واش راك تهدر ......!!نطلع بيها المورال ........

[ام اسحاق]

واش احوالكم احبابي اعضاء اللمة ...ياااا ربي كامل بالف صحة و فرحة .....

انا اليوم حبيت نحكيلكم على حالتي مع اللمة الجزائرية .]..راني عدت مدمنة لدرجة اني نجري و نطيحنكمل الشغل تاعي و نكونيكتي ......
و ديفوا نطفي الضوء على حوايج ..و نكونكتي
اول ما نبدا نطل على الاسلاميات ...نقراو شوي و مبعد نروح نشوف مواضيعي و الردود
و مبعد نروح للحوار و النقاش ...و نبدا نقلق ....نحرق شوي اعصابي مع بعض الردود

و نكمل على اعصابي الي بقات في منتدى السياسي .....نرحيها بيان

نولي
نضرب طليلة على الطبخ....
و كاش معلومة مفيدة في المنتديات الباقية ....دي فوا نفرح و دي فوا نتشوكا حسب المعلومة

المهم رانا وصلنا ليه

منتدى وش راك تهدر ...نجي نطلع فيه المورال ....مام ما نردش بصح نضحك ...
و نشيخ العقلية خاصة مع مختلف اللهجات الباهيه
تاع بلادنا ....سافي منتدى وش راك تهدر هو الكافيتيريا تاع اللمة ....؟؟.......
نجيو و نديرو فيها قهويوةعند minette
و لا وش قال خويا وش قالت اختي ؟؟؟؟؟

في امان الله


​

 

[بنت الـ25]

واش احوالكم احبابي اعضاء اللمة ...ياااا ربي كامل بالف صحة و فرحة .....

​

الحمدلله اختي ام اسحاق سوال عليك
ياخي الدار لاباس؟ لولاد؟ اسحاق وش مداير فيك ؟

انا اليوم حبيت نحكيلكم على حالتي مع اللمة الجزائرية ..راني عدت مدمنة لدرجة اني نجري و نطيح
نكمل الشغل تاعي و نكونيكتي ......
و ديفوا نطفي الضوء على حوايج و نكونكتي

هههههههههههههه هادي هي العقلية السائدة (عِدمان)
مام انا هكدا سيرتو كي تكون حاجة مهمة نزرب نكمل الخدمة ونجي فريرا :d
يما ضال عقابي يا بنتي لماعن كمليهم واي ليك اللمة :d

اول ما نبدا نطل على الاسلاميات ...نقراو شوي و مبعد نروح نشوف مواضيعي و الردود
و مبعد نروح للحوار و النقاش ...و نبدا نقلق ....نحرق شوي اعصابي مع بعض الردود

و نكمل على اعصابي الي بقات في منتدى السياسي .....نرحيها بيان
نولي
نضرب طليلة على الطبخ....
و كاش معلومة مفيدة في المنتديات الباقية ....دي فوا نفرح و دي فوا نتشوكا حسب المعلومة

الله الله أم اسحاق كي الفراشة تتنقل من منتدى لآخر بكل خفة ورشاقة
مي ملاحظتيش بلي جبتينا مصطلحات مطبخية (نحرق ، نرحي ...) ههههه :p
سيرتو نحرق هادي،، وانا نقول وش ريحة الحريق لي تخرج مالميكرو
أنا قلت كشما صوطا فيه :s وترنك انتي تحرقي في أعصابك؟
ههههههههه :p:p
بصح لاحظت بلي منتدى اهنا فرغ وش كاين في قلبك زعما ما جبتيش سيرتو
مالـgري نحتاجوك بزاف لتما:up:
معليش الدنيا بالوجوه خخخخخخخخ :p

المهم رانا وصلنا ليه

منتدى وش راك تهدر ...نجي نطلع فيه المورال ....مام ما نردش بصح نضحك ...
و نشيخ العقلية خاصة مع مختلف اللهجات الباهيه تاع بلادنا ....سافي منتدى وش راك تهدر هو الكافيتيريا تاع اللمة ....؟؟....

ايه قالولك عليها قهوة القوسطو هههههه:p
بيان سير كافيتيريا باطل يا مواطن
وزيد تروّحي محملة بالكادوات كيما ليوم مثلا انتي مراحش تروّحي بيديك فارغين
ديتي فيها ختم التميز وكون تزيدي موضوع باهي واحد برك تدي فيها 100 نقطة
ايا شكون كيفك خخخخخخخخخخخخخ
بوه شكون كيفنا البها والدفا :p ههههه

نجيو و نديرو فيها قهويوة عند minette
و لا وش قال خويا وش قالت اختي ؟؟؟؟؟

ورسك ما يكون الا خاطرك
وهادي احلى سنيوة قهوة لعيونك

ادعيلنا دعوة خير برك

في امان الله

في لامان حبوبة ولا تحرمينا تواجدك :regards01:

