ما قدرتش نعرف علاه ندير هاكا :'(

[Sariita]

مشكلة تاعك كيما تاعي مي هادي مشي مشكلة
نورمالمو تفتاخري بروحك على خاطر راكي مشي كي ga3 الناس
عندك عقلية مختلفة عليهم .
ختي انا نعطيلك نصيحة شابة :
اللي عجبك اقعدي معاه واللي ماعجبكش ماتحوسيش تعرفيه
​

بصح خويا داخل نفسي ندارب بزاف مرة راسي يقولي هاكا و مرة هاكا ههههههه هبلني :d

يعطيك الصحة على النصيحة عندك الحق بصح المشكل أنو كل مرة واش نحب و اللي يعجبني قادر يولي ما يعجبنيش بين دقيقة و دقيقة هههه و العكس صحيح :p صحيت خويا

 

[مايا الجزائرية]

اهلا بيــــــــــــــك اختي ساريــــــــــ،،،ــــــــتا،،
عندك بروبلام كبير علبالك ههههههههه متخافيش برك نقصر معاك ،،
شوفي حنونــــــة هاد لمشكلة راكي انت لي درتيها لروحك بلا ماتحسي بيها،،
حتى حكمت فيك اوليتي تعيشي بيها ديما،، والسبب الرئيسي لي يخالي لواحد متقلب المزاج
هو انك تسمعي لروحك بزاااف وتخلي بالك يفكر ويتعمق في سيجيات مكنهمش،،
يعني نقصد انك تفكري في حوايج بلا فايدة وبلا سبة،، يعني حاجة تافهة اديريها في بالك وتقعد تخمي واديريلها حسابات وهي معندها حتى هدف ومعنى والتفكير هداك بزاف يخليك تحسي بالقلقلة بلا ماتفيقي وتم تم يتبدل مزاجك واكيد راح تبدلي معاه رأيك ومتكونيش متحكمة فلاشوز لي تبغيها، يعني ملزمك تبقاي تفكري في حوايج مايفيدوكش كيما قلتي تحبي تقعدي مع صحاباتك ومن بعد تبدلي رايك وتروحي وحدك ولا تقعدي وتجيك فكرة تسيبريمي ليزامي،، هدي معندها حتى معنى انت لي تبقاي اديري في بالك انك تبغي لعزلة تقعدي وحدك ومبعد تقولي لا خلي نكون معاهم وتبقى هاد ليدي في راسك واكيد لكونسونتراسيون تاعك تروح وافكارك يتشوشوا ومن لقلقة متعرفيش وش اديري تولي تمشي فالزهر،، والخوف تاني والاكتئاب راهم يديروا هاد لحالة لي تجيك يعني كي نقلك تخافي من حاجة يعني تكوني في حالة توتر ومتقدريش تواجي هديك لاشوز ،، لاسولسيون لي لازمك اديريها باش تولي نورمال هي انك تقعدي وحدك وتحكي مع روحك لازم عليك اديري نفسك صحبتك انديري راه كاين واحد معاك مي راكي تحكي مع نفسك ، لازم عليك تسقسي روحك على الافكار هدي لي تجيك ، وتسقسي روحك علاش راكي تتبدلي كيما هك ، اواش هوما ليشوز لي يقلقوك كي اديريهم ولا كي تشوفيهم،وتسقسي روحك وش هوما ليشوز لي بغيتيهم ومقدرتيش اديريهم و و و وجاوبي روحك ومبعد حطي في بالك انك باغية تبدلي الامور هدوما وحطي روحك انك عندك عزيمة قاوية وارادة كبيرة بش تواجهي كلش لازم عليك تعودي تحبي روحك وديري كونفيونص في روحك ،، ولحاجة لمهمة لي راح تخليك تتبدلي هي