الحلقة الثانية عشر لكوزينة اللمة في كاميرا كاشي مع " SAMIRA25 "

أمــ وليــد الجزائرية

:: عضو بارز ::
أحباب اللمة
إنضم
6 مارس 2009
المشاركات
4,443
نقاط التفاعل
7,890
النقاط
191
shmok3.net_1371280736_770.gif




الهم تقبل منا و منكم صيامنا و صلاتنا و قيامنا

وجعل اعمالنا خالصة لك

السلام عليكم




v3NvL.jpg



شكون مايعرفش الشيفا سميرة


نظن انو معضمنا جاز علينا كتاب تاع سميرة

مي انا مش حابة لكتاب

كنت نحوس عليها اومرسون :d

و قلت بلاك راهي في اللمة شكون شاف

مالا رفدت كاميرتي و عزمت نلقاها :-r

عنوان الموضوع ديالنا هو :

الشيفا سميرة


و الي كامرتنا قدرت تلقاها

مكانت غير

مشرفتنا المميزة


SAMIRA25


:-h:-h
:down:


البداية كما العادة
نحوس ندخل لدار من بعد ندير راي
do.php


اهلا بالطباخة ديالنا واش راكي مع رمضان لباس شويا
و السخانة مهيش تضرك

ان شاء الله تكوني مليحة

حابة نسقسيك ولا مكانش عندك مانع بياااانسووور




و كما كان لحال
دخلت و كان الاستقبال
الله ابارك ماشاء الله
do.php


يسال عليك الخير اختي بارك الله فيك الحمد لله جزاك الله خيرا اتفضلي اختي بياااانسووور ما كانش مانع


و هنا بدات لحكاية
و بدات رحلة البحث ديالي
do.php

بعد لفطور بعثتلها مساج


[FONT=&quot]
صح فطورك

ربي قبل صيامنا ان شاء الله

قوليلي انت هي سميرة تاع كتب الحلويات الي تدور كامل في السوق ؟؟؟
[/FONT]



كان لازم تمدلي نقطة الانطلاقة
انت هي مكانش فيها نقاش

do.php


اهلا اختي يسلمك و انت زادة
لالا اختي منين راني راني غير نتعلم من المنتدى من شيفات اللمة




مالا ماشي انت هي
اوك هذي لازم نتفاهمو عليها

do.php


[FONT=&quot]
انا حتى قلت القيتك

امي هبلتني نلقاها كنت حاسباتها انت

علاه سميتي روحك سميرة غير باه تهفينا ولا كيفاه؟
[/FONT]




كان هذي هي الضربة الاولى
و اختنا مسكينة متحملتهاش
محبتش ترجعلي

do.php


مالا قلت لازم نزيدلها
لا للاستسلام

علاه مرتديتيش عليا

ولا حشمتي

نورمال مقلنا والو ياك

سقسيتك برك علاه سميتي روحك سميرة

تحوسي تشتاهري ديري اسم اخر ممكن تكوني خيرمنها شكون شاف




مسكينة حرت حتى كيفاه ترد عليا
شكون هذي درك واش راهي تحوس عندي

do.php




اهلا اختي ملينا
ما رديتش عليك لني ما فهمتش سؤالك؟؟؟
علاه سمايا سميرة هكا سماوني ما نقدرش نبدل اسمي
اما الشيفا سميرة بلاك هي لي عاندت عليا من شاف
و الشهرة خاطيني اختي راني الحمد لله عاجبتني روحي هكا
صح من بعد فطورك اختي و ربي يحفظلك الوالدة الكريمة



علاه خاطيك الشهرة
ياو راكي مع
mlina4algeria
do.php



خلي نديرلك شهرة انا عندي معارفي الخاصة و جدلي برك اطبااق متحوفة و نعرضك لوحد الحصة