ملاحظة
عجبوني البوبيات اللي راكي دايرتهم تع السيمبسون :up:
مي فالاقتباس يخرج مكتوب ملف مرفق ايا نحيتهم هههههههه :d
​

 

[ام اسحاق]

الحمدلله اختي ام اسحاق سوال عليك
ياخي الدار لاباس؟ لولاد؟ اسحاق وش مداير فيك ؟

يسقسي عليك الخير و الهنا ..حبوبتي minette

هههههههههههههه هادي هي العقلية السائدة (عِدمان)
مام انا هكدا سيرتو كي تكون حاجة مهمة نزرب نكمل الخدمة ونجي فريرا :d
يما ضال عقابي يا بنتي لماعن كمليهم واي ليك اللمة :d

هههههههههههه....و ان ما لقيت كيفاه ندير ....:s


الله الله أم اسحاق كي الفراشة تتنقل من منتدى لآخر بكل خفة ورشاقة
مي ملاحظتيش بلي جبتينا مصطلحات مطبخية (نحرق ، نرحي ...) ههههه :p
سيرتو نحرق هادي،، وانا نقول وش ريحة الحريق لي تخرج مالميكرو
أنا قلت كشما صوطا فيه :s وترنك انتي تحرقي في أعصابك؟
ههههههههه :p:p

ريحة الحريق هاديك
ريحة غدايا الي تحرق ....:$

بصح لاحظت بلي منتدى اهنا فرغ وش كاين في قلبك زعما ما جبتيش سيرتو
مالـgري نحتاجوك بزاف لتما:up:
معليش الدنيا بالوجوه خخخخخخخخ :p

خلاص ...ما تقلقي ما والو ....ضرك نعود ندير قهيوة ....نطلع المورال بيان
ونهبط للمنتدى


ايه قالولك عليها قهوة القوسطو هههههه:p
بيان سير كافيتيريا باطل يا مواطن
وزيد تروّحي محملة بالكادوات كيما ليوم مثلا انتي مراحش تروّحي بيديك فارغين
ديتي فيها ختم التميز وكون تزيدي موضوع باهي واحد برك تدي فيها 100 نقطة
ايا شكون كيفك خخخخخخخخخخخخخ
بوه شكون كيفنا البها والدفا :p ههههه

و الله عندي خير من قهوة القوسطو ...سيرتو معاك ربي يبارك
حلاوة اللسان
ربي يحلي ايامك و يبهيها ..........

ورسك ما يكون الا خاطرك
وهادي احلى سنيوة قهوة لعيونك

ادعيلنا دعوة خير برك


ربي يبارك ...يا ربي تشربي قهوة زواجك الايامات هاذو و نفرحوا بيك ....
و ربي يزين ايامك و سعدك ....يا رب

في لامان حبوبة ولا تحرمينا تواجدك :regards01:

ملاحظة
عجبوني البوبيات اللي راكي دايرتهم تع السيمبسون :up:
مي فالاقتباس يخرج مكتوب ملف مرفق ايا نحيتهم هههههههه :d
​

حبوبتي نحي وش تحبي
كي حطيتي الختم .....معليش :p

الف شكر ليك على الختم و القهوة .و الgوصرة الزينة ...
و كي نحيتيلي على بالي .....ربي يصلح بالك و يهنيك
​

 

[hala.21]

واوالله ياختي لعزيزة تقديري تقولي حالتي كي حالتك مع اللمة الزينة احيانا نفضل نذخل لمة وتلقينا من بزازار بزار نرد ونشري هههههه:pونيع وساعاات نجيبها غير منتدى الطبخ وحك وهيا رايحا وتقبلي مروري موضوع هـــــــايل

 

[ام منصف]

جيت نقرا الموضوع نتاع ام اسحاق لاني معجبة بكل مواضيعها ومتبعتهم ووين ما تروح تلقاني قدامه
عجبتني الحوصلة اللي درتيها لمنتدى اللمة الحال من بعضو
حالتنا فيه تتوقف عل حساب الركن والقسم اللي زرناه وبالتالي راح تختلف وتتنوع بتنوع اركانه ومنتدياته
فيه التسلية و الترفيه :thumb_up02:
فيه اللي يقلق ويحرق الاعصاب ويطلع لاطونسيون :very_mad:
وفيه الفائدة والمعلومة القيمة :regards01:
وفيه وفيه وفيه
المهم لكل منتدى خصوصيتو ولكل ركن جماليتو
وتبقى اللمة الرائدة بدون منازع
:sport02:​

 

[ام اسحاق]

