الزواج......مكتوب

[beautiful -soul]

السلام عليكم و رحمة الله تعالى و بركاته
...!
مساء الخير على كل ناس اللمة ...
...لي يعرفوني نقوللهم توحشتكم بزاف و لي مايعرفونيش نقوللهم رانا هنا كامل دار وحدة ..و معرفة خير ان شاء الله
...بدون اطالة^^
حبيت نحكيلكم على حكايتي مع الزواج ...
انا وحدة مشراطة بزاف ..و العجب ما يعجبنيش
الحاجة لي جي في بالي نديرها و يصرا وش يصرا
...وصلت بيا حتى في الزواج كنت راح نتزوج بواحد الاب انتاعي مش قابل بيه ...و بعد صراااااااااااااااااااع طويل قبل (فوق القلب يعني) و درت الفيونصاي و مابقاش بزاف للعرس صرالي مشكل مع عجوزتي...كيما قالتلي :سوء تفاهم و انتي كبرتيها!!.......انا بطلت الزواج..من بعدها صراو مشاكل كبار بزاف ماقدرتش نتحمل ..رجعت لفرنسا..بعدها بعد شهور صدفة تلاقيت براجل ... بعد ما عرفتوا 15 يوم ...جا معايا لدزاير و خطبني ( كالعادة بعد الحرب مع بابا!!)...بعدها بسمانة تزوجنا ...لدركا اني حايرة في روحي يعني انا لي كنت صعيبة في كلشي ...في رمشة عين لقيت روحي متزوجة...و الحمد لله على كل حال...
واالله صح الزواج مكتوب ربي ...من قبل قلت نتزوج بفلان و لازم يكون هك و هك و ندير و نشري....واالله علابالكم ديت معايا غير اللبسة انتاعي هادا ماكان...والووو..و انا لي كنت نوجد و نعاود^^....
نصيحة مني للبنات:ماتكونوش مشراطات والله كلشي بالمكتوب​

 

[Estrella]

ايه صح كيما قلتي كلشي بالمكتوب نتاع ربي سبحانه
جامي تقولي انا عمري ويلا ندي هداك ولا هداك
كل واحد يدي الي راه كاتبهولو ربي سبحانه ماشي هو
المهم يعطيك الصحة و شكرا على النصيحة
وربي يهنيك...​

 

[crazy.girl]

والله صح اختي كلش بالمكتوب​

 

[إلياس]

اذا كتب ربي يتزوج كل شباب المسلمين

 

[adel-mz]

الصحة والعافية c tou​

 

[*عطر الزهور*]

كلشي مكتوب
الي كتبهولك ربي غير هذاك الي تديه
مشكورة
​

 

[عروبي]

أن الله كتب على كل امرأة أو فتاة حظها من الرجال، وكذلك الرجال، فما علينا إلا أن نأخذ بالأسباب الظاهرة، وندع النتائج بعد ذلك إلى المولى جل جلاله، والاخذ بالأسباب من استخارة
فأكثرو من الدعاء والإلحاح على الله بالزوج الصالح، واتركو الأمر لمولاكم، واعلمو أن الله لا يضيع أهله ولا يتخلى عن أوليائه،

 

[prïηςεšše ŝóÛsỐυ]

باين بلي قصتكــ فيهآ مغآمرآتــ بزآفــ ههههههه , و عجبتني بزآفـ و الله
كيمآ قلتي كل شيء بالمكتوبــ ,
و اللي مكتوب في الجبين ما يمحوه اليدين
و احنا و باقي الناس كيما عجوزتكـ السابقة ما الا أسبآبــ ,,

ربي يجيب مكتوب كل وآحد على حسآبــ قلبه

و انتي نقولكـ ربي يكمل فرحتكـ بزوآجكـ , الف مبرووووووكــ​

 

[بنت الـ25]

أولا وقبل كل شيء مبارك عليك الولوج للقفص الذهبي اختي الكريمة
وثانيا مرحبا بيك ومعريفة خير كيما قلتي
::::::::::::
مي راكي صعيبة يا محاينك شيطتي باباك ديما الحروب ههههههههه
نشالله يعم السلم وترتفرف الطمأنينة على حياتك الزوجية وتكلل بالنجاح والتوفيق
ديري بالك على راجلك صونيه واطيعيه صدقيني تربحي الدنيا ولاخرة

