~ تآرتولآت بالفوآكه ~
لعيون حبيبآتي تبعوا معآيا الوصفة :d
بسم الله
العجينة: 125غ زبدة، 125غ سكر رطب، قرصة ملح، حبة بيض ونلمها بالفرينة وندخلها للثلآجة مدة ربع سآعة
ندهن ليمول ديال التآرتولآت بالزبدة وشوية فرينة، ونحط فيهم العجينة، نثقبها، ونمليها بحمص او لوبياء باه ما تطلعش بزآف
وندخلهم للفور، بعد ما يحمآرو من تحت نفرغهم من الحمص ونحمرهم من فوق
من الاحسن نخدموهم نهآر بقبل ونخلوهم يبآتو بآسكو يصبحو طريين بزآف
اما اللي يحبوهم شآدين رواحهم يستعملوهم مبآشرة
كريم بآتيسيآر: حبة بيض، 2 م ك سكر، 1 م ك نشآء، نخلطوهم مع بعض ثم نضيف كاس حليب
ونحطها فوق نآر هادئة ونخلط حتى تعقد، نطفي النار ونضيفلها 1 م ك زبدة
هاد الوصفة تجي شوية ثقيلة
انا نستعمل بزآف كريم موسلين: :thumb_up02:
نصف لتر حليب،2 بيض، 50غ نشآء، 75غ سكر، نخلط الكل ونحطها فوق نار هادئة
بعد ما تعقد نضيف 1 م ك زبدة، ونخلط بالبآتوغ ثم نضيف 50 غ كريم شآنتي ونواصل الخفق حتى تبرد
نحط الكريمة فلابوش ونحشي بيها التآرتولات ونزين بالفوآكه
من الاحسن ان تقدم بآردة :d
انآ قدمتهم مع عصير فواكه عملته بالبيت :thumb_up02:
وهآدو للصغآر :p
ملآحظة: في الوصفة المصورة 2 رح تلآحظو ان مقادير كمية كريمة الموسلين متضاعفة عآدي لاني العجينة استعملت ضعف المقآدير اللي ذكرتها فوق :-r
ســــلآمي
آخر تعديل بواسطة المشرف:
