مشكلة تعقد حيــآتي

[saralg]

السلام عليكم اخوتي الكرام
اليوم حبيت نشاركم بمشكلة هي صراحة بسيطة لكن رجعت ديرلي مشاكل في حياتي
المهم صلب الموضوع انا عمري 19 سنة من عائلة كبيرة الحمد لله ( كبيرة يعني عدد الافراد ههه)
المشكل انو انا ديما وحدي :-o oui هادا هو المشكل !!
انا بعيدة عن عائلتي معضم ايام السنة بحكم اني ادرس في مدرسة داخلية بعيدة عن البيت
ماعنديش اصدقاء ابدا بتاتا !! بمعنى الكلمة و هادا مايشكليش مشكل نحس روحي مرتاحه كي نكون وحدي
و لما نرجع للبيت 90بالمئة من الوقت و انا وحدي في غرفتي نخرج برك كي يعيطولي نتعشا ههه
les projets d'etude نخدم وحدي
meme في l'ecole التلاميذ العشر الاوائل عندهم une chambre و حدهم .. كيما انا :$
كي نكونا في جماعة ديما ساكته مانحكيش ( راكم تقولو دوكا مالصباح و هي تحكي .. ههه )
لكن mama تشوفها مشكلة كبيرة حتى انها ارغمتني باه نروح عند طبيب نفسي ( شبعني خرطي هو مريض نفسي جابلي ربي )
ماحبوش يفهمو بلي مارانيش مريضه راني مليحا يا نـــــــــــــآآس . هاداك الطبيب نجي نفهمه نقوله par ex : نحب نقعد وحدي مانحبش نقعد مع الناس , يقلي : ياه يا بنتي حالتك صعيبة ... ايا هادا مليح في راسه !! :p
عطاني دوا تاع اكتئاب و قلق و ماعلاباليش واشنو نشرب حبه فالنهار لوكان نفتح قلبي لكاش واحد و نقول مانيش مهبوله راني b1 يقلي شربي زوج حبات هههههههه
انا ماشي مهبولة mais ماباقيليش بزاف باه نهبل :-r
سمحولي طولت عليكم اعضاء اللمة كيما خاوتي نرتاحلهم حبيت نعطيكم الملخص تاع حياتي​

 

[sahiko hamza]

هاذي مش مشكلة
هذي يقولولها بلي راكي معقدة
ماتخلعيش من إجابتي
علاه هنا تحكي نورمال وفالواقع لا على حسب كلامك ....
حاولي اختي تديري صديقة قريبة ليك
ننصحك بماماك تدخلي فيها
اختك ولا جارتك هكى باه تخرجي من هاد الحالة


اختي راني نتابع في موضوعك وان شاء الله لاباس ...
​

 

[السلطانة]

وعليكم السلام


العُزلة ماش مليحة
حاولي تنخرطي في العايلة تاعكم راهم اقرب الناس ليك
واحتكي بالناس ماش شرط تخالطيهم وانما ادي منهم الخبرات وتجارب الحياة
فرهدي على روحك تاني او الغلقة بزاف ماش مليحة
تديري القنطة لعمرك وانتي صغيرة
هيا سلامي

​

 

[MiSs Sisi StyLe]

و عليكم السلام اختي

احسن حل باه تبينيلهم انك ماكيش مريضة هو انك تكسريلهم روسهم بالحكايات دوك يعودو يقولولك اسكتتي و هكدا

كثري الهدرة مع خاوتك و تمسخري عليهم و لعل يفرج ربي و يفهمو بلي راكي نورمال
​

 

[saralg]

هاذي مش مشكلة
هذي يقولولها بلي راكي معقدة
ماتخلعيش من إجابتي
علاه هنا تحكي نورمال وفالواقع لا على حسب كلامك ....
حاولي اختي تديري صديقة قريبة ليك
ننصحك بماماك تدخلي فيها
اختك ولا جارتك هكى باه تخرجي من هاد الحالة