*******

وخلاصة القول ختي كيما قلتي الزواج والدنيا كاملة مكاتيب
وواحد ما يدي غير الشي لي قسمهولو ربي
ربي يفرحنا ببنات واولاد اللمة جميع كيما هاد الساعة
تقبلي مروري​

 

[mira.21]

وي كيما قلتي كلشي بالمكتوب والي مكتوب على الجبين لازم تشوفو العين
المهم لهنا برك
كلشي مبروك حنونة وربي يكملك

 

[سلسبيل34]

كل واحد يأخذ ا لا النصيب ديالوا و كل شئ بالمكتوب اختي

 

[la_safa]

السلآم عليكم ,,
كلشي مبروكـ خيتوو ان شآء الله يدوم الهنآ عليكم ,,
هذآ مثآل لكل وحدة تحسب و تتشرط , الزوآج مكتووب ,
مهمآ طلعنآ و لآ هبطنآ كلشي بالمكتوب ,,
و مرسي ع السيجي ~
​

 

[بلقيس لينا]

البنت تشرط في وقت يعني من العشرين حتى الخمسة وعشرين بعدين تبدى تراجع حساباتها وتتنازل شوي عند بعض الشروط​

 

[beautiful -soul]

ايه صح كيما قلتي كلشي بالمكتوب نتاع ربي سبحانه

جامي تقولي انا عمري ويلا ندي هداك ولا هداك
كل واحد يدي الي راه كاتبهولو ربي سبحانه ماشي هو
المهم يعطيك الصحة و شكرا على النصيحة

وربي يهنيك...​

الله يسلمك حنونة...مرسي على المرور
..ربي يهنيك انتي تاني...
تحياتي ليك!!
سلام..​

 

[beautiful -soul]

والله صح اختي كلش بالمكتوب​

تحياتي ليكي اختي...شكرا!!!
​

اذا كتب ربي يتزوج كل شباب المسلمين

آآآآآآميييين ان شاء الله...
هاد الصباح و انا ندعي لخويا يوسف ربي يزوجك هههههههههه:p ​

الصحة والعافية c tou​

و الرضا..و المفاهمة ..و الهنا...
مرسي خويا على المرور^^...​

كلشي مكتوب

الي كتبهولك ربي غير هذاك الي تديه
مشكورة​

ايييييييييه لي كتبهولك ربي و لوكان تهربي منو ترجعي ليه و انتي تضحكي !!!...
مشكورة على الرد الجميل..[
...سلام!!....:regards01:​

 

[beautiful -soul]

أن الله كتب على كل امرأة أو فتاة حظها من الرجال، وكذلك الرجال، فما علينا إلا أن نأخذ بالأسباب الظاهرة، وندع النتائج بعد ذلك إلى المولى جل جلاله، والاخذ بالأسباب من استخارة
فأكثرو من الدعاء والإلحاح على الله بالزوج الصالح، واتركو الأمر لمولاكم، واعلمو أن الله لا يضيع أهله ولا يتخلى عن أوليائه،

الله الله....هادي الهدرة الزينة (هادي قالهالك خليل زوجي!!)
...عجبو ردك بالبزاف...
...ايه ارواح و قولهالي من قبل هاد الهدرة اني كنت طايشة :-r...
مازاااااااااااااااالت(خليل)...
...ههههههههههههههههههههه...
المهم ...شكرا على مرورك الكريم و ردك الجميل
...تحياتي ليك
سلام...​

باين بلي قصتكــ فيهآ مغآمرآتــ بزآفــ ههههههه , و عجبتني بزآفـ و الله​

كيمآ قلتي كل شيء بالمكتوبــ ,
و اللي مكتوب في الجبين ما يمحوه اليدين
و احنا و باقي الناس كيما عجوزتكـ السابقة ما الا أسبآبــ ,,​

ربي يجيب مكتوب كل وآحد على حسآبــ قلبه​

و انتي نقولكـ ربي يكمل فرحتكـ بزوآجكـ , الف مبرووووووكــ

اهلين اموووووووووووورة ...
هههههههههههههههه هادي البداية و مازال مازاااااااااااال...:-r
مانقولكش لعقوبة ليك ...تكون حياتك فيها مغامرات كيما انا مي نص منها برك و الله تهبلي ماشي ساهلة...
ايه صح لي مكتوب على الجبين ما يمحوه اليدين و تاني لي مكتوب على الجبين تشوفو العين...(من عند خليل)..:-h
قالك خليل انا لي قلبي مليح ماشي هي...(راكي تشوفي:down...
...
الله يسلمك حنونة و يحفظك
مرسي على المرور نورتي الموضوع
...:regards01:سلااااااااام!!​

