الزواج و الام

[serinee]

السلام عليكم يا مرحبا و اهلا
واش راكم ان شاء الله بخير و بزين و زوننين
علابالي راني حكيت بزززاف هنا مي وليت نحب نفرغ بززا ف الفولة متشمخش في فمي
اليوم حابة نحكي على الام و الزواج دركا نصيبو بززاف امهات مقلقين على بناتهم خافو زعما عليهم يخلاصو الرجالة و يبقاو بايرين
انا مثلا امي اوووووووووووووووووه كرهتلي حياتي بهدا الموضوع :p
كلما تسمع فلانة تزووجت تقولي فلانة عرسها نقوللها اي الف مبروك ربي يهنيها تقول اييييييييييييييييييييييييي قدك هدي و كل واحد كبيرة او صغيرة ترجعها قدي
يعني اوقات و الله نتقلق و نولي غير نستغفر ختاش مامنة بانو هدا نصيب و مكتوب و ربي هو يعرف الخير وينو
انا نقول صح الام مقلقة و لكن البنت تاني تكون مقلقة و لكن لازم الام هي لي تصبر بنتها مش تزيد تقلقها :down: و تهبطلها معنوياتها يعني لا قدر الله لكان هدي الطفلة كشما يصيبها او كشما دير في روحها لا قدر الله مش تولي تجري بيها
و لا نتوما واش رايكم
اليكم الخط احبتي

​

 

[بنت الـ25]

كاينة هههههههههههههه
مي ساعات الأم متعرفش توصل لبنتها الفكرة بلي راهي بارت تبدا تنشع فيها
لاكان معرفتيش طيبي الكسرة تقولك نتاجاتك ام بولادهم وانتي معرفتيش طيبي طرف كسرة
ولاكان ما صلحلكش القاطو ديرك طوط عالحيوط ونشافة تمسح بيك لرض وتردلك ما تليقيش بدورو
ولاكان درتي الماكلة مالحة خلات عليك ههههههههه
طبعا مامايا انا خاطيها عمرها محسستني بهاد الشي ومام انا منيش قلقانة الدنيا بالمكتوب ونهار يجي ما يشاورش خخخخ
واشيوا الديفو انو خواتاتي تزوجو صغار خلصو قراية منا تزوجو منهيه وانا راني فالعام الثالث بعد التخرج خخخخخ
مي جامي قارنو ولا قالولي اكي برتي ههههه بالعكس خواتاي يقولولي بعقلك مزالكي صغيرة :d
مي ربي يهدي بعض الأمهت عالطالعة والنازلة طايحين في بناتهم تجريح
مرة جارتنا قالت ليما: عطا ربي ام جابولي الرجالة من برا (استغفر الله العظيم) المهم يزوجو ميقعدوليش
من جيهة اي تخرج من عقلها مسكينة قاعدينلها 4 بنات بلا زواج لكبيرة فيهم قريب تقفل 30
وما عندهمش خوهم من حقها تخاف عليهم وتتمنالهم السترة
وفاللخر كلشي بالمكتوب فالدنيا هادي الواحد مكلاه يخرج من رحمة ربي
​

 

[nanoche]

كاينة منها أختي معظم الأمهات تلقايهم مقلقين على بناتهم وقتاش يتزوجو
و أنا يما دايما تقولهالي كي نشري حاجة أو نمشط عند الحفافة نقوللها واش يما راني شابة؟؟؟
تقولي الزين زينة و كي الوردة بصح الزهر مكانش (نفس الاسطوانة حتى رجعت ما نسقسيهاش ههههههههه) و خصوصا اني بقيت الوحيدة في الدار الكل بنات وولاد تزوجو وهي قضية مكتوب
و أنا مارانيش مقلقة لأني عارفة انو الصح ماشي في الزواج الصح في كيفاش تعيشي بعد الزواج
زمان امراة زوجت بنتها قاتلها يا بنتي راني زوجتك
قاتلها بنتها : الزواج زوجتيني بصح سقسيني على الهنا اذا نلقاه
وربي يفرج على كل بنت بالسعد المسعود اللي يعوضلها اللي راح و ينورلها اللي جاي
​

 

[EL General]