انك تحطي في بالك بلي كان تبقاي كيما هك مكيش راح توصلي للهدف لي تبغيه وبالتصرف هدا تاع حطي بلي راك راح تنصدمي من الناس لي راكي تصادفيهم وراح يسيئوا ليك بحاجة مقصدتيهاش وراح يقيسوك ويجرحوك وسيرتوا كي تكون نيتك صافية راكي بالطريقة هدي توجعي روحك باسكوا انت كي تكوني نورمال ومتعرفيش تتحكمي في روحك ومشاعرك ومتعرفيش وش راكي باغية بعد راكي اكيد راح اديري تصرفات بلا معلبالك والناس لي حداك راح تشوفك بنظرة غريبة وتحكم عليك بحوايج مقصدتيهمش وسيرتوا دركا كاين شي ناس يتساببوا غير يشوفوك تبدلتي شوي وبلا مايعرفوا السبة يشعلوا فيك ويهينوك و و و يديروا حوايج اكيد راح تتأتري بيهم وهاد ليشوز بعد يبقاو في بالك وتولي لنفس لمشكل وتعودي تفكري فيهم وتقولي نبعد على الناس خير ونبقى وحدي وتزيدي تكبري لبروبلام تاعك اكتر...انا ننصحك تحاولي زيماه تتبدلي باش تقدري تعيشي مرتاحة والله لوقت هدا ميرحمش يبغي لواحد عندوا كونفيونص في روحوا ويعرف يتحكم في روحوا ولازم يواجه كلش متخليش ليشوز لي دايرين بيك يسيطروا عليك ن لازم انت لي تعودي تسيطري على كلش ، لازم تقولي نبغي هاد لحاجة نبغيها منبغيهاش منبغيهاش اديري لي حاجة لي تريحك انت قبل متريح واحد خلاف هكداك تعودي تحسي بلي عند كونفيونص فروحك وديري لحاجة لي تبغيها...اوكي حنونة ايا كوراج كوراج ههههههه علبالي بلي راح اديريها باسكوا كي جيتي وكتبي على مشاعرك اواش عندك راها عندك ارادة وعزيمة وقلبك ونيتك صافيين وتقدري اديري كلش تبغيه باسكوا واحد كي يحاول يدير اي حاجة راه عندوا كوراج ... وننصحك تاني بحاجة متخليش لفراغ يسيطر عليك عودي ديما لازمك تكوني متاصلة بناس تتواصلي معاهم وحتى انت كي تتواصلي معاهم مدي رايك ونظرتك ولاشوز لي تعرفيها حاولي اديرها هكداك تولي عندك اينارجي بلي راكي تقدري اديري كلش وتحسي انك مرتاحة بلاشوز لي درتيها وايدا حسيتي بتوتر ولا قلقة ولا حسيتي بلي راكي تعبانة وحازنة روحي روبوزي ومتعبيش روحك ولا فرغي قلبك ابكي ولا عيطي ليسونسال ديري حاجة تخرجلك وش كاين داخلك متخبيش في قلبك خلاه....وانشاءالله بربي تزول عليك لحالة هدي وتعودي تعرفي زيماه تتصرفي وتتعاملي مع روحك ومع مشاعرك...وادخلي للمة راها مليحة تنحيلك على بالك ههههههه باسكوا ديفوا كي تدخلي وتقراي مواضيع على وحايد وتعرفي بلي كاين تاني شي ناس عندهم حالات اكتر من حالتك وتاني ايدا حتى انت درتي دي باساج ليهم وعاونتيهم راح تحسي بالراحة كيما راها صايرتلي دركا هههههههههههههههه
ومتقلقيش روحك حنونـــــــــــــة خلاه محنة خفيفة وتزول وبربي تولي مليحة
​

عبجني توقيعك روعة
حرف من اسمي والحرف الاخر من اسم اعز شخص لي :$

 

[NICHA03]

سلام اختي انشاء الله تكوني مليحة بون مام انا كنت هكا و صحباتي كنت دايرة فيهم حالة منحبش نهدر معاهم و نحب نريح وحدي و نهدر معاهم بالتشناف و كانواا يزعفوااااا مني و غير وحدة كانت تحملني و....و....و..... و فالدار منحبش نهدر و..و.. المهم يا اختي قررت نولي biéén مع روحي و مبعداك نولي مع الناس 1tike و الحمد الله
وليت مليحة شوفي الحاجة لي تحبيها ديريها و خمي غير فالحاجة لي تساعدك و تشكوني الاز كي ديرها و كي تكوني رايحة ديري حاجة ماشي شابة éé ttt خمي فلي يحبوك باسك ميحبوش يشوفوك هكداك و يزعففوااا

المهم يا اختي انا راني هنا الا كشما سحقيتي nicha03 في الخدمة
​

 

[رحاب ملاك]

اهلا حبيبتي ومرحبا بيك بيناتنا

اسمعي راسليني ع الخاص وان شاء الله نقدر نعاونك

 

[Sariita]

سلام اختي انشاء الله تكوني مليحة بون مام انا كنت هكا و صحباتي كنت دايرة فيهم حالة منحبش نهدر معاهم و نحب نريح وحدي و نهدر معاهم بالتشناف و كانواا يزعفوااااا مني و غير وحدة كانت تحملني و....و....و..... و فالدار منحبش نهدر و..و.. المهم يا اختي قررت نولي biéén مع روحي و مبعداك نولي مع الناس 1tike و الحمد الله
وليت مليحة شوفي الحاجة لي تحبيها ديريها و خمي غير فالحاجة لي تساعدك و تشكوني الاز كي ديرها و كي تكوني رايحة ديري حاجة ماشي شابة éé ttt خمي فلي يحبوك باسك ميحبوش يشوفوك هكداك و يزعففوااا

المهم يا اختي انا راني هنا الا كشما سحقيتي nicha03 في الخدمة
​

مادابيا نولي ندير ثقة فروحي و نتهنا و نهني الناس لي معايا كيما درتي ختي و الحمد لله لازم نخمم مليح واش راني حابة و مانبدلش رايي و نشد فحاجة وحدة .. شكراا ختي

ملاحظة .. ما قدرتش ندخل ف الرابط اللي بعتيهولي كتبلي Ce contenu est actuellement indisponible

 

[Sariita]

اهلا حبيبتي ومرحبا بيك بيناتنا

اسمعي راسليني ع الخاص وان شاء الله نقدر نعاونك

اسمحيلي ختي ما نقدرش نراسل عالخاص لأني جديدة في هاد المنتدى الرائع و واقيل لازملي 200 مشاركة باش نقدر :up:

 

[־●ـ‗غمــــوض ــالــورد_ـ●־]

أولا أريد أن أشكر الجميع لي عاونوني و اقترحوا عليا و فهموني ..
amani Nokati : و الله يا ختي غير عندك الحق أنا صح دايرة هاكا ههههه و سييت ريحت و حبيت نفهم روحي بصح يجوز شويا وقت ننسا واش كمن نهدر و نتفاهم مع روحي ههه ناقصة ذاكرة و تركيز واقيل هههههه بصح لازم كل مرة نحاول و بربي ان شاء الله نجيب نتيجة و كيما قلتي نتبدل على الناس خطرة كنت مع صاحبتي وراتلي واحد الروبة قلتلها ماشي شابة و على سمانة زدنا جزنا قلتلها شوفي هاد الروبة شحال شابة ههههههه ما فهمت فيها والو و والله أنا متقلبة حتى فالأذواق لازم نسكت قدام ناس خيرلي ههههههه المهم يعطيك الصحة على التحليل و النصائح أختي سلام .
شكراا للجميع ..

بلا مزيــــــــــــــة حنونـــــــــــــة،،
مي نقلك حنونــــتي عجبتني شخصيتك سيرتوا كي زدتي درتي هاد لباساج لميتينا كامل فيه هههههه عجبني بزاف هاد لباساج ،، والله عندك دي زيدي هايلين ،، عندك حوايج غامضين مي تبانلي شخصيتك فريدة من نوعها يعني قليلة مي مليحة وانا نظن انك تقدري تبدلي لحاجة لي بغيتيها وتوصلي للهدف تاعك ..انا حللت شخصيتك من طريقة هدرتك واسلوبك وشفت فيك هاد ليشوز :
حساسة وكثيرة الانفعال -عندك خيال واسع- متواضعة - انسانة طامحة ومتفاءلة - انسانة مرحة وخجولة ولكنك مرتبكة وتجدين صعوبة فالاندماج - عندك نقص فالاستقلالية ونقص الثقة بالذات يعني انت معندكش تيقة في نفسك امام الاخرين وفي نفس الوقت متقدريش تعيشي وحيدة - انسانة سهلة الانقياد -يعني بكل بساطة انت عندك شخصية فيصامية
وهدا هو التحليل تاع هاد الشخصية:
​

صفات عامة : نقص القدرة على التكيف في العلاقات مع الآخرين فتجده مضطرباً لا يلبث على حال​

