الحلقة العاشرة لكوزينة اللمة في كاميرا كاشي مع " ام زهرة و خليل "

[أمــ وليــد الجزائرية]

الهم تقبل منا و منكم صيامنا و صلاتنا و قيامنا

وجعل اعمالنا خالصة لك

السلام عليكم

و صح فطوركم

حلقة ليوم حلقة رائعة جدا بالنسبة ليا

لاني مش انا الي خدمتها :d

بعثت الخدامة ديالي

و كانت شاطرة بسلامتها

و الي طيحناها هذي المرة

كانت غير كامل

انسانة رائعة


من خلالها نقدر نقول ايام الجيران ياااس


عنوان الحلقة : زوالي و فحل

مع مشرفتنا الرائعة


ام زهرة و خليل


و الي نختنم الفرصة نشكرها بزااااف

و نقوللها :regards01: ربي يبارك عليك


راح نبداو :down:

في الاول الشيطانة ديالنا بعثتلها msg و الي عجبني فيها
انها بدات لاطاك من الاول

السلآم عليكم ورحمة الله وبركآته
انشآء الله رآكي بخير مع رمضآن

حبيت نسقسيك علآ ش متشآركينآش في المسآبقة تع الاخت ندى ؟​

و تفاجئنا برد يعمر لعين
خلانا نعرفو من الاول انو
الدعوة راهي سيريو و المسكينة حكات كلش

عليكم السلام و رحمة الله
اهلا بيك لولا

في الحقيقة تمنيت لو نشارك لكن صراحة طوابلي مع طوابلكم ماهمش يبانو

الناس وش من ماعن و تاويل و انا ماعني على قدي و الحمد لله

مشكلتي مش في الاطباق و نوعيتها ولا

لكن لما نقارن نلقى بلي كاين فرق
و بصراحة الماعن يزيدو في الطابلة النص و لا راني غالطة؟


ماعليش هذا العام تكلختلي ما خممتلهاش مليح و انا غير كيما ولدت
طول فترة الحمل و حتى الان ما خرجتش و شفت الجديد نشوفهم هنا برك
العام الجاي ان شاء الله تكون الظروف مش كيما هكا و باذن الله نشارك

يعطيك الصحة لولا
بارك الله فيك لي تفكرتيني
اكتفي بالتصويت ليكم وو التمتع بطوابلكم

صح فطورك

​

ياه هذا كلش :-o

ياو خلي نقولك رانا قاع زوالية:-o

و تحيا الجزائر:thumb_up02:

مي لولا لقاتها فرصة و شوفو واش دارت:down:

و عليكم السلام و رحمة الله
اهلا بيك لولا


وبيك مرحبآ
في الحقيقة تمنيت لو نشارك لكن صراحة طوابلي مع طوابلكم ماهمش يبانو

صح مآشي بزآف....... كلآمكـ صحيح​

الناس وش من ماعن و تاويل و انا ماعني على قدي و الحمد لله

مشكلتي مش في الاطباق و نوعيتها ولا
لآلآ كي تجي للصح مام الاطباق مرآهمش حطة وزآدوهم المآآآعن
وديجآ كن جآوملآح ميهمش المآعن وآش عليه
لكن لما نقارن نلقى بلي كاين فرق
و بصراحة الماعن يزيدو في الطابلة النص و لا راني غالطة؟
ايه مي نتي خآنتكـ المآكلة شوي عيآنة صرآحة

ماعليش هذا العام تكلختلي ما خممتلهاش مليح و انا غير كيما ولدت
طول فترة الحمل و حتى الان ما خرجتش و شفت الجديد نشوفهم هنا برك
العام الجاي ان شاء الله تكون الظروف مش كيما هكا و باذن الله نشارك

انشآء الله مي متنسآيش تآني الاطبآق وطريقة التقديم لآزم تكون بآهية بويسكـ منين دآك المآعن يكونوآ حطة والمآكلة تبهدل صح ولآلآ​

يعطيك الصحة لولا
بارك الله فيك لي تفكرتيني
اكتفي بالتصويت ليكم وو التمتع بطوابلكم

صح فطورك

لله يسلمكـ ان حبيت نقلكـ بركـ بآش متشآركيش بويسك النآس تهدر راكي عآرفةاونآ صرآحة قلت نقلك لآ تولي تشآركي مي لقيتكـ مقتنعة
صحآ​

