آي ليجان لبنات مرهمش يتلاوحو

[وصال]

السلام عليكم ورحمة الله تعالى وبركاته

واش راكم لاباس الحمد لله .

كاين واحد التفكير راه يدور في الدزاير ويحكيو عليه لي جان دياونا بزاف ألا وهو لبنات راهم على راسهم ولا مثلا ولد يقول للاخت ديالوا : يالبايرة ، يا الهجالة ، يا ..... ويا........... والله هذه الكلمات تستفزني كثيرا وشحال نكره كينسمعها
مالgري حتى الان حتى واحد ماتجرا يقولهالي :d:d:dاحم احم
بصح ديفوا نتلاقى بجماعة لي تقول هاذي الكلمات السوقية والله مرهيش عقلية مليحة زيد اون بليس تجرح المشاعر بزاف .
كاين واحدة ربي ماجبلهاش مكتوبها مثلا خوها داخل عليها بايرة خارج عليها بايرة :s:s:s اتخيل لوكان جيت في بلاصتها وتقول عليك شوف سيادك واش حيكون رد فعلك .
وكاين حاجة واحداخرا ديفوا واحد يروح يخطب :-h:-h:-h زعمه واثق من نفسوا نهار لي ربي ميكتبش واش يقولولوا صحابوا لبنات راهم يتلاوحوا ........ قولولي بيناتنا هاذي عبارة هاذي كيفاش راهم يتلاوحوا , والله صح المنطق غير الخير .
وكاين بزاف امثلة [SIZE=5]’ نتمنى انكم فهمتوني واش حبيت نقول بويسك الموضوع كبير وشامل نخليلكم الخط كاش عبارات سمعتوهم منعرفوهمش يعني حبيت ن[SIZE=5]حطوا قاموس الشتم والسب الجزائري ههههه
[SIZE=5]اليكم الخط

[/SIZE][/SIZE][/SIZE]​

 

[بنت الـ25]

السلام عليكم
دوكا يا وصال الشخص المربي والمؤمن يعرف أنو الزواج مكتوب ربي
يعني الوحدة اللي يتأخر نصيبها ولا ما يجيش وش ذنبها؟
هادا الإنسان اللي يفهم
أما اللي ما يفهمش هاد الشي في رايي هو اللي يستحق الشفقة

بالنسبة لعبارة لبنات راهم يتلاوحو انا ما سمعتهاش مي سمعت عبارة لبنات راهم يطايشو
وهادا بالنسبة ليا تفكير جاهل متخلف رجعي بكل ما للكلمات من معنى
وهنا نقول بالاك بنات الشوارع هو اللي يطايشو اما بنات الفاميلية ما شكيتش
وفي رايي الرجال ووليدات الفاميلية المربيين المثقفين ما يقولوش هاد الكلام على بنات الناس
على كل حال لي ما يلحقش العنب يقول حامض
​

حبيت ن[SIZE=5]حطوا قاموس الشتم والسب الجزائري ههههه [/SIZE]

نتمنى نتجنبو وضع عبارات جارحة وخادشة للحياء
سلام
​

 

[امورة المنتدى]

اولا ختيتو نشكرك عالموضوع هذا

الظااهرة هدي منتشرة بزااااف تقريبا عند عامة الشعب الجزايري

يعني الوحدة تلحق سن معيـــــّن تنسى اسمهـــــا ويرافقها اسم البايـــــرة

هذي من قلة الوعي تع النااس لأنو لوكان يعرفو انو الكلمة هدي تجرح مايقولوهاش

وبطبيعة الحال (مايحس بالجمرة غير لي كواتو)

ميـــــــرسي ختيتو موضوع شباب و+ تقييم​

 

[رضوة الجزائرية]

هدا طبع ومنه رجع التطبع عند الجزائري لي ماشي متربي ربي يهديهم برك ​

 

[ماكانش]

أهلا بيك وصال
يعطيك الصحة على الموضوع الباهي
الإنسان ألي يقول لختو بايرة ولا لأي بنت هذا ماهوش عبد
كيما قلتي مكاتيب وكل وحدة ووقتها
اما ألي يقوول لبنات يتلاوحو ويقصد راهم بزاف تبالي عادي
​

