الادارة تاع بلادنا ....كوارث على المباشر

[chemssou007]

السلام عليكمـ
حابين نبدلو مواضيع شويـ لمواضيع أكثر جدية
بسم الله


أزمة البطالة حاجة ما يشكشـ فيها زوج مهما كانت المسببات تاعها الا أنو البعض يتحملـ مسؤولية عدم ايجادو لعمل و وظيفة
واحد معاود سبعين خطرا و جامي قرا في حياتو يعني عام يدز في عام حتى دا شهادة تاعو
و هو في راسو فارغـ
تهدر على أتفه حاجة ما يقدرش يجاوبك كيفاه نخدمو، بصح كثر خير المعريفة و الكتافـ
الشاب الجزائريـ يضل يندبـ و يشكي الخدمة ماكانشـ و كي ربي يكتبلو خدمة مسقما يولي يبوانتي و يخرج و يخلي خدمتو ما يديرهاشـ
يدخل الصباح ديجا روطار يبدا يقرا الجرائد و على العشرا يقولك نروح نجيب قهوة
يروح ممبعد يتغدىـ ما يوليش للساعتين تاع العشية
و يا ربي لا خدم 2 سوايع مع بعضاهمـ
أما الشابة الجزائرية فماكان علاه نهدرو المكتب أصبح غرفتها الخاصة سيرتو اذا داروها مع بنات كيفها سكر الباب و احكي و قالي قتلك
ملف تاع ساعة يخدموه في سمانة
ورقة تاع دقيقة يخدموها في نهار

و هذا المال لي راهم يكسبو فيه حلال و لا حرام.؟؟؟؟؟؟؟؟؟؟؟؟؟

على كل حالـ راكم كامل تشوفو
نصيحتي ليكم كامل لي راكم تقراو اقرا بقلبكم كي يلحق وقت الخدمة ربي يسهللكم
و حاولو تثقفو ثقافة عامة هي لي راح تساعدكم في الحياة العامة و العملية
و نأكد على اللغات الاجنبية و الاعلام الالي
+
نصيحة من جانبـ آخر
الطفلة ضرك لي حاكما قدرها و محترمة و متمكنة بالسيف باه يخدموها
أما هاذيك لي لابسا نص تريكو و ربع شورت هاذيك اهلا و سهلا تنورنا الشركة
+
نصيحة
تحب ربي يعينك و يسهلك عاون الناس و حل الابواب في وجوههم
عاون و انسى و ما تهدرش


ربي يجيب الخير


تحيـــ chemssou007 ــــات


((ما تنسوش شويـــ تقيـــيــــــ....))
:shay:​

 

[adelskikda]

ماتنساش خويا شمسو الخدمة داوها لبنات هما لي حاكمين كلش في اي بلاصة لبنات اكتر من الرجال غير فالمسجد وربي يهدي من خلق .........................شكرا على الموضوع

 

[chemssou007]

ماتنساش خويا شمسو الخدمة داوها لبنات هما لي حاكمين كلش في اي بلاصة لبنات اكتر من الرجال غير فالمسجد وربي يهدي من خلق .........................شكرا على الموضوع

كي كنت نخدم في واحد الشركة الخاصة جا واحد من عنابة في مهمة عمل
رحنا لعدة شركاتـ من أجلـ بعضـ الاعمالـ الروتينية
قالي يا صحيبي عندكم الولاد ما يخدموش خلاص
راهي معمرة غير بنوتـ
و الله كون جاو يخدمو معليشـ نهار كاملـ و هوما يحكو في الخدمة فلان دار و فلانة مادارتش الا من رحم ربي​

 

[zagane]

السلام عليكم

باراك الله فيك
في الإدارة تصبح مذلول أمام إلي يسوى و إلي ما يسواش

 

[chemssou007]

السلام عليكم

باراك الله فيك
في الإدارة تصبح مذلول أمام إلي يسوى و إلي ما يسواش

و عليكم السلام
عندك الحق في حاجة بصح العبد يدير لروحو قيمة يقيموك بالذراع​

 

[محبة الورد]

اولا السلام عليكم اخي
ثانيا هي يعني ذركا الخدمة ولات غير بالمعريفة والاكتاف حتى لو معندكش المعريفة جيبك هو لي يهدر ويدير كل شي
وكيما قلت تلقى واحد فاني عمرو كامل باه يقرا مسكين ويتخرج وفالاخير ميلقاش خدمة على مستوى التعليم تاعو ..ويجي واحد اسمو ميعرفش يكتبو اون فرونسي يشدلك بيرو ويدي في شهرية الله الله ويزيد يتكسل على الخدمة في حين واحد مشتاق هاذيك الخدمة
الله يهدي ماخلق هذا ماكان خويا
تقبل مروري المتواضع اخي وكانت معك محبة الورد من ورا ء ليكرون هههه​