​

تزيد تقوللها شكرا على الصراحة

المخلوقة على نيتها و راحت في الخط:d

شوفي يا لولا
اولا مشكورة على صراحتك


ثانيا هذه اول مرة نشارك في المطبخ
و انا من النوع لي ما يهتمش بالتفاصيل

معناها كي نشوف كاش طابلة او طبق مانيش من النوع لي يكبر الصورة و يتمعن في التفاصيل

شاركت معاكم بكل عفوية و بدون اي تكلف و انا هكا


انت فقط لي درتي الملاحظة او انك سمعتي ايضا ناس اخرين دارو الملاحظة؟

ام زهرة لعبتلها في عقلها
الناس راهي تهدر
ياو تبهدلت في اللمة و منيش عارفة
المسكينة قعدت تطلح و تحبط
واش راه صاري من ورايا يادراااا

شوفي يا لولا
اولا مشكورة على صراحتك

الله يسلمكـ بلآ مزية لآزم الصرآحة سيرتو موآقف كيمآ هك ​

​

ثانيا هذه اول مرة نشارك في المطبخ
و انا من النوع لي ما يهتمش بالتفاصيل

لآلآ اختي في الطبخ لآزم تهتمي التفآصيل بآش تزيدي تفني في الطبخ​

معناها كي نشوف كاش طابلة او طبق مانيش من النوع لي يكبر الصورة و يتمعن في التفاصيل

علآش حآجة عادي تكبري الصورة بلاك تنتبهي لحآجة جديدة تولي نتي تاني ديريهآ​

شاركت معاكم بكل عفوية و بدون اي تكلف و انا هكا

صح كنت عفوية مي مآشي لهآدي الدرجة نآس رآهآ تضحكـ
​

انت فقط لي درتي الملاحظة او انك سمعتي ايضا ناس اخرين دارو الملاحظة؟

منقدرش نقلك منقدرش ندير الفتنة وننقل هدرة وحدة لخرآ اسمحيلي​

​

قوليلي باش نعرف روحي مع من راني على الاقل؟

شوفي حبيت نبهكـ بركـ وانآ بطبعي صريحة لقلقتك قوليلي ​

و لولاتي لقاتها سبة يااه

اسكتي برك يا ام زهرة راه معلبالك بواااالو

:-h:down:

ماعليش اختي كلامك على العين و الراس
نشكرك على صراحتك مرة اخرى
لكن هذا ما حلبت البقرة ههههههههه
انا هكا بسيطة في افكاري , بسيطة في تعاملاتي مع الناس, عمري ما نضحك على كاش واحد او نعلق عليه , و حتى لو حبيت ننصحو نعرف كيفاش ننصحو


فكرتك وصلت و بارك الله فيك اختي
في امان الله

اه قلبي الصغير لا يتحمل
قالتلك هذا واش حلبت البقرة :d
انت افهمي و خلي المخلوقة
لولاتي مسكتش هنا و كان لازم تبرأ روحها

آآآآآآآآآآآآآآآآه نفهم راكي تعايري فيآ الله يهديك درك ولآ الصريح يعلق علا النآس وميعرفش ينصح
اسمحيلي غاصتني منكـ انا نيتي زينة اتجآهكـ

اسمحيلي قلقتيني منك بزآآآآآآآآآآف عدرا
اسمحيلي
​

بعدها حبست مرجعتلهاش
و هذا الي منحبوهش حنا في الخدمة
مي خلاص لولا بزايد على المخلوقة حبيتي تحطميها
معنويا حراااام
قررت تحبس و اخيرا و قالت نقوللها و خلاص

سلام وعليكم حبيت نستسمح منك ادا امكن كنت مقلقة ومحكيتش مليح وزيد حابة نقلك حاجة معليش

​

ايه لي يسمعك يالولا يقول صح


قلنا قلقناها مي ضهرت حاجة اخرى و مفهوم اخر :-r

طبعا لولا اتفضلي اختي
مانيش زعفانة منك ابدا
ضدقيني لاحطت غيابك لكن ما تجراتش نراسلك خفت تزيدي تبومبارديني هههههههههه

يا الاهي كان رد مستنيناهش طووول

كانت عارفة انو حرب طاحت عليها

اهلآ الله يخليكـ
في الاول حبيت نشكرك على عفويتك وعلا طيبة قلبك وعلا احترامك الكبير
