اختي راني نتابع في موضوعك وان شاء الله لاباس ...
​

السلام عليكم اهلا بك اخي
شوف خويا انا تبانلي ماشي مشكلة و ان كانت مشكلة ماتسحقش طبيب نفساني و دوا و هاد الخلايع كامل ...
الناس عقليات انا نلقى راحتي كي نقعد وحدي و مانخالط حتى واحد .
انا علاه ندير صديقة تجيني على صلاحها و تجيبلي الهدره ندي منها غير الذنوب , ندير الحاجه اللي نلقى فيها راحتي
مشكوور لمرورك
​

 

[saralg]

وعليكم السلام


العُزلة ماش مليحة
حاولي تنخرطي في العايلة تاعكم راهم اقرب الناس ليك
واحتكي بالناس ماش شرط تخالطيهم وانما ادي منهم الخبرات وتجارب الحياة
فرهدي على روحك تاني او الغلقة بزاف ماش مليحة
تديري القنطة لعمرك وانتي صغيرة
هيا سلامي

​

السلام عليكم
و الله مانيش منعزلة قع كيما تبانلك وقتي كامل فالقرايا
نخرج على ال5 ايا من تم و انا مع قرايتي حتى يعيطولي نتعشى :-r
ماشي حاجا grave
شكرا لمرورك اختي الكريمة​

 

[saralg]

و عليكم السلام اختي

احسن حل باه تبينيلهم انك ماكيش مريضة هو انك تكسريلهم روسهم بالحكايات دوك يعودو يقولولك اسكتتي و هكدا

كثري الهدرة مع خاوتك و تمسخري عليهم و لعل يفرج ربي و يفهمو بلي راكي نورمال
​

السلام عليكم
هههه مع انو الفكرة مضحكة و الله غير تبان مليحه
مي تخافي نكثر معاهم الهدره يدخلوني لمصحة ماشي يدوني لطبيب نفسي :d
شكرا على النصيحة ساحاول
​

 

[عليلو 24]

والفتي وحدك
كيما انا نوالف في روحي باش نولي وحدي
صراحت كرهت من الصداقة والاصدقاء
​

 

[sahiko hamza]

السلام عليكم اهلا بك اخي
شوف خويا انا تبانلي ماشي مشكلة و ان كانت مشكلة ماتسحقش طبيب نفساني و دوا و هاد الخلايع كامل ...
الناس عقليات انا نلقى راحتي كي نقعد وحدي و مانخالط حتى واحد .
انا علاه ندير صديقة تجيني على صلاحها و تجيبلي الهدره ندي منها غير الذنوب , ندير الحاجه اللي نلقى فيها راحتي
مشكوور لمرورك
​

يا اختي الكريمة معليش تجاوبيني على زوج اسئلة ؟

1- فأرض الواقع كنتي تحكي هاد الموضوع لكاش واحد ؟
2- ديري فحسابك راح تجيك حياة جديدة ( ربي يكتبلك ولد حلال ) آسكوا راح تتفاهمي معاه بهاد العقلية ؟

ديما ديري حسابك للقدام ماشي وين تلقي راحتك هذيك هي .....
​

 

[شذى الإيمان]

السلام عليكم ورحمة الله
كيف أحوالك أختي؟؟؟؟
أول شيئ حبيبتي نقولك أخطيك من هذاك الدواء
وما تستعجبيش راكي في بلد العجائب
الواحد كي يشوفوه عاقل متزن هادئ يدوه للطبيب باش يمدلو دوا
باش <<<<<< يهبل :yahoo01: ههههههه
المهم حسب موضوعك راك ما شاء الله من الطلبة النجباء
وغالبا الشخص لي يبحث عن النجاح والامتياز يخصص جزء كبير من وقتو للدراسة
وما يضيعش وقتو في أشياء يشوفها تافهة
من بينها كثرة الكلام مع الزملاء
وهاد الزملاء ما يقصروش وياخذو عليه نظرة بأنو متكبر ويتجنو الكلام معه
وقد يكون السبب الحقيقي هو غيرتهم من هذا الشخص ومن نجاحه

