يا الحقــارة الحقــار يموت ذليل ..

[ĂÝǾΰb]

ايه الواحد واش يحكي واش يخلي
غير ما صرات كارثة
اماجين واحد مسكين شويا معوق دارو عليه و خدعوه و سرقولو دراهمو و قتلوه
و واش بقا في هذي لبلاد لا حماية تذكر ولاهم يحزنون
وحنا الشعب ديما راح نبقاو عاجزين
​

اهلا وسهلا بيك احتي
الله يرجمو مسكين وين رح يروحو من ربي
ما بقا والو ناكلو القوت ونسناو الموت
ربي يفرج ان شاء الله
باراك الله فيك اختي :regards01:
​

 

[ĂÝǾΰb]

وفيك بآرك الله وجزآك عنآ حسنآ
ويآ حبذا لو أنك شفت المعلومآت لوجدتني رجلآ =)

​

اهلا بيك خويا
اعتذر منك يا ابن سطيف العآلي
خطأ مطبعي احترامي يا طيب :regards01:

يعطيك الصحة خويا بارك الله فيك

الله يسلمك أنيس
و فيك بارك الله
​

 

[أم أُنٌَيسة]

السلام عليكم و رحمة الله تعالى
بارك الله فيك على طرح هدا الموضوع انه رائع
اللي يكتبوا ربي لعبادو او يصير كان كتب ربي لعبدوا يموت في داك النهار ماش لازم يقتلوه راهو ميت ميت و تتعدد الاسباب
وماش حقارة على خاطر كاين ربي سبحانه و كان منع في الدنيا او ما يمنعش في الاخرة الدنيا هذي ما دايماش
و السبب في هدي الظواهر انو الناس ولات تقلد في الظواهر اللي صايرة في الخارج هدوك ماعندهمش مشكل على خاطر دينهم مايعاقبهمش بصح حنا هنا ناسيين ربي و ناسيين بلي كل راح نموتو و بلي ما ينفع غير العمل الصالح و ناسيين بلي اللي نديروه في الدنيا نتحاسبو عليه في الاخرة
واحد مامظلوم كل واحد كيفاه كتبلوا ربي و اللي يدير شي في الدنيا لابغا ماعاقبوش عليها القانون او يسلكوا في الاخرة الضعف
ندعيوا لاخواننا اللي ماتوا بالرحمة و نقصد كل المسلمين من اي بلد كان و الدنيا افعال و الاخرة وجوه
هدا رايي صحيح صغير و لا كبير بصح هدا مكتوبوا واللي يديروا حوايج كيما هك كل واحد وكيفاه تربا و كل واحد واش كاين في قلبوا وربي هوا اللي يعلم واش كاين في قلوب الناس و هوا اللي يحاسب الناس مان حق حتى واحد انو يحاسب واحد خلاف كيما ماتحبش يحاسبوك ماتحاسبش الناس لحساب او لربي سبحانه اسفة ادا كان في كلامي تجريح لاي واحد فيكم ماقصدتش هدا رايي انا برك
شكرا على هدا الموضوع الرائع
​

 

[أم أُنٌَيسة]

اسفة قصدت الدنيا وجوه و الاخرة افعال

 

[ايمان مي]

انا نظن كاين زوج اسباب ضعف الوازع الديني و هدا بحد ذاتو عندو بزاف اسباب
و اتني ضعف الرقابة و الحكومة ما تعمللهم والو لاقيين راحتهم مي وين رايحين يروحو من العدالة الالهية ووين رايحين يروحو من ربي سبحانو يمهل و لا يهمل

 

[امل الامورة]

السبب لي نشوفو هو البعد عن الدين بصح واش تقول المهم ربي يهديهم و يقلك ناس بكري باش قتلت باش تموت يعني كيما درتو للعباد يصرالكم

 

[Badech]

للأسف هاذو الي راهم كيما هاكا
ما لقاوش شكون يفهمهم في الرجلة ( حاسبينها فسانتير و تحت موس ,

معليش خويا كما تدين تدان , ديجا راك على بالك , غير ما تقلق روحك لا والو و هي صح حاجة تنشع ياسر
معليش ياو راها ليهم ,

.,

قمة مديها في روحي
​

سلام ’,​

 

[bOùChRà jOùjOù ànGél]

موضوع مهم هذا الحقرة هذه هي بصح نتيجة الافاة الاجتماعية مي مالازمش لواحد يتجاوز حدوده و يتعدى على حقوق الاخرين و يديلهم كولشي تعبو عليه ايمالا مشى برك مين راك بطال و معندكش تروح تدي حق الغاشى هكدا ربي ماغادي يعتيك والو في هاد الدنيا وادا ديت ف الدنيا ماراحش تصيب فالاخرة و كيما قلتو لحقير يموت ذليل

 

[aminatizi]

mr6 3la sujet khouya, sa7 wlh had asar9a wellat tkhawef bzf had liyam surtt win ykounou kaynin les etudiants bzf 3la jal les pc w les prtbls ana wa7da sa7ebti imagini dja jbedelha lprtbl men jibha w b1sur mata9der tgoul walo pcq khafet 3la ro7ha wel malhr meme loukan galet lelghachi y3awnouha 1 mayessma3 pcq ga3 ygoulou slamet rassna "7acha chwiya nass mnin dak" w seba mahich ma3andhoumch adrahem wella pcq kaynin chi 3bad mrefhin w makhasshoumch mais yesar9ou balak rahoum dayrin asar9a te3gab wa9t dnc aseba hiya acha3b ghafel w en plus kima goult do3f lwazi3 adini almhm rabi yehdihoum w yehdina slm

 

[فلة ميمي]

اروع موضوع للنقاش
سلمت اناملك

 

[أ ــ سامــة]

غــــياب الدولة - جهل الشعب (.) نقطة إنتهى​

 

[yellow9]

واش نقلك الله لا يلاقينا بيهم

 

[Yayan]

رد: يا الحقــارة الحقــار يموت ذليل ..

( البطالة - غياب الوازع الديني - قلة التربية - غياب الدولة - غفلو الشعب..)

السلام عليكم ورحمة الله وبركاته
نبدا بلا مقدمات
هادي هي الأسباب التي ذكرتها أنت للتو
التي جعلت من الشباب الجزائري ينحرف ويروح لطريييق غالط ومكانش منوو
سيرتو البطالة
وثاني غياب الدولة
بيسك لو اتاحت الدولة للشباب فرص العمل ماكانوش رح يديروا هاد الشي
من الأفضل أن الدولة تقوم بواجبها وتقضي على البطالة في الجزأئر
ويتقاعدوا هادوكا الموظفين الكبار ف السن كاامل
باش تتاح للشباب فرصة العمل
وغياب الوازع الديني تاني من الأسباب اللي خلآت الشباب يدير العفآيس هادي
هادوما اللي يديروا ف الجرائم ويحقروآ ف العيبـآد
تربآوا في بيئة ماشي مليحة وماشي مدينة وخاصة الآبااء
يتعلموا عللى والديهم
وبالتالي يطلعوا لاهلهم
ويتعلموا هذي الاعمال الشنيعه والبشعه للغايه
نستنتج من هذا
انوو البلاد هي الخاسره ف لافير
تولي بلادنا تمشي وترجع للورا
وتتدهور الأوضآع والحالة تولي صعيبة شوي
احم
راني هدرت ياااسر هههه
+
مشكووور ياا خوويا على الموضوع راهووو عجبني ياسر علاذيكااا هدرررررت وعبرت على رأيي
تسلم يداتك
وبانتظار جديدك
:regards01:

​