التانية نقلك بلي راكي شاركيتينا في كاميرا كاشي للاخت milina 4 algeria وانا راني معاها فيها ههه

هيا ونقلك اسمحيلي والله طيابك 444444 والماعن لباس بيهم هههه وميهمش
واسمحيلي لكان قستك بحاجة
ودوكا قوليلي تسمحيلنا نعرضو الحلقة

​

صح كانت اصدق وحدة عرفانها في اللمة
الله ابارك
و المسكينة صدقت و رااااحت في الخط

لولا من نيتك ؟؟؟؟؟؟؟؟؟؟؟؟؟؟
لما راسلتيني للمرة الثانية حكيت مع واحدة و قااتلي ربما كاميرا كاشي
لكن من ردودك قلت اواه ما نكونش كاميرا كاشي
و الا علاش راهي تأكد كامل هكا
و كي زدت شفتك غبت زدت درت في بالي بلي كنت من نيتك و انك مديتي رايك و خلاص



وش نقولك يا لولا لعبت الدور بمهارة و الله
اما على الحلقة دبري راسك اختي
معناها تحطي كل الرسائل لي كانت بيناتنا ؟؟؟؟؟؟؟؟؟؟؟؟؟
دبري راسك يا ك راكي نقولي كاميرا كاشي
خطي كل شي و خلاص
باك ما تعدلي ما تزيدي ما تنقصي؟
حطي و ابعثيلي الرابط


و المرة الجاية ما تزيدش تتكلخلي ههههههههههه

ايه كاميرا كاشي
سلامت راسك

ههه والله من نيتي انا مكنتش راح نكمل معاك من ردك الاول حشمت ههه مي قلت معليش لا زم نعاون milina 4algeriaهههه وكملت
شوفي الحلقة تديرها فلة milina 4 algeriaيعني وماشي راح نعدلو فيها نزيدو برك تعليقات اوكي يعني ردودك تبقى منحرفوهاش ;راه كاين بزاف ضحايا ماشي غي نتي هههه

اسمحيلي بزاااااااااااااااااااااف وتديش عليا نظرة ماشي مليحة هههه هديك راني كنت في اطار العهمل ههه
نهار لي تجي حلقتك نقلك اوكي

​

و المسكينة طلبت منا حاجة برك

انو منحرفولهاش ردودها

:d

وحدك يا سيدتي الغالية وحدك
كم انت رائعة
و مبقالهاش غير انها تحلف في لولا
و ياويلاها طلعت انسانة تعض
واااااااااااع الهربة تسلك

ههههه ما تخافيش ما عنديش عليك نظرة مش مليحة
لعبتو بالدنيا و تقولي اطار عمل

لي حكمك و عظك من وذنيك

ان شاء الله كي تحطوها قوليلي
صح فطورك

هكا كانت حلقة اليوم

نشكرو سيدتنا الرائعة و نقولولها يعطيك الصحة على الصراحة ديالك
و رانا كلنا شعب واحد و في قاع زوالية
و تكلخنا قاع السنة :d

ان شاء الله تكونو ستمتعتو معانا

نضربلكم موعد غدوا ان شاء الله

تبقاو على الف خير

سلاااامي

​

 

[~lola.dz~]

هههههه خرجت فور
تبآ كم كنت شريرة مفقتش كآمل لروحي ههه

هيآ اسمحيلي يآام زهرة وخليل نتعتذر مرة اخرآ
فلة رآهآ حآلفة فيآ ام زهرة سلكيني يآجدك هههه​

 

[serinee]

واو حلقة فوووووووووووووووووووور عجبتني عجبتني ياسر
يا لولا يا المهبولة طلعتي واااعرة وااااعرة
مسكينة مخليتي فيها والو
مي يعطيكم الصحة
​

 

[منايا الجنة]

اووووو جامي لاتكون حلقة خيرمن اخرى ميلينا وشريكتها لمهبولة كنتو فور ماشاء الله
و الاخت ام زهرة وخليل ربي يحفظها صفة التواضع اللي فيها بينتلنا اخلاقها الفاضلة و الكريمة ماشاء الله
بارك الله فيكم

 

[hadda0425]

لعبتو بالغالية ام هاجر
نسرين طيبة القلب ونيتها صافية ولي في قلبها على لسانها سقسيوني انا
طيبة فوق اللزوم وما قلتوهاش يا عفاريت اللمة
برافو عليكم
​