المهم نقولك عن تجربة:
ما خسرتيش حاجة كبيرة
صح نظريا الأصدقاء ملاح يشاركوك أفراحك وأحزانك وإلخ
لكن كي يكونو أصدقاء حقيقيين ممكن من كوكب آخر ماشي من الأرض

حالتك أن الوحيدة لي تقدري تشخصيها:
هل أنت راضية عن نفسك؟؟؟
هل أنت فعلا تحبين العزلة التامة ولا ترتاحين بوجود أهلك أو قريباتك أو زميلاتك؟؟؟
بغض النظر عن صمتك، هل يرتاح الآخرون ( أهلك أو قريباتك أو زميلاتك) لوجودك معهم؟؟؟
بمعنى عندما تقررين مخالطة الناس، فهل تجيدين التعامل معهم أم أنك ستجدين صعوبة في ذلك؟؟؟
أترك لك المجال للرد عزيزتي ومتابعة لموضوعك
تحياتي​

 

[mira real]

يعني هادي مراهيش مشكلة ولله نورمال كل واحد وعقليتو كيفاش مي راهم يقولو العزلة ماشي مليحة ها واش ديري حاولي لاشتى احكي شوية برك نتي متكثرين ...كيما انا ولله نحكي مع خواتاتي شوية ومن بعد صاي هكا باش منبانش لا معقدة ولا والو .....ونتي راكي نورمال متشوفيش للناس المهم تكوني نتي مرتاحة

مي يخي تعرفي الام ديما قلبها ياكلها لازم تعرف على بنتها كلشي و سيرتو الطفلة لازم ميخفى والو عليها

ايا ربي يفرج عليييييييييييييك

 

[saralg]

والفتي وحدك
كيما انا نوالف في روحي باش نولي وحدي
صراحت كرهت من الصداقة والاصدقاء
​

اهلا بيك اخي
justement صاداقات فاشلة تخليك تجبد روحك و انا والفت هادي السيرة
شكرا لمرورك​

 

[saralg]

يا اختي الكريمة معليش تجاوبيني على زوج اسئلة ؟

1- فأرض الواقع كنتي تحكي هاد الموضوع لكاش واحد ؟
2- ديري فحسابك راح تجيك حياة جديدة ( ربي يكتبلك ولد حلال ) آسكوا راح تتفاهمي معاه بهاد العقلية ؟

ديما ديري حسابك للقدام ماشي وين تلقي راحتك هذيك هي .....
​

اهلا بعودتك حضرة المشرف

1- فأرض الواقع كنتي تحكي هاد الموضوع لكاش واحد ؟

ايه الطبيب النفسي تاعي déja مايسمعليش نجي نحكي يبدا يحكيلي على سقراط و اريسطو !!

2- ديري فحسابك راح تجيك حياة جديدة ( ربي يكتبلك ولد حلال ) آسكوا راح تتفاهمي معاه بهاد العقلية ؟

جابلي ربي عقليتي مافيهش probleme تبانلي مين راني نقرا نكون ديما مشغولة + انا مين قلت نحب نقعد وحدي ماشي معناها نكره عباد ربي mais ماكان في حياتي حتى انسان نرتاحلو و نحكيلو ​

 

[saralg]

السلام عليكم ورحمة الله
كيف أحوالك أختي؟؟؟؟
أول شيئ حبيبتي نقولك أخطيك من هذاك الدواء
وما تستعجبيش راكي في بلد العجائب
الواحد كي يشوفوه عاقل متزن هادئ يدوه للطبيب باش يمدلو دوا
باش <<<<<< يهبل :yahoo01: ههههههه
المهم حسب موضوعك راك ما شاء الله من الطلبة النجباء
وغالبا الشخص لي يبحث عن النجاح والامتياز يخصص جزء كبير من وقتو للدراسة
وما يضيعش وقتو في أشياء يشوفها تافهة
من بينها كثرة الكلام مع الزملاء
وهاد الزملاء ما يقصروش وياخذو عليه نظرة بأنو متكبر ويتجنو الكلام معه
وقد يكون السبب الحقيقي هو غيرتهم من هذا الشخص ومن نجاحه