 

[أم راضية ~_]

السلام عليكم
وصال يا وصال
واش رح نقولك يا وصال

قلة التربية
وجابلي ربي ما يقصدوش بيها المعيارة وإنما مجرد لقب يحبو يعيطو بيه إلا فئة سبيسيال الي يقصدو بيها المعايرة والتحقير..
مع انو مافيهاش عيب مي مشات عادة فالمجتمع يذمو الي ما تتزوجش كيشغول الأمر بيدها !!!
غير كيما سمعت زوج بنات صحابات ,وحدة عيطت للوخرى قالتلها بايرة جيبيلي معاك كاس لاتاي
ولوخرا نورمال قاتلها إيه وضحكت معاها يعني ماجاتهاش حاجة عيب !!!
ما نعرف كيما يقولو هوما: داخلة فلومبيونص , مانعرف عندها معنى وحدوخر عندهم ؟؟
المهم في كل الاحوال المجتمع ولا يخوف تاع الصح
صحيتي :regards01:
​

 

[محـ أمين مد]

السلام عليكم ورحمة الله تعالى وبركاته

اولا شكراا على الموضوع المميز

ثانيا انبهك على امر على ان الناس انواع في عقليتهم . كاين المثقف كاين الفاهم كاين المجرب و كاين الحابس

هاذي العبارة بطبيعة الحال مش مليحة كي الواحد يعاير بنت الناس و حتى اختو بهاذ العبارة

لانو هكدا راه يدخل في مشيئة الله و حاشا لله عز وجل . و كما يقال :

المراة الصا[SIZE=4]برة التي لم تتزو[SIZE=4]ج في الدنيا بمنزلة الشهيد عند الله

[COLOR=Black][SIZE=4]و اي شخص تخرج من فمه مثل هذه العبارات اعلم انه حثالة المجتمع . الله لا تربح[SIZE=4]هم

[SIZE=4][SIZE=4][SIZE=4]في الاخير واش توصي واش تهدر هذا هو الشعب كاين الصالح و [SIZE=4]كاين الطالح و [COLOR=RoyalBlue]تاع يتلا[SIZE=4]وحو لم افهمها

و السلام عليكم
[/COLOR][/COLOR][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE]​

 

[بلقيس لينا]

يتلاوحو او يتراماو يعني كاين بزاف منهم او يقولو كاين خواتاتها في المراشي هذا استصغار لمكانة المراة والحط من قيمتها يستعملوها اولاد الشوارع لما يتمسخورا ببنات الناس

 

[hiba14]

كون جاو يتلاحو ما يشيطو و يليطو كي يجو يحوسو على الزواج لاخاطر لبنات ماشي قاع بنات و اللي بنات تاع الصح بالشمعة و ما تلقايهمش

 

[Sẻl Mā]

يهدروها لختهم برك
ميقدروش يقولوها لوحدا من برآ
هــه​

 

[noussa m]

ايه كن جي زوجتهم ميقبلوش حتى امهم تحكي معاها انا الحمد لله مايقوللوي وال وغير نتعاركو هههههه

 

[غزاوية و افتخر]

اختي الكريمة بالنسبة لي لا اهتم بهذه المصطلحات التافهة لانها نابعة من اشخاص لا يفقهون في الدين و جاكهلين لامور الدنيا و انعدام الفهم.​

 

[غزاوية و افتخر]

اختي الكريمة بالنسبة لي لا اهتم بهذه المصطلحات التافهة لانها نابعة من اشخاص لا يفقهون في الدين و جاكهلين لامور الدنيا و انعدام الفهم.​

 

[EL General]

عبآرآت سوقية وآلف عليهآ آلشعب آلجزآئري للآسف وآش حتديري
​

 

[سجل أنا جزائري]

عندك الحق أغلب ليجان عندهم هذي الكلمات كي صباح الخير

مي اسمحيلي بنات تع ذرك هوما اللي جابوها رواحهم

بنات ذرك يهدرو كيما يهدرو ليجان كلش جايز عندهم شحال من مرة نسمع يقولو كلمات نبقى مشكوي في راسي