 

[~lola.dz~]

واو حلقة فوووووووووووووووووووور عجبتني عجبتني ياسر

يا لولا يا المهبولة طلعتي واااعرة وااااعرة
مسكينة مخليتي فيها والو
مي يعطيكم الصحة​

ههههه شفتي مهبولة وآعرة الخوف مني
لآلآ جآتني الفرصة بركـ قلت خلي نضحكوآ مع حبيتنآ الله يحفظهآ:$​

 

[أمــ وليــد الجزائرية]

هههههه خرجت فور
تبآ كم كنت شريرة مفقتش كآمل لروحي ههه

هيآ اسمحيلي يآام زهرة وخليل نتعتذر مرة اخرآ
فلة رآهآ حآلفة فيآ ام زهرة سلكيني يآجدك هههه​

ياو ربي يكون معاك

سلامت راسك احبيبتي :d
​

 

[*Sarah Dz*]

ههههههههههههههههههههههه يا لولة كانت ام زهرة تفيقلك بشعرة
و كيما قالت جمال الطبق في الفن و الذوق لي فيه ماشي في الماعن
و صراحتها زادت من مكانتها عندنا ’’ ربي يخليها
بارك الله فيكما حلقة فووووور و جريئة
​

 

[مطبخ الأحلام]

السلام عليكم

صح فطوركم

ههههههههههههههههههه ضحكتوني والله

ياواش درتو فينا حرام عليكم هههه

برك نقطة وحدة ختيتي ام زهرة وخليل لا يكلف الله نفسا الا وسعها

لكن احنا ماناش نكلفو نفسنا ونتنافسو ونشوفو شكون الي يحط مليح اكلات يومية ونحطوهم ونزيدولهم تتحيفة فلفوتوشوب

ويقلك تشبع العين قبل مايشبع البطن وحتى منضر الطاولة يزيد يفتح الشهية

واطباقك راهي مليحة ولكان شاركتي فالمسابقة كان فرحت

ونحن سواسية كيما نقولو المهم المشاركة حتى ولو ماربحناش

يعطيك الصحة كنتي يعقل كبير ^^

شكرا لكن فتيات
​

 

[Melia azedarach]

صح فطوركم
هكدا يا ملينا ولولة درتو حلف على الشعب باه تطلعولو الدم رمضان رمضان
والله غير فنانات
ونستعرف بيكم

حلقة رائعة

وتحية لام زهرة وخليل يلي كانت عفوية وغير متكلفة
وعلمتنا درس بزاف مهم
انو
لا يكلف الله نفسا إلاّ وسعها
وهي متكلفتش كامل

ما شاء الله عليك
ورب يبارك فيك ويحفظك لزوجك وليداتك

تحية ليكم يا الاشرار
هههههه نزعق

وان شاء الله ميجيش النهار يلي تصيدونا فيه

مي لازمكم خطة عبقرية
وهي تبدو اسماءكم شاك فواااااااااااا
ههههههههههههه
باه واحد ما ينتقم منكم

صح سحوركم​

 

[السلطانة]

وعليكم السلام

ههههه فوووور
اختي ام زهرة الله يحفظك
والله يحفظك فلة

​

 

[ام منصف]

ياو مع من طحتي
مع نسرين العاقلة والمتواضعة والرزينة الله يبارك
مزية ما طحتش في يديك يا لولا
راكي واعرة نتاع الصح
يعطيكم الصحة
​

 

[راضية حامدة]

السلام عليكم و رحمة الله:d

ايييييييييه هكا طيحوني و الله
مع لولا حتى لو تشكو بلي تكون تتمسخر لكن كلماتها قاطعة بزاف تخليك تفكري مليح في كلامها

الحمد لله جات هكا
و كيما قلتو رانا كامل زوالية و جزايريين و نعرفو بعضانا
انا الحمد لله لما قلت كاين فارق في الماعن و التاويل ما منعنيش باش نشارككم في المطبخ ما حبيتش نشارك في المسابقة برك لكن كنت يوميا نحط وش طيبت في داري و الحمد لله ما عنديش حاجة نحشم بيها راضية و قانعة و عارفة روحي و الحمد لله



ااه يا ملينا و لولا راني غير نفكر كيفاش نطيحكم نتوما ثاني
ماعليش مخلوفة ان شاء الله