المهم نقولك عن تجربة:
ما خسرتيش حاجة كبيرة
صح نظريا الأصدقاء ملاح يشاركوك أفراحك وأحزانك وإلخ
لكن كي يكونو أصدقاء حقيقيين ممكن من كوكب آخر ماشي من الأرض

حالتك أن الوحيدة لي تقدري تشخصيها:
هل أنت راضية عن نفسك؟؟؟
هل أنت فعلا تحبين العزلة التامة ولا ترتاحين بوجود أهلك أو قريباتك أو زميلاتك؟؟؟
بغض النظر عن صمتك، هل يرتاح الآخرون ( أهلك أو قريباتك أو زميلاتك) لوجودك معهم؟؟؟
بمعنى عندما تقررين مخالطة الناس، فهل تجيدين التعامل معهم أم أنك ستجدين صعوبة في ذلك؟؟؟
أترك لك المجال للرد عزيزتي ومتابعة لموضوعك
تحياتي​

اهلا بك غاليتي في الموضوع
كلامك جميل و قريب للواقع يعني صح الدراسة تشغل معضم وقتي meme هادي عندهم probleme ساعات mama تجيني تقلي : ساره واشبيك بنتي غير نتي لي قريتي ريحي شويه روحي تفرجي كاش مسلسل مع ختك كيما يديرو قع لبنات هههههه :-o و الله غير صح
ختي ماتقوليليش الاصدقاء ملاح ماتلقيش واحده تحبك كيما ختك و تحبلك الخير و الله ساعات على نقطة في اختبار تخسريها ههه

هل أنت راضية عن نفسك؟؟؟

جدا ,,, لدرجة ماتقدريش تتصوريها

هل أنت فعلا تحبين العزلة التامة ولا ترتاحين بوجود أهلك أو قريباتك أو زميلاتك؟؟؟

نحس روحي مرتاحه فال calme و مين نكون وحدي بعيده على الناس

بغض النظر عن صمتك، هل يرتاح الآخرون ( أهلك أو قريباتك أو زميلاتك) لوجودك معهم؟؟؟

غير نجمع معاهم يبقاو يتخازرو : واش بيك ساكته ؟؟ علاه ماتهدريش ؟ راكي تباني نعسانه ؟ شربتي دواك ؟ ... ايا نروح نرقد خير ولا لالا ؟

بمعنى عندما تقررين مخالطة الناس، فهل تجيدين التعامل معهم أم أنك ستجدين صعوبة في ذلك؟؟؟

شوفي ختي و الله غير عادي مي منحبش الهدرة الزايده
و في الاخير شكرا لاهتمامك غاليتي و يسعدني مرورك بموضوعي :regards01:
​

 

[بنت الـ25]

وعليكم السلام ورحمة الله وبركاته​

ربي يعينك ويوفقك ختي

الشي لي روماركيتو انك قلتي نقعد وحدي خير من ندير صديقة ونقعدو نحكو فالناس ونربحو الذنوب
عموماً كاين بزاف ناس يشوفو روحهم مثاليين، وعينيهم يركزو اكثر على أخطاء الآخرين ويكبروها ويغفلو على الجوانب الإيجابية في الناس، وبالتالي تطغى عليهم النظرة التشاؤمية ويحكمهم يأس من الإصلاح والتعديل، وهنا يفضلو العزلة

​

وكاين ناس تكون نظرتهم مثالية تاني (كيما نتي سارة)، بصح ما يتجرأش ويقول حاجة ولا يسعى في التعديل ولا الإصلاح، وهنا ينطوي على نفسو

وبالتالي انا ننصحك:​

أولاً: تعرفي بلي ربي سبحانو خلق البشر ضعفاء، وهذا ضعف طبيعي، والخطأ فيها فيها كيما فالحديث النبوي "كل ابن آدم خطا وخير الخطاءين التوابون".​