 

[chemssou007]

اولا السلام عليكم اخي

ثانيا هي يعني ذركا الخدمة ولات غير بالمعريفة والاكتاف حتى لو معندكش المعريفة جيبك هو لي يهدر ويدير كل شي
وكيما قلت تلقى واحد فاني عمرو كامل باه يقرا مسكين ويتخرج وفالاخير ميلقاش خدمة على مستوى التعليم تاعو ..ويجي واحد اسمو ميعرفش يكتبو اون فرونسي يشدلك بيرو ويدي في شهرية الله الله ويزيد يتكسل على الخدمة في حين واحد مشتاق هاذيك الخدمة
الله يهدي ماخلق هذا ماكان خويا

تقبل مروري المتواضع اخي وكانت معك محبة الورد من ورا ء ليكرون هههه​

عندك الحقـ حتى باه تجيب حقك اللي كفلهولك القانونـ لازم رشوة و كتاف و تشيات و و و و و
محبة الورد وراء ليكرون شكرا لك
و الاسم هو ورا ليكرون و لا اللقب
​

 

[ђĩหđǿĉħǻ]

و الله عندك الحق
الله يهدي الجميع
++++++ ت ق ي ي م
​

 

[chemssou007]

و الله عندك الحق

الله يهدي الجميع
++++++ ت ق ي ي م
​

بارك الله فيك ختي
و شكرا على التقييم نقلبوهالك مرة أخرىـــ
هههههههه​

 

[عاصفة الورود]

السلام عليكم ,,
صح الادارة تاعنا كوارث في كوارث
بلا ما نهدرو على الرشوة والمعارف هاذو باينين
زيد عليهم غياب الضمير المهني عند أغلب الموظفين ماخذين الخدمة على اساس برستيج مش مسؤولية
وهذي هي لي خلاتنا متخلفين وعالم ثالث ولا معرف بالاك أكثر ..
بلا ما نطول ,
ربي يهدينا وخلاص
جزيل الشكر أخي ,
سلام

​

 

[ملك اللمة]

و عليكم السلام ورحمة الله و بركاته
والله يا اخي الرزق بيد ربي سبحانو الى كان كاتبلك خدمة و الله لو كان يعفسلك فيها رئيس الجمهورية غير تجيك و الى كان ما هيش كاتبتلك و الله يا لو كان يجريلك فيها اوباما ما تجيك و ربي يسهلنا لخدمة لي رزقها حلال المهم الانسان يسعى ما يرقدش ....و سلام

 

[مينة آلاء الْقُدُّوس]

حالياً الأعضاء النشيطين الذين يشاهدون هذا الموضوع : 10 (8 عضو و 2 ضيف) ‏مينة آلاء الْقُدُّوس, ‏adelskikda, ‏لا أبالي بكم, ‏ملك اللمة, ‏مابقاش بزاف.Dz, ‏DARINE05, ‏عاصفة الورود, ‏عفاف الجزائرية
وعليكم السلام ورحمة الله تعالى وبركاته
الله يبارك هادو كامل في موضوعك

اول شيئ على سلامتك
موضوعك فالصميم عندك الحق في واش قلت الناس مولاتش تخدم في خدمتها ومرات ماعندها حتى علاقة بالثقافة تلقاهم هكا يروحو يسينيو برك كيما قلت ورقة يخرجولك فوادك على جالها غير القصرة والتمصخير والتمنشير ويحوسوا لاباي تزيد وإذا كاشما صرا هوما اول المضربين هاذا كامل إلا من رحم ربي
ربي يوفقك خويا شمسو ....

 

[chemssou007]

السلام عليكم ,,

صح الادارة تاعنا كوارث في كوارث
بلا ما نهدرو على الرشوة والمعارف هاذو باينين
زيد عليهم غياب الضمير المهني عند أغلب الموظفين ماخذين الخدمة على اساس برستيج مش مسؤولية
وهذي هي لي خلاتنا متخلفين وعالم ثالث ولا معرف بالاك أكثر ..
بلا ما نطول ,
ربي يهدينا وخلاص
جزيل الشكر أخي ,
سلام ​

البريستيج و شوفوني راني هوما لي خلاو الجزائريين لور
و علابيها في الفساد و الرشوة و غيرها حنا الاوائل في العالم بـاحصائيات رسمية
وش راح ديريـ ختي هذي هيا بلادنا
بارك الله فيك
سلام​

 

[chemssou007]

