ينعل بوك يا الفايسبوك

[saralg]

السلام عليكم اختي الغالية

اولا انت كنت غالطه مين حبيتي تسييه جابلي ربي هادي ماشي عفسه مليحا

+ هادو هوما الشباب يموتو على التمسخير بلبنات منيش نقول ماراهوش غالط مي مام نتي غلطتي

و ننصحك ماتزيديش تكبري المشكل اكثر و تخسري حياتك على جال الفيسبووووك

تحياتي​

 

[hiba14]

نو نو انا ضد اللي قالو علاه سييتيه ما نكدبش عليك كون انا ما نسييهش بصح انت درت بالراي و هاديك نيتك اللي خلات ديري هكاك
المفيد الغلطة تكون تكون شاهي مهما حكيتيلنا ما غاديش نعرفو قاع لي ديتاي مالا ما تتقلقيش و عرفي وين تحطي كرعيك و ربي هنيك

 

[شجـ الروح ـون]

سلام عليكم


نتي صرات معاك ممكن بالصدفة
لكن ما تقدريش تتهميه بلي شرير ولا عينو زايغة
النت يقعد توجورافتراضي مافيهش الصح
كامل ناس تدخل تكسر الروتين في النت وتحب تقصر
ماتقدريش تحاسبيه على هادي
ممكن الفراغ نتاعك برك:d خلاه يدكالي شويه
ويعمل محاولة طيران :p

في الاخير ربي يهنيكم ان شاءالله وساعفيه في كل الاحوال راه بن الجنس نتاعي ربي ينجينا من الكمين هدا :p

​

شوفي يا اختي
وشهد شاهد من اهلها
انا قلتلك صلي صلاة الاستخارة واكيد ربي راح ينورلك طريقك
واللي فيها الخير ان شاء الله يكتبهالك سبحانه
صحيح كلامي وكلام الخاوة زايد ناقص
لكن نقولك كلمتين في خاطري
انتي راكي تحوسي على راجل مثالي
مايغلطش ومايشوفش .ووووو.......
هذا المستحيل في حد ذاتو حبيبتي
الراجل طبيعتو متطلب
ولازم عالمراة تحتويه وتوفرلو كل متطلباته
باش تتجنب اي خرجة غير متوقعة
السيد هذا خطيبك وممكن حتى راكم مفتحين يعني راه زوجك
راكي بطلتي وفسختو الخطوبة
وجاك اخر وعاودتي نفس اللقطة وكانت نفس ردة الفعل
واش راح تديري ؟
ماشي يولي لعب ذر....وما يبقى فيها لا كبير لا صغير ؟
هاد الناس اللي ردو قبلي علاه ماتسامحوش ؟
انتم عمركم ماغلطتو ولا بحال ملايكة ؟
وانتي يا اختي عمرك ماغلطتي في حق خطيبك لا بكلمة لا بنظرة ؟
انا هكدا نشوف
واكيد ممكن نكون غاااااااااالطة ومراني فاهمة والو فهاد الدنيا
وممكن خاوتي يشوفو في حاجة غايبتلي انا
لكن اللي عندي قناعة بيه
انو المراة تحتوي زوجها
وهي وقفازتها وهي ونيتها.......
المراة الشاطرة هي اللي تحكم في راجل وتعدلو وتصححلو غلطاتو
وتخليه ما يشوفش لبرا
ماش اللي تبدل راجل كل يومين
والباقي عندكم
وسامحيني عالثرثرة هدي
كيما قتلك ماحبيتش نخليها فخاطري
وانت ادرى
واخيرا واخيرا
الصلاة وما الصلاة والدعاء
وماتنسيش المشورة
شاوري اللي كبار وشايفين الدنيا
وربي يهنيلي اختي
ويصفي القلوب ان شاء الله
​

 

[siimo]

