من مطبخي بسبوسة بالشوكولا والقهوة رووووعة

[anissa 13]

بسم الله الرحمن الرحيم
السلام عليكم ورحمة الله وبركاته

جبتلكم وصفة جديدة للبسبوسة صراحة رووووعة انشاءالله غي تعجبكم
يلا وجدو الطابليات وشمرو على دراعيكم باه نبداو
الوصفة ساهلة بزاف
علابالي هدرت بزاف هههه سي بون غادي نبدى

المقادير

200 غ دقيق رقيق
60 غ جوز هند محمص
3 بيضات
4 م ك سكر عادي
2 م ك كاكاو مر
1 م ك قهوة مذابة في قليل من الحليب (حوالي نصف كاس كبير )
2 خميرة الحلوى
قرصة ملح
100 غ زبدة مدابة
200 مل قشدة طرية

للسقي

نصف علبة حليب مركز محلى
نصف ملعقة صغيرة سكر فانيليا
كاس ماء صغير

للتزيين

شكلاطة مبشورة
واي اضافات ادا تحبي



طريقة التحضير

في اناء نخفق البيض مع السكر



نضيف القشدة الطرية ونستمر في الخلط



نضيف الزبدة ونخلط



ثم القهوة والكاكاو المر ونتابع الخفق



اخيرا نضيف الملح الخميرة السميد وجوز الهند ونتوقفو هنا عن الخفق نخلطو المكونات بملعقة خشبية



فرغو الخليط في قالب مدهون بالزبدة من الافضل يكون مربع او مستطيل انا ماعنديش استعملت دائري هههه وندخلوه فرن ساخن من 25 الى 30 دقيقة



كي تقرب البسبوسة تطيب نوجدو خليط السقي
في كسرول نعملو الحليب المركز مع الماء مع الفانيليا ونحطوهم على النار مع التحريك مدة 2 الى 3 دقائق



هاهي دي البسبوسة طابت وخرجتها



نسقيها بالخليط مادامها سخونة



نخلوها تشرب شوية



كي تبرد نرشو عليها الشكولا المبشورة ويلا حبيتو رشو نواد كوكو ومن بعد عاد قطعوها





هنا ضفتلها شوكولا مبشوة برسكو اللولة دابت !



ملاحضة : هاد االبسبوسة نسبة الحلاوة تاعها تعتمد على خليط السقي برسكو هي ماتجيش حلوة بزاف فيها الكاكاو والقهوة نتي يلا تحبي تحليها بزاف كثري الحليب المركز المحلى في خليط السقي انا عكست كثرت الماء ونقصت الحليب المركز لاني مانكلش السكر هاك باه ماتجينيش حلوة بزاف

نتمنى تعجبكم حتى ولو ماعجبتكمش هههه ماتحرمونيش دعواتكم بظهر الغيب
ادعولي
اي استفسار انا هنا
​

 

[ibtesem]

wow anousa
iam hungry

بصحتكم انوس امممممم سخفتيني

 

[نبض الحياة]

امممممممم بسبوسة جديدة
يعطيك الصحة حبوبة​

 

[هبة الرحمان2]

روووووووووووووووووعه

 

[نور الرحمان]

هايلة يعطيك الصحة اختي

 

[ziassia]

يعطيك الصحة تهبــــل كور و ديكوور​

 

[anissa 13]

بسوم رقية هبة نور زياسيا
بارك الله فيكم اخواتي نورتو الموضوع
​

 

[أم نيفين]

الله الله عليك يا انوسة ...ماشاء الله عليك ..علابالي بيك فحلة و نص و 25 ههههه
بسبوسة تهببببل يعطيك الصحة ++ تقييم

 

[somo_81]

مممم بنينة ابعتيلي حبة :p انشاء الله ربي يعطيك واش تتمناي

 

[imane27]

اممممممممممممممم ياانوسة والله غير تهبل يعطيك الصحة

 

[shahrazad]

اممممم يا نيسة هااااايلة
الله يعطيك الصحة
​

 

[SAMIRA25]

امممم تشهيي يعطيك الصحة اختي انيسة بارك الله فيك و جزاك خيرا

 

[narjes81]

وصفة جديدةة وتبان شابة يعيطك الصحة نجربها ان شاء الله

 

[Djazaire-El-Ghalia]

ya3tik essaha annoussa

 

[ملكًة الاحسآس]

وعليكم السلآآآم
اممم هدي البسبوسة جديدة
الله يبآآركـ جآآت هآآيلة
يعطيكـ الصحة
​

 

[ندى الورود]

أممممممممم ريوقي سالو
يعطيك الصحة أختي أنيسة بسبوسة وعليها الكلام وزيدي بالشوكولاطة والنستلي
اكي قضيتي علينا خلاص
​

 

[prncess fifi]

اممممممممم يا نيسة راني مازال ما شربت قهوة ندي طرف ونروح نشرب
يعطيك الصحة​

 

[hadda0425]

يا لذيذ يا رايق ههههه
يعيطك الصحة انيسة تهبل ما شاء الله
نجربها باذن الله
​

 

[faloussa]

يعطيك الصحة يا الفحلة جاتك اممممممممممممممممممممممم هايلة

 

[nawal 88]

y3tik sa7a kherjet hayla
teslam alayadi​