السلام عليكم ورحمة الله تعاى وبركاته
ياخاوتي واش نقوللكم واش نحكيلكم ،باش نقول كرهت حياتي ماشي للدرجة هاذي ،مي والله راني مصدومة ، علاش الناس ولات هكذا ، رانا في وقت الله يستر وخلاص .
معلاباليش سوء اختيار ، ولا قدر ومكتوب ربي يطيحنا مع ناس لي متعرفش قيمتنا ، ودايما احنا لي نخلصوا في الاخير ، مالحظتوش بلي الناس ولات تنافق في معاملاتها ،قدامك يلعبوها عفسة مصراتش حتى الواحد يولي يشك في روحو ، وبمجرد ميتخالفوا رجليك ياعيني التgطاع داير حاشية .
معلاباليش واش الهدف انو واحد يروح يقول للاخر فلان هدر عليك ، واش الهدف انو يضرب هذا بهذا ، انا مانقدرش نعيش مع فئة كيما هاذي ، عندي حاجة في قلبي ، نخرج بها طاي طاي قدام الانسان مباشرة ، ماكان لاه في وجهو نضحك وفي خفاتو نجبد عيوبو في الطابلة .
صدقوني ديفوا نحير ، مثلا في الخدمة جاو جماعة باش يديو ليكارت ، ولازم يحطو البو bon باش يديوها ، المدير ديالنا قال متعطيهمش لاكارت ، جات بنت قالي اوه هادي نتاعنا اعطيهالها وانا وليت نضرب في 90 ، تقلقت ما لقيت من قول .
ومام دايما نتلاقى بناس كيما هكذا ، في كل بلاص تلقاهم ، حتى لي تكون حاسبهم من الجيب للداخل في وقت الصح غير الريح في الشبك ،وربما لي ماكنتش دايرهم في بالك هادوك لي يوقفو معاك ويسلكوك وقت الشدة .
الدنيا ولات نفاق في نفاق
والله فريمو حاجة بيزار ومؤسفة انك تشوف ناس كيما هكذا، في الوجه سمنه على عسل وفي الخفية تقطاع البصل والزرودية ميخلوا مايقولوا .
ربي يهدينا ويهدي الناس اجمعين .
فئة كيما هادي ممنوع تدخل لمنتدى اللمة ههههههههههههه
راني غير نتمسخر اللمة قلبها كبير وتستقبل كل الاصناف ، وتعجنهم وتصنفهم ويولوا لاطاي واحدة وعقلية وحدة حب يقول مايد ان لمة هههههههههههه .
قالك ماتكثر على الملوك ما يملوك وانا كثرت عليكم ايا في امان الله .
معلاباليش سوء اختيار ، ولا قدر ومكتوب ربي يطيحنا مع ناس لي متعرفش قيمتنا ، ودايما احنا لي نخلصوا في الاخير ، مالحظتوش بلي الناس ولات تنافق في معاملاتها ،قدامك يلعبوها عفسة مصراتش حتى الواحد يولي يشك في روحو ، وبمجرد ميتخالفوا رجليك ياعيني التgطاع داير حاشية .
معلاباليش واش الهدف انو واحد يروح يقول للاخر فلان هدر عليك ، واش الهدف انو يضرب هذا بهذا ، انا مانقدرش نعيش مع فئة كيما هاذي ، عندي حاجة في قلبي ، نخرج بها طاي طاي قدام الانسان مباشرة ، ماكان لاه في وجهو نضحك وفي خفاتو نجبد عيوبو في الطابلة .
صدقوني ديفوا نحير ، مثلا في الخدمة جاو جماعة باش يديو ليكارت ، ولازم يحطو البو bon باش يديوها ، المدير ديالنا قال متعطيهمش لاكارت ، جات بنت قالي اوه هادي نتاعنا اعطيهالها وانا وليت نضرب في 90 ، تقلقت ما لقيت من قول .
ومام دايما نتلاقى بناس كيما هكذا ، في كل بلاص تلقاهم ، حتى لي تكون حاسبهم من الجيب للداخل في وقت الصح غير الريح في الشبك ،وربما لي ماكنتش دايرهم في بالك هادوك لي يوقفو معاك ويسلكوك وقت الشدة .
الدنيا ولات نفاق في نفاق
والله فريمو حاجة بيزار ومؤسفة انك تشوف ناس كيما هكذا، في الوجه سمنه على عسل وفي الخفية تقطاع البصل والزرودية ميخلوا مايقولوا .
ربي يهدينا ويهدي الناس اجمعين .
فئة كيما هادي ممنوع تدخل لمنتدى اللمة ههههههههههههه
راني غير نتمسخر اللمة قلبها كبير وتستقبل كل الاصناف ، وتعجنهم وتصنفهم ويولوا لاطاي واحدة وعقلية وحدة حب يقول مايد ان لمة هههههههههههه .
قالك ماتكثر على الملوك ما يملوك وانا كثرت عليكم ايا في امان الله .
![!≈[سُِـِيٌــِـِفّ اٌڷِخً‘يٌـرُ]≈!](/forum/data/avatars/m/99/99162.jpg?1745525199){kind=avatar}