شوفي يا اختي
وشهد شاهد من اهلها
انا قلتلك صلي صلاة الاستخارة واكيد ربي راح ينورلك طريقك
واللي فيها الخير ان شاء الله يكتبهالك سبحانه
صحيح كلامي وكلام الخاوة زايد ناقص
لكن نقولك كلمتين في خاطري
انتي راكي تحوسي على راجل مثالي
مايغلطش ومايشوفش .ووووو.......
هذا المستحيل في حد ذاتو حبيبتي
الراجل طبيعتو متطلب
ولازم عالمراة تحتويه وتوفرلو كل متطلباته
باش تتجنب اي خرجة غير متوقعة
السيد هذا خطيبك وممكن حتى راكم مفتحين يعني راه زوجك
راكي بطلتي وفسختو الخطوبة
وجاك اخر وعاودتي نفس اللقطة وكانت نفس ردة الفعل
واش راح تديري ؟
ماشي يولي لعب ذر....وما يبقى فيها لا كبير لا صغير ؟
هاد الناس اللي ردو قبلي علاه ماتسامحوش ؟
انتم عمركم ماغلطتو ولا بحال ملايكة ؟
وانتي يا اختي عمرك ماغلطتي في حق خطيبك لا بكلمة لا بنظرة ؟
انا هكدا نشوف
واكيد ممكن نكون غاااااااااالطة ومراني فاهمة والو فهاد الدنيا
وممكن خاوتي يشوفو في حاجة غايبتلي انا
لكن اللي عندي قناعة بيه
انو المراة تحتوي زوجها
وهي وقفازتها وهي ونيتها.......
المراة الشاطرة هي اللي تحكم في راجل وتعدلو وتصححلو غلطاتو
وتخليه ما يشوفش لبرا
ماش اللي تبدل راجل كل يومين
والباقي عندكم
وسامحيني عالثرثرة هدي
كيما قتلك ماحبيتش نخليها فخاطري
وانت ادرى
واخيرا واخيرا
الصلاة وما الصلاة والدعاء
وماتنسيش المشورة
شاوري اللي كبار وشايفين الدنيا
وربي يهنيلي اختي
ويصفي القلوب ان شاء الله

baraka llahou fiik okhtii mémee anaa ranii m3aak f klamakk..matakdarch tahhakmii 3liih ghi 3la jal hadd sabba meechi kafyaa balak houwa hdar m3ahaa mecchi b nya ta3 rah baghiiha ...khassak ta33arfii kifaach tchaddii rajlakk likk w tkhalliih mennak maymal..zidi tyaa chawrii waldiikk houma adra b maslahtaak rabbi yjiib mafih l khiirr
​

 

[iméne09]

حنونة ماتتقلقيش مايدوملك والو غير صحتك ماتبكيش على رجال ابكي على صحتك ادا راحتلك انتي شريتي قلبو وهو باعك بساهل فايسوك هم بصح لوكان كي قلتيلو بلي انتي نورمالمون مايكدبش عليك ويقولك شفتها لوليد عمي هنا جيح روحو كان قادر يستعرف بغلطة ديالو هكدا تتفاهمو بلاك تلقاو سولـuـسيون مي قبل ماتدي اي قرار وتندمي عليه خممي مليح بصح نقولك لوكان هو لي تاستاك لوكان راهو صرا ماصرا ويحبس منك مي كي جات من عندو يبدا يرقع فيها بسبايب pــوغ موا مانقدرش نسامح لي يخدعني مكاش حاجة توجع قد لخديعة حتى لوكان تكون في النت لي يقدر يخدع مرة وطيحي من قيمتك وتسمحيلو يجي نهار لي يعاودها لوكان كان صح يحبك يشد غير فيك وماتغرو حتى وحدة ماشي هوا لي جا يديه
وربي يكون معاك ان شاء الله مايكون غير الخير ​

 

[═♥.ЈŪšť_ màn.♥═]

yaaaaaa 3ameriiiiiiiii
emmmmmmmm baiine mais hadii hiiya
netii 3elach tesayIIIII !! ^^

 

[ماكانش]

.
.
.
هاد الناس اللي ردو قبلي علاه ماتسامحوش ؟
انتم عمركم ماغلطتو ولا بحال ملايكة ؟
وانتي يا اختي عمرك ماغلطتي في حق خطيبك لا بكلمة لا بنظرة ؟
انا هكدا نشوف
.
.
.

