ما تحيرش والديك .

Hakan

:: مراقب عام ::
طاقم الرقابة
إنضم
10 أوت 2013
المشاركات
10,917
نقاط التفاعل
47,018
النقاط
1,706
الجنس
ذكر
السلام عليكم
بداية ربي يخليلكم والديكم بصحة وعافية وربي يرحم الأموات منهم ويغفر لهم ،عندي موضوع خفيف ان شاء الله وهي قضية تعامل الابناء مع الوالدين كي يكونوا واقعين في مشكلة او بدون مشكلة ،من ناحيتي شخصيا نفضل أنو والديا ما يسمعوش بالمشاكل نتاوعي في العمل او لما كنت ندرس ،مشاكل مع أصدقائك طلعاتي وخرجاتي ، و ساعات كي نكون في دار خاوتي الذكور خاصة ديما نداوسهم بمعنى نعاتبهم لما يجيو يشكيو للوالدة او الوالد ،مثلا ساعات نمرض تطلعلي السخانة او نكون مريض بالقراجم ما نحبش تسمع أمي خاصة او تحس نكون مكسر نداوي روحي نشري دواء واذا حست بيا شوي نطمنها ونقلها مكاين والو ،ساعات تكون عندي مشاكل في الخدمة نحاول نخبيها ونحلها واحد ما يسمع بيا ، لكن قعدت مع روحي قبيل توسوت ضركي خاوتي صغار عندي زوج واحد في عمرو 14 سنة والاخر 20 سنة ،توسوست اني نلومهم من ناحية خايف كاش نهار يطيحو في مشكلة و يخبوها على الوالدين وممكن عليا ويغلطوا ويزيدو ممكن تكبر المشكلة وواحد ماهو داري ضركي اعطولي نصيحة كيفاش نتعامل معاهم لانو انا الكبير في الدار ومشاكلي نقدر نحلهم وحدي او نتحمل العواقب نتاعهم ،اما خاوتي الصغار ممكن ما يعرفوش وبما انو كثرت اللوم عليهم من ناحية انو ما يكسروش ريسان والديهم خايف يغلطوا وممكن ما يحكوش وكشما تصرى كارثة ،يعني بالمختصر كيفاش نوازن بين خوفي على والديا وحرصي على خاوتي ،ما حكيتش على أخواتي البنات بما انهم اكثر وقتهم في البيت يعني كشما يكون يعرفوا والديا اما الذكور مع هم يخرجو برا ممكن كشما يصرى ربي يحفظكم خاوتي والسلام عليكم .
 
السلام عليكم اخي
بارك الله فيك على الموضوع ربي يخليلكم الوالدين الكريمين و يحفظهم من كل سوء "وقل ربي ارحمهما كما ربياني صغيرا " صدق الله العظيم
أحاسيسنا اتجاه والدينا تختلف مع تقدمنا في السن من مرحلة الاتكال الكلي في الطفولة الى مرحلة الاعتماد على النفس و الابتعاد عنهما في المراهقة الى مرحلة المصاحبة في الشباب و اخيرا الى مرحلة الرحمة و الاعتناء بهما عند النضج
يجب فهم ان كل واحد من الاخوة و الاخوات يمرون بهذه المراحل و كل واحد حسب عمره ولا يمكننا اقناع مراهق مثلا او صبي صغير معتمد على والديه ان يقفز لمرحلة الاعتناء بوالديه فكأننا نطلب منه النضج عاطفيا قبل أوانه و هكذا نكون قد حرمناه المرور بمراحل متوسطة هي التي كانت ستساهم في وصوله الى مرحلة النضج و هذا رح يخلي فراغات في نموه العاطفي و عدم اقتناع بما يفعله بل تركه ينضج بريتمه الخاص
ابسط مثال عندما تقلي بطاطا و كنت مسرع لو زدت النار اكثر من اللآزم لن يؤدي ذلك الى سرعة نضجها بل الى احتراقها من الخارج و تبقى غير مطهوة من الداخل
الآن اذا كان الوالدان مريضان و لم يعودا يتحملا مشاكل الابناء الاصغر سنا هنا يأتي دور الابناء الاكبر سنا ليس فقط في الاعتناء بالآباء و لكن في تخفيف حملهما و الاعتناء بالإخوة الاصغر سنا
في نظري لو انك طلبت من اخوتك الصغار اللجوء الى اخوانهم الاكبر لحل مشاكلهم عوض اللجوء الى الوالدين و هذا في حالة ما كان الإخوة الاكبر يتميزون بالحكمة و الهدوء و عدم التسرع في الحكم فيتصرفون بحكمة في مواجهة مشاكل الإخوة الصغار بدون عنف ركزلي على كلمة بدون عنف واذا كان لابد من التعنيف او العقاب يجب ان يكون على قد المشكل و بدون ان تجعله يحس بالكره و الاحتقار و بنفس درجة الحب و الحرص الابوي لهم و تركز على افهامهم انك تكره او تحتقر الفعل و ليس صاحبه اما ان تطلب من مراهق و شاب غير ناضجين الغاء الحضور الابوي بحكمته و متابعته الحنونة لحياتهما و لا تقدم لهما البديل المناسب فهذا في رأيي خطأ يجب تصحيحه
و ربي يجازيك خير على احساسك بالرحمة اتجاه والديك هذا هو البر و زيد عليه احساس الابوة اتجاه اخوانك الصغار ربي يخليكم لبعض ولا يجمعكم الا على خير
بارك الله فيك
سلام
 
