معليش شويا من وقتكم ....

[sahiko hamza]

سلام عليكم ورحمة الله


في منتدى اللمة من اول ماشاركت فيها كانت مشهورة بحرارة النقاش
الناس كاملة يقولو عليه منتدى مليح
منتدى نقاشي 100 %


اتشهر المنتدى أيامات بالاقسام العامة
كنت كي تدور وتدير مشاركات جديدة تسيب غي المتديات العامة لي فيها مشاركات وتفاعلات
كل مرة يهيج قسم

ومن بعد راح وبدينا نسمعو في سكاتو ليه خاطر الناس كامل راحت للكوزينة نقصد هنا بأقسام الطبخ وكي كثرو لبنات هنا عادت أغلبية المشاركات في أقسام البنات لي ماتتحسبش ...

كلها حاجة خير للمنتدى
كل مايزيد التفاعل كل مايزيد الخير للمنتدى والخير راه راجع ليكم انتم ...

بصح الحاجة لي دوختي عندها عام هي كي ندخل لموضوع ونقرى نشوف بلي غاب النقاش كليااااا


الواحد يتخبط في موضوع ويكتب و و و و و فالتالي يدخلو يقلو شكرا ولا اييييييييييييييه ربي يهدي ويفوت .....

فالكوزينة تشوفي غي صحيتي .... باينة مليحة .... تجنن ....... تقول اك تشوف في تصاور
علاه ماتجربيهاش وتقولي في واش غلطتي ولا كيفاه جات اوموا حتى لي مادرتهاش تديرولها كوراج باه تدير هذيك الوصفة ....

وزيد وزيد .....


خلاصة الموضوع انو النقاش بدا يغيب عن المنتدى بصراحة

نتمنى اني نشوف تفاعلات في كل المجالات وسيرتو هاد القسم راه يحتاجنا كامل
وكيما يقلك مول التاج ويحتاج ...



انا فرغت قلبي وهل يا ترى راكم سمعتوني ولا لا


ولو راك مارديتش المهم انك فهمت واش قلت ..



​

 

[dana1993]

wi c vré
nchlh tarja3 lama ki 9bal w yarj3ou hbabna li ghabou
bn idé hkoya nrml

bn couraj

mrc​

 

[radia yoyo]

وضع المنتدى اولا خدمة للعضو
وليس العكس
فاي مكان يلقى العضو راحتوا فيه فالمنتدى حقق نجاح
​

 

[بيكهام]

سلام عليكم
اكيد المنتدى في خدمة الاعضاء والاعضاء في خدمة المنتدى ان احتاج اليهم
ان شاء الله نشوفو اللمة ترجع كيما ايامات زمان بمواضيع النقااش
وبعضائها المميزين
الف الف شكر حمزة موضوعك في الصميم
تحياتى لك
​

 

[ROMAISSA alg]

oui sah .. kayan mnha ana wa7da kont msajla mn9baaaal w nsit le mot passe ki wlit doka tbadl kamale lmontada
nchelh ywali kima kan

 

[sahiko hamza]

wi c vré
nchlh tarja3 lama ki 9bal w yarj3ou hbabna li ghabou
bn idé hkoya nrml

bn couraj

mrc​

مارسي عليك نورمالى ...:-h
​

 

[بنت الـ25]

نقطة مليحة تطرقت ليها حمزة :up:
لكن الحقيقة انك متقدرش تجبر الأعضاء على النقاش
أو دخول الأقسام الخاصة به :s
أو تنهاهم على وضع ردود مثل" شكرا.. مليح ... بارك الله فيك" خصوصا في المواضيع النقاشية

ممكن بين فترة وفترة نوضعو مواضيع تحفيزية كيما هدا
باش نشجعو الأعضاء اكثر على التفاعل مع بعض بالنقاش

هاد الظاهرة كذلك ترجع لذكاء العضو في طرح مواضيعه
كاين مواضيع مثلا تجبرك انك تتناقش (تكون استفزازية بطريقة إيجابية)
:up:
راني معاك لما قلت انو قسم فرغ وش كاين في قلبك يحتاجنا كامل
لكن هاد الفترة اللمة في مرحلة إعادة الإحياء (ملقيتش تعبير أخر ههههه:-r)
ان شاء الله لما تمر فترة لا بأس بها ويرجعو كامل الأعضاء الفعالين رايحة تتبدل الأمور
والله من وراء القصد

الف تحية ليك حمزة
:regards01:
​

 

[كنزة]

Ana mandourch ga3 bel couzina
Ndir mawadi3 ta3 sport
Real Madrid ou barkk hhh
​

 

[la_safa]

السلآم عليكم ,,

عندكـ حق في كلآمكـ ,, مآ نكذبش عليكـ الوآحد سآعآت تجيه فترآت
مآ يقدرش مآمبآ يرد كي تولي مآكش مليح ولآ ,,
و سآعآت تجيك النفحة تولي تسوطي من ركن لركن فرحآن :d

بصح كآينة حآجة الوآحد كي يشوف النآس كآمل تتفآعل مع حآجة
يزيد ينفحلهآ هو ثآني , أمآ كي تلقى النآس كآمل رآقدة ترقد معآهم
و هآذي كآينة منهآ و رآنآ نشآهدوهآ اليوم في منتدآنآ ,,
+
كآين انسآن يطرح موضوع بطريقة خآصة تجلب الاعضآء
و هآذي لي نحبوهآ نحنآ نحبو التميز في كل موضوع بآه حتى الرد يجي متميز ,
+
في هآذي الفترة اللمة في حآلة انعآش و الردود قلت و الموآضيع الهآدفة
كيف كيف قلت و التفآعل قل و كآين أعضآء قدم و مميزين غآبوا ,
و ان شآء الله خطوة بخطوة نرجعو كيمآ كآنت بكري ,

مشكور حمزة عالموضوع
ان شآء الله يسمعولكـ .. ~

​

 

[nassim007]

نعم حمزة النقشاشات نقصت بزاااااااااف مابقاتش اللمة كي بكري

مام غابو من أضاء عزاز علينا بزاف ان شاء الله يرجعولنا ونزهيوها كي بكري

 

[امورة المنتدى]

ليـ عووودة للرد اخي حمزة ​

 

[sahiko hamza]

وضع المنتدى اولا خدمة للعضو
وليس العكس
فاي مكان يلقى العضو راحتوا فيه فالمنتدى حقق نجاح
​

نعم نعم عندك الحق
وهذي هي احنا مادابينا الافضل لرواحنا
صحيتي اختي على مرورك :up:
​

سلام عليكم
اكيد المنتدى في خدمة الاعضاء والاعضاء في خدمة المنتدى ان احتاج اليهم
ان شاء الله نشوفو اللمة ترجع كيما ايامات زمان بمواضيع النقااش
وبعضائها المميزين
الف الف شكر حمزة موضوعك في الصميم
تحياتى لك
​

هيا حسام خويا
صحيت :regards01:
​

oui sah .. kayan mnha ana wa7da kont msajla mn9baaaal w nsit le mot passe ki wlit doka tbadl kamale lmontada
nchelh ywali kima kan

بارك الله فيك وراكي مرحبا بأي عضوية تسجلي بيهــا :p
​

 

[فتاة حساسة]

hاني معاك في هادي

 

[sahiko hamza]

يمنع رفع المواضيع لي جاز عليها آخر رد 3 آشهر .
​