​

اهلا بيك شجون
الراجل يغلط ولكن قبل الزواج والخطوبة
ماقلناش انو لازم تخيري خطيبك مايغلطش ومايشوفش وو
ولكن بعد ما خطب ولا تزوج خلاص اللعب والغلطات هاذو غير مقبولة وغير مسموح بها
صح ربما يغلط يشوفن اما يغلط علاقة وناوي ايدير ويبدا في علاقة وهو مرتبط هذي خيانة كبيرة وغلطة عظيمة
والمتزوج ويغلط الإسلام دارلو حد القتل ، أي ماهيش ساهلة يا شجون ....
​

 

[شجـ الروح ـون]

اهلا بيك شجون
الراجل يغلط ولكن قبل الزواج والخطوبة
ماقلناش انو لازم تخيري خطيبك مايغلطش ومايشوفش وو
ولكن بعد ما خطب ولا تزوج خلاص اللعب والغلطات هاذو غير مقبولة وغير مسموح بها
صح ربما يغلط يشوفن اما يغلط علاقة وناوي ايدير ويبدا في علاقة وهو مرتبط هذي خيانة كبيرة وغلطة عظيمة
والمتزوج ويغلط الإسلام دارلو حد القتل ، أي ماهيش ساهلة يا شجون ....
​

شكرا سفيان
راني معاك وكلامك صحيح ولا غبار عليه
اكيد انو الخيانة ابشع شي فالكون
وانا لوكان زوجي يخوني نطبق عليه الحد بيدي....
لكن راني نشوف فالحكاية هنا مختلفة
واحد مراه عارف نية السيد هدا واش كانت
وواحد ماحكم عليه الخيانة.....
ماتقيسش على روحك سفيان
كاين ناس ماتعرفش تتصرف
وماتعرفش وين تحط رجلها
انت في رايك نفهموه واش الصح ولا نبدلوه ؟
واكيد انتم ادري.....
​

 

[ماكانش]

شكرا سفيان
راني معاك وكلامك صحيح ولا غبار عليه
اكيد انو الخيانة ابشع شي فالكون
وانا لوكان زوجي يخوني نطبق عليه الحد بيدي....
لكن راني نشوف فالحكاية هنا مختلفة
واحد مراه عارف نية السيد هدا واش كانت
وواحد ماحكم عليه الخيانة.....
ماتقيسش على روحك سفيان
كاين ناس ماتعرفش تتصرف
وماتعرفش وين تحط رجلها
انت في رايك نفهموه واش الصح ولا نبدلوه ؟
واكيد انتم ادري.....
​

اهلا شجون
كيفاه ماناش عارفين نية السيد والطفلة تقلو نتا خاطب وهو يقول لالالالالالالا قاتلك سطر طويل ههههههههه
وتقلو نديرو علاقة ويقلها هيه ن وقاتلو اعطيني نيميروك مدهولها ؟؟؟؟؟
هاذا ماناش عارفين نيتو ؟؟؟؟؟؟؟؟؟؟
باينة يا شجون نيتو ن ونحكمو عليه بالخيانة

انا رايي هذا امر مافيهش غلطة ومادامها غير مخطوبة مايجيش منو الخير وتبطل عليه لنو ماهوش راجل ألي تثيق فيه .......

