و خلاها ماكاش ايا قلت في قلبي

hiba14

:: عضو مُتميز ::
إنضم
3 نوفمبر 2010
المشاركات
1,479
النقاط
37
السلام عليكم
كيراكم لا باس غاية الحمد الله
و العنوان درتو دروك تعرفوا علاش بصح يليق يكون علابالكم بلي ماكانش في المواقف اللي يصراولو يدير هادا التحليل الشخصي و لا حظتاه من خلال مقولتو الشهيرة في المواضيع تاعو ايا قلت في قلبي
المفيد انا و اداعتي تيارت دايمن وحد الحصة تلعب وكنت نسمع فيها و هي زعمة يخرجو للشارع و يديرو المشاكل و الاراء تاع الناس و هاد الموضوع داروه بمناسبة انو هدا ارسلان في عمرو 25 سنة قتلوه مسكين في العام الجديد ربي يرحمو و دارو الوالدة تاعو تهدر و تبكي و انا كي العادة الدمعة غي عند الحاشية نبكي معاها و دارو على هاد الشاب باسكو قتلوه في هاد الكارتي مشهور عندنا هنا تيارت فيل بلي سايي تلحق 6 تاع العشية في الشتا يبداو الناس يدورو بالسيوف و الله يحفظ و يستر الخمر و هادوك المشتقات قاع يتباعو نورمال على الطريق و المقاطعة عيناني و الناس تعرفهم نورمال يعني هوما اصلا ولاد هاداك الكارتي و اللي جابت فيه امو يفوت من تم لابس غي تريكو شباب شوي برك يقلعوهلو و يدي طريحة و يروح يروح
مالا الاراء تاع الناس قاع بداو ماكاش الامن ماكش لابوليس وراها الحكومة و انا عندي لافامي تاعي يخبر فيا قالي والله العظيم غي كل يوم يطلعو منهم و يدورو عليهم حتى ما يصيبوش البلاص ايا انا قلت في قلبي و الله يا احنا شعب غي تاع تخطي راسي يا الرب الزين ربوا انتوما ولادكم كيفاش الوالدين علابالهم بلي هاداك ولدهم الللي راه هكاك و نورمال و من بعد اصابع الاتهام تبدا تتوجه للحكومة و زدت قلت في قلبي مالكي يا نورة شا كي تقولي شكون اللي يربي شكون ما بقات تربية كي و لات المرا تتلابس مع بنتها و يديرو من بوات تاع ماكياج وحدة و الراجل يقول لولدو ما عندكش قاروو اللي تزيد تعجبك و لادهم لا خدمة لا زدمة و يجيب قاع بقرة للدار ما يقولوش من اين لك هادا و الطفلة نفس الشي و الله غي الدعوة هادي قاع من المنبت برك الحمد الله كي تصيب الوالدين مزيرين و تخاف منهم و الله كي تكبر تعرف بلي ما غركوش و لا كفاش
في لامان
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
السلام عليكم

كيراكم لا باس غاية الحمد الله
و العنوان درتو دروك تعرفوا علاش بصح يليق يكون علابالكم بلي ماكانش في المواقف اللي يصراولو يدير هادا التحليل الشخصي و لا حظتاه من خلال مقولتو الشهيرة في المواضيع تاعو ايا قلت في قلبي

أهلا بيك هيبة
ههههههههههههه
راني ميت بالضحك
هههههه
كيما قلتي الأمور هذو والتربية كامل ترجع للأصل تاعها وهيا الدار
الوالدين لازم يشوفو الزواج مسؤولية وتربية
لازم يراقبو ولادهم كيما قلتي
ماشي دخلو يقرا وأشريلو الأدوات وتبالك راك تربي فيه ..
بصح يبقى المحيط والبيئة ثاني تلعب دور
ألي يتربى في كارتي كيما هذا، ولا فلافيراي كارطي عندنا فباتنة قليل وين يخرج متربي ومايقتلش هههه
يعطيك الصحة هيبة على موضوعك الباهي
 

hiba14

:: عضو مُتميز ::
إنضم
3 نوفمبر 2010
المشاركات
1,479
النقاط
37
هههههههههه مليحة تاع يخرج متربي و يقلتلش ماشي قال و ما يخونش ما يحقرش سايي هادو نورمال القتيلة نيشان و شكرا على القبول
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
هههههههههه مليحة تاع يخرج متربي و يقلتلش ماشي قال و ما يخونش ما يحقرش سايي هادو نورمال القتيلة نيشان و شكرا على القبول

ههههههه
مايسرقش ومايحقرش هذو بديهيات ههههه
يعطيك الصحة هيبة
 

كمايا

:: عضو مُتميز ::
إنضم
13 أوت 2009
المشاركات
583
النقاط
17
ايه ياختي

كاين منها واش حكيتي

ديفوا تلقايهم اصلهم ولاد شوارع للي يدرو هكذا

والا والديهم علابالهم فيهم

بصح في غالب الاحيان تلقاي للي يدير هكذا نتيجة ضغوطات معينة


نعرف عائلة من للي كنت صغيرة راقية علكيف


توفى باباهم

فانقلبت الاحوال رأسا على عقب

بنتهم دارت كارثة في روحها

الابن الاكبر راهو فلحبس وكان من الجماعة للي عندها سيف

والابن الآخر راهو يدروgي

ربي يسترنا

ويهدينا

مشكورة
 

مارينا

:: عضو مُشارك ::
إنضم
30 نوفمبر 2011
المشاركات
294
النقاط
7
بارك الله فيك اختي موضوعك هايل
اول حاجة هي التربية لازم الوالدين يربوا اولادهم تربية صالحة
وتاني المجتمع اللي عايش فيه يلعب دور كبير في حياته هو كي يلقى الاكترية دي مافيا والبنت تلقاها غير مع(المافيات) يدوا طبايعهم وحد ما يقدر يحكم فيه لاشته والديه
وزيد قولي زادى على مشاكل في بيتهم شي معين يخصهم ويدفعهم يديروا كيمن هك
ونبقى نقول على التربية الصالحة حتى لو انحرف الولد مي يجي وقت ويرجع لاصله هذا رايي
تقبلي مروري حبيبتي
 

hiba14

:: عضو مُتميز ::
إنضم
3 نوفمبر 2010
المشاركات
1,479
النقاط
37
ايه ياختي

كاين منها واش حكيتي

ديفوا تلقايهم اصلهم ولاد شوارع للي يدرو هكذا

والا والديهم علابالهم فيهم

بصح في غالب الاحيان تلقاي للي يدير هكذا نتيجة ضغوطات معينة


نعرف عائلة من للي كنت صغيرة راقية علكيف


توفى باباهم

فانقلبت الاحوال رأسا على عقب

بنتهم دارت كارثة في روحها

الابن الاكبر راهو فلحبس وكان من الجماعة للي عندها سيف

والابن الآخر راهو يدروgي

ربي يسترنا

ويهدينا

مشكورة
وي معاك الحق و هادا يدل بلي يليق يكون الحاكم في الدار و خصوصا الراجل مانكدبش غي كيما صرا وحد المشكل في السيام اللي نخدم فيه بين زوج دراري واحد الله يبارك و الاخر يكره المهم بغينا نرسلو استدعاءات للاولياء مالا هاداك المتربي قالي اسم باباه و لاخر قالي ماعنديش بلا ما نعبا قتلو واه باينة غي غلطت وسقسيتك
بارك الله فيك اختي موضوعك هايل
اول حاجة هي التربية لازم الوالدين يربوا اولادهم تربية صالحة
وتاني المجتمع اللي عايش فيه يلعب دور كبير في حياته هو كي يلقى الاكترية دي مافيا والبنت تلقاها غير مع(المافيات) يدوا طبايعهم وحد ما يقدر يحكم فيه لاشته والديه
وزيد قولي زادى على مشاكل في بيتهم شي معين يخصهم ويدفعهم يديروا كيمن هك
ونبقى نقول على التربية الصالحة حتى لو انحرف الولد مي يجي وقت ويرجع لاصله هذا رايي
تقبلي مروري حبيبتي
و فيك بركة يا الغالية
راني معاك بلي المجتمع عندو درو لكن الاغلبية تاع الدور هو في البيت يعني يليق الوالدين مايجيهمش كل شي نورمال كاين امور اللي يوقفو عندها و موقف تاع الصح ماشي غي هاك و برك و لا كفاش
 

إيمان قلب

:: عضو فعّال ::
إنضم
27 ماي 2011
المشاركات
2,974
النقاط
157
السلام عليكم
يعطيك الصحة هبة , هذه راجعة للتربية , لخاطر كيما تلقاي كارتي كيما هذا , راهم وراثة من الاب حتى لولد الولد
عندهم هاذ الخدمة , وكي تلقاي اب كلوشار كيفاش غادي يربي ولدو ؟؟؟
تاني واحد المرة احتجت نقاليزي واحد الورق , ورحت للبلدية لقريبة ليا في واحد الكارتي تاني راه معروف في تيارت " كيما الجامعة " زمان ال11 ونص هاك ,والله العظيم وجوه غير الوجوه اللي نشوفوهم هههه وتلقايهم قااع باين عليهم السرقة
ربي يسترنا هذا مانقولوا
 

بنت الـ25

:: عضو شرفي ::
إنضم
12 مارس 2008
المشاركات
7,143
النقاط
351
محل الإقامة
قسنطينة
الجنس
أنثى
اهلا هبة:regards01:
موضوعك عجبني ودخلتي في قلبي زي لفليشة:p
هههههههههههه
:d:d:d:d
يقول الشاعر
الأم مدرسة إذا أعددتها *** أعددت شعبا طيب الأعراق
:up::up::up:
كي تكون الأم صالحة رايحة تربي اولادها تربية صالحة
اما اذا كانت الأم كيما راكي تحكي تلبس مع بنتها ويديرو من بواط مكياج وحدة :-o هادي متتوقعيش منها خير :down:
ياك يقول المتل: قلب البرمة على فمها تخرج البنت لامها
:-r:-r
ونفس الشيء بالنسية للأب
يقلك: داك الشبل من ذلك الأسد:)

عمبالي كرهتك بالأمتال :p:p

نرجعو للكرتي تعكم
يا ختي راهو كارثة
منعرف كيفاش مزالكم حيين:-o
خخخخخخخخ
:d
مشكووورة موضوع بنين مليح للقراجم:p
 

ريم الشرق

:: عضو مُشارك ::
إنضم
4 جوان 2012
المشاركات
223
النقاط
7
ما كانش قدنا تبسة و ملك العسة هذه ظاهرة في كل مكان و الحكومة ربي يهديها الله غالب الرشاوي تعمي العينين​
 

simou11

:: عضو متألق ::
إنضم
16 مارس 2010
المشاركات
4,346
النقاط
191
يا ختي ربي يهدينا
ادي راهي بار تو
والله تروحي لبنقلاداش تاع عنابة خخخ ارواحي و افهمي
و لا تروحي لسيدي سالم كي تروحي بذراع وحدة راكي تهبلي
القتيلة عيني عينك
و الوالدين مطفيين الضو
حرام عليهم
اذا مش قادرين يربيو ولادهم مليح مايجيبوهمش خلاه
و زيد تلقايهم يحاميو على ولادهم ظالمين ولا مظلومين
و مباعد يقولك الحكومة
ضرك اي واحد يمشي في الطريق يتقطعلو سباطو يقلك الحكومة
صح حكومتنا كارثية
مي مام حنا مقصرين ياسر ياسر
" لا يغير الله ما بقوم حتى يغيروا ما بانفسهم "
حنا قاعدين نسرقو و نكذبو و نفسدو
و مباعد نقولو الله غالب
لازم نتعلمو نربيو ولادنا قد قد و مباعد نهدرو
ايا مانزيدش نطول عليك عابالي كتبتلك جورنال
ربي يهدينا و فرات
سلاموووووووووو
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
الي يربوا ولداته تربية صحيحة و سليمة ما يصرالهم والو الا ادا كان الدراري ماشي سامعين بهدرة الوالدين تماكـ تولي حاجة خراآ
صحيتي عالموضوع
 
Top