الناس الناس الجيل العباد البشر العالم الدنيا

[Rahal Oualid]

عنوان غريب صح
معليش

:-r
السلام عليكم
كيف الحال ان شاء الله تمام

الكلمة المكرر في المنتدى لو تلاحظو معيا :
- الناس يخلوك مشكوي
- حال و حوال في الدنيا
- خافو ربي يا عباد
- البشر الله يا لطيف
- جيل الوقت يعيوك

مشاء الله نحن هكذا

انت من الناس و انت من البشر و انت من هذا الجيل و انت من العباد
و انا تاني وقاع رانا في الدنيا و العالم و قاع نغلطو
عيوب الناس كثير و عيوبك ؟

قبل من نقولو لناس خاف ربي و نبداو برواحنا
انا لول علابالي مقصر بزاف
نغلط مع الناس نغلط ربي ،، الله يهدينا و يصلحنا
مي راني نشوف في بزاف ملائكة جامي تغلط
مني انا لول :-r

:regards01:
خليكم من هدرت الناس و تلاهو برواحكم
ايا دك تسجيل الخروج

​

 

[بنت الـ25]

أهلا بالساحر
يقولك البعير ما يشوفش حدبتو
وهكدا الناس
لوكان جى كل واحد يتلهى بروحو الدنيا بخير
​

 

[فتاة حساسة]

اهلا بيك خويا..ايه اخويا اللي يهدر من وراك ديما يبقى وراك.رربي يهدينا ....
​

 

[السلطانة]

وعليكم السلام

لي يهدر فيك غير لي تمنى بلاصتك وماوصلها وماراح يوصلها
موضوع شباب
تقبل مروري
سلامي
​

 

[Rahal Oualid]

بارك الله فيكم خاوتي لي ردو
و لي مرادوش خخخخخ يا متخافوش مش راح يوكلني الخبز والا يدخلني الجنة
خخخخ و تأكذ ردك ميقضيلي والو خخخخخ
:d


​

 

[lee yong]

مرسيي خويا على الموضوع المميز
عندك الحق الناس في هذا الوقت راهم ناسيين عيوبهم ويشوفوا غير للناس
يعطيك الصحة

 

[*NajéT Algérien*]

من سمعش بيهم كامل
لي بغا يهدر يجي في وجه ويهدر لكان قادر

شعب هاني يستنا وينتا تغلط باه يشدهالك​

 

[ملكًة الاحسآس]

وعليكم السلآآآم
عجبني موضوعكـ خويآآ خفيف وظريف :up:
ايييه هدي هي الوآحد مايشوفش عيوبه
بصـح عيووب الآخرين عنده مآيديرلهم الزووم
والمصيبة تلقآه يهدر كي شغل هو صح ملآآكـ
ربي يهدينآآ ويصلحنآآ كمآآ قلت
تحيآتي :regards01:
​

 

[eva rose de sable]

بيت شعري عن من يستهزء بالناس
كناطح صخرة يوما ليوهنها فلم يضرها وأوهى قرنه الوعل
​

 

[3ish.tchof]

يغطي نفصوا بضحك على نقائص الناس

شــــــــــــــتكرا
​

 

[وصال]

واش تحب هاذي هي الدنيا هذا يشوف في هذا وهذا يعاتب في هذا شغلنا انفسنا بعيوب الناس ونسينا عيوبنا .
اللهم ابصرنا بعيوبنا وتب علينا انك التواب الرحيم .

شكرا على الموضوع .