نتيجة إحساسه بالغربة عمن حوله فلا يستطيع أن يكون علاقة وطيدة مع أي كان لصعوبة تأقلمه مع​

أي أحد​

خصائص الترابط : ميول اكتئابية فلا تكاد تراه إلا مقطباً حزيناً تسيطر عليه السوداوية ومشاعر​

مختلطة من الحزن والخوف والقلق والإحساس بالاضطهاد ولديه استعداد للانهيار العصبي نتيجة​

لأي صدمة عصبية ونفسية قد يمر بها​

السلبيات : اضطراب ذهني كالتفكير بأنه مضطهد تشويش في الأفكار معتقدات غريبة الإيمان​

بالتنجيم والتبصير وتخاطر حاسة سادسة عدم الأهتمام برأي الآخرين فيما يتعلق بمظهره الخارجي​

وانفراده باستخدام اللغة بالطريقة التي يريد كاستخدامات غير عادية للكلمات إضافة إلى عجزه عن​

الاندماج الاجتماعي والمهني.​

 

[־●ـ‗غمــــوض ــالــورد_ـ●־]

عبجني توقيعك روعة
حرف من اسمي والحرف الاخر من اسم اعز شخص لي :$

مرســــــــــــــــــــــــي حنونـــــــــــــــــة ربي يخليك
اهييييييييييييييه فهمنا اسيدي بلا متحشمي برك هههههه
ربي يخليلك الناس لعزيزة عليك..
​

 

[Sariita]

بلا مزيــــــــــــــة حنونـــــــــــــة،،
مي نقلك حنونــــتي عجبتني شخصيتك سيرتوا كي زدتي درتي هاد لباساج لميتينا كامل فيه هههههه عجبني بزاف هاد لباساج ،، والله عندك دي زيدي هايلين ،، عندك حوايج غامضين مي تبانلي شخصيتك فريدة من نوعها يعني قليلة مي مليحة وانا نظن انك تقدري تبدلي لحاجة لي بغيتيها وتوصلي للهدف تاعك ..انا حللت شخصيتك من طريقة هدرتك واسلوبك وشفت فيك هاد ليشوز :
حساسة وكثيرة الانفعال -عندك خيال واسع- متواضعة - انسانة طامحة ومتفاءلة - انسانة مرحة وخجولة ولكنك مرتبكة وتجدين صعوبة فالاندماج - عندك نقص فالاستقلالية ونقص الثقة بالذات يعني انت معندكش تيقة في نفسك امام الاخرين وفي نفس الوقت متقدريش تعيشي وحيدة - انسانة سهلة الانقياد -يعني بكل بساطة انت عندك شخصية فيصامية
وهدا هو التحليل تاع هاد الشخصية:
​

صفات عامة : نقص القدرة على التكيف في العلاقات مع الآخرين فتجده مضطرباً لا يلبث على حال​

نتيجة إحساسه بالغربة عمن حوله فلا يستطيع أن يكون علاقة وطيدة مع أي كان لصعوبة تأقلمه مع​

أي أحد​

خصائص الترابط : ميول اكتئابية فلا تكاد تراه إلا مقطباً حزيناً تسيطر عليه السوداوية ومشاعر​

مختلطة من الحزن والخوف والقلق والإحساس بالاضطهاد ولديه استعداد للانهيار العصبي نتيجة​

لأي صدمة عصبية ونفسية قد يمر بها​

السلبيات : اضطراب ذهني كالتفكير بأنه مضطهد تشويش في الأفكار معتقدات غريبة الإيمان​

بالتنجيم والتبصير وتخاطر حاسة سادسة عدم الأهتمام برأي الآخرين فيما يتعلق بمظهره الخارجي​

وانفراده باستخدام اللغة بالطريقة التي يريد كاستخدامات غير عادية للكلمات إضافة إلى عجزه عن​

الاندماج الاجتماعي والمهني.​

الله يسلمك ختيتي ههه حتى أنا فرحت بزاف كي عاونتوني كامل و الله ما عرفت بلي رح تكون المساعدة كبيرة هاكا الله يوفقكم و يعطيكم الصحة ..
بالنسبة للشخصية الفصيمية ما شي فكلش مالا أنا شبه هاذ الشخصية هههه خصوصا أنا ماشي متفائلة بل متشائمة للأسف ههههه راح نحوس على الشخصية الحقيقة ديالي و ان شاء الله نصيبها سلاااام ...