يبقى رايي
​

 

[samora20]

الحمد لله معنديش فايس بوك ومرنيش حابة نديره

 

[شجـ الروح ـون]

اهلا شجون
كيفاه ماناش عارفين نية السيد والطفلة تقلو نتا خاطب وهو يقول لالالالالالالا قاتلك سطر طويل ههههههههه
وتقلو نديرو علاقة ويقلها هيه ن وقاتلو اعطيني نيميروك مدهولها ؟؟؟؟؟
هاذا ماناش عارفين نيتو ؟؟؟؟؟؟؟؟؟؟
باينة يا شجون نيتو ن ونحكمو عليه بالخيانة

انا رايي هذا امر مافيهش غلطة ومادامها غير مخطوبة مايجيش منو الخير وتبطل عليه لنو ماهوش راجل ألي تثيق فيه .......

يبقى رايي
​

:regards01::regards01::regards01:

:surrender01:
​

 

[Sẻl Mā]

الله يهدي هذا وش نقولو
مدام يقيم علاقات على الفيس بوك
اكيــــــــــــــــد وسيني عليها بالعشــرة رايح يخونك في المـــستقبل
بصح نتي تاني درتي جاست ماهوش مليح
علابالي بلي حبيتي تتأكدي ممنو بصح ماشي مليح تتختبريه
يعني ماكيش حاطة فيه الثقة
كون جيتي تحبيه و حاطة فيه كونفيونص ماتختبريهش
يـــــآك ؟
المهـــــــــــم
متقلـققيش روحك
تصصرفـــآت مرآهـــقة
ماعندك ماديريلو​

 

[kamaldz]

اسمحيلو على هدي ولي فيه الخير ربي يقدمو

 

[nina usma]

مشكورييييييين كاامل غدوة انشاء الله نرد على كل واحد ميرسي​

 

[touffik]

الله يجيب الخير:s

 

[nina usma]

اول حاجة لفتني العنوان
" ينعل بوك يالفيس بوك"
:d
منعرف راكي تلعني فالفيسبوك أون جينيرال ولا تنعلي فالساعة لي دخلتي فيها ليه واكتشفتي خداع خطيبك
كاين لي تاستيه فالتلفون وتكتشفي خداعو
تاني ينعل بوك يالتلفون؟:s
اللي يدير حاجة فالفيسبوك يديرها فالتلفون ولا برا فالشارع
الإنسان يحكمو اصلو ماشي حاجة اخرى :up:

لا علينا
ونرجعو للمهم
والله يا نينا ختي راني حاسة بيك هادا جرح كبير وميتغفرش بسهولة
عملتي مليح كي درتي هاد الهدة
هدا ربي سبحانو كي يحب يكشف عبدو
ميهمكش كان يتمسخر ببنت عمك ولا وش كانت نيتو
كون نتي لي درتي هاد الحاجة تتقلب عليك الدنيا وتخرج عليك الاشاعات
اما هو راجل نورمال وديجا مزال على بر الأمان ... وغيرها من الاعذار الواهية

احنا كامل عندنا فيسبوك ولكن الفيسبوك هدا ككل وسيلة اتصالية تفاعلية فيه عيوب وحسنات
ويكون على حسب وش يستعملو صاحبه سواء للخير ولا للشر

نجاوبك على سؤالك



مزال مكتبش ربي هاد لساعة
ولكن انا شخصيا منغفرش حاجة كيما هادي بسهولة هدا ادا خممت نسامح
كرامتي هي حياتي وهي آخر حاجة نسمح انها تنداس

منعرف لاكان تعجبك نصيحتي و لالا
لكن وحدة من صديقاتي المقربات صرات معاها نفس الحكاية والفيسبوك تاني
وكانت في كل مرة تسامح وتفوتها فالأخير "عفس " عليها (سامحيني على هاد التعبير)
والأنكى من هدا ولى كل ما طق في راسو يقلها راني بطلت غير انسايني
راهي لدرك تسوفري معاه بعدما خسرت كرامتها
ايا قوليلي من درك هكدا مالا ممبعد وشمن معيشة

طولت عليك حنونة سامحيني
تحياتي ليك
​

صباح الخير بنت قسنطينة

يا ختي انا نعلت الفايسبوك اون جينيغال خاطر هدا البغوبلام قطرة فالبحر خاطر وحدة نعرفها اكتشفت حيانة زوجها في هد الهم و قريب اطلقو