و عليكم السلام ورحمة الله و بركاته
والله يا اخي الرزق بيد ربي سبحانو الى كان كاتبلك خدمة و الله لو كان يعفسلك فيها رئيس الجمهورية غير تجيك و الى كان ما هيش كاتبتلك و الله يا لو كان يجريلك فيها اوباما ما تجيك و ربي يسهلنا لخدمة لي رزقها حلال المهم الانسان يسعى ما يرقدش ....و سلام

هذيـ حاجة باينا المكتوبـ كون نهدرو بالمكتوب ما نحوسوش
مي لازم العبد يسعى و يحتج و يخدم و يتعب و و و و و
تحيـاتي خويا​

 

[chemssou007]

حالياً الأعضاء النشيطين الذين يشاهدون هذا الموضوع : 10 (8 عضو و 2 ضيف) ‏مينة آلاء الْقُدُّوس, ‏adelskikda, ‏لا أبالي بكم, ‏ملك اللمة, ‏مابقاش بزاف.dz, ‏darine05, ‏عاصفة الورود, ‏عفاف الجزائرية
وعليكم السلام ورحمة الله تعالى وبركاته
الله يبارك هادو كامل في موضوعك

اول شيئ على سلامتك
موضوعك فالصميم عندك الحق في واش قلت الناس مولاتش تخدم في خدمتها ومرات ماعندها حتى علاقة بالثقافة تلقاهم هكا يروحو يسينيو برك كيما قلت ورقة يخرجولك فوادك على جالها غير القصرة والتمصخير والتمنشير ويحوسوا لاباي تزيد وإذا كاشما صرا هوما اول المضربين هاذا كامل إلا من رحم ربي
ربي يوفقك خويا شمسو ....

خمسة في عينيك هههههههههههههههه
و عندك الحقـ وش قلتي
أحسنـ مثال على سوء التسيير و الادارة هو فيلم كرنفال في دشرة​

 

[redpearl]

نسيت حاجة ما قلتهاش وأكبر بلاصة يكتر فيها النفاق هي الادارات تاعنا
خدمت معاهم فترة صغيرة كرهت حياتي, من كثرة الvيد عندهم يضلو يقطعو في بعضاهم ويخلقو فالنمايم والمشاكل
الحمد الله يا ربي كي قرايتي ما تخلينيش نخدم في ادارة

ما عندك ما تقولهم خويا غير إذا يخافوا ربي صح يحللوا دراهمهم

سلام وشكرا على الموضوع

 

[homework]

مشكور خويا شمسوا على الموضوع
بلادنا بلاد معريفة و كتاف متستعرف لا بالديبلوم ولا بالغات و لا هم يحزنون تلقاها ماشي قري يخدم و القاري قاعد مسكين يعاني و حزين على عمروا لي فوتوا يقري و يندب
اما العمل الانسان لازم يحلل دراهموا باش ربي يحط فيهم البركة و لي يخدم حاجة يخدمها لوجه الله ولا ينتظر الشكر اذا شكرك الانسان يسقط الاجر

 

[Jeune Sghir Mc]

ويـــــــــــ
حبيبي
عندك حق
في كل كلمة

شووف
فالبلاد هنا
ليجان خلاولهم غير الدومان تاع الامن
يعني شرطة جوندرام عسكري
راك عارف

وطبعا البيرووات يمدوهم للفتيات
صاحبات الجين سيري والجيـp ميني
يزهاو معاهم شويا

والعقوبة ان شاء الله
النسا يعودو يحكمو فالبلاد
صافي كاش نهار اذا سمعتهم يقولو
رئيسة الجمهورية ماتحيرش
هوما لي جابوها لرواحهم




صحيــــــــــــت
​

 

[Jeune Sghir Mc]

الأحزاب لي تبان غير وقت الانتخاب
ولي تقريك علوم شريعة بلا حجاب





واش رايك فيهم

​

 

[chemssou007]

نسيت حاجة ما قلتهاش وأكبر بلاصة يكتر فيها النفاق هي الادارات تاعنا
خدمت معاهم فترة صغيرة كرهت حياتي, من كثرة الvيد عندهم يضلو يقطعو في بعضاهم ويخلقو فالنمايم والمشاكل
الحمد الله يا ربي كي قرايتي ما تخلينيش نخدم في ادارة

ما عندك ما تقولهم خويا غير إذا يخافوا ربي صح يحللوا دراهمهم

سلام وشكرا على الموضوع

صح، و أنا راني مرسم في ادارة من الادارات يعني فهمتهم في العقلية من الاولـ
قتلهم
C'est Simple
Je Fais Mon Travail Du 8h A 17h Et Je Part
Autre Chose Je M'en Fou

مازادوش دارو بيا لضرك
+
العبد يخدك من و يدير شويـ تجارة من باه لا وجعو راسو يقولهم هاي ليكم

مرسي خويا​