ارز بصوص الكفتة من مطبخي

الحالة
مغلق ولا يسمح بالمزيد من الردود.

hadda0425

:: عضو بارز ::
أحباب اللمة
إنضم
12 أفريل 2009
المشاركات
5,657
نقاط التفاعل
16,998
النقاط
351
بسم الله الرحمان الرحيم
هذا ثاني مرة نعمل الارز بالطريقة الاسبانية عجبلهم
بصح اليوم عملت معاه صوص بالكفتة
نبداو بالروز
انا استعملت روز مفور ستار
بصلة مفرومة
فلفل اخضر واحمر اختياري انا استعملت فلفل اخضر حار الحلو معنديش تقدري تضيفوه اذا تحبوه
حبة طماطم مقشرة مقسمة على اربعة
عصير ومبشور برتقالة صغيرة
زعفران اذا حبيتي
فلفل اسود
زبدة


يا حبذا لوكان تكون كسرونة ما تلصقش انا عندي مقلة تيفال نعمل فيها
نحطو الزبدة في مقلاة تيفال تذوب ونحطو عليها الروز ونحركو حتى يتقلى شوية ما نحبسوش على التحراك باه ما يتحرقش نضيفو البصل والفلفل ونحركو



نضيفو مبشور وعصير البرتقال و نزيدو الفلفل والبهارات والطماطم



نمرقو نغلقو ونخليو ه يطيب



الملح خليتو هو لخر نذوق ونوازن الذوق تع الطعم
يعني تذوقي وتضيفي على ذوقك

الروز تاعنا طاب


تقدرة تاكلوه بدون اي شيء معاه مثلا لحم مقلي برك



نجيو لصوص الكفتة
كفتة درتلها شوية ملح وثوم وفلفل اسود كعبرتها وقليتها في الزيت



من جهة قشرت حبة طماطم وقسمتها حطيتها في ميكسور زدتلها فورماج بصلة مقطعة شوية فلفل اخضر ومغرفة تع الطامطم المعجون ومغرفة موطارد وكاس ما ورحيتهم




ما تنساوش الكفتة تحركوها مرة على مرة كي تتقلى وتحمار نصبو عليها الصوص اذا شفتي الزيت بزاف تقدري تنقصي قبل مل تضيفي الصوص



ومن بعد نضيفو الفلفل الاسود والملح ونزيدو الما اذا كانت ثقيلة ما تنساوش بلي الكفتة فيها توابل من قبل اذا جاتك فيها نوع من الحموضة عدلي الذوق بشوية سكر
المقادير انت وعينك وش درتي

الصوص مع الكفتة



وهنا مع الروز



بالصحة والهنا
اي استفسار انا موجودة

 
امممممممممممم يا حدودة راه يشهي راني ديت كل شيء نخليه للعشاء راه مازال الحال عندنا
يعطيك الصحة خرجلك هايل​
 
يعطيك الصحة راه يشهي بصحتكم
 
امممممممممممم يشهى يعطيك الصحة
 
يعطيك الصحة حدة جاك هايل . بصحتكم
 
بصحتكم حدة الروز جاك هايل
 
خرجلك روعة يعطيك الصحة حدة و جزاك الله خيرا
 
اممممم حدودة جاك هايل نموت على الروز بكل انواعه
 
امممممممممممم يا حدودة راه يشهي راني ديت كل شيء نخليه للعشاء راه مازال الحال عندنا
يعطيك الصحة خرجلك هايل​
الله يسلمك فيفي بصحتك
 
روعة يا حدة تسلم الايادي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top