سوجي مليح يعطيك الصحة على الطرح نتاعو
الأمهات من جيهة يخافو على بناتهم من انهم يبورو عندك لحق :d
و من جيهة اخرى يخافوا عليهم من مساوئ الدنيا بارسكو راهم ياسر
و تاني كاينة حاجة اخرى هي ان الأم من شدة حبها لبنتها ساعات تولي تعطي قرارات غير صائبة
و هنا تكمن المشاكل
على كل نتمنى وحدة ما تبقى بايرة و الكل تتزوجو :up:
سلآمي :regards01:
​

 

[ماكانش]

يعطيك الصحة سيرين كي قلتي الم لازم تصبر بنتها واطلعلها المورال ماو تزيد عليها
الله غالب الم حنينة وتحب تشوف بنتها مزوجة وتتهنى عليها
---
حنا الرجال العكس
كي يحب يتزوج الراجل تقلو مو مازلت صغير ههههههههه
​

 

[محمد إبن الصحراء]

نحن في الهواء سواء

حتى أنا مثلك وعندي صحابي بزاف رانا بايرين مازال ماتزوجنا

والمشكل راه في وين هي البنت الصبارة العاقلة لمدينة ....الخ

بالاك منتدى اللمة الجزائرية يفري لمعشر الشباب الباير هده المشكل في الخير

 

[SOFIANE020]

من الطبيعي جدا باش تتقلق الام
تحب تشوف بنت عروسة كي الناس

 

[imy_amani]

هي كل الامهات تحب تفرح ببناتها
وتشوفهم عروسات
لكن هاد الضغط ماهوش مليح خلاااااااااص
لخاطرش البنت كي تبقى تتعرض للضغوطات من كل جيهة وحتى في دارهم
تبقى تحوس دير اي شي باش تتزوج

ههههههههه انا يما تقولي مازلتي صغيرة
ههههههههه
تقولي نروح انا وبنتي وباباها للعمرة
مي بصح كل مرة على مرة تقولي
تجيبلي بنتي طفلة ونربيها لها هههههههههه
خطرة هاك خطرة هاك
مي هي اللي مقنعتنا انو
الزواج قسمة ونصيب
واللي كاتبهلنا ربي نوصلوه
​

 

[المهندس عبد الوهاب]

امممم موضوع مهم جدا

بصراحة مثلما قلتِ في الموضوع ان الام ينبغي عليها مساعدة الانثى في عدم الاحساس بتلك الازمة ولكن كم من مريد للخير ويخطئ التصرف ففرط الحب ايضا يصيب بالضرر

اسأل الله ان يزوج بناتنا ورجالنا امين

<< وانا منهم :d


شكرا

 

[نقطة حبر]

ههههههههههههههه
ههههههههههههههه بكل صراحة انا يما قاتلي انا معاه من ظرك قاتلي المسكين تهبليه
لذا هي عكس كل الامهات تحافظ عني بكل قواها هههههههه

 

[serinee]

كاينة هههههههههههههه
مي ساعات الأم متعرفش توصل لبنتها الفكرة بلي راهي بارت تبدا تنشع فيها
لاكان معرفتيش طيبي الكسرة تقولك نتاجاتك ام بولادهم وانتي معرفتيش طيبي طرف كسرة
ولاكان ما صلحلكش القاطو ديرك طوط عالحيوط ونشافة تمسح بيك لرض وتردلك ما تليقيش بدورو
ولاكان درتي الماكلة مالحة خلات عليك ههههههههه
طبعا مامايا انا خاطيها عمرها محسستني بهاد الشي ومام انا منيش قلقانة الدنيا بالمكتوب ونهار يجي ما يشاورش خخخخ
واشيوا الديفو انو خواتاتي تزوجو صغار خلصو قراية منا تزوجو منهيه وانا راني فالعام الثالث بعد التخرج خخخخخ
مي جامي قارنو ولا قالولي اكي برتي ههههه بالعكس خواتاي يقولولي بعقلك مزالكي صغيرة :d
مي ربي يهدي بعض الأمهت عالطالعة والنازلة طايحين في بناتهم تجريح
مرة جارتنا قالت ليما: عطا ربي ام جابولي الرجالة من برا (استغفر الله العظيم) المهم يزوجو ميقعدوليش
من جيهة اي تخرج من عقلها مسكينة قاعدينلها 4 بنات بلا زواج لكبيرة فيهم قريب تقفل 30
وما عندهمش خوهم من حقها تخاف عليهم وتتمنالهم السترة
وفاللخر كلشي بالمكتوب فالدنيا هادي الواحد مكلاه يخرج من رحمة ربي
​