أولا وقبل كل شيء مبارك عليك الولوج للقفص الذهبي اختي الكريمة


وثانيا مرحبا بيك ومعريفة خير كيما قلتي

::::::::::::
مي راكي صعيبة يا محاينك شيطتي باباك ديما الحروب ههههههههه
نشالله يعم السلم وترتفرف الطمأنينة على حياتك الزوجية وتكلل بالنجاح والتوفيق
ديري بالك على راجلك صونيه واطيعيه صدقيني تربحي الدنيا ولاخرة​

*******​

وخلاصة القول ختي كيما قلتي الزواج والدنيا كاملة مكاتيب

وواحد ما يدي غير الشي لي قسمهولو ربي
ربي يفرحنا ببنات واولاد اللمة جميع كيما هاد الساعة​

تقبلي مروري​

يعيشك حنونة ...ربي يخليك
ايه ان شاء الله معرفة خير!!...
...هههههههههه وش راح ديري هكدا العقلية:-r...
حتا هو يدير بالو عليا راك تقرا؟؟؟؟؟؟...ماشي غير انا :p ههههههههههههههه
*********
آآآآميييييييييين ان شاء الله ربي يزوجهم كامل
...شكرا حنونة على ردك و مرورك الكريم...
تقبلي تحياتي..:regards01:​

وي كيما قلتي كلشي بالمكتوب والي مكتوب على الجبين لازم تشوفو العين

نعم يا اختي ... و لازم نرضا بمكتوب ربي
مرسي اختي ميرا...تحياتي!!

المهم لهنا برك

كلشي مبروك حنونة وربي يكملك​

يعيشك و لعقوبة ليك (ادا ماكيش متزوجة طبعااا)...
سلام!!...

​

 

[beautiful -soul]

كل واحد يأخذ ا لا النصيب ديالوا و كل شئ بالمكتوب اختي

مرسييييييي على الرد...
تحياتي...:-h​

السلآم عليكم ,,​

كلشي مبروكـ خيتوو ان شآء الله يدوم الهنآ عليكم ,,
هذآ مثآل لكل وحدة تحسب و تتشرط , الزوآج مكتووب ,
مهمآ طلعنآ و لآ هبطنآ كلشي بالمكتوب ,,
و مرسي ع السيجي ~​

و عليكم السلام و رحمة الله تعالى و بركاته...
يعيشك حبيبتي و لعقوبة ليك...(ادا ماكيش متزوجة ^^)...
والله يا اختي ...شحال بكيت(...خليل زوجي يضحك عليا كان معايا كي بكيت هههههههههههه) و جريت و هبلت و طلعت و هبطت و في الاخير...الحمد لله
مرسي انتي على مرورك الحلو...ان شاء الله تنورينا بردودك دائماااا
تحياتي و سلامي اليكي...!!
:regards01:​

البنت تشرط في وقت يعني من العشرين حتى الخمسة وعشرين بعدين تبدى تراجع حساباتها وتتنازل شوي عند بعض الشروط​

يكدب عليك(خليل)...:-oمرتي و علابالي قريب تموت و مازالها تشرط
...
راكي تشوفي راهو يتبلااااا...وين علابالك انتا؟؟؟؟؟؟
...مرسي اختي لينا على ردك و مرورك
سلام!!!.......​

 

[07 _H@yThm]

عقوبااااااااااا ليا نشالله

 

[serinee]

اولا حبيبتي نقولك معريفة خير ان شاء الله
و اعجبتني قصتك
و فرحتلك الف الف مبروك ربي يهنيك و يعطيك طزينة اولاد
لالا نقصر برك ربي يرزقك الدرية الصالحة
و صح كيما قلتي الزواج مكتوب
و كيما تقول جداتي كي يجي مكتوب الطفلة يجي عمى هههههههههه هدي مقولة ماني
​

 

[*RAHMA]

ربي يحفظك ختي