واش رايك





قصدي نعرض لكميرا كاشي
:d
المخلوقة حستلها مي هي ثان راحت في الخط

do.php



يا بنتي ما نعرف نطيب ما تشهريني و الا راكي حابة ديريلي كاميرا كاشي
راني قيس ما نطيب واش ناكل مرة مسوس و مرة مالح مرة الماكلة جارية .....
ادا عندك نجي ندير سطاج عندك تسلميلس على روحك الخفيفة ربي يحفظك لميمتك



قال قال
مش حابة الشهرة
متعرفيش صلاحك
do.php




لقيتي فرصة تشهري روحك راكي تضيعيها

و انت علاه راح يذوقو طيابك ولا مالح ولا مسوس

علاه الي راه نشوفوه هنا في اللمة ذقناه

المهم تشهري روحك و تربحي عيشة انت واش خسرتي

غير ولا كنت جامي طيبتي
هذيك حاجة اخرى
وهذا واش راني حساتو انا فيك درك لانك غير تحوسي تتهربي




ملقات مدير معيا

و قررت الهروب

و الاستسلام

do.php



بارك الله فيك اختي و جزاك كل خير
في ميزان حسناتك سلامي و صح من بعد فطورك



مقدرتش تزيد كثر

كانت تهدرلي غير على لفطور باه نفهم روحي

رانا في رمضان و نخلي عباد ربي

لايتحولو علينا :d

قلت نحبها هنا و خلاص





و فيك البركة اختى
خليني برك نزيدلك حاجة

.
.
.
.
.
.
هاكي شاركتي في كاميرا كاشي خاصة بكوزينة اللمة

و نقولك ناااااو تقلاق راكي برك طحتي في الشبكة

كما صرات الي قبلك

نطلب منك تسمحيلي برك نشارك الحلقة ديالك مع البقية

الي راح يكون بعد 15 من رمضان

تحياااتي ليك

و شكري الخاص لك






سمحتلي مسمحتليش

معلباليش

من هذاك نهار و انا نستنى ترد عليا

و لدرك راني نستنى

:-r:-r:-r


و هنا يلحباب نكون كملتلكم حلقة اليوم
نقولو لاختنا سميرة مشكورة بزاااف
و ربي يبارك اعليك
و سمحيلي مرة اخرى
راهي ماتتعاودش :d
حتى لعام الجاي :p

سهرة ممتعة نتمناها للجميع

الى اللقاء

مع حلقة جديدة

تحااااااتي


1343679697641.png

 
ان شاء الله تسمحلك اختي ميلينا الحلقة فور
تحبي نعاونك باش تسامحك (يا اختنا سميرة سامحيها رانا ف الرمضان والعيد راهو جا المسامح كريم):d
بارك الله فيكم
 
هههه يعطيك الصحة اختي و الله غير ركبتيهالي تاع الصح
و ضحكت مع الاخر من قلبي
راني رديتلك بلاك ما وصلتكش رسالتي فقط هدا كان محتواها

يعطيك الصحة اختي بصحتك بصح قريب فقتلك ههههه
و انا نقول واش بييها هدا الطفلة اكيد راهي صايمة و ما لقات واش الدير
اوكي خدي راحتك و السماح اختي بالتوفيق و الشكر ليك انت سلامي


صح فطوركم و رمضان كريم ربي يعيدو علينا بالخير ان شاء الله
و عيد مبارك للجميع


 
شكرا ليكم لبنات

و شاف تاعنا نقولك صحيتي

علبالي قلبك بيض

و مليح كي ضحكتي في لخر

هذا هو الهدف ديالي

يعطيك الصحة كاملين

 
فلة ما خليتي حتى وحدة ونغزتي عليها ههههه
طبعا حسبتها ما سمحتلكش حندير وسيط باه تسامحك :d سع لقيتها سامحاتك
طبعا سميرة وقلبها الطيب والحنونة

 
وعليكم السلام

هههه لقيتلها باه تحكميها
على الشيفة سميرة هاديك
وقلقتيها
حلقة 4444
يعطيك الصحة فلفولة
وتحية للأخت سمورة
سلامي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top