ثانياً: تركزي على الجانب الإيجابي في الناس ولو شوية، وحاولي تتعاملي معاهم.​

ثالثاً: كوني متفائلة تحبي الخير للناس، صدقيني تروحلك الكآبة والنظرة السوداوية التشاؤمية كي تخالطيهم وتونسي يبهم، وإذا وجَّهتي ولا نصحتي أوقلتي أي ملاحظة تكون مقبولة إذا عرفتي توضحي وجهة نظرك.​

رابعا: ننصحك تستعيني بالله سبحانه وتعالى، وخاصة الصلاة، لأنو فيها إزالة كل هم وغم قال سبحانه وتعالى "واستعينوا بالصبر والصلاة" لاخاطر مكان حتى حاجة تقوي من عزيمة الإنسان وتعزز ثقتو بنفسو كيما التوكل على الله والاستعانة به ومداومة ذكره فإن فيه دواء لكل هم.​

وفالأخير أنا تبانلي بلي حالتك راهي سوية، وأمورك طبيعية، ومعندكش خوف وقلق يصل إلى درجة التوسويس اللي لازملو علاج عند طبيب نفسي ولكن حاولي تندمجي فالمجتمع وكيما قالك حمزة متشوفيش لحاضرك شوفي لمستقبلك وكيفاش رايحة تعيشيه مع شريك حياتك ان شاء الله
:up::up:

سلآمي
​

 

[زهرة البحر]

سلام
مادام راكي كتبتي موضوعك وفرغت واش في قلبك معناتو باينة كل واحد وعقليتو كيفاه
يعني راكي مرتاحة هنا في اللمة ،،،،وكان لقيتي الراحة مع الدار وتالي راكي تحكي معاهم عادي
يعني نصيحة انت راكي قارية وعلابالك بكل شيء حاولي تهدري مع داركم كامل وتقنعيهم مليح بهدرة تخليهم يتأكدوا بلي راكي لاباس عليك ....
مادامك راكي تهتمي بزاف بقرايتك يعني هاكي كملت من بعد لقراية وحاتخدمي اوبليجي عليك تخالطي المجتمع لازملك ديري صحابات يعني بين قوسين صح في وقتنا ماكانش وحدة ترتاحيلها وديريها صاحبتك تاع الصح بصح على الاقل تكون علاقتك معاهم سطحية يعني تكون وحدة تخرجي معاها مهما كان ماترتاحيلهاش بزاف بزاف بصح لازم عليك تخالطي صح تكون طفلة مليحة وخاطية مشاكل هههههههه
انا عندي راكي لاباس عليك خلاص من خلال هدرتك وشي هو لازملك توصلي فكرة لداركم يفهموك وهذا يكون بتغيير حياتك شوي مايش دنيا غير قراية ...من بعد تندمي او العمر يمشي مثلا كبرت وانت طفولتك كامل جبتيها قراية جامي لعبت جامي خرجت ....تحسي من بعد بلي ماعشتيش طفولتك ويديك الحنين ليها هذا كي تكملي لقراية تجيبي خبر
بلي لازم في لحياة كاينة قراية وكاين بزاف حوايج معاها وقادرة تتوفقي فيها نورمال
علابالي طولت عليك بصح مختصر هذا نقولك اثبتي وجودك بنفسك اذا بغيتي يستعرفو بيك الدار
واسمحيلي على اي هدرة بالاك ماعجباتكش
تهلاي في روحك مليح
وربي يعاونك ​

 

[saralg]

وعليكم السلام ورحمة الله وبركاته​

ربي يعينك ويوفقك ختي

الشي لي روماركيتو انك قلتي نقعد وحدي خير من ندير صديقة ونقعدو نحكو فالناس ونربحو الذنوب
عموماً كاين بزاف ناس يشوفو روحهم مثاليين، وعينيهم يركزو اكثر على أخطاء الآخرين ويكبروها ويغفلو على الجوانب الإيجابية في الناس، وبالتالي تطغى عليهم النظرة التشاؤمية ويحكمهم يأس من الإصلاح والتعديل، وهنا يفضلو العزلة

​

وكاين ناس تكون نظرتهم مثالية تاني (كيما نتي سارة)، بصح ما يتجرأش ويقول حاجة ولا يسعى في التعديل ولا الإصلاح، وهنا ينطوي على نفسو