المهم مطولتيش عليا ختي عجبني ردك بزاف و الاكثر النصيحة

و و الله يا ختي غير فرحت كي راكو تعاونو فيا

الله يحفدك و يخليك​

 

[nina usma]

والله أختي ملقيت واش رايحة نقلك الانسان لراكي قبلتي أنو يشاركلك حياتك أسمحيلي على هدي الكلمة يطلع دري المهم انتي متتسرعيش في قرارك وزيدي شوفي مع روحك ونقلك حاجة أنا نشوف فيك كجربتيه خير كاين عباد يقولولك مهيش مليحة كيقولو الراجل والزمان مفيهم لمان أنا مخطوبة وجربتو مرة محبش يتعرف mais صدقيني والله عرفني أنا لمجرباتو علاه هو محبش يحكي ربي يهدي أختي​

يا ختي واحد خاطب و يدير هد العفسة ماشي غير دري

وعندك الحق الرجال و الزمان مفيهمش لمان

اونتوكا واش رايحا اندير ربي كتبها مي متخافيش ايدا وليت نعاود نسييه بكامل الطرق

كيد النساء:$

مشكورة ختيتي و علابالي بلي راكم حاسين بيا​

 

[nina usma]

السلام عليكم
اولا ختي الله يكون في عونك
ثانيا حتى نتي راكي غلطتي كي جربتيه هادي قلة كونفيونس هكا نفهموها
المهم اللي صار صار و نتي عرفتي قيمة هاد الانسان اللي مستحيل يكون صادق معاك منا و هاك و خان الثقة بيناتكم
واش نقولك ربي يعطيك الصبر و يعوضك ما خير منه
وشنو حبيت نسقسيك علاه تلعني في الفايسبوك؟
يعني خطيبك هو الخلاط و الخاين ما كان حتى علاقة بالفايسبوك
تقبلي مروري​

يعطيك الصحة على المرور ختي عفيفة

قلتها و نعاودها الفايسبوك هو السبة العبد كان مليح معايا من الوخدة هدا لي تعوج مين نعيطلو يقولي راني مشغول معى الفايسبوك

يا ختي على كي سييتو انا نضن حاجا عادية خاطر كنت متاكدة بلي موحال يخدعني مي ...الله غالب

:surrender01::cray02:​

 

[nina usma]

اما عن سؤالك نغفر و لا لا لخطيبي اذا عمل هكا؟
لا لا مستحيل
لانو هاد الانسان خطيبي و بين بينه عهد و كلام و عايلة يعني ماشي لعب و كي خاني صا فو دير كدب عليا و اهنني و حتى انو ما يحبنيش فكيفاه نغفر له
هذا راي الشخصي​

مشكورة كي جاوبتيني ختيتي و عندك الحق ​

 

[nina usma]

سلام
عجبني موضوعك وهذي هي الحقيقة رانا نشوفوها ونعيشوها
صح غلطتي كي جربتيه بصح هذي تكون خطوة بالاك دارهالك ربي تكشفيه قبل الزواج وحوايج اخرى
اون + تلقايه أكثر واحد يحكي على الكونفيونس ووو وفي الاخير هو اول واحد يخالف هدرتو
ماعليش اختي علاه ماتاكليش ياو صحتك هي الرسمي واحمدي ربي كي عرفتيه هااكا
وربي يعوضك على قد نيتك
يعني مانيش ضد الرجال بصح فيهم وعليهم
ونادرا مايكون واحد مليح
تهلاي في روحك مليح وصحتك هي الرسمي

زهرة البحر عجبني بزاف الرد ديالك يعطيك الصحة

و صح هدي هي الحقيقة انا كي كنت ندخل للفايس غير ندخل اعطيني النوميغو ديالك و و و ... بلا منحكي حتى قلت خطرا لختي راني حاسا بلي واحد ما خاطب و واحد مامزوج فهد البلاد:s:s

الله يهدينا برك​