آخر تعديل:
الوالدين نعمة من نعم الله التي انعمها علينا ، علينا استغلال لان برهما و طاعتهما فيه اجر الدنيا و الاخوة ، لان طاعتهما من طاعة الله
بارك الله فيك على الموضوع الرائع و القيم و جعله الله في ميزان حسناتك يا رب العالمين ان شاء الله
 
انا كون ماتسمعش لالجيري قاع بيا قاع مانحلهاش هعععع
هههههه اودي لازم نقول لازم نهدر تعلمنا من الصغر نحلوها مع بعض من الصغير للكبير
ونخلوا الحل الأول والاخير لصاحب المشكل هو صاحب القرار ... لانو محتاج نصيحة واحد يوقف معاه واحد يقولوا ازدم راني في كتافك
ماتحصيش نهار يطيح الفاس في الراس تندم لي ماهدرتش وتولي في حل واربط اواه لا لا حكيم اخطينا احكي فرغ قلبك قولي انا مثلا
 
السلام عليكم اخي
بارك الله فيك على الموضوع ربي يخليلكم الوالدين الكريمين و يحفظهم من كل سوء "وقل ربي ارحمهما كما ربياني صغيرا " صدق الله العظيم
أحاسيسنا اتجاه والدينا تختلف مع تقدمنا في السن من مرحلة الاتكال الكلي في الطفولة الى مرحلة الاعتماد على النفس و الابتعاد عنهما في المراهقة الى مرحلة المصاحبة في الشباب و اخيرا الى مرحلة الرحمة و الاعتناء بهما عند النضج
يجب فهم ان كل واحد من الاخوة و الاخوات يمرون بهذه المراحل و كل واحد حسب عمره ولا يمكننا اقناع مراهق مثلا او صبي صغير معتمد على والديه ان يقفز لمرحلة الاعتناء بوالديه فكأننا نطلب منه النضج عاطفيا قبل أوانه و هكذا نكون قد حرمناه المرور بمراحل متوسطة هي التي كانت ستساهم في وصوله الى مرحلة النضج و هذا رح يخلي فراغات في نموه العاطفي و عدم اقتناع بما يفعله بل تركه ينضج بريتمه الخاص
ابسط مثال عندما تقلي بطاطا و كنت مسرع لو زدت النار اكثر من اللآزم لن يؤدي ذلك الى سرعة نضجها بل الى احتراقها من الخارج و تبقى غير مطهوة من الداخل
الآن اذا كان الوالدان مريضان و لم يعودا يتحملا مشاكل الابناء الاصغر سنا هنا يأتي دور الابناء الاكبر سنا ليس فقط في الاعتناء بالآباء و لكن في تخفيف حملهما و الاعتناء بالإخوة الاصغر سنا
في نظري لو انك طلبت من اخوتك الصغار اللجوء الى اخوانهم الاكبر لحل مشاكلهم عوض اللجوء الى الوالدين و هذا في حالة ما كان الإخوة الاكبر يتميزون بالحكمة و الهدوء و عدم التسرع في الحكم فيتصرفون بحكمة في مواجهة مشاكل الإخوة الصغار بدون عنف ركزلي على كلمة بدون عنف واذا كان لابد من التعنيف او العقاب يجب ان يكون على قد المشكل و بدون ان تجعله يحس بالكره و الاحتقار و بنفس درجة الحب و الحرص الابوي لهم و تركز على افهامهم انك تكره او تحتقر الفعل و ليس صاحبه اما ان تطلب من مراهق و شاب غير ناضجين الغاء الحضور الابوي بحكمته و متابعته الحنونة لحياتهما و لا تقدم لهما البديل المناسب فهذا في رأيي خطأ يجب تصحيحه
و ربي يجازيك خير على احساسك بالرحمة اتجاه والديك هذا هو البر و زيد عليه احساس الابوة اتجاه اخوانك الصغار ربي يخليكم لبعض ولا يجمعكم الا على خير
بارك الله فيك
سلام
بارك الله فيك نصيحة روعة كنت نحتاجها بشدة ربي يفرحك ان شاء الله أختي .
 
الوالدين نعمة من نعم الله التي انعمها علينا ، علينا استغلال لان برهما و طاعتهما فيه اجر الدنيا و الاخوة ، لان طاعتهما من طاعة الله
بارك الله فيك على الموضوع الرائع و القيم و جعله الله في ميزان حسناتك يا رب العالمين ان شاء الله
وفيك بارك الله خويا الياس .
 
انا كون ماتسمعش لالجيري قاع بيا قاع مانحلهاش هعععع
هههههه اودي لازم نقول لازم نهدر تعلمنا من الصغر نحلوها مع بعض من الصغير للكبير
ونخلوا الحل الأول والاخير لصاحب المشكل هو صاحب القرار ... لانو محتاج نصيحة واحد يوقف معاه واحد يقولوا ازدم راني في كتافك
ماتحصيش نهار يطيح الفاس في الراس تندم لي ماهدرتش وتولي في حل واربط اواه لا لا حكيم اخطينا احكي فرغ قلبك قولي انا مثلا
لا من ناحية أصحابي نورمال نحكيلهم وندي رايهم أما والديا فما نحبش يحيرو فيا خاصة في القضايا لي ما عندهم ما يديرو ليا ،كي نحتاجهم نقلهم يدعولو دعوة خير فقط ،ربي يحفظك على المداخلة القيمة .
 
السلام عليكم لي عودة للرد باذن الله
 
  • أعجبني
التفاعلات: Hakan
ربي يحفظهم ويعطيهم الصحة والعافية وانت كذلك حكيم.
.
صعيبة باه تكون في مكان الاخ الكبير الحريص خاصة كيفك ربي يعينك هاذي اللي ندعوهالك .
خويا حكيم على حساب تعاملك معاهم لانو العلاقة بين الولد والوالدين أكيد ماهيش مثل العلاقة بين الاخ واخوه مراحش تكون الاب الثاني مهما فعلت صدقني الا في حالة ما كانت علاقتك متشابهة او مجتمعة معا. يعني الاخ الاكبر يجمع تقريبا بين ردود فعل الاب والام الحكمة والعاطفة.
اذا كنت تخوف خاوتك وتعيط بعنف وممكن تضرب مباشرة بلا ما تفهم المشكل راهم اكيد يهابوك ويختارو عدم اخبارك ويروحو مباشرة للوالدين او يخبو المشكل اصلا.
ساعات يختار الولد نار والديه ولا نار خوه.

المشكل الاولاد يفضلو يخبرو أمهم بالذات هذا هو المشكل ويختارو الام كواسطة بينهم وبين الاب وساعات هي تتكفل وتتحمل دون اعلام الاب مخافة ردة فعله القوية. وديما الام في وجه المدفع وديما يكثرو عليها الطلبات والمشاكل. الام هي اللي تعاني.

الوالدين ربي عطاهم قوة خاصة وطريقة خاصة انت هل عندك هاذي القوة ؟
شوف علاقتك معاهم هي مفتاح معرفة هل لديهم مشاكل مخبيينها وهل يقدرو يخبروك بمشكل كبير بشكل عادي . وتجريبتك معاهم سابقا.

ابحث داخل علاقتك وردود افعالك معهم تستطيع ان تكون جدار حماية مؤقت.
 
وعليكم السلام ورحمة الله وبركاته
ربي يحفظهم ويخليهم تاج فوق راسك🌷🌷🌷🌷🌷🌷🌷


هاذي ترجع لشخصية كل واحد انت تقدر تتحمل ومتحكيلهمش لانك تخاف تقلقهم يتسمى طبع فيك ومعظم الرجال كيما انت.
اما حنا النساء والبنات لا نحبو نحكو خاصة للأم او الاخت لانها الاقرب ربما نحيو بالضعف ونحبو لي يساندنا.
انا فتت بمشاكل كبار كون ماش الوالدة ربي يحفظها موقفتش معايا وعاونتي على تجاوزها لكنت معرفتش نتصرف وحدي.
بالنسبة لخاوتك نعم راهم في سن يحتاجو توجيه ودعم ومصاحبة حاول تقرب منهم وتحسسهم أنك سند ليهم وانهم يلقاوك في كل وقت ماشي تخلي حاجز بينكم وعقلية خوكم الكبير لازم تهابوني!!
ودير في بالك جيلهم وجيلك ماشي كيف كيف
حط روحك قبل عشر سنوات في بللصتهم
مع الوقت ذرك تبدل وكثرت الحوايج لي تخوف
حاول تتقرب منهم وتكسبهم كصديق وسند قوي ليهم

وربي يحفظكم لبعض

🌷🌷🌷
 
  • أحببته
التفاعلات: Hakan
ربي يحفظهم ويعطيهم الصحة والعافية وانت كذلك حكيم.
.
صعيبة باه تكون في مكان الاخ الكبير الحريص خاصة كيفك ربي يعينك هاذي اللي ندعوهالك .
خويا حكيم على حساب تعاملك معاهم لانو العلاقة بين الولد والوالدين أكيد ماهيش مثل العلاقة بين الاخ واخوه مراحش تكون الاب الثاني مهما فعلت صدقني الا في حالة ما كانت علاقتك متشابهة او مجتمعة معا. يعني الاخ الاكبر يجمع تقريبا بين ردود فعل الاب والام الحكمة والعاطفة.
اذا كنت تخوف خاوتك وتعيط بعنف وممكن تضرب مباشرة بلا ما تفهم المشكل راهم اكيد يهابوك ويختارو عدم اخبارك ويروحو مباشرة للوالدين او يخبو المشكل اصلا.
ساعات يختار الولد نار والديه ولا نار خوه.

المشكل الاولاد يفضلو يخبرو أمهم بالذات هذا هو المشكل ويختارو الام كواسطة بينهم وبين الاب وساعات هي تتكفل وتتحمل دون اعلام الاب مخافة ردة فعله القوية. وديما الام في وجه المدفع وديما يكثرو عليها الطلبات والمشاكل. الام هي اللي تعاني.

الوالدين ربي عطاهم قوة خاصة وطريقة خاصة انت هل عندك هاذي القوة ؟
شوف علاقتك معاهم هي مفتاح معرفة هل لديهم مشاكل مخبيينها وهل يقدرو يخبروك بمشكل كبير بشكل عادي . وتجريبتك معاهم سابقا.

ابحث داخل علاقتك وردود افعالك معهم تستطيع ان تكون جدار حماية مؤقت.
بارك الله فيك عمي فريد ،ان شاء الله ناخذ بنصائحك القيمة و نمشي مع خاوتي بعقلية اخ بيسك راني تعديت على صلاحيات الأب نتاعي خخخخخ
 
وعليكم السلام ورحمة الله وبركاته
ربي يحفظهم ويخليهم تاج فوق راسك🌷🌷🌷🌷🌷🌷🌷


هاذي ترجع لشخصية كل واحد انت تقدر تتحمل ومتحكيلهمش لانك تخاف تقلقهم يتسمى طبع فيك ومعظم الرجال كيما انت.
اما حنا النساء والبنات لا نحبو نحكو خاصة للأم او الاخت لانها الاقرب ربما نحيو بالضعف ونحبو لي يساندنا.
انا فتت بمشاكل كبار كون ماش الوالدة ربي يحفظها موقفتش معايا وعاونتي على تجاوزها لكنت معرفتش نتصرف وحدي.
بالنسبة لخاوتك نعم راهم في سن يحتاجو توجيه ودعم ومصاحبة حاول تقرب منهم وتحسسهم أنك سند ليهم وانهم يلقاوك في كل وقت ماشي تخلي حاجز بينكم وعقلية خوكم الكبير لازم تهابوني!!
ودير في بالك جيلهم وجيلك ماشي كيف كيف
حط روحك قبل عشر سنوات في بللصتهم
مع الوقت ذرك تبدل وكثرت الحوايج لي تخوف
حاول تتقرب منهم وتكسبهم كصديق وسند قوي ليهم

وربي يحفظكم لبعض

🌷🌷🌷
ربي يحفظك ختي السلطان ، نصائحك على العين والراس ان شاء الله ناخذ بيهم ونطبقهم مع خاوتي ربي يبارك فيك .
 
في فترة من فترات حياتي كنت ما نحكيش مشاكلي لأبي فاشتد قلقه واشتدت حيرته أكثر في الوقت الذي ظننت أنني أخفف عنه😔 لذلك أظن من الجميل مصارحة الوالدين خصوصا في وقتنا هذا...
وبالأخص عندما يتعرض المراهق للتهديد أو الابتزاز كقصة فتاة تعرضت للابتزاز و خافت من والديها فسكتت ولولا أن أنقذها أستاذها في الجامعة لكانت في خبر كان...
وهنا نأخذ بعين الاعتبار سن الوالدين وحالتهما الصحية...
وما دمت الأخ الأكبر فأظن أن يلتجئوا إليك كحل ثانوي ولكن أن يواجهوا مشاكلهم وحدهم في سن المراهقة وقتنا وقت صعب جدا....
وربي يقدرك و أحيي فيك هذا الحرص👌👌👌
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top