راكم كامل لاباس الحمد لله
ياخاوتي كاين مرات الانسان يتحط في مواقف لي تخليه يتصرف تصرفات ماشي دياولوحتى هو وميعرفش روحو
علابالي راح تقولو واش راهي تهدر هاذي
بصح والله غير ديفوا تحس روحك مسير من طرف شخص اخر ، يخليك تدير واش يحب هو ، مالقري تكون في قلبك مركش حاب العفسة هاديك لكن بسبب مثلا الصداقة او القرابة يخليك تكذب حتى على روحك
:$:$:$
معلاباليش انااليوم صراتلي عفسة حسيت روحي منسواش ، يعني كاين ناس تكسب الملاحة على ظهور ناس واحداخرين ، باش تفهمو قصدي مثلا تكون في العمل يقولولك حاجة ممنوع انت اطبق القانون بحذافيرو ، يجي واحد يكسر القانون ويخرجك للعريانة ، ويخليك في موقف لا تحسد عليه مالقري انت لي راك مع الحق بصح هو يبان بطل قدام الغاشي .
كيما لي قالك زكارة في العرب :p:p:p
زيد مثلا واحد يقولك حاجة بيناتنا وانت يجي انسان يرمي الراشي باش يجيب الصحيح وانت دير روحك معلابالكش وهو السي خونا ديجا احكى لامة محمد وخلاك في موقف الكذاب الجحاد لي ميسواش يعني يجبد بيك الحصيرة بلا سابق انذار .
ويخليك تغلي مع روحك
زيد كاين ديفوا تبان قاسي وانت في الاصل حنون الظروف هي لي خلاتك هكذا برك .
قوليلي برك كيفاش نتصرفو مع ناس بلعاطية
صراولكم عفايس كيما هادو ولا غير انا
صدقوني ديفوا نحب ندير موقف بصح منقدرش نخرج طاي طاي بكل صراحة
:regards01::regards01::regards01::regards01: .
ملاحظة : ساكون غائبة هذه الايام ، لذلك لا داعي للزعل ان لم ارد على الموضوع ههههههههههه يوم الاحد ان شاء الله سنلتقي .
وضعت الملاحظة من باب الاحتياط ههه ، تقبلوا عباراتي التبلعيطية
جمعة مباركة