أهلا بيك يا الزينة و الله جيبتيها على حاجة صغيرة تنود تندب و تقولك اي نتاجاتك راهم باولادهم صح اوقات تصيبهم باولادهم مي ابسط حاجة ميعرفوش يديروها صح مش كامل
ايا حاجة مليحة ربي يخليلك ماماتك و ان شاء الله تفرح بيك و يهني خياتك
اختي صدقني هدا الدنيا مكاتيب كيما يقولو تقلق على الخبزة تاكلها خضرة تصبر عليها تاكلها طايبة
صح رانا نشوفو هكا نعرف واحدة قالتلي لكان نصيب نشري راجل لبنتي و نتهنى مليت و هدي تاني بناتها وعرات و زيد باباهم ربي يرحمو
نورتي دائما بتواجدك يا حلوة:regards01:

 

[serinee]

كاينة منها أختي معظم الأمهات تلقايهم مقلقين على بناتهم وقتاش يتزوجو
و أنا يما دايما تقولهالي كي نشري حاجة أو نمشط عند الحفافة نقوللها واش يما راني شابة؟؟؟
تقولي الزين زينة و كي الوردة بصح الزهر مكانش (نفس الاسطوانة حتى رجعت ما نسقسيهاش ههههههههه) و خصوصا اني بقيت الوحيدة في الدار الكل بنات وولاد تزوجو وهي قضية مكتوب
و أنا مارانيش مقلقة لأني عارفة انو الصح ماشي في الزواج الصح في كيفاش تعيشي بعد الزواج
زمان امراة زوجت بنتها قاتلها يا بنتي راني زوجتك
قاتلها بنتها : الزواج زوجتيني بصح سقسيني على الهنا اذا نلقاه
وربي يفرج على كل بنت بالسعد المسعود اللي يعوضلها اللي راح و ينورلها اللي جاي
​

اهلا بك عزيزتي شفتي الامهات صح اوقات الله غالب عليهم مي انتي ثاني تحسي بالكلام ممكن اكثر منها
انا عندي خالتي في عمرها 37 سنة خطبها واحد كي كانت في عمرها 25 على سبب تافه تفارقو و دركا راهي 37 خطبها واحد الله يبارك مكانتش تحلم بيه
الصح فالهنا كيما قلتي مش تزوجتي و لا لالا
ربي يهنيك انت ثاني و يبعتلك المكتوب الزين يا لزينة يا الوردة
​

 

[serinee]

سوجي مليح يعطيك الصحة على الطرح نتاعو
الأمهات من جيهة يخافو على بناتهم من انهم يبورو عندك لحق :d
و من جيهة اخرى يخافوا عليهم من مساوئ الدنيا بارسكو راهم ياسر
و تاني كاينة حاجة اخرى هي ان الأم من شدة حبها لبنتها ساعات تولي تعطي قرارات غير صائبة
و هنا تكمن المشاكل
على كل نتمنى وحدة ما تبقى بايرة و الكل تتزوجو :up:
سلآمي :regards01:
​

أهلا بك اخي
منورة دائما صح دركا الدنيا مترحمش مي الام ثاني لازم تتحلى بالصبر لانها تكون هي قدوة بنتها
ان شاء الله نتمنى لكل بناتنا و شبابنا الستر و العفاف و الحلال و الدرية الصالحة
نورت:regards01:
​

 

[serinee]

يعطيك الصحة سيرين كي قلتي الم لازم تصبر بنتها واطلعلها المورال ماو تزيد عليها
الله غالب الم حنينة وتحب تشوف بنتها مزوجة وتتهنى عليها
---
حنا الرجال العكس
كي يحب يتزوج الراجل تقلو مو مازلت صغير ههههههههه
​

الله يسلمك اخي ان شاء الله ربي يبعت المكتوب الزين لكل بناتنا
ههههههههههههههههه في هدي عندك الحق كي يجي يتزوج الراجل تقولو او بر مازالك صغير مازال ماوجدت روحك
بصح هكدا لنصل للعنوسة يا ام مثل تحبي بنتك الستر زوجي وليدك ايا وقيلا درك ندورها سوجي اخر
منور اخي :regards01:

 

[serinee]

نحن في الهواء سواء

حتى أنا مثلك وعندي صحابي بزاف رانا بايرين مازال ماتزوجنا

والمشكل راه في وين هي البنت الصبارة العاقلة لمدينة ....الخ

بالاك منتدى اللمة الجزائرية يفري لمعشر الشباب الباير هده المشكل في الخير

أهلا بابن الصحراء اسعدني مرورك
انت مثلنا و لكن انت راجل يعني مقتاش تصيب بنت الحلال تروح تخطب و تتزوج
كاينين بنات مشاء الله انت برك راكم تتشرطو شوية
ان شاء الله اتمنى لكل شاب يصيب نصفه الثاني لكن اتمنى ان يكون هدا في الواقع بعيد عن هدا العالم الافتراضي
بالتوفيق اخي
​

 

[serinee]

من الطبيعي جدا باش تتقلق الام
تحب تشوف بنت عروسة كي الناس

شكرا لك اخي اسعدني تواجدك
اي من الطبيعي انها تقلق
لكن هدي الامور لا تتم في لحظة قلق
ان شاء الله لي تخرج تتلقى مع مككتوبها هدا في خاطر كل امهاتنا باش تروحلهم القلقة ان شاء الله
منور اخي
​

 

[serinee]

هي كل الامهات تحب تفرح ببناتها
وتشوفهم عروسات
لكن هاد الضغط ماهوش مليح خلاااااااااص
لخاطرش البنت كي تبقى تتعرض للضغوطات من كل جيهة وحتى في دارهم
تبقى تحوس دير اي شي باش تتزوج

ههههههههه انا يما تقولي مازلتي صغيرة
ههههههههه
تقولي نروح انا وبنتي وباباها للعمرة
مي بصح كل مرة على مرة تقولي
تجيبلي بنتي طفلة ونربيها لها هههههههههه
خطرة هاك خطرة هاك
مي هي اللي مقنعتنا انو
الزواج قسمة ونصيب
واللي كاتبهلنا ربي نوصلوه
​

صح كل ام تحب تشوف بنتها في دارها مع زوجها و اولادها
صح هدا واش حبيت نوظحو من خلال موضوعي لانو هدوما الضغوطات مش ملاح على البنت
هههههههههه ربي يحفلك والديك و يفرحو بيك مي كي تروحي للعمرة ادعيلنا معاك و متنسايش ماء زمزم
ربي يحفظك و يزقك على قد نيتك
نورتي

 

[serinee]

امممم موضوع مهم جدا

بصراحة مثلما قلتِ في الموضوع ان الام ينبغي عليها مساعدة الانثى في عدم الاحساس بتلك الازمة ولكن كم من مريد للخير ويخطئ التصرف ففرط الحب ايضا يصيب بالضرر
​

اسأل الله ان يزوج بناتنا ورجالنا امين

<< وانا منهم :d


شكرا

أهلا بك اخي
شكرا لك اسعدني مرورك
اللهم امين اجمعين و ربي يحفظك و يخليلك امك و تفرح بيك يا رب
​

 

[serinee]

ههههههههههههههه
ههههههههههههههه بكل صراحة انا يما قاتلي انا معاه من ظرك قاتلي المسكين تهبليه
لذا هي عكس كل الامهات تحافظ عني بكل قواها هههههههه

أهلا بك يا حلوة
هههههههههههه ربي يخليهالك و ان شاء الله تفرح بيك
ربي ينورك
افرحني مرورك
​

 

[محمد إبن الصحراء]

أهلا بابن الصحراء اسعدني مرورك
انت مثلنا و لكن انت راجل يعني مقتاش تصيب بنت الحلال تروح تخطب و تتزوج
كاينين بنات مشاء الله انت برك راكم تتشرطو شوية
ان شاء الله اتمنى لكل شاب يصيب نصفه الثاني لكن اتمنى ان يكون هدا في الواقع بعيد عن هدا العالم الافتراضي
بالتوفيق اخي
​

يأختنا serinee

شمن شروط راك تحي عليها رجال مختلفين كل واحد وشروطه

أن عن نفسي شروطي معقولة ( مدينة . عاقلة . تقبل تعيش في الجنوب )

وخلاص ........ والله يجيب الخير