واوالله ياختي لعزيزة تقديري تقولي حالتي كي حالتك مع اللمة الزينة احيانا نفضل نذخل لمة وتلقينا من بزازار بزار نرد ونشري هههههه:pونيع وساعاات نجيبها غير منتدى الطبخ وحك وهيا رايحا وتقبلي مروري موضوع هـــــــايل

اهلا حبوبتي هالة ...
شفتي حنونة المنتدى وش دار فينا ؟؟؟؟
انت الهايلة :up:
لا تحرميني مشاركاتك
​

 

[nanoche]

ربي يخليك أختي
كنت حاسبة الادمان راهو غير عندي
هههههههههههه
طلعولي بزااف كيفي قبل ما نسجل في المنتدى كنت كل مرة في جهة و دي فوا نكره و نديكوناكتي

بصح دوكا عادو اصدقائي دايما يبعتولي ...وين راكي علاش ماراكيش تباني كيما قلتي
نقوللهم الكلمة ستوندار ديالنا "الله غالب"

ربي يخلينا دايما ملمومين
و يخلينا هاذ اللمة الحلوووة

​

 

[ام انس الحبيب]

و مين سمعك اختي ام اسحاق
والله راكي تقولشي تهدري عليا انا دي فوا نحب نحط روسات على خاطر نزور بزاف منتدى الطبخ
وتنوضلي الاء الرحمان في نص الكتبة نعود قريب نبكي
لا نصيب نكمل لا نصيب نسكتها
الا كملت مسكينة صغيرة ما يليقلهاش تبكي
والا رحت ليها يقعد قلبي معلق بالمنتدى
واش نقلك يا ختي هذا ادمان مليح بصح ايعيي
​

 

[ام اسحاق]

جيت نقرا الموضوع نتاع ام اسحاق لاني معجبة بكل مواضيعها ومتبعتهم ووين ما تروح تلقاني قدامه
عجبتني الحوصلة اللي درتيها لمنتدى اللمة الحال من بعضو
حالتنا فيه تتوقف عل حساب الركن والقسم اللي زرناه وبالتالي راح تختلف وتتنوع بتنوع اركانه ومنتدياته
فيه التسلية و الترفيه :thumb_up02:
فيه اللي يقلق ويحرق الاعصاب ويطلع لاطونسيون :very_mad:
وفيه الفائدة والمعلومة القيمة :regards01:
وفيه وفيه وفيه
المهم لكل منتدى خصوصيتو ولكل ركن جماليتو
وتبقى اللمة الرائدة بدون منازع
:sport02:​

ربي يخليك يا ام منصف و يتبعك الخير و الهنا ......صح كل ركن و خصوصيتو
و الي يتبعهم كامل كيما حالتي وش يصرالو ؟؟؟:s
تلقايني كل ساعة و كيفاه ......ساعة نضحك وحدي كي المهبولة :d و ساعة و ساعة :-o
ربي يستر العقلية برك لا نودرو ...........:p
​

 

[zagane]

مشاهدة المرفق 40466

واش احوالكم احبابي اعضاء اللمة ...ياااا ربي كامل بالف صحة و فرحة .....

انا اليوم حبيت نحكيلكم على حالتي مع اللمة الجزائرية .]..راني عدت مدمنة لدرجة اني نجري و نطيحمشاهدة المرفق 40467نكمل الشغل تاعي و نكونيكتي ......
و ديفوا نطفي الضوء على حوايج مشاهدة المرفق 40468..و نكونكتي
اول ما نبدا نطل على الاسلاميات ...نقراو شوي و مبعد نروح نشوف مواضيعي و الردود
و مبعد نروح للحوار و النقاش ...و نبدا نقلق ....نحرق شوي اعصابي مع بعض الردود

و نكمل على اعصابي الي بقات في منتدى السياسي .....نرحيها بيان
مشاهدة المرفق 40469
نولي
نضرب طليلة على الطبخ....
و كاش معلومة مفيدة في المنتديات الباقية ....دي فوا نفرح و دي فوا نتشوكا حسب المعلومة

المهم رانا وصلنا ليه

منتدى وش راك تهدر ...نجي نطلع فيه المورال ..مشاهدة المرفق 40462..مام ما نردش بصح نضحك ...
و نشيخ العقلية خاصة مع مختلف اللهجات الباهيه مشاهدة المرفق 40463
تاع بلادنا ....سافي منتدى وش راك تهدر هو الكافيتيريا تاع اللمة ....؟؟.......
نجيو و نديرو فيها قهويوةمشاهدة المرفق 40464عند minette
و لا وش قال خويا وش قالت اختي ؟؟؟؟؟

في امان الله

مشاهدة المرفق 40465
​

السلام عليكم
ديري الميكرو فوق البوتاجي تاع الكوزينة ايد طيب وايد تكونيكتي

 

[ام اسحاق]

ربي يخليك أختي
كنت حاسبة الادمان راهو غير عندي
هههههههههههه
طلعولي بزااف كيفي قبل ما نسجل في المنتدى كنت كل مرة في جهة و دي فوا نكره و نديكوناكتي

بصح دوكا عادو اصدقائي دايما يبعتولي ...وين راكي علاش ماراكيش تباني كيما قلتي
نقوللهم الكلمة ستوندار ديالنا "الله غالب"

ربي يخلينا دايما ملمومين
و يخلينا هاذ اللمة الحلوووة

​

اهلاااااااااااا حبوبتي ننوش ....
لا لا ماكيش وحدك ........رانا كامل كيف كف ...........
الادمان راه ماشي في الدم ....هاذ اللمة الحلوة راي بامثالك يا زينونة
ربي يديم المحبة بيناتنا :d
​

 

[ام اسحاق]

و مين سمعك اختي ام اسحاق
والله راكي تقولشي تهدري عليا انا دي فوا نحب نحط روسات على خاطر نزور بزاف منتدى الطبخ
وتنوضلي الاء الرحمان في نص الكتبة نعود قريب نبكي
لا نصيب نكمل لا نصيب نسكتها
الا كملت مسكينة صغيرة ما يليقلهاش تبكي
والا رحت ليها يقعد قلبي معلق بالمنتدى
واش نقلك يا ختي هذا ادمان مليح بصح ايعيي
​

ربي يخليهالك ...الاء الباهية
قوليلها تقعد ترونكيل ....بش ما تحرميناش من لي رسات نتاعك
:p:p:d
ربي يبارك فيك و فيها
و يديم حبنا ولمتنا و منتدى وش راك تهدر و مينات
مشرفة هاذ المنتدى
​

 

[ام اسحاق]

السلام عليكم
ديري الميكرو فوق البوتاجي تاع الكوزينة ايد طيب وايد تكونيكتي

فكرة طيبة ....شكراااااااا
راح نحاول نطبقها ..........شكراااااااااااا
​

 

[أم راضية ~_]

السلام عليكم
هههههههههههه الحمد لله
انا كنت مدمنة اما دوك خلاص بريت وشفيت وتعافيت والحمد لله
هاد المنتدى غالي بزااااف عليا و نعتبرو هو الصح والساس تاع المنتدى كااامل بويسك هوا المراية تاع واقعنا
و فيه تعرفنا على ناس من خلال مواضيعهم و ردودهم و فيه تعلمت لهجات الجزائر و التقافات المحلية و هو اول منتدى استقبلني
مليح الي عجبك الحال فيه
نتمنالك التوفيق في مشوارك اللماوي مع هاد المنتدى العزيز عليا
شكرا على الموضوع​

 

[ђĩหđǿĉħǻ]

هههههههههه ....بدوون تعلييق....:d
​

 

[nanoche]

اهلاااااااااااا حبوبتي ننوش ....
لا لا ماكيش وحدك ........رانا كامل كيف كف ...........
الادمان راه ماشي في الدم ....هاذ اللمة الحلوة راي بامثالك يا زينونة
ربي يديم المحبة بيناتنا :d
​

اللهم امين اختي و

​

 

[ام اسحاق]

السلام عليكم
هههههههههههه الحمد لله
انا كنت مدمنة اما دوك خلاص بريت وشفيت وتعافيت والحمد لله
هاد المنتدى غالي بزااااف عليا و نعتبرو هو الصح والساس تاع المنتدى كااامل بويسك هوا المراية تاع واقعنا
و فيه تعرفنا على ناس من خلال مواضيعهم و ردودهم و فيه تعلمت لهجات الجزائر و التقافات المحلية و هو اول منتدى استقبلني
مليح الي عجبك الحال فيه
نتمنالك التوفيق في مشوارك اللماوي مع هاد المنتدى العزيز عليا
شكرا على الموضوع​

كل الشكر ليك انت حبيبتي يلدز لان ميولاتنا كيف كيف ..............
لهجات الجزائر متنوعة ....ربي يبارك ..........و احنا في هاد المنتدى نحاولو نعرفو بيها قدر المستطاع .........
ربي يوفقك حنونة و ينجحك و يعطيك وش تتمناي
​

 

[ام اسحاق]

هههههههههه ....بدوون تعلييق....:d
​

اهلااااااااااا هندوشة .............اتحفينا بتعليق نطلعوا بيه المورال
ههههههههههههههههههه:d:p:p:p:p:p
​

 

[ام اسحاق]

اللهم امين اختي و

​

ربي يخليك حنونة ..........تميزي راو مرتبط باعضاء مثلك
لباقة في الكلام ............و فن في الرد
​

 

[مايا الجزائرية]

واااااه وليت ندخل اللمة باش نطلع المورال كاينة
الله يخليكم لينا
عجبني موضوعك غاية