حدو و ام منصف و سارة و وووووووو
شهادتكم فيا نعتز بيها كثير بارك الله فيكم

 

[~lola.dz~]

لعبتو بالغالية ام هاجر
نسرين طيبة القلب ونيتها صافية ولي في قلبها على لسانها سقسيوني انا
طيبة فوق اللزوم وما قلتوهاش يا عفاريت اللمة
برافو عليكم
​

ايه شفتي والله الله يباركـ عليهآ

لآلآ والله قلنآ فيهآ غي الخير

الله يسلم العزيزة سآمحونآ ههه :p:d​

ههههههههههههههههههههههه يا لولة كانت ام زهرة تفيقلك بشعرة
و كيما قالت جمال الطبق في الفن و الذوق لي فيه ماشي في الماعن
و صراحتها زادت من مكانتها عندنا ’’ ربي يخليها
بارك الله فيكما حلقة فووووور و جريئة
​

هآدآك هو رآني قتلهآ ميهمش المآعن خخخخههههههه:p
شقتي قتلتنآ بالصرآحة ربي يكتر من مثآلهآ
​

السلام عليكم

صح فطوركم

ههههههههههههههههههه ضحكتوني والله

ياواش درتو فينا حرام عليكم هههه

برك نقطة وحدة ختيتي ام زهرة وخليل لا يكلف الله نفسا الا وسعها

لكن احنا ماناش نكلفو نفسنا ونتنافسو ونشوفو شكون الي يحط مليح اكلات يومية ونحطوهم ونزيدولهم تتحيفة فلفوتوشوب

ويقلك تشبع العين قبل مايشبع البطن وحتى منضر الطاولة يزيد يفتح الشهية

واطباقك راهي مليحة ولكان شاركتي فالمسابقة كان فرحت

ونحن سواسية كيما نقولو المهم المشاركة حتى ولو ماربحناش

يعطيك الصحة كنتي يعقل كبير ^^

شكرا لكن فتيات
​

هيآ بيآن كي عجبآتك سوسو تآعنآ ههه
ايه كلآمك اكل صحيح الحبيبة

وعلآش تفوتوشوبي لي فوطو يآ ستوتة هههه​

:p

صح فطوركم
هكدا يا ملينا ولولة درتو حلف على الشعب باه تطلعولو الدم رمضان رمضان
والله غير فنانات
ونستعرف بيكم

حلقة رائعة

وتحية لام زهرة وخليل يلي كانت عفوية وغير متكلفة
وعلمتنا درس بزاف مهم
انو
لا يكلف الله نفسا إلاّ وسعها
وهي متكلفتش كامل

ما شاء الله عليك
ورب يبارك فيك ويحفظك لزوجك وليداتك

تحية ليكم يا الاشرار
هههههه نزعق

وان شاء الله ميجيش النهار يلي تصيدونا فيه

مي لازمكم خطة عبقرية
وهي تبدو اسماءكم شاك فواااااااااااا
ههههههههههههه
باه واحد ما ينتقم منكم

صح سحوركم​

ههههه الله غآلب انآ فلوفولة قآتلي روحي ليهآ رحت هههه
انشآء الله طيحي بين يدينآ بركـ ههه وتشوفي :p:p:p
الله يخليك العزيزة:regards01:​

ياو مع من طحتي
مع نسرين العاقلة والمتواضعة والرزينة الله يبارك
مزية ما طحتش في يديك يا لولا
راكي واعرة نتاع الصح
يعطيكم الصحة
​

هههه يآو فلة قآتلي روحي انآ منعرفش المخلوقة هههه
لآلآ غي هنآ رآني وآعرة الله غآلب هآدآ وآش يطلب مني في االعمل خخ

الله يسلمكـ شرفتينآ :regards01:
​

السلام عليكم و رحمة الله:d

ايييييييييه هكا طيحوني و الله
مع لولا حتى لو تشكو بلي تكون تتمسخر لكن كلماتها قاطعة بزاف تخليك تفكري مليح في كلامها
:$:$:$:$:$:$
الحمد لله جات هكا
و كيما قلتو رانا كامل زوالية و جزايريين و نعرفو بعضانا
انا الحمد لله لما قلت كاين فارق في الماعن و التاويل ما منعنيش باش نشارككم في المطبخ ما حبيتش نشارك في المسابقة برك لكن كنت يوميا نحط وش طيبت في داري و الحمد لله ما عنديش حاجة نحشم بيها راضية و قانعة و عارفة روحي و الحمد لله



