دندونتييييي

[بنت الجسور المعلقة]

أم ندى تعيشي
راه كاجو فراز ف دار هههههههه وحابة نكونصوميه قبل مايفسد
يا ريت تعطيني الوصفة نتاع هادي

والطارطة لي درتيها هاديك الخطرا

 

[nada242008]

راني جيتك يا رقية
هذيك لاموس على طريقة الاخت ياسمين بصح زدتلها الشونتيي
تقطعي الفراز قطع صغيرة وتزيديلو السكر على حساب حلاوتو وتحطيه على النار على نار خفييييييييفة حتان يطلق الما تاعو ومن بعد ترحيه بالميكسور وتخليه يبرد // نقصي منو كمية وخليها بجيهة
تخفقي بياض بيضتين مع رشة ملح ومغرف سكر كالميرانغ
تطلعي الشونتي مع كاس حليب بارد // ماتكثريش الشونتيي باش ماتغطيش على بنة الفراز
ومن بعد خلطي الفراز المرحي مع الميرانغ والشونتي برفق باش تحافظي على الهوا لي فيها وتعطيك قوام تاع لاموس
حطيها في كيسان وفرغي فوقها الفراز المرحي لي احتفظتي بيه وزينيها حسب الذوق وحطيها تبرد
​

 

[nada242008]

رقية الطارطة تقصدي هذي

 

[بنت الجسور المعلقة]

أنعم ايه هادي هيا عزيزتي :$

 

[nada242008]

جينواز عادية
انا ندير كل بيضة ب 30 غ سكر و 30 غ فرينة ورشة ملح
درت 4 بيضات + 120 غ سكر + 120 غ فرينة + رشة ملح + مغرف قهوة خميرة حلوى + 2 مغارف ما دافئ
تفصلي الصفار عن البياض
طلعي الصفار مع نصف كمية السكر
والبياض مع نصف كمية السكر الباقية
ومن بعد ضيفي بالتدريج على 3 مرات الفرينة وبياض البيض على خليط الصفار
حطيها في مول مدهون ومغبر بالفرينة
دخليها تطيب على 180 درجة
خليها تبرد ملييييح ومن بعد اقسميها على 2
اقسمي حبات الفراز وضفيلها السكر كمية مليحة .. بعد ساعة تلقايها طلقت الما
هذاك الما لي تطلقو اسقي بيه الكيكة مليح وحطي الفراز بين الطبقتين والشانتي المخفوقة
وعاودي غطيها من فوق وزينيها حسب الرغبة
​

 

[nada242008]

شوفي هذي نفسها الفرق فقط
فراز مبشور في الجيهة نرحيو فيها الطماطم وضفتو للشونتيي وزدت ملون غذائي

​

 

[بنت الجسور المعلقة]

ربي ينجيك يالالة النسا و يحفظلك وليداتك
تعبتك معايا ربي يجعلها في ميزان حسناتك
بربي ان شاء الله نتبع خطواتك ونجربهم في زوج
مشكورة

 

[nada242008]

بلا مزية يالمازوزية تاع الكوزينة :d
والله تستاهلي كل خير .. ربي يوفقك وينجحك يالشاطرة
​

 

[نوال التلمسانية]

الله يعطيك الصحة