 

[־●ـ‗غمــــوض ــالــورد_ـ●־]

الله يسلمك ختيتي ههه حتى أنا فرحت بزاف كي عاونتوني كامل و الله ما عرفت بلي رح تكون المساعدة كبيرة هاكا الله يوفقكم و يعطيكم الصحة ..

-- ربي يخليك حنونة بلا مزيتنا رانا هنا كامل باش نفيدوا ونستفادوا فرغي قلبك برك لحاجة لي عندك احكيها وانشاء الله تولي مليحة..
​

بالنسبة للشخصية الفصيمية ما شي فكلش مالا أنا شبه هاذ الشخصية هههه خصوصا أنا ماشي متفائلة بل متشائمة للأسف ههههه راح نحوس على الشخصية الحقيقة ديالي و ان شاء الله نصيبها سلاااام ...

-- ههههههههه امالا شخصيتك شبه فصيمية هههههههه
وشبيكي هدا راني قاعدة نقلك راكي متفائلة بش تعودي تتفائلي راني قاعدة نديرلك فالكوراج حنونة باش تعودي تشوفي روحك بنظرة مختالفة على لي كنت تشوفيها من قبل ،، الور متحوسيش خلاه على الشخصية تاعك باسكوا راكي انت لي اديريها لروحك اوكي حنونتي..

​

 

[Sariita]

-- ههههههههه امالا شخصيتك شبه فصيمية هههههههه
وشبيكي هدا راني قاعدة نقلك راكي متفائلة بش تعودي تتفائلي راني قاعدة نديرلك فالكوراج حنونة باش تعودي تشوفي روحك بنظرة مختالفة على لي كنت تشوفيها من قبل ،، الور متحوسيش خلاه على الشخصية تاعك باسكوا راكي انت لي اديريها لروحك اوكي حنونتي..

​

ممممم حنا صح عندك الحق بزاف كي قلتيلي بلي الشخصية أنا نديرها لروحي مالا دوك نخير الصفات لي ملاح gاع و نحطهم فيا هههههههه و نسميها الشخصية المفقوده ههههه خلاص نولي متفائلة ان شاء الله سيرتو مع الكوراج لي مديتوهولي و الله غير بديت نحس فالتغيير فالثقة فروحي و هادا هو الصح و الخطوة الأولى للتغيير .. :up: إلى القتال ههههه ( كيما تقول جي-يونغ إذا تعرفيها ههههههه )

 

[رحاب ملاك]

ماعليش ختيتو نحاول نوصل مشاركاتي 200
ونعاونك حنونة ما تتقلقيش برك

 

[־●ـ‗غمــــوض ــالــورد_ـ●־]

ممممم حنا صح عندك الحق بزاف كي قلتيلي بلي الشخصية أنا نديرها لروحي مالا دوك نخير الصفات لي ملاح gاع و نحطهم فيا هههههههه و نسميها الشخصية المفقوده ههههه

-- صحيتي لفحلة تاعي هكدا نبغيــــــــــــــك تكوني :up:

خلاص نولي متفائلة ان شاء الله سيرتو مع الكوراج لي مديتوهولي و الله غير بديت نحس فالتغيير فالثقة فروحي و هادا هو الصح و الخطوة الأولى للتغيير .. :up:

--ياهوووووووووووووو التغيير الاول بدا يخدم شفتي حنونة شحال وليتي هايلة ،، من بركي راكي هايلة انت برك لي مفهمتيش روحك مي دركا راني نشوف فيك بديتي تكونصونتري مع روحك :up:

إلى القتال ههههه ( كيما تقول جي-يونغ إذا تعرفيها ههههههه )

-- فلتبدأ المعركـــــــــــــة هياااااااااا الى القتااااااااال هههههههههههههه

​

 

[Sariita]

هههههه وييييييي شطورة أنا ههه مي ان شاء الله ما نتبدلش اليامات الجايين و نولي كيما كنت هاهاهاهاهاهاها خاطر موالفة تصرالي ههههه ... مي لازم نبين شطارتي نقدر نقدرررررررررر .... سلااااممم هههه

 

[־●ـ‗غمــــوض ــالــورد_ـ●־]