وبالتالي انا ننصحك:​

أولاً: تعرفي بلي ربي سبحانو خلق البشر ضعفاء، وهذا ضعف طبيعي، والخطأ فيها فيها كيما فالحديث النبوي "كل ابن آدم خطا وخير الخطاءين التوابون".​

ثانياً: تركزي على الجانب الإيجابي في الناس ولو شوية، وحاولي تتعاملي معاهم.​

ثالثاً: كوني متفائلة تحبي الخير للناس، صدقيني تروحلك الكآبة والنظرة السوداوية التشاؤمية كي تخالطيهم وتونسي يبهم، وإذا وجَّهتي ولا نصحتي أوقلتي أي ملاحظة تكون مقبولة إذا عرفتي توضحي وجهة نظرك.​

رابعا: ننصحك تستعيني بالله سبحانه وتعالى، وخاصة الصلاة، لأنو فيها إزالة كل هم وغم قال سبحانه وتعالى "واستعينوا بالصبر والصلاة" لاخاطر مكان حتى حاجة تقوي من عزيمة الإنسان وتعزز ثقتو بنفسو كيما التوكل على الله والاستعانة به ومداومة ذكره فإن فيه دواء لكل هم.​

وفالأخير أنا تبانلي بلي حالتك راهي سوية، وأمورك طبيعية، ومعندكش خوف وقلق يصل إلى درجة التوسويس اللي لازملو علاج عند طبيب نفسي ولكن حاولي تندمجي فالمجتمع وكيما قالك حمزة متشوفيش لحاضرك شوفي لمستقبلك وكيفاش رايحة تعيشيه مع شريك حياتك ان شاء الله
:up::up:

سلآمي
​

السلام عليكم
اهلا بمرورك اختي
انا مانيش نشوف في روحي مثالية لكن عندي مبدا في الحياة , و قناعتي باني لا املك سوى حياة واحدة تخليني نحوس على راحتي م نبعد كل حاجه تقلقني ,,,,
لحد الان مانيش مقتنعه بلي عندي مشكل فيا او في شخصيتي ولا عقليتي و الحمد لله + كيما قلتي اختي راني مواضبة على صلاتي و قرائة القران .. و الله كي نقرا القران نحس روحي مرتاحة .
شكرا لاهتمامك غاليتي​

 

[saralg]

سلام
مادام راكي كتبتي موضوعك وفرغت واش في قلبك معناتو باينة كل واحد وعقليتو كيفاه
يعني راكي مرتاحة هنا في اللمة ،،،،وكان لقيتي الراحة مع الدار وتالي راكي تحكي معاهم عادي
يعني نصيحة انت راكي قارية وعلابالك بكل شيء حاولي تهدري مع داركم كامل وتقنعيهم مليح بهدرة تخليهم يتأكدوا بلي راكي لاباس عليك ....
مادامك راكي تهتمي بزاف بقرايتك يعني هاكي كملت من بعد لقراية وحاتخدمي اوبليجي عليك تخالطي المجتمع لازملك ديري صحابات يعني بين قوسين صح في وقتنا ماكانش وحدة ترتاحيلها وديريها صاحبتك تاع الصح بصح على الاقل تكون علاقتك معاهم سطحية يعني تكون وحدة تخرجي معاها مهما كان ماترتاحيلهاش بزاف بزاف بصح لازم عليك تخالطي صح تكون طفلة مليحة وخاطية مشاكل هههههههه
انا عندي راكي لاباس عليك خلاص من خلال هدرتك وشي هو لازملك توصلي فكرة لداركم يفهموك وهذا يكون بتغيير حياتك شوي مايش دنيا غير قراية ...من بعد تندمي او العمر يمشي مثلا كبرت وانت طفولتك كامل جبتيها قراية جامي لعبت جامي خرجت ....تحسي من بعد بلي ماعشتيش طفولتك ويديك الحنين ليها هذا كي تكملي لقراية تجيبي خبر
بلي لازم في لحياة كاينة قراية وكاين بزاف حوايج معاها وقادرة تتوفقي فيها نورمال
علابالي طولت عليك بصح مختصر هذا نقولك اثبتي وجودك بنفسك اذا بغيتي يستعرفو بيك الدار
واسمحيلي على اي هدرة بالاك ماعجباتكش
تهلاي في روحك مليح
وربي يعاونك ​

