلت ،نطلبو من ربي العافية والعفو ،بارك الله فيك​

وعليكم السلام
والله مازال ماعرفو سبب واش دارت تحوس تفهم تحير
الله يهديها
آآآميييييين
شكرا على المرور​

 

[***سوسن الجزائرية]

بصح هادي واش بيها كيفاه تهرب بلا سبة جاتها في راسها هربت آواه فيها حاجة , الله يستر عليهم والله يهديها ويهدي أمتالها.
شكرا لك.
​

 

[Mafia-beo16]

...واعلاه واحد يخاف يتزوج ...ربى هو لكتب لينا شكون نتزوجوه و كل حاجة فيها خير و عمرك لتتهرب من زواج المهم تكون زوجة صالحة و هدا ممكن بلاء من ربى ممكن فيها خير .... هدى كلها امتحانات من ربى يختبر فيها ايماننا ..​

علابالي مكتوبنا ولكن على حساب السمعة نتاعها طفلة عاقلة ماشي نتاع هداك الشي
ومور هدي القصة كاين حكاية وحدوخرا ما يعرفها غير ربي
مي العائلة تلعب دور كيما قلت في الموضوع باباها ميلياردير و راجلها قدو و قد حالو
كيما قلتي ممكن بلاء من ربى
بارك الله فيك أختي ​

 

[Mafia-beo16]

ربي يحسن عونو ويعوضو خير

بالاك هي مربية في دار والديها على اللعب: الحاجة لي ما تعجبهاش ترميها وتشري حاجة غيرها وأدات هاد الطبيعة حتى في الزواج
ربي يستر ويبعد علينا ولاد وبنات لحرام.​

وفي الأخير نصيحة لكل واحد يغروه الدراهم والمظاهر:​

" فاظفر بذات الدين تربت يداك"

تقبلي مروري​

آميييين
صح كانت هكاك مي علابالها بلي هذا السيد قدو قد حالو هي الي خيراتو
ويبقى سبب هروبها غامض
ربي يهديها ويهدي الي كيما هي
صدقك شكرا أخي على النصيحة
بارك الله فيك​

 

[Mafia-beo16]

بصح هادي واش بيها كيفاه تهرب بلا سبة جاتها في راسها هربت آواه فيها حاجة , الله يستر عليهم والله يهديها ويهدي أمتالها.

شكرا لك.​

حتى واحد ماراهو فاهم
صح كاين حاجة مي ماحبتش تهدر
اللهم آمييييييين
شكرا على المرور​

 

[Mafia-beo16]

لاحول ولا قوة الا بالله

هذا سبب ضعف الايمان في قلوبهم
قصة عبرة لمن يعتبر​

صح كي يكون ضعف الإيمان يقدر الإنسان يجهل
ربي يحفظنا و يسترنا من الناس الي كيما هدو
بارك الله فيك ​

 

[barca.moha]

mission impossible
لوكان راحت عند باباها معليش
لي يعيش هاد الوقت يشوف العجب


شكرا بسومة أختي على الموضوع
+ تقييم
​

 

[ماكانش]

أهلا بيك مافيا
والله البارح جاتني يما قاتلي الجرايد مايكذبوش ؟؟؟؟
قلتلها وعلاه، قاتلي رانا نقراو في واحد الأخبار تخرج القلب وبدات تحكيلي حبستها قلتلها ماتحكيليش علابانا ورانا نشوفو ونسمعو
قاتلي ربي يطيحكم في بنات لحلال ...​

 

[Mafia-beo16]

mission impossible

لوكان راحت عند باباها معليش
لي يعيش هاد الوقت يشوف العجب ​

شكرا بسومة أختي على الموضوع
+ تقييم ​

ههههههه والله صح
لوكان راحت لدار باباها شوية مي هي لقاوها في ولاية وحدوخرا
ولوكان كانت معولة تروح لدارهم ماتديش معاها في هديك الدقيقة 200 مليون نتاع الذهب
ربي يهديها
مرسي موح على الرد و التقييم
نورت الموضوع ​

 

[houssem_]

سبحان الله

اللهم استرنا
​

 

[Mafia-beo16]

أهلا بيك مافيا

والله البارح جاتني يما قاتلي الجرايد مايكذبوش ؟؟؟؟
قلتلها وعلاه، قاتلي رانا نقراو في واحد الأخبار تخرج القلب وبدات تحكيلي حبستها قلتلها ماتحكيليش علابانا ورانا نشوفو ونسمعو

قاتلي ربي يطيحكم في بنات لحلال ...​

أهلا بيك ماكانش مازال ماوليت كاين هههههه
عندها الحق يماك في هدا الوقت تسمع كل شيء
أنا لوكان قريتها شوية مي سمعتها صح وهذا السيد نعرفو
ربي يطيحك في بنت الحلال خويا سفيان
مرسي على المرور ​

 

[white heart87]

السلام عليكم ورحمة الله وبركاته
لا يسعني الا أن أقول لا حول ولا قوة الا بالله...البنات هبلو صح..هي من الاول كان لازم يتوقع بلي هاذ الطفلة مدللة والدراهم مفسدينها والعقلية تاعها ماهيش تاع زواج..ربي يهديها ان شاء الله وبصح la faute في والديها لي ما رباوهاش مليح
ونقول لهاذ الرجل بلي أصابع اليد مش كيف كيف..اذا ماصلحتش طفلة مش معناها كامل لبنات هاك
وربي يجيب الخير ان شاء الله​

 

[EL General]

اهلا بسومة صافا ؟
وي هادي قصة محيرة و الله .... هي وش داها حتى تخرج
فريمو ملقيت وش نقول ههههه ناس هبلت و ماهيش في وعيها
شكرا بسومة
موضوع هايل
++++ تقييم ++++
​

 

[homework]

هذا ناتج عن سوء اختيار رفيقة العمر
فنجد الرجال يختارون الزوجة بطريقة عشوائية لا يهمه لا الأخلاق و لا الدين المهم المال و الجمال
ربي يسترنا السيد مسكين ربي يكون معاه

 

[la_safa]

هذا لي يقلكـ لازم يسقسي مليح على الطفلة قبل مايجيبها
كثرو المشاكل لي هاكا
والله حيرة هاذي لحكاية .. ناس ماعندهآش عقل و ماتقبلش بقسم ربي
بسومة بطلت مانيش مزوجة و موضوعكـ السبة ههههـ
مرسي بسومة موضوعكـ هآآيل
​