ألي تعرف تصنع الجبن تنعتلي.......

[أم محمد تاج]

:d حبيباتي راني حابة نتعلم طريقة صنع الجبن الفروماج الله يخليكم الي تعرف الوصفة أو الرابط تنعتهملي ومشكوريييييييين.

 

[حكيك]

ينقل الى منتدى المطبخ الجزائري

 

[ندى الورود]

شوفي اختي انا كنت ندير وصفة من قبل بصح ضيعت الوصفة
نذكر فيها الحليب الرايب والبيكربونات والبيض والزبدة والملح
بصح المقادير بالضبط نسيتها
المهم انا بحث ووجدتلك وصفات لطرق تحضير الجبن لصاحبتها mimicha1977
إليكِ الوصفات مثل ما كتبتها صاحبتها

الجبن او الفرماج

وصفة دليلة سليماني
5 لترات حليب رايب حطيه في اناء كبير على نار هادئة ناخذ قطعة قماش لما تشوفي ماء وحدو
وتكتل الرايب وحدو صفيه في قطعة القماش خليه يقطر لمدة 4 الى 5 ساعات
مبعد ضعي الجبن المصفى لفي الصورة +2 صفار بيض+125غ زبدة+فلفل اكحل
وملح خلطي على النار حتى يعقد
وحطيه في قالب وخليه يجمد ثم قطعيه.

اليكي وصفتين للجبن مجربين مرارا وتكرارا وساهلين

كنت طلبتها من عند اختي ياسمين ربي يحفظها
فورماج بالبيض:
3 الى 4 لترات حليب رايب حطيه في اناء كبير على نار هادئة ناخذ قطعة قماش
لما تشوفي ماء وحدو وتكتل الرايب وحدو صفيه في قطعة القماش
خليه يقطر لمدة 4 الى 5 ساعات
مبعد ضعي الجبن المصفى + صفار بيضة 20غ زبدة+4 مغارف لحظة+ملح+
نصف مغرف صغيرة بكربوناتعلى نار هادئة ونتي تخلطي حتى تجمد نحيها من النار
وخذي مول نوع لتحبيه تاع لكيك او اي نوع فرشيه بالالمنيوم وحطي الجبن
وخليه يجمد ثم قطعيه وقدميه يجي رائع.
اتمنى تعجبك الوصفة وتجربيها

او نفس الطريقة ديري الرايب على النار كيما الطريقة الاولى وصفيه كذلك لمدة 4الى 5 ساعات
ثم تحبي تخليه غير هاك مسوس وتاكليه رائع او لكي الاختيار تنكهيه بالثوم او المعدنوس .
​

 

[ندى الورود]

انتهى ​