السلام عليكم , اهلا بك اختي
ايه صح انا نلقا راحتي هنا , فيما يخص موضوع " الصحابات "

لازملك ديري صحابات يعني بين قوسين صح في وقتنا ماكانش وحدة ترتاحيلها وديريها صاحبتك تاع الصح بصح على الاقل تكون علاقتك معاهم سطحية يعني تكون وحدة تخرجي معاها مهما كان ماترتاحيلهاش بزاف بزاف بصح لازم عليك تخالطي صح تكون طفلة مليحة وخاطية مشاكل هههههههه

شوفي انا لي منرتاحلوش مانحتاجوش في حياتي , مانقدرش زعما ندير وحدا صحبتي و انا منحملهاش و لا كل دقيقة نسنا منها دور عليا .. طبيعتي هك نحبك نقلك نحبك direct نكرهك = نكرهك بدون لف و دوران ههههه :p
مشكوررة اختي , مرحب بك في اي وقت
تحياتي .​

 

[sahiko hamza]

اهلا بعودتك حضرة المشرف

ايه الطبيب النفسي تاعي déja مايسمعليش نجي نحكي يبدا يحكيلي على سقراط و اريسطو !!

جابلي ربي عقليتي مافيهش probleme تبانلي مين راني نقرا نكون ديما مشغولة + انا مين قلت نحب نقعد وحدي ماشي معناها نكره عباد ربي mais ماكان في حياتي حتى انسان نرتاحلو و نحكيلو ​

انا نفهم حاجة وحدة
هو انك تجرأتي وكتبتي هنا معنتها عندك مشكل ولا حاجة مقلقاتك جيتي تطلبي فالنصح

احنا بدورنا راح نعاونوك مي راكي تبلعي في كل باب نفتحوهولك ...

كوني واقعية وجربي انك تخالطي ماماك ولا خاوتك دوك تشوفي حياتك كيفاه تكون ... :up:
​

 

[بنت الـ25]

السلام عليكم
اهلا بمرورك اختي
انا مانيش نشوف في روحي مثالية لكن عندي مبدا في الحياة , و قناعتي باني لا املك سوى حياة واحدة تخليني نحوس على راحتي م نبعد كل حاجه تقلقني ,,,,
لحد الان مانيش مقتنعه بلي عندي مشكل فيا او في شخصيتي ولا عقليتي و الحمد لله + كيما قلتي اختي راني مواضبة على صلاتي و قرائة القران .. و الله كي نقرا القران نحس روحي مرتاحة .
شكرا لاهتمامك غاليتي​

وعليكم السلام ختي سارة
عدنا من جديد :p
انتي تقولي راكي مقتنعة بلي معندكش مشكل فيك ولا في شخصيتك ايه ولا لالا؟
بصح عايلتك تبانلهم العكس
أنا قنعتيني كي قلتي انك عندك حياة وحدة تخليك تحوسي تكوني على راحتك وتبعدي على كل حاجة تقلقك
لاخاطر كل واحد وعقليتو منقدروش ننتقدو هاد الشي بالرغم من انو ميعجبكش بزاف ناس
Alors علاه متهدريش هاد الكلام لماماك والناس لي راهم شاكين بلي راكي في حاجة لطبيب نفسي
بالاك يفهموك بلي هادا طبعك ماشي مرض نفسي ويخليوك كيما قلتي على راحتك وواحد ما يقلقك

عجبتيني كي قلتي راكي مواضبة على قراءة القرءان وصلاتك خصوصا وهاد طمني عليك

عالعموم هادي وجهة نظري وراني فالمتابعة
بصح راكي مراوغة عنيدة هههههههه
​