ااه يا ملينا و لولا راني غير نفكر كيفاش نطيحكم نتوما ثاني
ماعليش مخلوفة ان شاء الله



حدو و ام منصف و سارة و وووووووو
شهادتكم فيا نعتز بيها كثير بارك الله فيكم

ههههه لآزم الحبية لوكآن نكون لينة منقدروش نطيحوكم هههه

هي صح كآنت كآميرآ كآشي مي عرفتنآ عليكـ الله يبآركت عرفنآ شحآل عفوية وشحآل بسيطة رزينة وعآقلة :up:
وندوآ درس بلي المظآهر ميهموش البسآطة هي الصح

تحيآتي واحترآمآتي كلهآ ليكـ

الله يحفظكـ :regards01::regards01::regards01:
​

 

[حاملـة المسك]

السلام عليكم

ام زهرة عرفتها عفوية و متواضعة باصرارها على المشاركة رغم قلة جودة الصور
تحية كبيرة لاختي ام زهرة ..احترامي و تقديري.

كما قالت سوسو حنا رانا مناش نتنافسو رانا نتعلمو من بعضنا و فكرة + فكرة يولد ابداع
اما على الاواني الجميلة اذا ما ستعملنهاش في رمضان وقتاش نخدمو بيهم نخبوهم نولو نخرجو عليهم الزكاة هههه
و الحمد لله اكثر البنات كانو متواضعين في اطباقهم و في طريقة انزالهم ... كلمتين و قـــــــص

+ لبلا الشابين حطو البيون اللوبية العدس و المسقي ووو...ابدا ما حشمو
وشنو التصوير و الفوتشوب و الحق طريقة تنظيم الطاولة و تناسق الالوان ساعد في ابراز السفرة رغم احيانا لو انتبهنا جيدا هي بسيطة.

ياودي ايامات و نولو لعوايدنا نصورو فوق البوتاجي :yahoo01::bravo01:ههههههه

ملينا تكونيش حاولتي تراسليني ...؟ :d​

 

[أمــ وليــد الجزائرية]

السلام عليكم

ام زهرة عرفتها عفوية و متواضعة باصرارها على المشاركة رغم قلة جودة الصور
تحية كبيرة لاختي ام زهرة ..احترامي و تقديري.

كما قالت سوسو حنا رانا مناش نتنافسو رانا نتعلمو من بعضنا و فكرة + فكرة يولد ابداع
اما على الاواني الجميلة اذا ما ستعملنهاش في رمضان وقتاش نخدمو بيهم نخبوهم نولو نخرجو عليهم الزكاة هههه
و الحمد لله اكثر البنات كانو متواضعين في اطباقهم و في طريقة انزالهم ... كلمتين و قـــــــص

+ لبلا الشابين حطو البيون اللوبية العدس و المسقي ووو...ابدا ما حشمو
وشنو التصوير و الفوتشوب و الحق طريقة تنظيم الطاولة و تناسق الالوان ساعد في ابراز السفرة رغم احيانا لو انتبهنا جيدا هي بسيطة.

ياودي ايامات و نولو لعوايدنا نصورو فوق البوتاجي :yahoo01::bravo01:ههههههه

ملينا تكونيش حاولتي تراسليني ...؟ :d​

مغلقتيش الرسائل مثلا تفكري برك :d:d
​

 

[حاملـة المسك]

مغلقتيش الرسائل مثلا تفكري برك :d:d
​

هههههههه يعطيك رحمة ربي حتى انا راني نسقسي ياش نشوف كفاش ضيعتلك حلقة ​

 

[أمــ وليــد الجزائرية]

هههههههه يعطيك رحمة ربي حتى انا راني نسقسي ياش نشوف كفاش ضيعتلك حلقة ​

ايه والله تقدري تقولي راحتلي حلقة و سور كانت تكون فووور

خاصة في هذاك الوقت مع البطوط :-r
​

 

[ايمان مي]

ههههههههههههههههه مليحة الحلقة هادي ربي يبارك اختي لولا

 

[~lola.dz~]

ههههههههههههههههه مليحة الحلقة هادي ربي يبارك اختي لولا

:regards01::regards01::regards01::$:regards01: