زعمـــأ نتومـــأ تاني كي تصرالكم حاجة مش مليحة تخرجو عليها صدقة ؟؟

mimi-ba

:: عضو بارز ::
أحباب اللمة
إنضم
30 أفريل 2010
المشاركات
1,779
نقاط التفاعل
117
النقاط
79
زعمـــا نتومـــا تاني كي تصرالكم حاجة مش مليحة تخرجو عليها صدقة ؟؟

السلـــــــــــــــــــآم عليـــــكم

هيـــا جيت كي لعادة وجبتلكم أخبــار يا لطيــف
!!
تعرفوني فضايحية وموصيبة تاع هدرة ...
:shay:
هذا يا سيدي خويا الصغرون تاعنا حمدودي ربي يحفظو خبطاتو طوموبيل في الحقيقة هو لي خبطها مش هي هههه
ماتفرحوش والله مازالو يعيش علابالي ضرك تقولو الطفلة سويسيدات على جال خويها وأخيرا تهنينا منها مي لالا الحمد لله مازالو يعيش ومازال أنا تاني ماسويسيديت ...\

انا مش جاية نقوللكم عالخبر التعيس
!! و المفرح بالنسبة لخويا باه مايروحش يقرا
لالا جاية باه نحكيلكم على مشكل ظهرلنا في النص ؟؟
حنا متعودين كي تصرا حاجة مش مليحة نوزعو حلوى والا المهم صدقة كيما نقولو دفع بلاء مي قالولنا بلي هذي من البدع ولا تجوز؟؟ حنا ناوين الصدقة لوجه الله شكر لأنو خويا منع..
مي طبعا تعرفو عندنا في الجزاير 35 مليون مفتي مفتية الي يجي يحلل ويحرم ويقوللنا ماكانش منها؟؟
تخلطت الحسابات ودخلت العائلة السعيدة في دوامة حرام وحلال ومافهمنا فيها والو
هيا ضرك قولولي نتوما موالفين تخرجو صدقة كي تصرالكم حوايج مش مليحة ؟؟
حنا طول حياتنا نخرجو مي المرة هذي وقفولنا الناس في النص ...\
هيا لاول مرة في حياتي ندير موضوع قصير ؟؟ نورمالمون ندي فيها شوي تقييمات لكان حبيتو احم احم
هيا تهلاو في الميضوع و دعواتكم لخويا لعزيز بالشفاء العاجل باه يروح يقرا ومايبقاش يغير فيا على لقراية ههه
ميرسي بوكو بوكو ماتش
سلــــــــــــــــــــــــآم

 
أهلا بيك ميمي
سلامة الراس والحمد لله على السلامة
خلي يروبوزي شوي ههههه
حتى العادة هذي انا ثاني نسمع بيها والوالدة تاعي ديما في فمها هذ الكلمة
كي تصرا حاجة تضرب لمثل وتقول المعروف ألي تمدو زيدو
يعني مد الصدقة ...
والصدقة معروفة تدفع البلاء وتطفىء غضب الرب، وتداوي المريض بإذن الله
وفي كل هذا ورد حديث ...

يعطيك الصحة

+ تقييم
 
على سلامة راسو ختي
انشاء الله راه بخير
حنا تاني ديما كي تصرى عدنا كاش حاجة نخرجوا صدقة عليها
و هكا كيما قلتي تدفع البلاء .....
 
على سلامتو
اغلب جزائريين يخرجو صدقة كي تصرا حاجة
وانا تبانلي صدقة حاجة عادية بلا مانكثروا الفتوة
 

و عليكم السلام أختي
على سلامة خوك و ربي يشافيه
صحيح هذي العادة موجودة في كل الجزائر , و لكن الأصح هو إخراج الصدقة قبل ما يحدث البلاء , كيما جا في الحديث النبوي ( باكروا بالصدقة فإن البلاء لا يتخطاها )
يعطيك الصحة على الموضوع + تقييييم على الطرح الجميل
 
slt
على سلامتو خوك .... هذيك هي الفايدة كيما جاتو خفيفة برك
ربي يشفيه ان شاء الله

 
السلام عليكم اختي وسلامة راس خووك
اما بخصوص موضوعك ايه حنا موالفين كي تصرا حاجة ماشي ملييحة نخرجوا وعدة زعما يقولك نخرجوها صداقة
وشفتها تاني العايلة تاعي ديرها ماشي مرة ماشي زوج
مي اختي باه نفتي علييك ولا علييهم ونقولهم حرام منعرف
تقبلي مروري المتاوضع اختي
كانت معاك محبة الورد من وراء ليكرون
 
أهلا بيك ميمي
سلامة الراس والحمد لله على السلامة
خلي يروبوزي شوي ههههه
حتى العادة هذي انا ثاني نسمع بيها والوالدة تاعي ديما في فمها هذ الكلمة
كي تصرا حاجة تضرب لمثل وتقول المعروف ألي تمدو زيدو
يعني مد الصدقة ...
والصدقة معروفة تدفع البلاء وتطفىء غضب الرب، وتداوي المريض بإذن الله
وفي كل هذا ورد حديث ...

يعطيك الصحة

+ تقييم
ياخاه على يروبوزي السيد صدق روحو خلاس وليت خديمتو ياه نندب
أرواحي ديريلي لبوندا ريقليلي لمخدة جيبيلي الدوا ووووو شاب راسي في النهارين هذو
و عالخر يخرج يشري و يجي نورمال لباس عليه يمرض غير كي يشوفني أنا ههه الميكرو ولا حرام عليا ليوم باه تنفست شوي و راح خطاني ههه
ميرسي ليك بزااااااااف خيووو عالتقييم نورتي الميضوع خويا
 
على سلامة راسو ختي
انشاء الله راه بخير
حنا تاني ديما كي تصرى عدنا كاش حاجة نخرجوا صدقة عليها
و هكا كيما قلتي تدفع البلاء .....
الحمد لله راهو عايش و أنا لي وليت مطايشة هه
الحمد لله لي راهو بخير وخلاس ميرسي على مرورك خيتو نورتي الموضوع + يعطيك الصحة

 
على سلامتو
اغلب جزائريين يخرجو صدقة كي تصرا حاجة
وانا تبانلي صدقة حاجة عادية بلا مانكثروا الفتوة
ايه شفتي أنا هذي هي لي حيرتني زعما لي يجي يديرلك فتوى ماتلقاي راسك من رجليك
ميرسي ليك بزاااااف أختي عالمرور
نورتي الموضوع
سلام

 
و عليكم السلام أختي
على سلامة خوك و ربي يشافيه
صحيح هذي العادة موجودة في كل الجزائر , و لكن الأصح هو إخراج الصدقة قبل ما يحدث البلاء , كيما جا في الحديث النبوي ( باكروا بالصدقة فإن البلاء لا يتخطاها )
يعطيك الصحة على الموضوع + تقييييم على الطرح الجميل
آمين يا ربي ويزرب يرتاح يخطيني شويا ههه
ربي يخليك عالتقييم الحلووو بزاااف كيما مولاتو
تعيشي ختيتي نورتي الموضوع بمرورك الجميل
 
slt
على سلامتو خوك .... هذيك هي الفايدة كيما جاتو خفيفة برك
ربي يشفيه ان شاء الله

آمين ربي يشافيه ان شاء الله
شكرا عالمرور بالموضوع

 
حنا عندنا نديرو واحد النوع نتاع سكسو بلا مرقا يتفور بلجاج والبيض المشرشم وندّيوه للجامع نسيموها الوعدة.
سلامتو وطهور إن شاء الله.

وما تخميش تسويسيدي راكي في دزاير كوليوم مسويسيديا.
+++++
 
السلام عليكم اختي وسلامة راس خووك
اما بخصوص موضوعك ايه حنا موالفين كي تصرا حاجة ماشي ملييحة نخرجوا وعدة زعما يقولك نخرجوها صداقة
وشفتها تاني العايلة تاعي ديرها ماشي مرة ماشي زوج
مي اختي باه نفتي علييك ولا علييهم ونقولهم حرام منعرف
تقبلي مروري المتاوضع اختي
كانت معاك محبة الورد من وراء ليكرون
وعليكم السلام والرحمة خيتوووو لعزيزة
ربي يعيشك نورتي بمرورك الجميل ختيتي لعزيزة
الحمد لله لي منع برك انا تاني نكره الفتاوي بزاف مي تلقايها محتمة باه ماتطيحيش في الحرام
ميرسي بزاف خيتو
 
أهلا أسمووووووش
جمد لله على سلامتو يا رب
ربي يشافيه نشالله

ايه بالنسبة لموضوعك
عندك الحق لي زالجيغيان فيهم
عادة و مانضنش كاين عند ناس أخرين
" الفتوة "
لي يجي يفتي
مي أنا نضن كلش على حساب النية تاعكم
و ربي يتقبل منكم صالح الأعمال


شفتي ردي خرج كتر من الموضوع
ههه

قبل ماننسى تستاهلي أحلى
تقييمــ
 
مادامني مانيش مفتي
مانقدر نقولك والو


صحيتووو
 
على سلامتو و ربي يشافيه في أقرب وقت

و بالنسبة للصدقة جابلي ربي عادي و الله أعلم احنا دايما نديروا المعروف يعني الصدقة

 
السلام عليكم ورحمة الله وبركاته
الحمد لله على سلامة خوك
وي انا تاني نسمع بيها تاع دفع البلاء
وديفوا بلا ما تصرا حاجة يمدو هكا لدفع البلاء
وفي مجتمعنا كيما قلتي الناس كل تحلل وتحرم
مالاالي راح يمد حاجة يحطها في جامع ولا كاش حاجة هك
وكيما نعرفو انما الاعمال بالنيات
يعطيك الصحة على الموضوع
+ تقييم
 
انحنا عندنا في دارنا الي تسرالو حاجة اومنام خايب يخرج معروف
 
الحمد لله على سلا مة اخوك خليه يغني الاغنية غدوة مانقر اوش
حنا ثا ني عدنا الفكر ة كي يصر ا شئ موش مليح ولا نشوفو المنام موش مليح نخر ج معر وف يدفع ا لبلا ء ور بي هو الستار
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top