هههههه وييييييي شطورة أنا ههه مي ان شاء الله ما نتبدلش اليامات الجايين و نولي كيما كنت هاهاهاهاهاهاها خاطر موالفة تصرالي ههههه ... مي لازم نبين شطارتي نقدر نقدرررررررررر .... سلااااممم هههه

لالالالالالالالاااااااااااااا مكيش راح ترجعي كيما كنتي نحي علينا لهدرة هدي ملزمكش اديريها في بالك خلاه اوكي حنونة راكي كيما تفكري كيما هك وتقولي نرجع كيما كنت راح تتخلطلك في بعداها ...ايه بيني شطارتك ياشاطرة تقدري تقدري اديريها وراني واقفة معاك منخليكش خلاه تتراجعي لازم ديما تمشي للقدام اوكي صحايبتي لعزيزة ...
​

 

[حورية الجزائر]

السلام هادي هي شخصية الانسان متقلبة والقلوب تاني

على هادا حافظي على الدعاء هادا .. يا مثبت القلوب ثبت قلبي على دينك.... وحاولي قدر المستطاع تحافظي على الصلاة

والايمان تاعنا كما الثوب يبلى على هادا لازم ديما التجديد في الايمان تسمعي محاضرات وهكدا هادا من ناحية الصلاة

اما من ناحية اتخاذ القرارات لازم تعودي روحك بأنك تكملي وتنفذي القرارات الي تكوني معولة عليها ابداي بالحاجات الصغيرة وهاكدا حتى تتعودي تدي بالقرارات الكبيرة فحياتك حتى توالفي

ومكيش وحدك ناس كامل تمر بهاد المواقف

ان شاء الله مطولتش عليك ايا سلام ربي يثبتك ويوفقك لكل خير


هذا هو الانسان مهما عرفناه يبقى غامض

 

[Sariita]

السلام هادي هي شخصية الانسان متقلبة والقلوب تاني

على هادا حافظي على الدعاء هادا .. يا مثبت القلوب ثبت قلبي على دينك.... وحاولي قدر المستطاع تحافظي على الصلاة

والايمان تاعنا كما الثوب يبلى على هادا لازم ديما التجديد في الايمان تسمعي محاضرات وهكدا هادا من ناحية الصلاة

اما من ناحية اتخاذ القرارات لازم تعودي روحك بأنك تكملي وتنفذي القرارات الي تكوني معولة عليها ابداي بالحاجات الصغيرة وهاكدا حتى تتعودي تدي بالقرارات الكبيرة فحياتك حتى توالفي

ومكيش وحدك ناس كامل تمر بهاد المواقف

ان شاء الله مطولتش عليك ايا سلام ربي يثبتك ويوفقك لكل خير


هذا هو الانسان مهما عرفناه يبقى غامض

موافقاتك أختي فواش قلتي و الله نظل نجاهد و نسيي قد ما قدرت نكون مليحة و متقربة من ربي و ف إتخاذ القرارات راني نشوف بلي بديت نحكم فروحي و نشد فحاجة و الحمد لله عاونوني بزاف هنا .. يعطيك الصحة ختي على النصائح

 

[ahlam02]

اختي مراكيش وحدك راني معاك في القائمة والحل نشدو في ربي هو الصح

 

[fahita]

اللي يقولك ما عندكش شخصية غالط راه يخرط عليك لانو ما كاش انسان بلا شخصية الفرق في القوة والضعف فقط وانت لست ضعيفة الشخصية لانو صعيف الشخصية اللي يجي يسيرو وانت الله يبارك عييتي تسيري روحك
الانسان لما يتعرض للضغط ولا للمشاكل بزاف يحب ينعازل مع روحو شوي خاصة ادا كانت الاجواء ما تساعدوش انو ينحي على قلبو وبالنسبة للاغاني والايمان الناس كاااااااااااامل واحد ما يكدب عليك ويقولك انا ايمان قوي واللي يقولك راهو يزكي في نفسو والمومن تاع الصح لا يزكي نفسو
كل انسان يوقع بين الشد والرخف في امور الدين والشيطان له دور ولازم يخطيء لو كان ما كناش نغلطو كان ربي ادانا وجاب الناس اللي تغلط باه يغفرلها حلك حبيبتي هو الاستغفار كتري منو على قد ما قدرتي وربي هو اللي يوفقك حنونة دعائي لك